Freddy C's Profile

話說今日黃昏跑步前諗住經Openrice落定外賣order，跑完自取。6點落單，講明要求7:15pm攞。7:15pm去到門口，打開個app先見到個order 6:08pm 已經出咗。入去攞餐，店員粒聲唔出遞袋食物俾我(已經入好晒放咗係bench)。我問阿姐個order係唔係6點接到單已經出咗喺度，佢poker face 望住我唔答。我再講個order 6點落，寫明7:15先攞，但app show 6:08pm已經可取餐，6:18已完成order喎，阿姐都係冇反應。我再追問「咁想問袋嘢係唔係放咗喺度一個鐘，您哋咁出外賣order㗎？」阿姐先西住話「呢度有熱管(暖住)。」我趕住返屋企，冇同佢糾纏，諗住之後搵Openrice 睇睇。毫無懸念，啲包、薯條、雞翼係凍嘅，炸魷魚淋晒油淋淋，包底放到濕晒。只想講1) 唔明佢哋乜事咁早出單，做唔到咪唔好喺Openrice 俾人揀幾時取外賣，(2) 理論上老麥啲包喺架上放多過30分鐘都唔會出俾客。佢哋放入袋(冇密封)擺埋一邊成粒鐘都敢俾客，味道熱度唔講，食安處理方面自己判斷啦; (3)我入去時人客唔多，店員都係玩緊手指，不知做乜咁西。 後記：經向Openrice 投訴，餐廳給予退款。Anyways,之前一直有幫襯，但員工咁樣，以後諗諗先。…Read More

見佢新開冇耐，一家人近近哋諗住試下。關於“食事”收費不多講啦，只怪我冇睇食評先幫襯反正我哋兩個大人叫兩個餐，冇再為同行幾歲小朋友嗌一個餐或加$68食事，所以餐廳冇幫我哋添飯同椰菜. 不過，係想講下佢哋炸豬柳分量細少。原本見佢分大中細size, 叫份大嘅分畀小朋友都應該OK啦。點知嚟到同快餐店炸豬排飯差唔多分量(見圖), 唔敢想象細份會係點。 總括嚟講，下次食炸豬扒都係返去食T*k*c*i, 貴啲都bang for the bucks la.…Read More

之前都有幫襯幾次，正正常常都有返兜。最近兩次發覺原來佢哋啲水準十分飄忽。今日嗌個咖哩雞牛坑腩飯，上枱見得幾粒牛肉，份量亦偏細，忍唔住要留個review.今日見人流亦唔多，價錢可能都用嚟交租啦。…Read More

餐廳衛生好一般，有蟲仔飛嚟飛去，有一隻衝埋落我隻碟到意粉同燴飯味道一般(偏overcook). 另留意跟餐(+$17)牛角窩夫係冰凍嘅，問侍應話係咁。食落就似雪咗一晩嘅隔夜嘅窩夫，yuck.…Read More

原本呢間都係常去嘅牛丼店, 一開始覺得味道幾好。真係唔知係唔係轉咗手或廚房換咗人，整體比啱啱開時退步好多。今日星期六下午四點去食，當時人唔多。正常叫燒牛肉丼加炸雞，再加杯熱奶茶。今次上菜時間係快，但唔知點解所有嘢上時都只係暖暖哋。當碗飯底都唔熱，牛肉丼啲汁撈好已經變成杰撻撻，牛肉亦因唔熱食落好肥膩。炸雞亦一樣，炸漿係淋嘅。.... 連杯熱奶茶都係luke warm，飲左半杯放棄，呢次感覺慘過食xx家(呢間就算啦，多年冇幫襯啦)。 …Read More

今日7pm openrice 落柯打講明7:45pm 攞，但佢哋7:19pm 就話可取餐。結果啲拉麵放到硬返，湯底又凍咗，返到office碗野都唔掂啦。我相信碗麵熱食應該ok嘅，但外賣免得過就免啦。…Read More