Miss.CC's Profile

嬲到真係唔知從何說起！ 今晚Book左時間打邊爐，一入到去，個女職員話「冇位喎！」我地Book左7點喎，點解會冇位？？「你地遲到喎！」遲左幾多？5分鐘！！ 正常餐廳都是15分鐘才cancel你個booking, 而且至少打一次電話問下個客來唔來先比位其他人你間餐廳與別不同，都應該落Booking時提一提你地連一分鐘都唔會等掛？？？點解你間鋪會仆倒去做兩個walk in既生意而去咁樣得失啲booking客？難道你真係怕冇生意到呢個地步？？呢次係一次差到冇得再差既用餐經驗，好難想像會有人咁樣做生意！好不知所謂…Read More

經網上外賣平台叫外賣，見倒個burger忍唔住食緊都要上黎講講👿$90一個Burger，一打開張wrapping，同麥記最普通果款Hamburger一樣薄！！！得兩塊包一片牛一片蕃茄！！！連菜都冇一塊！！！不知所謂！以後都唔會再幫襯👿👿👿…Read More

話說前幾日行去一蘭行錯路，經過呢間餃子店，已經心郁郁想試下。今日跑完步想食啲冇咁肥膩既野，即刻去試～豬肉白菜餃好好味既豬肉餃！一咬落去好鮮味！乜醬乜豉油都唔使點就已經好夠味。咬落去唔會散收收得黎又好有肉汁！好味！但就唔係好食倒啲饀有白菜。寫寫下已經想再食喇煎牛肉餃朋友好鐘意食呢款牛肉餃，牛肉饀味道好濃，但我都係嫌油膩左少少，所以主攻豬肉餃手撕雞菜飯手撕雞肉質有啲鞋，似燒雞，本身冇乜味，加埋醬料就幾好送飯另外仲叫左個醉豬手，不過好彩佢落漏單，食呢三樣野已經好飽題外話侍應哥哥幾好人，我叫左豆漿，送到黎果一刻又想轉飲山渣茶，佢二話不說即刻幫我轉。杯山渣茶幾好飲，唔會太甜又幾開胃下次再黎試其他野！…Read More

呢間waffils 岩岩開張時食過一次，印象差到不得了，諗住佢好快會執笠，點知佢開到依家仲響度。次次食Via Tokyo都有啲悶，所以今日走左過黎食多次佢個Waffle食Waffle我唔鐘意太多花巧野，頂龍一球雪糕已經夠。上次年幾前食佢個Waffle，空氣感十足，加上冇乜味，即係食完等於冇食咁今次加左球雪糕效果好好多，Waffle質感超脆，入面比以前多左少少filling，令口感冇咁空虛，好食左好多！雪糕加錢選了比利時雪糕，冇特別叫了這個類似Ice Cream Sandwich既東東，呢個幾好食！題外話，鋪頭啲櫈真係唔係幾好坐And佢賣得比利時既Waffle，如果有埋Leige Waffle就Perfect喇…Read More

早早地食晚飯，想到去太平館叫下午茶餐，唔使等位～瑞士汁炒牛河水準keep倒，其實鐘意食干炒牛河多啲，不過呢個感覺上冇咁肥所以叫呢個。牛肉很淋，下午茶份量岩岩好！瑞士汁雞翼下午茶餐的瑞士汁雞翼$6x兩隻，好貴！不過真係好好食，我平時食雞翼都盡量唔食皮，太平館雞翼啲雞皮好好食！又脆又彈牙！加上索晒啲瑞士汁，好味道！最終都係忍唔住叫埋個梳乎厘Set(包兩杯飲品)，雖然明知食唔晒，但實在太有滿足感～兩個人叫了三個Tea Set加一個梳乎厘，侍應話「小姐，你地有5杯飲品」卮...OK!…Read More

繼上次Sun Palace之後，又再一次中伏於銅鑼灣呢啲上樓餐廳前幾日黎過百樂中心食Little Vegas，見呢座大廈仲有好多餐廳，今日去剪頭髮時上網搵下有邊間可以試啦～好耐冇食過意大利菜，見Barg竟然有多款Risotto選擇，賣相吸引，於是決定一試六點多Walk In，接待員說有一張枱可以比倒我地，不過要九點前還枱！Of Course可以啦！我地平時食飯一個鐘都食完餐廳有Set Dinner Menu，奈何永遠想吃的都不會出現在Set Menu餐牌內！先上麵包籃，有四五款麵包，暖暖的軟軟的。可惜有一兩個個底係燶的！而且配的黑醋和Olive Oil亦入不了口...叫了一個龍蝦湯$78 Share印象中，已很久於用餐Share湯時，是上一整個湯讓你自己分的...這湯龍蝦味不夠濃，本人亦比較喜歡質地杰一點的龍蝦湯，這款勉強合格吧皇帝蟹腳Risotto服務員先問我們受不受得了傳統比較硬身的Risotto，如果受不了就煮軟一點。首先不說飯粒硬或軟，這Risotto上枱時真的超級熱，是燙口的！:(這是大忌，會影響了味覺。說到Risotto，我們都愛比較有口感的，的確，很多餐廳的Risotto也會煮得過淋。這裡的傳統對我們來說是硬了一點，如再加湯煮多一Round就差不多了！至於皇帝蟹腳，要求不多，只能說盡倒本份。整個Risotto味道實在不突出。Dried Aged Rib Eye $298Medium Rare，切開，幾乎是Raw，咬下去，中間是凍的。服務員拿走處理過後，認真品嚐了，這Steak幾乎是沒有牛味的。再者，配上的Mustard亦只是平時Tuck Shop Hot Dog的質素...而薯條，不好吃看得出餐廳是用心經營的，只是食材質素實在不高，烹調手法亦不見成熟。比起上回中伏的Sun Palace，這間是稍稍略勝的。…Read More

呢排每逢到銅鑼灣，都心思思要去Via Tokyo食個雪糕才滿足為左唔想排隊，通常都會買走。但最近朋友發覺外賣Size好似細過堂食啲啲（係婆仔左少少既），於是唔係十分多人既時候，我地都係坐底食Lu:)今次試蕨餅，唔，呢個蕨餅比較實，試完呢個覺得中村個蕨餅真係神級好食！雪糕我平時多數會選Mix，但這款只有單味選擇。綠茶雪糕仍然香滑味濃，配上不會過甜的紅豆溶真是絕配！只是今天這雪糕有點快溶呢…Read More

今次唔係掛住炸雞，而係掛住個紫菜飯！黎Oppa食飯真係點都要等，今日以為佢開六點，點知原來係六點半！但未開門已經有人等緊，即係點都要等！唔想飲甜野，所以叫左個海帶湯味道是偏淡的，內裡超多海帶！魚干Sorry唔記得叫咩名，好似係咩鱗干咁上下的。呢個真係超級超級超級好食！！！（個人覺得）完全食到停唔倒口！！我唔飲啤酒，如果飲啤酒用黎佐酒應該好夾！如果有得買返屋企當零食食，我就死得喇紫菜魚子飯團一如既往，飯團口感煙煙韌韌的好好吃！唔想食炸野，但黎食炸雞唔食又好似唔夠應景，所以輕輕叫左個炸雞翼好味喎！食酸辣炸雞食到悶悶地可以試這個！黎咁多次終於試左佢個安東雞喇～等左好耐先上，都好味，個汁冇奶奶雞咁濃，但我反而鐘意食呢間個粉，好入味…Read More

今日黎到好多好評既Little Vegas食Lunch，事先做過下research，見呢度氣氛好似幾開心，食物亦大路，以為中午時間會好多人，所以預先Reserve左Table點知一點來到，好空每張枱都有杯糖，餐廳周圍都佈置得色彩繽紛，令人心情輕鬆～Lunch Set Menu每款平均都是一百蚊左右，有餐湯，主菜和飲品，抵吃。可惜我想吃的幾款都不在Lunch Menu內，唯有散叫了忌廉海鮮意粉賣相靚靚，有帶子，蝦和魷魚配料，意粉是我最愛的Linguine，忌廉非常Creamy的很開胃！Sprout也是新鮮的墨西哥辣雞肉Pizza又是賣相漂亮，但味道就不過不失吧，不太像在吃Pizza，餅底太軟，亦焗得唔夠香想吃玫瑰雞翼，但見倒有Buffalo Chicken Wings同檸檬雞翼又想試埋，問問之下原來貴少少就可以三款都有！當中都係玫瑰雞翼最好食！炸香既雞翼外層是帶玫瑰香既蜜糖，甜甜的好好味～Little Vegas是賣穩陣吧！每樣菜味道都好大路，而且價錢親民，比較適合一大班人來吃！…Read More

認識了一個摩洛哥朋友，他本來推介我食另一間摩洛哥餐廳的，可惜看一看原來禮拜日休息，唯有下次試Le Souk 是本人在香港第一間吃的地中海餐廳，印象很深刻，食物環境方面都是一流今次搵倒呢間餐廳，知道夜啲會多人，所以六點就去到。除左出面食水煙幾張枱，我地係第一枱Dinner 客呢！餐廳非常有情調，Drink Menu和Le Souk一樣都是用畫框框起的～Menu的菜式有了上次的經驗，大約都有個概念，知道每樣是什麼東東來Pita Bread，是我頗期待的，因為好喜歡吃！比起印度Naan Bread，我比較喜歡吃Pita Bread的質感，加上暖暖的，真係好好吃！面頭果塊白色是Plain的，其餘兩塊啡啡地色，甜甜地更加好吃！Pastilla地中海菜好多都用Filo Pastry做材料，無論小菜/甜品，真係岩晒鐘意食香口野既我！曾經響Vienna食過一個土耳其甜品，用Shredded Phyllo Dough加糖加糖再加一球雪糕，造成一款叫Knafeh既甜品，真係好味到爆！呢款Pastilla既Filo Paste入面包住既係pigeon, Egg and cinnamon, 有少少spicy，好好味！Egyptian Mixed Platter有兩款Puree，分別係豆同eggplant，另外有蝦，沙甸魚，Grilled Chicken，Fela Cheese，同類似羊肉腸既東東。食過兩間中東菜，發覺用料都不是很新鮮，其實都不用新鮮，因為香料基本都蓋過肉本身味道。像Platter入面的Grilled Chicken，吃得出是非常雪藏雞，但調味功夫令到雪雞好好味！沙甸魚好味；Fela Cheese有點咸，加埋Olive Oil食有點怪怪，就咁食我反而幾鐘意。Moroccan Seafood PaellaOut of expected，原來呢個飯係酸的！初初幾啖有啲唔習慣，因為真係幾酸下。但愈食愈好味，好鐘意飯既質地，「念」「念」地又煙煙韌韌咁！偶爾吃倒Parsely 就更加香！縱然我地食飯前其實已經每人食左個Via Toyko ，但好想試下佢既甜品，所以叫左呢個唔知叫Mixed  咩Pastry咩既甜品Filo Pastry又再大派用場，呢碟Dessert好食度參半，但新鮮感就一定滿分呢！…Read More

見銅鑼灣呢間金田家有咁多好評，於是來試下。今晚來都有6，7個人等位，對面間麵店條龍就更加長，如果唔係都想試下我地被安排坐Bar枱位，間店比我既感覺有點港式，可能因為好少見拉麵店請咁多「師奶」年紀既女仕做廚房叫左個雞白湯豚骨拉麵，飲啖湯，雞湯非常濃郁！有啲似我鐘意食某間鮑魚雞湯Hotpot個湯底！「將」住個口，好好飲！拉麵方面我慣性選「硬」的。我滿意麵條那個硬度，湯亦非常好喝，但兩者混合卻融洽不了起來。叉燒係另上（唔知點解），肉比較瘦，口感好特別，輕輕一咬已分開，唯獨是肉凍左少少同乾左少少見好多人叫這個男爵薯餅，睇返其他食家啲圖，原來一時係切開上，一時會係全塊上的。兩舊分別係紫薯同牛肉餡，紫薯幾好味；老實講，另外果舊唔講都唔知係牛肉，淨係食得出咸味。…Read More

朋友說想吃秘魯菜，據我所知Soho區有兩間，Chicha我已食過兩次，所以想試第二間，奈何原來已經結業卑利街除左有Chicha，仲有我喜愛既Steak Frites呢～Quinoa吃秘魯菜，當然少不了Superfood藜麥，這款Quinoa沙律，味道甜甜的，上面是炸蕃薯，同樣好吃！Mixto有Fried Squid, Shrimps, Scallops, Octopus等等，味道帶點酸酸的，挺開胃的Chicken Taco個人一向不太好Taco，所以沒吃這款是每次必點的Roasted Duck Rice，因為個人超喜歡食鴨這道菜有半隻鴨的份量，是比較重口味的一款菜，很合我口味！飯充滿著汁料非常入味，濕濕淋淋的簡直食到停不了口！:)吃厭了西餐，秘魯菜、地中海菜之類的都是一些好好既選擇！…Read More

上次的起心肝食呢間豬排，點知原來逢禮拜日休息！今日晏晝唔係好餓又唔係好飽，想搵啲野食下，於是終於試左！好彩岩岩淨返兩個吧枱位唔使等鋪面懷舊，放左好多舊時啲玩具、收音機，我本人都好鐘意呢啲小玩意，逢親去旅行都會留意有冇啲古玩買來收藏。但係呢，當食野時同一件鋪滿塵既玩具距離咁近，感覺上有少少不衛生（純粹個人感覺）主要係賣肉燥/咖哩豬排，再選擇飯/麵。本身揀左肉燥豬排飯加滷水蛋，見倒人地食粗麵好吸引，臨時轉左豬排炸皮好薄，肉亦夠嫩，但整體來說，冇咩突出既味道，除左少鹹。滷水雞翼$20/3隻呢個反而滷水味好夠，幾好食。最特別係個乞衣兜今次食飯，仲加插去左一個超級懷舊既廁所！事關間鋪冇廁所，要去隔離大廈樓下個公廁，呢個公廁分分鐘歷史耐過鋪頭啲玩具！…Read More

放假，早上辦完點事就想來西香記吃個肉夾饃，點知原來十二點先開結果，都係要等選了一個套餐，另外叫了一個肉夾饃和兩款小吃今次試了牛肉肉夾饃，挺惹味的，都食得辣既我食食下都覺得辣！比較喜歡上次那款金牌肉夾小吃要了豬耳和雞亦，都好吃看食評見呢罐真係西安汽水來，所以今次特登叫來試。普通橙汁汽水，冇特別，還是酸梅湯好喝！這店好好生意！來的大多數是交流生還是什麼的！中午Lunch Time好多人買外賣！…Read More

響邊寧頓街角位呢間Tiger Curry開左咁耐，雖然成日經過佢行去食綠茶雪糕，但總冇機會去試今日時間早早地食晚飯就揀左佢，因為好多店都要至少6PM至開場五點倒來到冇乜人，餐牌大致分為小吃及各種咖哩的配搭，咖哩可自行選飯/意粉、辣度、配料等餃子我沒吃，因為上枱時好似油沉一樣，但朋友說好吃，全掃光！炸薯條好吃！薯條本身炸得好好吃！硬度剛好！味道亦夠！配的是咖哩醬，始終覺得有啲怪怪的，好彩就咁食個薯條都好好味！自選了咖哩飯配燒雞扒份量好多；小辣真係一啲都唔辣，可以嘗試中辣；咖哩味道其實還可以，但比配料累事，雞扒有少少雪味；飯亦普通性價比來說覺得小食價錢合理，咖哩價錢就略貴左少少…Read More