William1120's Profile

本身住喺附近，呢間餐廳都嚟咗幾次，今日難得可以平日嚟。平時見呢度人山人海，平日就清閒得多，可以自己揀位。今次就揀咗路邊嘅位置，非常chill。雖然而家喺夏天，但係餐廳開嘅冷氣都好勁。對住室外坐，食住野都唔會好熱。平時飲台式飲品都會係珍珠同埋仙草之間考慮好耐，呢度有一杯係兩樣mix埋，why not both?揀左少甜岩岩好！麻辣鴨血刀削麵有得揀大中小辣，個人都食得辣，所以揀咗中辣。調教得幾好！鴨血好好味，嫩滑唔腥如果鍾意食芫茜既一定要叫！放喺雞扒上面已經有一堆新鮮芫茜之前切開一塊炸雞扒，估唔到中間亦都夾住芫茜醬，芫茜味大爆發！雞扒亦都外脆內軟有個放飄書嘅書架，雖然書唔係好多，但係得閒攞一本隨手睇睇，感覺都幾寫意！口水雞拼盤，有埋豆腐同埋蛋當中最驚喜嘅就係個蛋，估唔到台式餐廳都做個蛋，有流心嘅效果最後點咗蚵仔煎，同時潮州嘅蠔餅唔同，糯米粉比例多啲，所以係煙煙韌韌而唔係脆口嘅。蚵仔都幾大粒，同埋新鮮分量好足！…Read More

同一班大食朋友lunch。今次一於挑戰任食點心。一見到張點心紙。我地班餓底就瘋狂咁落單。好多款點心都可以逐件叫。唔使迫住一定要一籠四件。又或者一籠又唔夠分。自己鐘意食咩就揀咩。爽呀。落完點心。要即蒸嘅關係。先黎嘅係每位都有嘅鮑魚撻同花膠灌湯餃。鮑魚入味。一口撻唔會塞飽你。好嘅開始。打開隻灌湯餃。好飽滿好多餡。有蟹肉鮮蝦香菇豬肉等材料。點心仲蒸緊。一碟碟廚部小食先上。XO醬炒腸粉好惹味。中間嘅炸流心榴槤球非常有驚喜。中間嘅榴槤餡好香又唔會太甜。值得一試。相中依三樣都覺得好好味。酥炸芋荔球夠脆又乾身。金錢肚非常入味微辣。鮑汁鳳爪好焾好夠味。正。食左咁多熱氣同濃味野。有好多款菜比你清清口腔。食到咁上下。即蒸點心到啦。樣樣熱辣辣無得輸啦。好少一次過可以食咁多款點心同熱氣野。原來點心放題都幾爽就算飽。臨尾都食埋馬拉糕做甜品。好鬆軟。唔太甜。…Read More

同父母食晚餐。都係食中菜最岩佢地口味。而且又要環境坐得舒服。搵食期間。就比依張poster吸引左。咩都有得食。唔使諗咩餸。就走入去試下。日式放題就食得多。中式放題真係第一次。其實都係好似畫點心咁。都55款食物任點任食。先黎重頭戲。每人一客花菇鮑魚。入味軟稔。父母都食到。接住係美顏花膠響螺雞湯。熱辣辣上枱。湯料充足。時令奄仔蟹有三種煮法可選擇。平時食開油鹽焗。今次特別啲揀左花雕蒸。好鮮味好開心好多蟹羔。仲有少少軟殻添。食到依到。其實都飽左一半。不過係任食。當然咩都要試下。以下幾款我覺得幾好食。片皮鴨無限供應。見住佢即時片。值得食。燒味拼盤。家人最愛。乳鴿最正。鮑汁鳳爪好入味好稔。父母大讚。依款小菜好惹味。蝦球大粒夠爽。唔錯。…Read More

女仔食嘢除咗係搵好食，最重要係可以打卡！喺facebook見到佢嘅宣傳，覺得呢個真係超級靚！所以就約埋啲friend一齊嚟食。完全係一上枱就已經驚艷大家嘅感覺！好Fancy又好elegant。真心被佢深深吸引住！盒子分三層。三層都有唔同嘅嘢食！最上呢一層有蛋糕，mousse， 同埋一個好似漢堡包嘅小甜點。中間開始有少少咸點，菠菜Pie，忌廉蘑菇撻，仲有八爪魚包仔，呢啲都好好食。最後去返啲甜點，繼續係有啲蛋糕同埋撻。其中最impressive嘅係嗰個檸檬芝士撻，好清新。四個人叫咗兩個set，放到成枱都係，每樣都係細件細件，而且仲有好多唔同嘅種類，真係令人心情好愉快！雖然佢啲茶杯好靚，不過個碟好大，有少少阻住haha特别要點讚呢個波仔菠菜薯仔批，咸點嚟講去算做得幾出色！好creamy，又唔會太膩。另外仲有呢個忌廉蘑菇撻，無諗過一個粉紅色嘅撻皮入面包住嘅係鹹點，但係又幾夾。不過準備呢一個應該製作需時，啲鹹點上到嚟已經有少少凍。但係因為靚係可以遮蓋一切，所以唔緊要啦。…Read More

西貢多數都係食下tea, 行下大街，玩下狗仔，chill返下。 估唔到而家西貢都有得燒烤！收費都算正常，最貴既時段都係218, 最平只係$188咋(可以睇返下面張圖) 要講到大型任食燒烤場一定係美孚莫屬，相比之下，呢度環境舒服好多，每一台之間都有好闊嘅空間，出入方便啲，亦都比較通風(美孚真係好焗下)。燒烤場有兩個大嘅雪櫃放肉類，蔬菜類就有一個高身雪櫃放，種類都唔少既。另外一個優點，就係呢度嘅飲品係可以免費添既。好多任食燒烤場只係提供一支飲品，要再加就要畀錢。大家都知道燒烤一定要飲多啲嘢，呢度就可以任飲，唔使額外嘅收費，爽！！除咗自助燒烤食物，仲可以預定海鮮，有4人至12人不等既set。如果追求食物質素嘅，可以有呢個選擇，仲可以有職員幫手燒埋！每個燒烤爐嘅空間都好闊，加埋個綠草地，感覺非常舒服會場提供埋餐具燒烤叉等等，就咁帶個人黎就食得！如果一大班人嚟到，應該可以包一個場。會場有提供音響設備，開party啱曬！…Read More

店鋪裝修都幾靚，bar枱位可以見到師父。有時整燒物仲會好大火添。加埋d燈籠幾有feel叫咗兩隻燒蠔，大約十分鐘之後店員攞咗出嚟燒。(本身以為係廚房入面師傅搞掂)所以拎出嚟嘅時候打定輸數，以為會一般般上到枱見隻蠔都幾靚，睇落非常之肥美個人都定返d咬到一半，非常之正！外面燒熟而入面仲有少少生。呢個真係燒蠔最啱嘅境界真心好味！雞頸肉炒茄子雞頸肉連埋皮非常之香口，連埋茄子同旁邊嘅沙律，食落就平衡啲，無咁油膩。分量都幾多，兩三個人share就good啦！帶子魷魚燒， 睇落個樣就好似大阪燒。醬汁同個皮都係一樣，而入面嘅餡就係用咗帶仔同埋魷魚。食落幾好味，而且價錢一啲都唔貴，性價比爆燈！！牡丹蝦刺身，非常之鮮甜而且夠大隻，唔錯唔錯！最後呢個係梳打加whisky，飲品上面有個柚子雪糕，其實本身雪糕可以就咁叫，我冇記錯係廿幾蚊。所以我覺得叫呢杯嘢飲會抵啲，有得食有得飲！而且個雪糕的確幾好食人，入面有果肉。whisky味唔會太搶口，飲落幾舒服，推介呢杯飲品！…Read More

餐廳裝修簡潔光猛，員工有禮服務明快。小食拼盤，想食小食最聰明是選擇拼盤，有蝦餅、雞串燒、雞翼、春卷和無骨鳳爪，每樣少少，但個個都有得食，最滿意是蝦餅，熱辣辣、炸皮薄身、蝦膠彈牙。望清楚餐牌，註明每售出一客小食拼盤，他們就會捐出十蚊給某宗教社會服務部，雖然只是區區十元也是有心的，值得讚賞，知道有份做善事，越覺小食拼盤好味，十分抵食。無骨酸辣鳳爪沙律，小食拼盤也有無骨鳳爪，我哋吃過之後，覺得非常好味，所以另外單點一份無骨酸辣鳳爪沙律，酸酸甜甜小小辣好開胃，又唔使吐骨不失淑女形象。招牌無骨海南雞，侍應送上來時，驟眼望落去，好像芒果蛋糕，雞塊一片片鋪在一起很有趣，雞肉嫩滑，平時絕不會吃雞皮，海南雞的雞皮好吸引在向我招手，忍不住，肥也要吃兩片。牛骨湯河，湯底清甜唔肥膩，有牛腩、牛柏葉、牛肉、牛丸、牛味濃郁滿瀉。炭燒豬扒撈檬，有花生粒、炸蒜、酸蘿蔔絲，豬扒少少焦，香味撲鼻，厚切豬扒大大件，加上酸檸汁好吸引。足爆版喇沙，有扇貝、青口、大蝦、蟹柳、魚蛋、豆卜、魷魚、雞蛋等，材料十足滿滿的一大碗，喇沙味清香，滿滿的椰香，適合我不想太激太辣，麵底是米粉加油麵，兩樣都爽滑。軟殼蟹米紙卷，賣相很精緻好像小盆栽，旁邊還有一個兜盛著酸甜汁，提起兜將汁淋到米紙卷就好像在淋花，薄薄的米紙包著三色椒絲，生菜，芒果和軟殼蟹，感覺好清新，脆脆的軟殼蟹，一啖有兩種口感，妙極。最後來個香芒椰汁糯米飯，盛載的器皿好像一隻拖鞋，趣緻的拖鞋，芒果清甜，一片片平放在糯米飯上好似在食壽司。…Read More

So it's nearly Christmas time so alcohols are with me 24/7! Dying because of headache after drinks last night and didn't eat at all until evening the next day. First it came this chorizo & calamari which indeed raised my appetite. Cool to feed myself with smoky squid & Spanish sausages on toasts but wish I'd have bigger portion... been starving all day long. And wait, focus of the photo should go to this Lemonade. Not sure if I was still drunk when eating, this lemonade looks ordinary but I found the bliss point in there! A refreshing mix with sweety sour & subtle bitterness literally OPENED MY EYES! Thought I could learn how to make myself the same glass at home but unfortunately bartender rejected disclosing their secret recipe. OK fine, simply another $35 dollars from my pocket then... Honestly can't recall much about how good the lemongrass cream was but my girl friend and I both liked it. And the fish? JUICY! Didn't expect any  dishes served in a coffee shop to be up to a standard like from a restaurant high in style and price. So apart from coffee here, I mark this dish their signature too.…Read More

唔係第一次嚟Shine，幾鍾意依度的環境，同朋友食飯傾計一流。今次叫左幾款嘢食，質數依舊keep到。明太子海膽意粉三文魚籽都幾多，配合沾滿明太子醬及忌廉汁的幼身意粉，醬汁比例剛剛好，好好味。另外海膽甜而不苦，值得一讚👍🏻小食拼盤小食拼盤包括雞翼、薯條、洋蔥圈、炸蝦同炸雞粒，全站熱辣辣炸好，送酒一流。法式燒羊架 (配薄荷汁）羊架燒得剛剛好，肉質鮮嫩，完全無羶味，味道好好，唔落薄荷汁都好夠味，值得推薦。…Read More

出街食飯最怕好逼同好吵，香港地想靜靜地食餐飯都唔係咁容易。琴日同女朋友行完街上左依到食dinner，喺銅鑼灣以為一定好多人，不過一上到去感覺好寧靜，好舒服，座位同座位之間唔會好迫，坐得好舒服，同女朋友傾咩都唔怕比隔離位聽到，食物仲好高質添焗蕃茄泡菜芝士豆腐可能就返香港人口味，泡菜唔會好辣，我同女朋友都唔食得辣，辣道啱啱好，芝士豆腐雖然好邪惡，但有親芝士既都好好食炸蝦球(原味+泡菜)蝦球爽口彈牙有兩款口味，同埋配茄汁同泡菜沙律醬，我個人鍾意泡菜味嘅蝦球，味道唔同普通既蝦球，好食！西班牙黑毛豬配柚子味增醬我自己出街好少叫豬肉嘅菜式，因為最怕豬肉鞋 sharp sharp ，不過依度嘅黑毛豬好林滑，一啲都唔鞋，肥瘦適中，連埋沙律菜一齊食就啱啱好配菜除咗有個醬點之外，中間嗰個炒蘑菇都好食…Read More

通常都係以正餐做晚餐既我，今次同朋友試下呢間唔幾好評語既餃店做晚餐本身我自己就較喜歡水餃，但友人就想煎餃都一齊食，所以兩樣都與點但因為唔想全餃做晚餐，我都係忍唔住叫左碗齋麵再叫碗豆漿首先黎個見個名有點特別既元貝豬肉湯餃，味道唔錯，幾特別。通常呢d特別配搭有時我覺得亂咁黎，但呢個配搭冇違和感，係偏淡，但啱我再黎叫個軟心芝士煎餃，食落芝士不算好濃，所以感覺唔「漏」再黎平時食既韮菜豬肉餃，湯餃同煎餃一齊食，驚喜就冇乜架喇，但就當然係好食呢餐都算好滿足，成日食就當然唔得，但間唔中食就一流…Read More

今次唔係第一次黎食，平時只係食個set dinner, 但今次係見到個西冷牛火鍋吸引左我，見佢40週年半價就過黎食。入黎二話不說梗係叫個西冷牛火鍋，見佢仲有個追加優惠$40西冷牛肉就當然叫埋慶幸有追加牛肉，份量比我想像多牛肉一開始都放得大耐，所以食落有點靭，搞到有點浪費左之後吸取教訓就等佢差不多熟就即刻拎上黎食，肉質好好多其他配料就不過不失再黎個滑蛋豬肉飯，中規中矩最後當然唔少得甜品雪糕就當然好食，又夠滑。紅豆整得幾好味，係甜左d個人較喜歡宇治金時口味…Read More

同朋友慶祝生日。朋友提議食爐端燒。慢慢食。又嘆下。餐廳放左好多酒。好適合放工後同朋友黎飲兩杯。前菜同Fd share左杯柚子雪糕Highball同明太子沙律。。Highball即係Whisky + soda嘅飲品。原來酒味都唔係好重。易入口岩女仔食，加上帶芥末味沙律醬嘅明太粒。好爽。風一樣地清碟。爬openrice文嘅時候。已經比依個燒蟹蓋吸引。我地揀左甲羅燒。果然無令我地失望。淡淡濃濃嘅蟹糕。加上蟹肉。都幾鮮甜，就等膽固醇超標都無理。好滿足。不過可能因為晚市比較多人。完來係唔會擺個爐係你隔離自己燒。而係見出面有個師傅全晚係到即叫即燒。忙到無停手。我地都繼續燒。叫左燒是日新鮮魚鮫同燒牛仔骨。兩樣都無得輸。魚鮫位相信黎至一條非常大嘅魚。非常多肉。燒嘅火喉適中。皮脆個但肉仲係juice。唔使調味。簡單地加上檸檬汁調味已係鮮。牛仔骨一樣唔鞋且有肉汁。而且唔係只得骨無肉嘅貨色。甜甜地好好味我地係明太子控。仲叫左明太子玉子卷。原來好多件架，每件都有多多咸香明太子。配上甜甜嫩滑嘅玉子。又一滿意之作。貪吃的我們。被奶油芝士意大利麵所吸引。餐廳遠處真係一舊芝士整意粉。邪惡至到呢。意粉真係非常creamy。相比芝士味。我覺得奶油味更突出。好岩女仔胃口。趁熱食非常不錯。不過食完碟意粉真係捧住個肚走。兩人份for兩個女仔都有啲heavy。未能有機會食雪糕甜品。只好下次encore. …Read More

早前同屋企人食晚餐，見到莆田推廣緊蟶子美食，又有小菜嗌，所以就入去試下。鐵板鹽焗蟶子好鮮味，亦都非常多肉。不過有一兩隻有啲鹽入左去，定係沙🤔？冰爽酒糟蟶子酒味唔算重，但我鐘意，太重反而會蓋左但鮮味。都係脹卜卜好多肉。蝦苗拌頭水紫菜酸酸甜甜嘅涼菜，口感爽脆，好開胃🙂酥炒芋頭本人麻麻地芋頭，不過呢但芋頭粉粉地，配外面甜甜都唔錯莆田滷麵麵線啲海鮮都幾好🙂個味唔錯，濕濕地好易入口。不過我更鐘意硬啲呢麵，家姐鐘意淋啲，就覺得好正🙂莆田荔枝肉炒到外脆內軟，好好味。我真係好鐘意食甜酸骨，好開胃，連啲燈籠椒都唔放過❤️百秒黃花魚魚肉好鮮味好滑，好正👍🏻總的來說，食物味道唔錯，賣相又靚，可以再黎。👍🏻👍🏻👍🏻…Read More

好鍾意呢到呀！好大，坐得真係好舒服！食物質素good之餘，職員都係good既，真係好難得呀！大廳中間係唔同既冷盤，食物一D都唔失禮。要鮮有鮮，要肉有肉，要素有素。其中我最喜歡既就係呢個温泉蛋！佢真係煮得岩岩好！個蛋黃既味好濃！蛋白滑到可以直接瀡入喉嚨！仲有個豆腐好滑！配麻醬食真心一流！其中一個好嘅地方就有個兒童玩樂區。可以帶小朋友過嚟呢度玩！大人食到有時都會有啲濟。同小朋友玩一陣就可以再食過。個兒童遊樂區好大！仲好精心咁佈置！放題其中一個主角當然係刺身！刺身唔夠新鮮真係乜嘢都係假！ 我鍾意食放題多過自助餐嘅原因係因為覺得好好似冇自助餐咁浪費，點乜嘢上乜嘢。 你睇下佢個三文魚幾咁肥美！帶子都好鮮甜！另外一個知道大家都未必會好食嘅就係壽司。因為覺得舊飯唔抵玩。撐飽左自己就唔好。但我係好鍾意黎放題食火炙壽司！因為平時自己食有啲貴。呢度嘅火車壽司都燒得幾好，細細件唔會太飽，而且都做到個種香，同埋應該都真係即席燒嘅，因爲黎到都重有微溫。 冇expect佢會到做到好似出面一樣水平，咁樣我已經好滿意啦。日本就叫左青魚，佢燒得都幾香，好好食！ 再叫左燒蝦，燒雞軟骨，同埋炒雜菌。其實仲叫咗好多唔同嘅嘢食，呢度只係冰山一角 ，不過so far都幾滿意嘅。要食放題食到有滿意呢兩個字都真係唔係咁易。走之前緊係要食甜品食番夠本！佢出面有個甜品枱上放滿甜品。除此之外仲有 Movenpick & Hargandize 任食! 好開心呀！飲品種類都算多，總括而言，坐得舒服，食得開心！ 放工，其實都係想揾個咁樣嘅地方啫。 香港人，輕鬆啲！快樂啲！…Read More