ca85's Profile

有時要做孤獨的美食家，快快食完開工，想食點心，呢度有點心拼盆，啱晒！馬蹄糕係驚喜，煙勒得來又爽脆，可能用蒸，無左煎果陣油味，成塊糕清新左好多！跟住有D 貪心，想食凍甜品，芝麻糕好吸引，濃濃的芝麻香，軟滑，都飽左，仲一件接一件，食晒！之後又去幫襯，唔想次次點心拼盤，想食咩就叫咩！雲石芝麻包，外型好靚！入面芝麻餡流架！有花生做配角令味道有D 層次，我幾中意！蝦餃係足料的，同酒樓差唔多。煎腸粉煎得好好，外皮脆的，但又唔會乾同油，很平均！最後送左碗紫米露，裡面有粒粒芋頭，唔錯！叉完電，開工！…Read More

被廣告吸引，就試食Jolibee 的雙層牛肉芝士漢堡，叫了套餐，盛惠52元。雙層牛肉芝士漢堡：基本上和圖片接近，個包幾鬆軟，菜和蕃茄新鮮，牛肉有點乾，有個甜甜地的醬汁，雖然係2塊牛肉和2片芝士，唔會漏，我俾75分。套餐可搭配薯條汽水，我改配粟米粒和咖啡，個粟米粒......太迷你吧！幾香牛油味，OK！杯咖啡......見到都知唔好飲！下次飲汽水吧！個餐整體來講都OK 嘅, 食得麥記多，轉下口味都唔錯嘅。…Read More

最近朋友們生日，因為幫襯開Tong's Kitchen, 食物一向有水準，就試下訂埋佢個蛋糕。第一次食 Tiramisu, 好香咖啡味，同埋有餅底，唔會個底濕笠笠，係高水準之作！之後食過番尋味，第二個Friend 生日，就訂佢招牌法式芒果千層蛋糕，我地第一個反應係：「嘩！好大個呀！」切開又「嘩！好多芒果！好足料呀！」真係，芒果甜，用料郭新鮮！用心制作！好滿足！因為之後我地又 Encore 呢個蛋糕，決定 Post 出來推介俾大家！壽星女仲訂左個榴槤千層返去食，太大個，分左俾鄰居阿姨食，阿姨仲話好食到飛起！另外，同事推介我食紅酒燴牛尾，牛尾無乜肉，但夠腍，個汁一流，配飯會更正！…Read More

之前來過夜燒站吃宵夜，烤串都很好吃！那麼多人認證，都不用我介紹了。這次我要推介他們的午餐！因為太少人幫襯了！我怕他們之後不做午市，大家快些來！叉燒烏冬：叉燒好大塊，有厚度，三塊，湯微辣。咖哩牛肉粒飯+炒野菜，咖哩味道剛好，野菜新鮮夠鑊氣，午飯有肉有菜，夠健康！天婦羅配烏冬：天婦羅新鮮炸起，烏冬雖然普通，但好吃！驚喜是店家送我們炸小魚乾，太好吃了，忘了拍照。自費午餐，連同餐飲每人大約75元，現在吃普通午餐都差不多這個價錢，這裡算高質！支持！…Read More

樂悠居 Food Court 中，這家西餐性價比高，用心製作，食材新鮮，樣樣都好出色！焗豬扒飯好大份，好足料，勁多芝士。焗吞拿魚長通粉，好多吞拿魚，個汁剛剛好，熱辣辣，好食。豬扒配沙律，豬扒好大塊，仲可以配唔同既汁，我揀左粟米汁；沙律係什果薯仔沙律，好有茶記Feel.鰻魚飯，有滑蛋同木魚絲，個飯剛剛好，鰻魚算大塊。驚喜係呢間小店仲有蛋糕，今次食芒果乳酪蛋糕，幾清新。唯一唔好係太多人食呢間，佢地即叫即做，人多時要等半個鐘到45分鐘先有得食。好在呢個Food Court 幾多位坐，環境唔錯，可以坐住慢慢等。…Read More

樂悠居Food Court 係我既飯堂！呢度有唔少隱世高手經營既小店，仿膳係其中一間。推介蜆肉米線，有廿幾粒蜆，粒粒飽滿，湯底係花膠雞湯，唔口乾，好味到湯都飲埋。呢個要加入荃灣必食米線之一！另外仲有各種雞飯，豬手飯，好足料！推介大家來！…Read More