akiracat's Profile

生日前一晚先諗食咩，好彩都book到間唔錯嘅餐廳。但因為太遲book枱，所以坐唔到打卡位，有點可惜。臨近聖誕節，餐廳都算多人，安排左普通嘅2人座位，迫就唔算迫，但如果枱與枱之間嘅距離可以再遠小小會好D。經典水牛城雞翼我覺得咸左d, 但係我對面嗰個食得好滋味。冬陰公海鮮扁意粉好香冬陰公味，香得來又唔太辣，值得一試炭燒美國肉眼伴香草新薯好juice, 炭燒味濃～唔錯MocktailsLips of an angel玫瑰花香加挑＆蘋果味Pussy Foot甜品係西班牙油炸鬼上面灑左d糖霜，甜甜地，口感煙煙韌韌配上祝賀字句，為今年嘅生日飯畫上個完美嘅句號～…Read More

新開張嘅時候諗住嚟試，但係有朋友食完話性價比低就無諗住食。今日另一個朋友話想試，就陪佢一齊試啦～去到我地排第一，因為Lunch時間，入面都差不多滿坐，我見到有張4人枱吉左，但係d職員就要我等等。。。明明有吉枱都唔比入。。。等左差唔多5分鐘，有其他人排隊，又係2位，職員先肯放張4人枱出來:(其實Lunch time已經唔長，有位都唔比人入，真係唔係好得。。。我地叫左個期間限定嘅羊肉餃+昆布湯麵及露筍帶子鮮蝦餃+擔擔麵套餐我本身鍾意食羊肉，所以覺得陣“穌”味好夠，個湯麵亦都好清，麵幾彈牙。露筍帶子餃味道都唔錯，隻隻餃子都有粒小帶子，擔擔麵完全唔辣。整體來講，食物係ok嘅，服務要改善下。…Read More

久違地可以出街食飯，見好耐無過食大排檔，就揀左食妹記。我地3個人叫左4個餸～豉椒炒蜆：應該係大蜆，味道ok, 好似好大蝶，但係其實每人得幾隻，寧願佢俾細蜆我椒鹽鮮魷： 同出面食嘅唔同，好大舊粉包係出面，個椒鹽又就咁灑係面，唔係舊舊都有椒鹽味完全失望海鮮雜菜煲：正常雜菜煲，無咩特別，係粉絲太少蠔仔粥：份量ok, 蠔仔味道鮮甜，不過未食完就收走個胡椒粉囉3個人食左$406，不過性價比低～咁嘅價錢寧願食其他嘢。…Read More

一年一度中秋節難得同屋企人出去食飯，叫左個套餐，同其他小食。講真食物唔難食，但又唔係太突出，不過不失。食到差唔多尾聲，準備食糖水的時候，望一望隻茶杯，竟然發現一舊香口膠係入面仲要係o趙過嘅。。。。嗰刻真係有反胃嘅感覺。。。叫個呀姐過來，同個呀姐講，佢睇一睇走開左，返來換個隻杯俾我就算，道歉都無句同屋企人食飯又唔想搞大件事，就無再向經理投訴。。。都唔知洗碗嗰個點睇嘢，唔知以為自己食緊大排檔以後都唔會幫襯。…Read More

今日同同事去重慶大慶食下印度菜, 去到間門面好似快餐店嘅舖頭, 但係原來隔離間裝修好d嘅舖都係同一個老闆的, 我地就入左去隔離坐。一入去即係每人叫左杯mango lassi $30未飲已經見到杯嘢顏色好黃, 入口好濃芒果味, 同出面d舖頭唔同, 足料咖哩牛肉配dasa牛肉辣辣地, 好霖好好味dasa配3種醬, 一種有d咖哩味, 一種辣辣地, 另一種有d似千島醬penner butter masala 有d似豆腐, 甜甜地mushroom mutter味道唔錯, 又唔辣, 配薄餅或飯都唔錯羊胺略嫌燒得老左小小薯條剛炸起, 加埋印度醬料一齊食, good…Read More

夜晚11點去到元朗唔個食咩好, 見到呢間店又有刺身, 又有拉麵同串燒, 好評都幾多, 就尊登去試試~雖然係賣日本料理, 但係裡面d裝修又有少少外國風😆我地兩個人叫左一客拉麵, 一客刺身, 三種小食再加一杯飲品, 都係$273, 真係幾抵食日本直送飲品選擇都有幾款, 我地叫左山梨縣梳打, 其實即係提子汽水😬$35有240ml, 唔好話兩個人飲, 一個人飲都覺得唔夠🙈刺身叫左帶子, 好新鮮, $38有6切, 絕對可以再叫拉麵係炸雞拉麵配地獄湯底湯底都幾辣, 有一隻塘心雞蛋, 味道可以, 但可惜雞蛋無調味。炸雞剛剛炸起, 熱辣辣, 都唔錯。小食叫左魷魚鬚, 燒芝士扇貝及金菇肥牛卷魷魚鬚都幾大碟, 好抵食, 炸粉又唔厚扇貝細隻左小小, 但係幾好食肥牛卷個肥牛略嫌乾左小小, 但係味道係ok的總括來講, 係抵食又唔錯, 元朗宵夜又多一個選擇…Read More

食完飯經過厚福街, 見到風靡台灣的森及茶係尖沙咁開分店, 即刻去買杯試試~間舖出名嘅係惡魔珍珠奶茶, 但剛食飽, 唔想飲奶茶, 所以試下其他飲品先~我叫左一杯果汁, 朋友叫左一樽冷泡茶消消滯超級檸檬橙$32果汁好足料, 見到有2片檸檬3片橙係入面, 入口橙味中帶點檸檬味, 唔會太甜之餘仲覺得好fresh好解渴, 仲有d碎果肉可以下冷泡茶-大禹嶺$20成個茶包係個樽入面, 好夠茶味, 因為無加糖, 健康之餘仲可以消滯~個樽仲好實淨, 平時可以當水樽用~…Read More

紅磡車仔麵越開越多間, 但最抵食都係依間~出面食碗兩餸一麵閒閒地都要27-30元, 但依度已經可以叫到3-4個餸。不過唔好以為禁平無好野, 佢D份量都唔小~豬皮辣辣地好夠味, 蘿蔔夠霖, 蝦條同韮菜餃都好好食。醬汁有沙嗲汁同牛腩汁揀, 仲可以加辣菜莆女士們想減肥可以唔叫粉麵淨食餸, 每日都有兩三種菜可以揀, 加埋蘿蔔同冬菇剛剛好。仲有生菜魚肉同碗仔翅食~但係環境衛生就一般, 我次次去都要清潔左對筷子先, 如果可以改善下就更好了。…Read More

是日收工同屋企人食飯~唔想等位就去左依間餐廳4個人叫左4個餸韮王蝦仁炒蛋, 金銀蛋白菜, 半隻海南雞, 煎魚本身間餐廳就主打海南雞, 所以d海南雞唔錯~肉質夠滑, 同個醬汁都好match 金銀蛋白菜仔, 白菜夠霖, 個湯好甜, 配白飯好開胃韮王蝦仁炒蛋d蛋炒得幾滑, 蝦都幾多, 好味道但係煎魚, 條魚煎得唔夠耐, 我地食左小小, 發現入面唔熟~個職員即刻拎返入去, 我地以為佢只係幫我地翻煎, 點知出來係另一條魚~仲煎得好香口好脆~…Read More

正唸緊今日試咩新野好, 睇到soko介紹日本人在香港開的沾麵店~講到好吸引, 就即刻親身來試試晚餐時段係6點至9點, 舖內得11個位, 睇到食評話要排45分鐘, 我地決定6點左右去食6點15分去到, 舖內已經滿坐, 出面亦坐左3個人等緊今日有3種麵揀 - 麥麵, 黑胡椒, 羅勒(day special) 湯底有3種 - 豬骨, 黑蒜油, 蝦味等左30分鐘, 終於可以入座由於排隊時, 侍應已經問左我地食咩, 好快就有得食~不過一入去, 成間舖都有陣好重好重嘅腥味, 唔知以為自己去左魚市場食麵~:(我揀左羅勒麵配蝦湯朋友揀左羅勒麵配黑蒜油湯+半份黑胡椒麵第一次食用羅勒整嘅麵, 食果時有淡淡的香草味, 蝦湯好鮮好濃黑蒜油湯都好重蒜味~但比蝦湯淡味食左蝦湯再食黑蒜油湯~會覺得唔夠味不過朋友喜歡食蒜味, 正合佢心意黑胡椒麵都幾特別, 但唔夠羅勒麵好食店內仲有日本出產的碳酸飲品, 唔係度度都有得賣, 我地試左蜜瓜味, 真係好蜜瓜…Read More

去開佐敦做野~本來唸住食澳牛, 突然唸起以前食過嘅七福神, 即刻轉場去回味一下先~去到有4-5個人排緊隊, 都等左成半個鐘先入得~今日得兩個人食飯~叫左滑蛋豬扒飯, 海鮮炒拉麵同吉列蠔豬扒飯d蛋都唔錯~雖然唔算炒得好滑, 但都唔老, 入面仲有冬菇同洋蔥一齊炒豬扒炸得幾香, 皮脆肉質咬落又唔韌海鮮炒麵海鮮得好少海鮮~主要得魷魚:(味道一般, 下次都係試其他野吉列蠔都唔錯~炸粉比例剛好~點埋沙律醬更美味不過食飯中途隔離枱個客打爛左隻玻璃杯, 個侍應掃唔乾淨, 搞到我老公食食下親隻手指雖然只係好細個傷口, 但係d員工真係好唔細心。。。。。。…Read More

是日朋友生日, 唸住食泰國菜, 本來想訂另一間係尖東的泰國菜~點知睇錯個名, 訂左依間~哈😜一入座就見到份頭盤~有隻蝦同西瓜, 都幾好食:)因為8點前飲品有happy hour價, 所以即刻叫左飲品先~叫左3杯唔同味的mojoto, 最好飲係熱情果味炸魷魚圈~炸得幾脆, 面頭層炸粉又唔厚串燒唔錯~個汁幾好味黃咖喱軟殼蟹+蒜蓉包黃咖哩唔太辣~可以再辣小小最後加個芒果糯米飯~價錢唔平, 唔算大份~食兩啖就ko不過味道唔錯…Read More

今日太早食晚餐, 到左10點有小小餓, 就唸起北海道活10點半後有85折, 所以就去食啦~因為去到未夠10點半, 所以即使有空位都要等到夠鐘先可以入座~平時都幾多人等位, 可能今日係星期日嘅關係, 前面得兩個人排隊~每次我地都必點火灸芝士玉子蝦壽司&泡菜八爪魚軍艦~剛剛燒過嘅火灸芝士玉子蝦壽司熱辣辣, d芝士溶溶地, 入口即溶, 唔洗點醬油都好好味泡菜八爪魚雖然無泡菜, 但係有泡菜個汁, 辣辣地, 八爪魚有咬落有口感~正 兩個人食埋單唔洗300~…Read More

今日突然間想食韓國野, 就唸起韓兄弟~韓兄弟真係由兩個韓國人兄弟開嘅~平日都好多人食~今日晏左食飯, 一入到去就有吉枱, 不過全部都未執~我地要等服務只執好枱先可以入座~同韓國嘅烤肉店一樣, 茶同茶杯係要自己出去拎嘅, 小食有泡菜/芽菜/菠菜, 食完可以叫佢再拎, 無限添~我叫左個砂鍋牛肉飯, 朋友叫左韓式牛肉拌麵牛肉飯入面有紫菜同青瓜絲, 味道保持一向嘅水準, 加埋d泡菜入去撈來食仲好味~拌麵有牛肉, 青瓜絲, 紅蘿蔔絲加韓式辣椒醬一齊撈, 麵質唔錯, 但係唔太夠味~…Read More

去到朗屏站唸緊今晚食咩好, 經過依間拉麵店, 個門口好有日本居酒屋feel, 望下個餐牌~又唔貴喎, 即刻入去試下先我叫左個晚市套餐, 一碗拉麵加小食同飲品, 都係六十幾蚊, 加5蚊沖可以轉紅蝦頭湯平時成日食豬骨湯麵, 今次試下新野先紅蝦湯叉燒拉麵+餃子+檸水個湯底好濃郁的蝦味,一飲就知無落味精,好鮮甜,無得輸 拉麵夠彈牙, 塊紫菜仲要脆嘅隻溫泉蛋我以為得半隻, 點知係全隻處~一口咬落去爆蛋黃, 真係好美味餃子就一般啦, d皮厚左小小。絕對係可以encore的拉麵店…Read More