HonHHH's Profile

屯門雅都商場 新裝修 ，變身為一個 Go Go mall 大型美食商場。 裏面有數以十間嘅食店， 其中有間食泰國菜嘅 象泰泰國菜館 。侍應哥哥姐姐 好殷勤咁招待 。坐低叫啲食物， 包括 小食拼盤， 沙嗲串燒 ，椰汁雞湯 ，菠蘿炒飯 。小食拼盤都有好多樣嘢嘅 ，炸春捲， 炸蝦餅， 蝦餅非常鬆脆 又彈牙， 非常好食。 炸雞翼外脆內軟 ， 差啲連骨都食埋 。沙嗲串燒 雞肉串唔會燒得太老， 燒得啱啱好 ，非常嫩口， 食落好有口感。 豬肉串燒唔會太鞋， 食落都好好味 。椰汁雞湯 有啲似冬陰功 就無冬陰公咁酸，辣辣地 ，非常好飲。我自己都飲咗兩碗。下次嚟都要試埋其他好味嘅食物。、…Read More

小巴黎 雅都商場 又開分店， 開張日買滿 100蚊 就有一個價值30蚊嘅豬扒飽送 。一於唔執輸啦 ，叫咗個香茅豬扒飯，香茅雞翼飯 ，加兩杯飲品。 就有豬扒飽送啦， 豬扒飯 豬扒好鬆軟， 雞翼就炸得啱啱好內脆內軟 。嗰個豬扒飽就最好食 。豬扒醬汁 滲咗落啲麵飽度 真係非常好食味， 加埋杯咸檸蜜 就相得益彰啦。…Read More

嗰日經過華都花園燉奶佬餐廳 ，好耐冇幫襯燉奶佬 。坐低叫咗個晚餐 ，晚餐有幾個選擇，就揀咗個豬扒燴意粉， 意粉軟硬適中， 豬扒好鬆軟好有咬口 。燒汁撈埋啲意粉好好味。 另外加八蚊就有一碗糖水 ，我就揀咗綠豆糖水。 原來一至五嚟食晚餐兩個，糖水就係免費嘅。嗰日啱啱係星期天 ，冇計啦或者過兩日 同老婆嚟食就有免費糖水啦。…Read More

九龍城 有 許多 食肆， 嗰日 經過 衙前圍道 渡邊屋 日本壽司店 。鋪面幾特別 ，好似喺日本見到啲舖頭一樣。 於是 入去 試下 佢啲 刺身 同壽司 。成間鋪頭 得 四個座位， 原來主力係外賣壽司嘅 。嚟到 就 試下佢啲刺身飯丼 ，鰻魚丼，海膽盛丼 ，同埋多款壽司 ，再叫多幾款小食 。小食包括螺肉， 芝麻八爪魚， 甜番薯 。壽司大大件 ，材料好新鮮 ，鰻魚丼 甜蛋中和 咗 鰻魚汁 嘅 濃郁未 ， 撈埋啲飯就好好食 。海膽 盛丼 海膽勁多， 海膽非 常鮮味 入口即溶咗。 八爪魚非常爽脆 ，螺肉有口感， 日本甜蕃薯就好好食 。食完仲買咗一份壽司外賣回家-。…Read More

嗰日經過旺角道 新華苑酒家， 蒸氣海鮮餐 好似幾好喎， 三個人 坐低叫咗 一啲海鮮， 海鮮包括鮑魚，蟶子皇，象拔蚌仔， 貝殼拼盤 ， 同埋海蝦添。 仲有其他食物，有自家製鮮牛丸，手切 和 牛肉 ， 蟲草花蒸雞 。所有海鮮蒸三四分鐘就可以食啦 。鮑魚蒸得啱啱好 ， 嫩滑有咬口。 蟶子皇 同象拔蚌仔 食落非常有 口感 。 海蝦 生猛新鮮 非常爽口。 最後食埋 自家製鮮牛丸 手切和牛同 蒸雞 已經 好飽。 但原來早喺石鍋 放咗啲米煲粥 ，蒸海鮮啲 海鮮汁 已經落曬喺啲粥度。 所以啲粥非常好味 雖然已經好飽 但我都好貪心咁食咗兩碗 ，要捧住個肚返屋企。…Read More

放假經過 屯門錦薈坊定食8 ，唔係太多人等位喎，於是坐低食咗個午餐 。綜合壽司配烏冬， 仲有餃子 同麵豉湯。壽司有六件咁多 ，烏冬爽滑夠咬口 ， 最好食都係餃子，外脆內軟， 加埋個麵豉湯 都係39蚊。 真係好抵食 啱曬啲退休人士 學生哥啦。·-…Read More

今朝經過大快活快餐店 ，入去食咗個輕怡早餐 。早餐 非常豐富 ，包括 雪菜肉絲湯米粉， 一塊 厚厚 嘅奶醬多士 ，烚 蛋 同埋一杯熱嘅鴛鴦 。米粉 分量都幾足 ，奶醬多士都好好味， 烚蛋夠晒健康。加埋杯香濃嘅熱鴛鴦 ，,食到飽飽 同好開心去返開工啦 。'…Read More

好耐冇去彩晶軒飲茶，去到 坐低 叫咗個中午套餐 。套餐包括 乾炒牛河， 鵪鶉蛋燒賣 ，蝦米煎腸粉 ，水晶鮮蝦餃 ，蜜餞雞中翼 。乾炒牛河牛肉鮮嫩，河粉爽滑， 肥而不膩 。 雞中翼加埋啲蜜糖香脆可口。 呢個中午飯三個人食得好開心。…Read More

星期天落雨天喺屋企附近嘅星滙飲茶，坐低叫咗幾款點心。包括得意牛肉腸，懷舊鴨腳扎， 潮州點心拼盤， 糖醋炸餃子。 腸粉好 爽滑 ，魚肉釀青椒 魚肉彈牙青椒 爽脆。 糖醋汁酸酸甜甜 中和炸過的餃子 嘅肥膩，配合得啱啱好 非常好食。…Read More

臨近端午節， 聽朋友講明星金閣 自家製家鄉粽 。一於去試下， 上茶樓當然唔係一定係食粽喇。 仲有嗌咗其他嘅點心 ，點心 有 涼瓜煎魚餅， xo醬炒腸粉， 蔥油餅，忌廉芒果卷 。最後梗係嗌 家鄉粽喇。 點心都有水準， 家鄉粽 就 大大隻。紅豆甘香，五香豬肉肥而不膩 果然好食 。值得推介畀啲朋友去試下 。端午前有時間我都會再去 品嚐。…Read More

嗰日經過尖沙咀漢口道 嘅竹園海鮮飯店， 坐低嗌咗幾款食物， 食物包括籠仔鳳爪排骨飯， 乾蒸牛肉 ，胡椒豬肚雞 。乾蒸牛肉食落真係兒時 嘅感覺 。胡椒豬肚雞，豬肚 煮得啱啱好好有咬感 ，湯底好濃沃 。鳳爪排骨飯有荷葉底就好清香 ，飯粒蒸得啱啱好，軟硬適中非常有口感。最後仲有兩款糖水送㖭 ，陳皮紅豆沙及番薯糖水 。 今次嘅地道美食非常 滿意， 下次再嚟 會試下其他嘅美食。…Read More

位於大坑浣紗街 浣紗花園 的肉骨皇 ，喺馬來食品嘅小舖。 舖仔 雖然 細細，但佈置 簡潔青雅 ，環境清靜。 兩個人坐低叫咗幾 款 食 物。 食物 包括肉骨茶 ，海南雞飯，馬拉盞 炒蘿蔔糕。 雞飯 嘅雞油撈飯非常好味 ，食落去唔會成口雞油 。伴碟的雞肉非常嫩滑可口。 馬拉盞炒 蘿蔔糕 炒得非常惹味。 餸 啤酒就一流 喇。而最好嘅 喺熱辣辣的肉骨茶， 熱辣辣的湯 飲落去 喉嚨 非常舒服。 豬肋骨 煮得 鬆軟入味，我一個人都可以飲晒成 煲。最後仲想 叫過甜品，不過已經好飽喇 。下次嚟再試下其他嘅食物。…Read More

嗰日行經屯門鄉事會路， 煌府啱啱開張 ，於是坐低食個中午飯。 兩個人叫咗個香蒜龍仔斑腩蒸飯 ，鮮蝦腐皮卷 ，嗌多個甜品㖭， 蜜餞芝麻芋 。荷葉 墊底 蒸新鮮 班腩， 魚汁滲晒落啲飯度 。飯粒有荷葉 清香 加埋啲魚香非常可口 。鮮蝦腐皮卷 用料新鮮外脆內軟 。甜品芝麻芋，芋頭炸 得好香脆非常可口 。兩個人食得飽飽返屋企。…Read More

明星金閣酒家 新裝修開幕 ，今日試下一盅兩件 ，坐低叫咗鳳爪排骨飯， 藥膳鳳爪 ，家鄉鹹肉粽， 上湯浸菜心 ，仲嗌咗個穴蜜絲蕃薯甜品 。新裝修完零舍唔同 光猛好多， 藥膳鳳爪 啲湯好好飲 ，家鄉鹹肉粽 配埋砂糖真係相得益彰 ，鳳爪排骨飯就大大煲 ，兩三個人都夠食。 最後個甜品 蜜 絲番薯外脆內軟 非常好食。 嘆埋杯靚普洱咁就渡過一個愉快嘅 假日。…Read More

喺尖沙咀金馬倫道 雅悠蔬食， 嗰日同老婆上到去。 餐廳佈置粉白色 為主 ，環境清靜。坐低叫咗兩個set dinner。 食物包括前菜啦 ， 露筍 素香鬆手捲，芒果牛油果素手捲 。主菜係白松露山藥野菌意大利 飯，牛肝菌忌廉燴意粉 。 伴吉列牛油果。 甜品就係抹茶紅豆椰汁糕，紫薯乳酪蛋糕 。前菜嗰啲泰式沙律同埋紅菜頭 蘋果粒 酸酸咪咪咁挺 開 胃 。手捲 蘆筍同埋芒 果 配埋紫菜👍👍個吉列牛油果 外脆內軟 。 白松露野菌意大利飯 好食易入口， 牛肝菌燴意大利意粉味道一流好好食。 甜品 椰汁糕 清新有咬口 ，紫薯蛋糕非常易入口 。作為一個食肉獸 嘅我 嚟講， 原來素食都會咁好好味嘅！我老婆又plan緊下個禮拜嚟幫襯啦。…Read More