chan money's Profile

由商場一開始裝修就超期待它再開番，今日終於可以再幫襯啦~新開張有好多街坊都來捧場，好在新酒樓有得遙距羅飛，唔使棟係門口呆等，等左差不多一個半鐘才有位入，((其實個個都遙距羅飛，Receptionist叫No叫得極快，可以5分鐘叫20個No.)最中意酒樓的點心是推車仔的，見到有咩食咩，食多樣又得,食少樣又得來到必食 燒賣 鳳爪 牛肉球 煲仔飯  煎腸粉味道同之前一樣...好好味，以後又多一間飯堂了...等得太耐太肚餓啦，趕住食野，唔記得左影相....…Read More

晚市時間來次次都要等位，今次等左差唔多半個鐘才有位，鋪內座位好少，唔怪之得咁多人等啦.....可能唔系因為食物好味，系因為座位太少。呢間餐廳的食物頗創新，有別於一般日本餐廳，刺身及壽司的選擇不多。另一個特色就系每一張枱都有一部自助點菜機，自己落ORDER，跟住有一架列車仔將食物送到你的座位，自己拿落來食。(不過見到2次食物送錯位羅...)好味推介：椒鹽蓮藕片，蜜糖雞亦，明太子帝王蟹捧壽司，白葡萄&桃味的汽水。…Read More

晚市時間唔使等位就入去試下..店舖幾大下，好多張枱，感覺裝修像泰國菜多過上海菜本來幾期待呢間上海菜，不過試過覺得麻麻羅，上海姥姥好過它，仲有吃緊的時候有烏蠅飛來飛去，衛生有待改善。冷盤-老北京醬蹄--上色不上味，味道很淡很淡,差雲吞湯麵---雲吞很好吃，是我中意的味道，不過麵煮得淋，不夠彈口陽春麵---如果從價錢上考慮可以叫其他麵食會抵D炸小饅頭---炸至金黃色，見到都覺得吸引，外脆內軟，點埋練奶，一流!北京填鴨(例)--見到有就叫來吃了，鴨皮脆脆，包住青瓜+蔥+醬一起吃，味道唔錯，鴨肉都唔差，不過價錢略貴…Read More

基本上呢間酒樓晚飯每個月最少幫襯一次，覺得幾好味，以下是綜合左幾次用餐的食物:避風塘軟殼蟹--蒜香又脆脆地，好味，美中不足是多油西蘭花珊瑚蚌花枝片--珊瑚蚌花枝吃落鮮味又彈牙~金磚豆腐--呢個要趁熱吃，外脆內滑，凍左就唔好吃了脆片乳豬件---唔多脆皇阿瑪鮑魚雞煲--鮑魚彈牙，雞件幾入味，好味蜜椒雞中翼--每次來都必點的白玉冬瓜盅--正常啦~用料足，有元貝,細粒鮮帶子,蝦米,豬肉+雞肉....燒鵝皇---吃落像鴨多過鵝鮑螺片花菇扣鵝掌煲--鵝掌唔夠入味清蒸老虎斑--蒸的火喉剛好，魚肉好滑拔絲咕嚕肉--酸酸甜甜，好吃黑椒豬手煲--豬手炆得夠淋，某人的至愛…Read More

之前係茶木都是飲野，未吃過麵餐，不過7:30睇戲，只有1個鐘頭吃飯，就選左茶木了，近近地又快趣解決~等了5分鐘左右就入座，侍應講明用餐時間90分鐘.........繁忙時間用餐，又撘枱，環境好吵。同老公分別點了紅燒牛肉麵，醬燒豬軟骨麵，台式炸香腸，宇治抹茶奶蓋。個人覺得豬軟骨比牛肉好吃，湯底略咸，麵條略硬，好多都係2條麵黏埋一起，有點失色。香腸吃落係甜的,我中意同蒜頭or 蔥一起吃，味道變得好香哦~宇治抹茶奶蓋，中規中矩啦~…Read More

呢間餐廳在T TOWN不算太熱門，雖然價錢略貴，但勝在不用等位+座位好闊落，對於有BB的家庭是一間好的選擇。門口貼住下午茶餐牌，不過沒留意到原來星期六日是沒有下午茶餐，算了，既來之則安之，照叫野吃了，叫左招牌麵--紅燒牛肉麵，吉列豬扒麵，雞扒肉燥飯。紅燒牛肉麵味道一流，雖然有很深的醬油色，但不會過濃或過鹹，湯底清甜之中帶微辣，麵條吃落十分彈口，牛肉都厚厚肉，又炆得入味，整碗麵散發出陣陣牛肉香。真係一個字：正吉列豬扒麵麵+湯底同上，豬扒普通，味道一般，份量都幾多雞扒肉燥飯雞扒炸得非常酥脆香，同它餐牌形容的一樣，外酥內軟，雞肉唔鞋，非常正肉燥唔算太肥膩及入味，味道較淡，白飯略硬，中間還有三小碟：青瓜、豆芽和辣椒醬，餸送飯更為豐富…Read More

辛苦左一日，終於有時間醫肚。時間係晚上9:30，入面座無虛席，呢間餐廳平時都好多人排隊，不過今日唔使點等位。拿拿聲落order~~~是日晚餐--C餐--美式晚餐-忌廉栗米雞扒拼法蘭腸--有沙律,餐湯,飲品。忌廉汁上落左香草，味道好香!雞扒煎得幾香口，仲有半個蕃茄，份量很多，好抵吃!!咖哩海蝦球石斑--好中意呢間餐廳的咖哩汁，不太辣，一個字:好味!!推介推介推題外話，餐廳門口有新鮮出爐的面包賣，本人試過雞尾包+蛋撻，熱辣辣吃，味道也是一級棒的。本人較少去茶餐廳，不過呢間幾好吃，會再幫襯，只是好難羅位~~…Read More

忙裡偷閒，下午茶時間!一行3人到新開的泰國餐廳開餐，拿完飛等左10分鐘左右就入座。小食---泰式酸辣鳳爪，味道很好，不過份量少左D，推介。泰式豬扒湯河---端上枱時聞到幾香，不過豬扒浸係湯內變淋左，又瞬間沒晒香味，吃落普通，一個字:淡喇沙海南雞湯河---又係一碗過，D雞浸係湯內，想像下雞皮其中一塊雞仲有幾條好粗的毛，味道方面，由於微辣，都OK既~~泰農扎肉公仔面配火腿奄列+厚多士呢個最正常最好味，因為係公仔面，係某人的至愛，扎肉都幾好味~!新開張期間免收加一…Read More

T TOWN新開張的餐廳，員工積極係門口招徠，於是入去試下，由於時間較早不用排隊直接入座，座位都幾寬敞，裝潢幾現代感。是次用餐叫了野菜豚肉炒粉絲，份量中等，菜料都算豐富，但味道偏甜。溫泉蛋雞肉石頭飯，這個幾好味，吃到底有飯焦，好香。還有韓風香酥炸雞，好多醬汁的炸雞，微辣，味道一般，份量不多，這個菜式幾乎張張枱都有order，韓劇的效應!但味道就見仁見智啦~!起菜時間超神速，落完order 10分鐘左右就有得吃了，總括來講，幾好的餐廳，會再幫襯。…Read More