step`'s Profile

今日黎尖沙咀睇野，友人話想食拉麵。我比較少食開拉麵既關係，都只係知尖沙咀有豚王、一蘭同一風堂山頭火尼幾間拉麵。於是就上黎SEARCH睇下附近有邊間拉麵食啦。友人實在太唔舒服既關係，search到美麗華麵屋一平安咁就拍板是但落黎食完醫肚就拿拿臨走啦諗住。可能係位置既關係又或者尖沙咀有太多食店太多選擇，根本唔需要揀連鎖店掛？時間都係晚上七點幾八點架啦，仲要星期日，但都唔洗等位即刻有得入座。三個人就叫左個二人套餐（無記錯好似係$328)，二人套餐可以揀兩個拉麵/飯，加兩個小食同兩杯飲品。選擇好似都唔太多，麵飯款好似有6/ 7 款,而小食就好似得4/5 款，咁餐以外就叫多左碗熊本豬骨湯拉麵。($68)餐就叫左兩個拉麵：豬骨湯拉麵＋辣味豬骨湯拉麵，小食就叫左鹽燒牛舌同雞翼。拉麵大概等左5-10分鐘左右已經上菜，豬骨湯拉麵同辣味豬骨湯拉麵其實大致上都相同，只係辣味果款拉麵多左堆辛醬同配料方面多左粟米。 飲左一啖豬骨湯，覺得好一般，湯底完全唔濃味好單調，而且豬骨味道完全唔突出（利申：我平時食野都好清淡）但麵屋一平安個湯底真係唔太掂，同我食過既拉麵好有分別，屬於清淡型。但拉麵湯底上無層油都算係好事黎既。每碗拉麵有兩塊日式叉燒，肥瘦均勻，配菜方面就只得少量蔥，同木耳絲，無溫泉蛋既。麵底份量適中，食完都會飽既。鑑於豬骨湯湯底唔掂既關係，個人認為辣味豬骨湯底比較好食。 本身唔太好牛，但個鹽燒牛舌既味道唔錯，所以我都食左幾塊。牛舌厚薄適中，而且爽爽地亦唔韌。一間拉麵連最基本既湯底都做得唔好，毫無特色既話，咁如何令食客繼續支持呢？總括，未來應該不會再幫襯。…Read More

平時k lunch的話次次都係去neway，但假期前夕，Neway冇無限唱而Red Mr可以11點半唱到4點所以就揀左Red Mr唱k lunch,可以唱耐d嘛。今次去的係觀塘的Red Mr，好似係二月頭左右係進駐觀塘就咁睇地址One pacific Center應該唔會知邊度，但位置不難找就在APM I.T同Jusco supermarket之間果層一出向左行，見到渣打就係果幢環境，大堂比較暗，以紅色黑色為主當日的服務員都幾有禮貌和笑容，不錯！新開的關係，房間內都會比到你覺得好新既感覺。午餐價格由$55-$67，學生證冇免加一款式選擇相對Neway係比較少，只得四款a)日本吉列炸蝦飯，b)鐵板ribs配白飯(忘了中文)，c)肥牛湯烏冬d)焗葡國雞飯/意粉Lunch set包是日餐湯，飲品及甜品，但都估到會係咩貨色。加錢可轉特飲，甜品加$9可轉日式甜品是日三人，點了1a2b先上了兩客鐵板，k lunch黎講，單看賣相確實不錯那ribs同平時西餐食到既係兩回事都尚算多肉，只能夠話係一舊有骨的豬肉：(唯有食少少然後用黑椒汁食飯。要讚的是用鐵板上的關係，所有食物都係好熱辣辣，正！同埋吃同睇得出唔係超多油好多時吃鐵板餐都會見到汁同好大堆油混和餐湯之後先上，日式麵豉湯。應該都係粉混水果種甜品比我估中係jelly一杯，不太甜，味道ok感覺上 Red Mr的午餐製作得比Neway認真唱neway唱到悶既人可以試下Red mr不過本地k歌的選擇比較少，鐘意唱英日韓的人岩哂！…Read More

夜晚時分，想見個面，找個地方坐下食少少野，食糖水就係最好不過記得哩間甜戀人夏天黎幫襯過，但冇特別深刻印象，所以b話約我去觀塘食糖水我只想起萬寧附近的葫蘆同未食過既港記本來想試港記，皆因自己偏愛中式糖水多d，但b就話去返我地第一次果間，即係甜戀人店入面係橙色格調，燈光柔和，感覺上係企理過葫蘆館既menu一睇都係綿綿冰呀，pancake，心太軟，焦糖燉蛋，咩撈黑珍珠呀咩撈涼粉之類都係大路普通糖水鋪多數有既野，中式糖水都有少量選擇。腐竹蛋，蕃薯糖水哩d自己都好易煲到就唔會響出面食啦，諗緊食邊款之際比我見到有香滑南瓜露仲括住有南瓜粒我仲唔揀哩個？相對芝麻糊，杏仁糊哩個唔係間間食糖水都有，仲要寫住有南瓜粒，心諗正呀碗南瓜露一黎，只見淡橙色的一碗，色水唔多對路，心知不炒用羹撩幾下，南瓜粒細得可憐，寥寥無幾um，大概手指尾指甲咁既size左右囉，的確有點失望:(因為我except係起碼七八大大粒然後會放響面，就算唔食得個樣都呃得下人先啦試味道，偏甜而且冇咩南瓜味，奶味重，都唔知自己食緊咩。唔可以話好難食既，甜既一碗野囉，唔想嘥野所以最後都係食哂。b就揀左雜果椰汁黑珍珠($38)雜果份量唔算多，不過有西瓜哈蜜瓜香蕉好似記得b話仲有奇異果?試左一啖，椰汁係底，味道唔濃，我唔鍾意椰汁類甜品食完都唔覺有咩大問題黑珍珠比想像中冇咁有咬口，食完冇想再食下啖既衝動，食完就係咁之後b兩個朋友入左黎吹下水，其中一個叫左個冰極楊枝甘露佢食左啖之口就話「哇，好鬼難食」，另一個朋友食一啖就話：「唔係呀，幾得意呀」同佢地唔熟所以冇食佢地口水尾，我望望，見到個楊枝甘露唔係平時果d流質style，而係好似冰底咁唔知係咪唔鍾意哩隻口感啦？總括而言，食過2次，哩間野d野都係一般下次再黎觀塘食糖水我會企硬試港記，除非想食心太軟pancake之類先再考慮黎唔黎哩間…Read More

最近成日口痕想食蛋糕，甜點之類的。之前聽過朋友推介話東海堂個五重奏朱古力蛋糕好正，（其實東海堂早年出的芒果流心蛋糕我都好想試，可惜一買就要買大大個2磅裝家人生日都早已唔興買一個蛋糕返黎切，所以到依家都未食過）買mini版自己食都嫌太多了，經過入去見到有件裝切餅size，就即買黎試下！朱古力五重奏顧名思義就是，由五層朱古力組成，最底層係朱古力脆脆餅底，甜度一般，餅底keep到係脆口的，唔會係死實果種狀況，輕輕用叉一壓就可以切到。第四層係朱古力味的蛋糕，感覺有點像brownie，蛋糕質感較硬，沒海綿蛋糕的鬆軟感， 微微的朱古力味道而不會太甜，個人最喜歡係哩層第三層是66%特濃朱古力層，的確，整件蛋糕朱古力味最濃的一層，亦是最硬的一層， 感覺上就像含住一口溶不掉的朱古力。既然係66%特濃， 甜度當然不會很高而且點有朱古力的苦澀味，黑朱古力愛好者應該會喜歡。第二層就是普普通通的朱古力色的海綿蛋糕，質感鬆軟，朱古力味道微微。 把第三層的特濃放在二和四層的蛋糕中，正好能中和一下。而最頂層亦是整件蛋糕估最多成份的就是55%香軟朱古力mousse， mousse尚算幼滑但嫌太較身，感覺上就像是在吃成口cream，且略嫌朱古力味較淡和較甜，是最不喜歡的一層。 （可能因本身自己不太喜歡mousse&cream的物體）總結而言，個朱古力五重奏蛋糕沒什麼突出之處，只有最濃烈的第三層的味道較為突出，但整體配搭是不錯的，如果中間的那層特濃可減低硬的程度，會更好。…Read More

睇戲前來個晚餐，剛巧是晚飯人流等位最多的時間要避過等位潮唯有只能選快餐類，唯有放棄食壽司。男人又懶得行十分鐘過淘大走走，於是就選戲院附近的美心來醫肚就好了。男人點了個鐵板餐，而我就千選萬選之下終於說了個冬瓜盅飯餐。鐵板餐選了牛扒，配有焗薯，酥皮湯及時菜。在美心吃得的牛扒就不能抱有什麼期望，就是平價牛扒，配黑椒和燒汁進食，不會難吃。男人喜愛飲酥皮湯，可惜這餐的酥皮湯是紅湯。我們二人也覺得酥皮跟白湯才配吧？湯的味道還可以，茄味不算太濃配有數塊椰菜。伴碟的時菜是沾滿油分的秀珍菇和翠玉瓜，好一個中式配菜！雖說是快餐店不應挑剔太多，但我們也覺得也要配得「似樣」少少吧。焗薯，是開了半邊的薯仔，薯上有少許沙律醫，除了沙律醫的味道外，什麼味道也沒有薯仔「焗」得很淋，男人說這是烚薯。至於我的迷你冬瓜盅飯餐，蕃茄煮紅衫魚配白飯。先說冬瓜盅，材料方面只得瑤柱，鴨肉和鴨皮等，湯底略嫌偏油和有點鹹，但冬瓜好鮮甜。可惜這個冬瓜盅只是暖暖的，如果熱一點會更好！主菜方面蓄茄煮紅衫魚的醫汁充滿著濃列的茄汁味道，酸酸甜甜非常開胃（雖然我expect係鮮茄味＞茄汁味）大概因為快餐店吧，不會為你花心機慢慢煎一條魚？這菜的面是炸的單看外觀已知魚炸得過了火，呈現偏啡的顏色而且硬兼乾的魚身由於魚皮都炸到很硬的關係，夾魚肉是比較困難，魚肉尚算新鮮。總括而言，可以做得更好！不是挑剔在食材上，而是烹煮的配搭與方式。------------------------------…Read More

黎到附近等睇戲，仲有半個鐘既時間，唔知食咩好男人提議吃甜品，哈哈我暫無吃甜點的意欲呢在亂行亂逛之際，忽然想起肥姐小食店，既然二人也沒吃正餐的意欲就來點小吃吧！看到有十多人的人龍，男人已經有點想打退堂鼓店員的效率是好高的，多說幾句便已經差不多輪到我們買了店員們一個負責問定要買咩，收錢和找錢，另一個便已在負責執貨，不要期望笑容會出現在他們的臉上，連一句多謝也不會奉上大概是長期要應付人龍，工作都變得麻目了。如常地叫了腎和墨魚。肥姐賣的腎是無特別，正常的質感和咬口，這次鹵汁的味道不太突出但墨魚則是無比的爽口新鮮，配以甜醬和芥末醬，好味，正！就我以言，吃過很多不同的墨魚串，肥姐賣既確實真係最好味最爽口的！而且肥姐賣的除了墨魚外，通通也是$5串，抵食，過口癮一流！男人吃後也覺得我是次推介不錯…Read More

唐記開張果幾個月至一年，曾經好迷它的叉燒包，每次順唔順路都去買返個黎食，只因它的醬汁好味，而且叉燒份量適中，餡料足，一咬開個包就已經有餡，正！都係賣$4！之後愈來愈少食，到今日再食返，已經唔係果回事了。味道冇咩點變，但已由$4加到$4.5依家$5，雖然$5就真係唔係叫多，但冇咁抵食左包皮厚左，餡又少左，叉燒就冇乜幾粒，咬左好幾啖包就到中間先食到ｄ餡:(啖啖包啖啖餡已不再了！再沒有吃完有的滿足感了。物價上升，我都明但希望可以邊加價的同時質素邊維持住。…Read More

陪愛人覆診前去吃個lunch，愛人知我都係鍾情食壽司就話去壽司啦。途中，經過和fa亭，望望餐牌，食物的價位同元氣跟差不多，諗住試下冇所謂，反正元氣都吃過一百幾十次了但愛人卻說，元氣款式選擇好像較多，haha還是偏愛元氣吧?最後選擇去元氣。人總是對一種東西一些事情形成了一種習慣後，就不願去嘗試或者改變？在我立場,唔試過點知好唔好食，得唔得呢?老實說，元氣的款式其實真不算太多壽司以外的熱食也是寥寥可數，（不過對我冇咩影響:-p）勝在分店夠多?食物味道質素不錯?是次點了 炸池魚壽司，貝柱軍艦，海膽墨魚軍艦，海鹽特大帆立貝壽司，赤海蝦壽司，鰻魚壽司。貝柱軍艦：貝柱對我而言就是迷你的帆立貝，哈哈。軍艦上，附有很少量的蟹子和沙律醬，整體來說味道ok，但唔會感覺到自己食緊迷你帆立貝的。海鹽特大帆立貝壽司：點了貝柱但又要再點特大帆立貝的原因，我愛肥美而鮮甜的帆立貝。海鹽特大帆立貝壽司上多了片檸檬，鹽在放在碟的一邊的，跟壽司沒什麼關係。加了檸檬汁好像更能帶出帆立貝的鮮味？炸池魚壽司：一向不吃炸物，但愛人餵就試了一口。根本就是炸魚柳的味道，和池魚完全扯不上關係。海膽墨魚軍艦：食過咁多次元氣，今次係食第二次第一次吃是因為想吃海膽，但賣哂，店員點左我地試，與海膽是兩回事，自此沒有再叫過。今次食也是愛人點的，墨魚充滿著海膽的鮮味，不會看到海膽，但食落又覺得味道唔錯！可能因為今次沒特別想吃海膽，所以軍艦上海膽不存在也不是大問題：Ｄ少少覺得若嫌吃海膽壽司價錢較貴，可以吃這個望梅止渴一下！哈哈赤海蝦壽司：一貫的味道，蝦肉彈牙，好味。鰻魚壽司：一向會點的東西，可惜不夠肥美。從前覺得元氣的鰻魚，好肥美。好像今年開始?已沒有在元氣吃到很肥美的鰻魚壽司了！再沒有令人吃完再點的衝動！至少已經不是我每次吃元氣也會叫的東西。如果元氣食材再不斷縮水而價錢繼續上漲的話，吃元氣就不會再是大滿足了！:(但因著食物質素不錯的關係，仍是會一直光顧..............................。…Read More

起身都十點幾，十一點就要出門離開，二人都未食早餐，當然要醫肚啦知我心的你，知道我都唔太好食茶餐廳就問我想食粥定飲茶，最後還是決定左去飲茶。所以黎左哩間，因為之前黎過，同埋哩間最近嘛。上到去，冇人招呼的，冇人問你幾多位然後幫你安排搭枱。可以話好自由既，比你自己揀想同邊d人搭枱。但另一方面就係無服務囉。點野食，其實就想食粥既，唔知點解飲親茶都偏愛要叫粥食，但之前食過哩度d粥麻麻，所以今次都冇再叫。點左香煎蝦米腸，蝦餃，牛肉球，愛人想食糯米卷但哩度冇，又咁岩見到大排檔位有叉燒餐包！@v@　，我地兩個都咁鍾意食，即叫啦！叉燒餐包係點心紙上沒有的 。叉燒餐包一碟三個，偏細，而且一點也不熱，(可能放在櫃中已一段時間)餐包面上的糖漿不會太多太甜，包皮略厚但也算鬆軟。叉燒醬唔算太多，而且叉燒份量也不多，比起我地黃大仙食的熱辣辣叉燒餐包真係差好遠:(香煎蝦米腸:腸粉尚算滑，口感不錯，唔會太厚，睇得出有煎過，但如果可以煎得燶少少多少少脆就更加好勒。蝦餃大大粒鮮蝦尚算彈牙，而且餃皮不會太厚，不錯。山竹牛肉球牛肉球的碟內水比較多，落左少少喼汁落去但d水+汁就黎滿瀉味道不過不失。食完再叫，叫左南瓜炸蝦卷同叉燒包，又叉燒包？係 （因為見到搭枱的人果籠叉燒包d 叉燒好似好滿咁） 南瓜炸蝦卷一碟三條，淡金黃色的表皮，雖然一向唔食炸野但都睇得出應該唔係番炸熱辣辣咬落去幾脆，而且炸果層皮唔會超厚，但就比較油囉，雖然下面已經墊左張索油紙南瓜好甜，蝦的份量就少左D。叉燒包熱辣辣，叉燒包內醬汁味度不錯，份量適中，唔會話多到滿瀉。這裡的食物質素尚算不錯但，尚有改善空間，是日食到飽飽滿足離開。…Read More

哩間豆漿大王其實都幫襯過兩三次，而且以前響葵芳分店都食過再三幫襯，當然係因為食物質素不錯而且價錢公道。話說今日整完回鄉證就過黎寶琳食個lunch再去返工同做project，叫了一客肉骨飯，一杯凍豆漿而我一如以往地叫了碗走甜既熱豆漿加個栥飯。栥飯係用膠袋包著而且已經切開兩舊，方便食用，可能天氣比較涼？所以栥飯凍得快，栥飯唔似之前咁好熱，熱到辣手拎唔起的，但一咬下去，微熱的糯米很鬆軟，有口感而不會太淋或太硬，也不會太濕栥飯內各配料的份量適中，油炸鬼也不是淋的。因為栥飯是即叫即制的，所以可隨意加錢多配榨菜/肉鬆/油炸鬼，都係$1-$2走甜的熱豆漿充滿著濃郁的豆味，好飲！總是不愛那些甜甜的豆漿下次或許會試試咸豆漿。肉骨飯有三大舊看似很入味的深色肉骨，再配有雪菜和汁響個飯度，試左幾啖肉骨，肉很入味而且唔un但比豬展既口感更好。唔鍾意甜既野飲，所以凍豆漿沒有試了。本來諗住叫小食，但邊食邊講期間一路都冇叫到食完哂d野大家都有默契地起身離開，哈哈小食還是留返下次再試和幫襯啦。以前食過哩度既排骨飯(即係炸豬扒飯)都唔錯的。食物好，價錢又ok，如果唔係因為唔近屋企而且分店唔多既話，我應該會成日幫襯：）響openrice度search search，見哩間野d分店都執得7788真心希望哩間唔好執。…Read More

相約左今晚食飯補返，我就建議去觀塘食啦：Ｐ，一向除左壽司飯之外都什少吃飯，但今晚你話想食煲仔飯記得中旅社附近有幾間茶餐廳之類都開到好夜，反正壽司要等就行過黎一碰運氣嘛。咦，真係仲有煲仔飯食喎，咁就入去試下啦未打開餐牌我已經諗定要叫北菇雞煲仔飯($52)，事關其他果D我都唔係太岩，雙拼加幾蚊要左潤腸然後再想叫多樣野食，諗左好耐叫鳳爪，豬手定叫碟菜？最後叫左碟白灼菜心($12)又唔洗叫碟炒菜成五十幾咁貴，仲清d添，岩哂我：)白灼菜心黎先，係正常既，冇咩特別，應有的味道，不用多提講返個煲仔飯，確實等幾耐冇留意，或者可能因為等既期間有傾有講所以唔覺等得耐送到上黎既時候，焗多兩焗等左陣先打開蓋，加豉油，食得。飯並沒有洋溢住北菇雞應有的香味，飯上放了少許椰菜，很清甜，先試一口熱辣辣的飯，有點失望，北菇雞的味道完全沒有融入飯中，可以說其實只能吃得出豉油的味道。是火候不夠還是怎樣？在家自己煮的北菇蒸雞未熄火也會有陣陣的香味流出。雞味道一般，肥的部份比較多肉較少。反而加錢的潤腸就不錯，可惜略嫌份量太少。大約只得一隻中指的長度。吃到最尾食哂所有飯焦，好容易就可以整到飯焦出黎食，但略油，可能正正因為油較多，所以冇痴哂底。比ok 係因為始終我都係只食過哩度既煲仔飯姐，又唔一定等於成間茶餐廳都唔得既。總括，應該唔會再幫襯哩度既煲仔飯，因為正係唔太ok，而且價錢都唔太平，除非又再響春天時間又再想食煲仔飯而又唔想出旺角油麻地啦始終唔係正值冬天既時間，茶餐廳應該比較少仲有煲仔飯食了。…Read More

繼食完冠華樓一點都唔滿足之後，去聖安娜買左個普通甜餐包填肚，還未夠，但心想：在連鎖麵包店再買多個包，那麼當初為何不直接買家庭裝麵包好？所以還是打消了念頭。去體育館前，剛巧路經此店，「看到五時後每個麵包減一元」的字後，就停下來看看有沒有東西合心，街坊小店麵包款式不多是正常的，正當沒有選到合心麵包時，聽到「菠蘿包出爐」數字後，便心動買了個來試。果然真的是新鮮出爐，麵包熱得有點盪手，但這麼熱才夠好味，菠蘿包外脆內軟的，包皮非常鬆脆吃不出太大的甜味，對我這個吃慣無糖的人來說這甜道可以說是剛好，但對一般人來說可能味道會較淡這個沒什麼味道的菠蘿包吃過後不會令人有想要再吃的衝動但索價兩大元還有什麼好挑剔的呢？:)…Read More

等位未有位唯有先去醫一醫肚先，想食打冷，但附近只得哩間就唯有去哩間啦。一踏進店裡，已感覺到地下很滑很跣，可以好似溜冰咁跣住入鋪，店的下面坐滿哂人，伙計就招呼我地上二樓，樓梯係好窄好逼，只能容納一人行經。比左一大碗水比我地洗碗筷用具，但d碗筷係非常之油膩，自己動手斟左d熱茶黎洗就係洗掉不了那些油膩的感覺，平時就算係食大排檔但d碗筷都唔會咁花生鳳爪 (餐牌無價錢 計番張單就應該係$35)鳳爪好稔，非常入味，不過味道係超咸，連吃開較重口味的男人都嫌味道咸而且汁料的味道係完全係豉油味道，冇其他味道。大眼雞 ($70) 時價索價$70元就好似有d唔值，但咁夜唔想食肉所以就叫條魚黎食新鮮度一般，畢竟都已經係夜晚十一點幾，真係新鮮極有限略嫌有點腥，魚的鱗片同肉分唔開。叫左枝藍妹同黑啤，要求呀姐比個冰桶比我地，開頭拒絕但之後都比左:）　同呀姐講左幾次地下好跣但落返去埋單時，地下同樓上的地下依然都係好跣雖然這店係哩帶唯一的打冷，真係唔憂冇生意做，但衛生同環境真的有待改善，同大排檔的差別就係在於哩度有瓦遮頭，但食過既茶餐廳//大排檔地下都唔會咁跣咁滑。比喊面係因為碗筷衛生同環境唔ok，小菜冇食過所以不能作評論。…Read More

可能閒日黎，唔洗等位，即入即坐，而且有大量空枱，因為上次響沙田稻香早茶有早晨孖寶，所以expect下午茶都可能會有孖寶有張特價點心紙，不過就唔太多款式另外，有d特價炒粉麵同泰式，川式小食，都幾多野揀皮蛋瘦肉粥：味道ok燒味雙拼飯：冇食，但我諗都冇乜特別差蜜汁叉燒腸：略嫌叉燒少左D同比較乾身，但都還可以的蝦餃皇：大大粒蝦，尚算彈牙，好味！黑椒蒸魚雲：醬汁都幾惹味，略嫌太多黑椒同蒜，略咸同都幾油鮮肉小籠包：皮一般，唔太厚，有肉汁，ok的奶皇馬拉卷：其實無咩奶皇響入面，只是特價$7.8 可以當馬拉糕咁食，哈哈五穀雜糧糕：不見五穀，只見有少量麥糠之類在面，味道淡淡的，白糖糕之類的口感，ok的，但不試也可^_^唔記得叫左8定9樣野，埋單$13X，早茶好似抵飲d…Read More

一早黎飲茶，門口有好多人等，都驚要等好耐禁張飛仔出黎，都係等兩張枱姐可能因為規定三人以下一定要搭枱，所以就算要等到好快有位，畢竟都係閒日而且晨早流流九點。早茶有張早晨孖寶的紙，都有成十幾款選的星期一至五$15　星期六日假期就$17估唔到連六日假期都有，唔怪得稻香成日咁多人等位。響早晨孖寶度叫左四樣野-------皮蛋瘦肉粥，娥姐粉果，叉燒包，白灼唐生菜粥同唐生菜都不過不失，叉燒包個醬汁唔好食，下次唔會再叫娥姐粉果蒸得有點過火，而且餡料唔係傳統潮州粉果餡，怪怪地，不太討好。都係唔會再叫另外再叫左四樣正價的野--------蝦餃, 鳳爪排骨飯, 香煎蝦米腸, 小龍包鳳爪排骨飯；有兩隻鳳爪，飯都ok多，中點好似都係$11.X 抵食的香煎蝦米腸；略嫌太少蝦米。腸粉切得較闊，而且煎左好似無煎過咁，一點也不香口。蝦餃不錯，大大粒蝦響入面，味道不錯小龍包；有肉汁流出，個皮一般，唔算得上好味，茶樓貨色冇得嫌咁多，哈哈總括黎講，食物不錯，重點係抵食！叫左八樣野，埋單都係食左$108…Read More