Nirvana77's Profile

為阿哥做壽選了這間餐廳，也是朋友推介。前身乃國福樓，南海一號樓上。因為我不食魚翅，改了這個花膠蟹肉羹取代， 士多啤梨骨就頗失望，是茶餐廳水準。 鮮蝦荷葉飯不錯，但之前已經有黃金蝦，有點重複咗。肉絲煎麵很一般，非高檔食府水準，環境一流，慶祝活動好地方。…Read More

經朋友介紹，聽聞此店fusion創意甚好而且水準不低，幾個朋友就約定上呢間私房菜慶祝生日。大廳座位及枱的分佈很寬闊，沒有壓迫感，私隱度夠高，值得一贊。可惜三五知己聚頭太高興忘記了影相煙燻帶子王煎得剛好不老，上面有些魚子醬，顯得衿貴之餘，味道好夾。龍蝦天婦羅很香脆，是我吃過的天婦羅之中較高水準的。推介!冰鎮花雕雞是用走地黃油雞醃制，非常嫩口，推介!「山海頌」估佢唔到是海味煲仔飯，用料好名貴，有花膠，鮑魚，瑤柱等，我幾喜歡陣陣薑蔥味加飯焦味。環境舒服，菜式美味有創意，真系一眾好友相聚的好選擇，值得推介…Read More

每次去上海都必定會幫襯『蘇浙匯』，肇嘉濱路那間分店（徐家匯）的毛蟹炒年糕有靚又抵食。終於香港有分店喇！同屋企人來食午餐。先來個黑魚子煙薰蛋，傳統薰蛋灑幾粒魚子馬上添加幾分矜貴，薰味也夠香濃。招牌素鮑魚也是值得推介，雖然是麵筋類假鮑魚但賣相及味道一流。素鵝也不過不失。蘇浙湯飽其實就係小籠包，做得不錯，但沒什麼驚喜。清炒蝦仁和紅燒肉也很到位，總括來講此店蘇浙菜式正宗，還有清酒蒸鰣魚沒點，不過下次應該會，很多老一代上海人都對此菜式情有獨鍾。室內裝煌比較新派及富歐陸色彩，有些華麗，請客OK。…Read More

This was a casual family gathering to try out contemporary cuisine in a nostalgic setting.The walk down the pathway to the restaurant is a reminiscence of the old British ammunition storage facility (英軍彈藥庫). The decor of the restaurant is of a gun and metal theme - understandably.The slow cooked egg with sea urchin on top was a genius creation, and beautifully presented. The crab salad was just soso, nothing to write home about, but OK. :)A twist on Spaghetti vongole with basil added, quite tasty but rather common and ordinary (probably something you can get at California Pizza Kitchen).I have a weakness for pasta with a cheese sauce - this is just ordinary pasta dish but the pecorino cheese made it tasty enough for me.The angel hair with uni was a nice blend with a generous portion of sea urchin. :) And the ravioli with Peking duck filling was a good combination but like I said nothing new to me. :)The fettucini with ossobuco was also quite OK according to my friend, though the portion of osso buco was a bit light. The food was good but not to rave about, but you dine there for the decor and historic ambience.…Read More

第一次來此餐廳，也是朋友看「開飯喇」食評而挑選的。六個人坐餐廳唯一一張大圓枱，半開放式包廂，其它枱都係細張坐2至4人的。冬蔭功湯夠香夠鮮味，中辣程度適合大路口味。炸蝦餅很彈牙及有鮮蝦味，很到位。黃咖喱炒蝦也是水準很高，濃郁的咖喱香配大頭蝦確實吸引。朋友實在是蝦迷，成餐飯有三樣係有蝦，連Pad Thai都要配蝦！不過D蝦好新鮮，所以都唔介意食多D。我地共五人食晒所有嘢，食物與環境都一流，值得推薦！…Read More

這次是我第一次來，朋友食過覺得幾好就請客。入口至內裡佈置和裝修都很有氣派，樓底高是其一大賣點。服務員溫文有禮及態度殷勤，對餸菜及酒都有一定認識 朋友點了頭盤，鎮江肴肉，醉雞，和巒巒千層（腐皮）都中規中矩，唯獨烤麩乾硬無鮮味，其賣相更加不堪入目，有待改善。再上一道得獎餸叫「湖江泛影」（2010年奬海鮮組），賣相攞足分，但用的蟹粉卻有腥味，如果參賽時用此腥蟹粉一定輸硬。另外有些魚柳及菜都OK啦，無驚喜。重有碟也是得奬餸叫「香花紫綠悠」，其實就係炸豆腐，也是非常一搬。總括係環境一流，菜式還可以。但腥蟹粉給我留下麻麻印象。:(…Read More

之前來過一次係至少四年前既事，晚餐鋸扒，食物中規中矩啦。今次係朋友請客食午餐，宜家已經好少食自助餐，因為消化能力已經大倒退，再唔係後生時代咁嚓得。但今次既模式係semi-buffet，自助式前菜沙律bar，自選主菜。所以就比較適合我D。先講自助吧，原來都幾夠分量，有翡翠螺，幾種生蠔，小龍蝦（crayfish）。重有7，8款魚生刺身既壽司吧。覺得佢既頭盤選擇完全夠料，唔係用麵包或菜沙律嚟充斥吧枱喎種buffet。:)但講起麵包佢係有，但唔係在沙律吧處，係另外熱騰騰端到面前。我有兩個年紀大既朋友就特別喜愛吃新鮮出爐麵包。已經勒住佢地，咪咁老襯俾麵包塞飽！龍利配帶子夠嫩夠滑，但帶子如果多一粒，表面再煎焦少少就更正，本人特別喜愛帶子，所以會推薦。烤羊扒都幾嫩滑，肉質頗算甜美，可以推薦。煎黃魚就唔係好掂，唔夠鮮美，肉質有D鬆過頭，寧願食龍利都唔食哩個，所以唔會推薦此菜式。:(烤雞腿中規中矩，冇咩驚喜，但都OK啦。重有，千其唔好叫瓶裝水，除非你鍾意被砍到一頸血！總括來講此 semi-buffet lunch 係值得推介，尤其係愛食蠔既朋友，淨係食蠔同翡翠螺已經賺足有凸！我朋友用信用卡結賬有75折，如果冇叫瓶裝水就抵晒！…Read More