Carlos Chong's Profile

環境唔錯，唔會太迫，會唔會太嘈！食物質素：中規中矩. - 海膽帶子炒飯好好，我覺得海膽嘅份量好多，好大件！ display方法不錯，展示出來海膽份量，被客人覺得份量充足！- 鰻魚壽司薄餅： 就好似Rice Burger咁，個飯焦薄薄地啱啱好！ - 紅龍卷： 餐廳真係好有心意，知道朋友生日，呢一碟餸，上菜，寫埋Happy birthday，好有意頭！ 呢間餐廳都幾窩心，訂枱嘅時候知道係朋友生日，幫我謝謝Happy birthday 喺隻碟上面，氹到壽星女好開心！Waiter waitress 好禮貌，有個哥哥仔（叫阿文） 好盞鬼，亦都好窩心，知道朋友生日，亦都送上祝福. （老實講，香港真係好需要呢一類型餐廳，仲有呢一種待客之道） 謝謝😊…Read More

地方還好，整潔整齊，可能唔係太多人，所以都好寧靜！ 上菜速度正常，唔會等好耐！ 首先嚟咗個沙律， （唔記得影相，俾我哋整爛咗）黑醋藍莓醬，又酸又甜，都幾得意嘅！ 菜都新鮮！ 盡量就正正常常，可以多少少火腿就好啦🤫🤫🤫😎黑松露pizza真係好香，可以考慮encore ！不過記得要趁熱食， Pizza凍咗真係唔好食！海膽意粉，我就覺得過海膽味唔係太過突出！但係佢哋啲汁都好多，所以冇偷工減料，應該係本身海膽係淡淡地嘅味道！ 意粉都煮得唔錯，啱啱好！ …Read More

環境清幽，出乎意料地小人，但係其實價錢唔貴，唔知係咪因為啲人去晒其他附近嘅餐廳（比如華x ,人哋用社交平台，其實啲嘢食真係好普通。）講返呢間餐廳，喺尖沙咀地段，食呢個價錢，真係好平. 上菜速度方面有啲慢，不過見到樓面好似唔係好夠人，可以接受，就當同朋友慢慢傾偈蟹餅，好似比出邊舖頭細咗少少，不過味道方面唔錯！ 三文魚沙律，牛油果份量好多，冇偷工減料！ 蒜香大蝦薄餅，真係食唔到蒜香味，不過就朋友反而好鍾意🤣！ 隻大蝦真係好大，唔覺係冰鮮蝦，真係有鮮味！ 椰青美式咖啡，飲落幾有層次感，飲到落底好重椰青味👍🏻 隔籬枱啲人嗌意粉，譬如大蝦意粉，份量都唔錯，好大碟！ 如無意外，應該下次都會嚟幫襯多次👍🏻…Read More

環境方面，坐喺商場開陽位置，不過地方都算乾淨，但係倚賴啲人自己執枱，即係話，如果你食完嘢唔執返自己張枱，就未必有人幫你執枱試咗$48嘅藍莓乳酪疏乎厘，加$18 ，就有個士多啤梨梳打疏乎厘方面，可能我唔係big fans, 我真係覺得冇乜特別，醬料方面，甜嘅藍莓配酸嘅乳酪，見仁見智，但係我啲朋友食完都覺得麻麻地伯爵奶茶味（沒有拍照）還可以！至於杯嘢飲。（士多啤梨疏打）. 何謂梳打呢？係有氣嘅汽水，好可惜，杯嘢飲一啲戲都冇，似係走晒氣嘅梳打水，加士多啤梨！ 我想言之，令到我好失望！個人就覺得，可以試一次嘅！…Read More

同朋友晚飯，無無聊聊，佢就是話試呢一間！ 舖頭環境細細，但係都算企理！ 乾淨企理！ 叫咗呢個$268嘅餐，首先來海鮮，慢慢蒸！ 大頭蝦，都新鮮，（好驚蒸完蝦係霉，一剝殼，隻蝦就爛晒？好彩冇發生過）啲蝦又多膏！ 另外，除咗蒸海鮮，都可以蒸牛肉粒食，第一次蒸牛肉粒，原來好好味，我覺得好過鐵板燒或者火鍋！ 下次真係要再試！用咗45分鐘食蒸海鮮，之後就轉咗食火鍋！ 火煱配料算係咁啦，仲可以繼續叫大頭蝦/ 貝殼類海鮮. 你會覺得種類唔多？但我覺得：呢個價錢，性價比好好！ 加多$20 ，出邊汽水可以任飲，汽水飲品種類唔多， 唔可以同「出邊嗰d $400放題」比，但可樂七喜芬達都係玻璃樽裝，我自己就覺得，好飲過鋁罐裝！ 仲有其他忌廉鮮奶，解茶！ 呢個價錢，真係抵到爛！ 埋單，一個人都唔使$300 ，食緊呢個質素嘅海鮮！ 👏🏻👏🏻👏🏻👍🏻！…Read More

第一次嚟，會覺得好有神奇嘅感覺，有活海鮮俾你，攞返埋位打邊爐！ 溫馨 提示 ， 嗰啲 花甲 , 我就唔再攞啦 ， 可能我唔好彩，幾次食！ 都有沙 ！ 熟食：生蠔就比較大隻，不過今日啲生蠔，好似冇上次咁好食！ 燒鵝肝，芝麻雞翼，仲保持到水準，都係好好味！ 燒榴槤，如果你熱愛榴槤，你一定要嚟！ 員工服務態度，有好有壞啦，入場嗰陣，有個後生仔，都幾熱情，溫馨提示我哋，六個人要兩個鍋，要加錢，第二個鍋要佢哋人手幫我哋入單！ 開餐啦！明白食放題，好似填鴨式教育咁，不停咁食食食食 （其實進食速度就自己安排） 員工都會，真係好勤力，不停咁幫我哋清潔張枱！ （真心講：以上兩點都係值得讚揚的！ 辛苦你哋呀） 不過，我地9:00要離坐， 食到8:15，我哋開始飽，停手，員工「有禮地」就即刻/ 自動幫我哋執枱！ 執枱本來好事， 但， 我食緊幾杯雪糕（有啲未食完放喺枱），枱上有水果，員工執枱隻手，執走我杯雪糕，當然以為我唔要啦！ 之後俾返我，（當然，利用一兩秒時間知道你唔應該執我杯雪糕，因為我仲要食）但你叫我點食？我想強調嘅係：你唔係第一日執枱！甜品，水果，甚至乎飲品，你應該知，人哋仲食緊，點解你會掂完人哋嗰隻水果碟，又俾返人呢？ 你當我有潔癖，但係我真係接受唔到，你執枱，隻手乾唔乾淨，見仁見智，但掂完我杯雪糕，又或者我個水果嘅碟，跟住俾返我？你覺得無問題？！ OMG! （最後，我都係好晦氣同佢講，我唔要啦，你收返啦！但係個姐姐好似唔係好明咁，仲好努力咁執我哋張枱，我只係可以叫個姐姐：呢度唔使再執㗎啦，不如你去執隔離張枱啦！之後我出去再攞過！）有活海鮮係一個gimmick! 但係，其他地方都有. 呢間舖頭，蝦的種類是相對較多. 蟹，一般般啦！ 如果可以有肉蟹，就好啲囉！ 熟食：食物質素都係ok！ 羊架還可以，如果你鍾意食榴槤，出邊有大量燒榴槤，真係可以食餐飽最後，甜品，堅有驚喜嘅，因為，今次新味道！ （有啲新口味嘅Häagen-Dazs雪糕） 我都唔記得咗我食咗幾多杯啦🤫🤫🤫🤣後記： 這一篇文章，有所修改，我把我之前尖酸刻薄，播啲過分嘅主觀感覺（勁過分嗰啲，原來唔出得街㗎）我都修改晒！ 希望今次唔會有任何法律風險啦！記：唔知點解， OpenRice又唔俾我出post ！話我食評可能有風險責任？可能係佢以前太過尖酸刻薄，我嘗試修改一下啦。！ …Read More

6:45 至 7:00入場，以為自己早到，叫左C餐， 成個場得幾台客！結果臨走嘅時候， 9:00 ，一啲都冇爆過場，真心明白點解你哋爆唔到場！1. 冇乜嘢食：以前熟食有好多種類！依家熟悉，少咗好多！串燒雪櫃長期空空如也：出邊啲嘢食成日都係吉嘅！雞翼長期都係得嗰幾隻放喺度，有陣時出去，吉嘅，冇嘢！ 2， 漏單留到離晒譜： 我叫咗個最貴嘅C餐，諗住食海鮮！最後結果：我張枱淨係嚟咗四隻蝦，同四隻扇貝！大大話話入咗四五張紙，等咗45分鐘，都冇嘢到！ 我就寫第六張/七張紙，入單，親自俾個女侍應（胡老闆娘？ ）然後同佢講，我啲嘢食從來都冇嚟過！ 之後大約（ （入座計時） 1小時， 先至嚟咗第一輪海鮮，四隻蝦，四隻扇貝，老闆娘解釋，廚房唔夠人！ 另外，老闆娘都講咗，啱啱郁一第六章，同第七張紙，咁你哋啲嘢食嚟咗，我就唔幫你入啦！ （下？ 我寫咗四五張紙，應該唔止四隻蝦同四隻扇貝，算啦！我再寫過啦。） 結果，到我埋單嘅時候，都冇再嚟過海鮮！ 3， 環境抽風何其差：周圍都好大煙，唔知係咪因為呢個原因，所以冇人來幫襯！4， 客人要服侍返侍應轉頭？ ！臨走的時候，侍應（男，比較高）見我哋都冇乜意欲食野，開始幫我哋執枱，竟然教育我哋：將張枱嘅垃圾，例如紙巾，自己放入鐵桶內！ （註： 當計時佢淨係收咗兩三隻吉碟，跟住就咁走咗。）基本上，我哋唔算食到周圍都污糟邋遢，只係啲紙巾用完之後，就咁放咗喺張枱！男侍應竟然要求客人，自己清理紙巾，放入串燒的鐵桶？！ 問心： 你係笑笑口，好似好有禮貌，講笑咁請我哋自地收拾紙巾！不過計埋先前嘅因素，我真係好唔滿意！我係唔係應該，幫你哋抹埋枱，收埋枱，送埋啲碗碟入去你哋清潔嘅廚房呢？就算我真係食到污糟邋遢，係邊個責任去清理張枱呢？好老實講，我同我唔同嘅朋友，都嚟過呢度（即係，我都幫襯咗好多次），不過對上嗰次真係一段時間幫襯！以前會有抽獎，鰻魚食， Facebook讚，有嘢送！依家乜都冇，都唔緊要！但係出邊啲嘢食空空如也，真係唔知想點！ 好明顯見到樓面，真係唔夠人！我亦都坐喺見到廚房嘅地方，入邊真係唔夠人！ 結論： 無下次！ 不再見！後記： 唔知點解OpenRice，唔俾我出原先個post，唔知係咪我啲字眼太過尖酸刻薄，佢話如果我確認，可以出post，有機會承擔法律責任？ 1: 首先我唔係打手，呢一啲嘢食係我當晚自己影嘅！ 呢個平台，當然希望食客高抬貴手，但係真係食到嬲嬲地，尤其是: 員工教育客人如何把垃圾放進什麼什麼地方？ 2: 感覺佢哋質素斷崖式下滑，係我自己嘅感覺，自己感覺都有錯？…Read More

地段位置，有少少唔就腳，不過可以接受嘅！ （其實香港咁細，行一陣就搵到呢間舖頭，冇乜問題。）環境裝修，好企理乾淨，有特色！前菜，應該係光波爐（氣炸鍋）整的午餐肉，燒賣，炸雞！所以好乾身，唔會油淋淋，幾好食！不過份量太多，所以，要留肚食之後嘅嘢🤭🤭跟住係雞煲. 叫做用心製作！ 出邊的雞煲，除咗雞，配菜（蔥，蒜頭，洋蔥之類嘅嘢），就乜都冇！ 佢哋裏面，有豆卜，有雞腸，豬皮！ 為咗快熟，啲雞切得細細件 （其他舖頭，好大好大件，食一件都飽曬！ ）味道方面，朋友叫咗個中辣，我自己就頂唔順啦，不過係幾夜味嘅！（慶幸汽水任飲，幫我解辣）食完雞煲，就係火鍋！ 如果鍾意食沙嗲，呢一度嘅沙嗲火鍋真係唔野少，真材實料，出邊其他地方嘅沙嗲，好水好稀，完全冇得比！ 呢度啲沙嗲火鍋鍋，好似汁咁樣，好濃，有冇黐底，冇煲窿！ 火鍋材料，老實講，唔錯！ - 佢啲水餃，魚皮餃，雲吞，真係幾好味！ 不過雲吞啲皮就厚咗！ -仲有佢粒牛丸，好juicy! -紫菜響鈴，有啲失色，中間太實，浸咗好耐都唔係好得！- 蟹柳，都值得一試. - 牛肉，唔記得咗我哋食嗰個係乜嘢牛， （我哋食嗰個係最鬼版本。）真係好難呀，鮮味。- 唔記得咗講：沙嗲湯鍋入邊有牛腱，好大件！ 如果你鍾意食牛肉，呢一間火鍋店，應該滿足到你！ - 黑毛豬， 還好！ 本來想嗌蝦食，不過年紀大啦，食唔到咁多！而且要額外收費費🤫🤫🤫會唔會考慮加羊肉呢？見唔到有羊肉！ 飲品： 除咗出邊自助飲品（汽水，道地解茶）仲有一啲免費特色飲品，雜果賓治，颶風梳打之類咁嘅嘢， 都有幾款同酒有關嘅免費飲品，例如，威士忌可樂. 叫做俾你淺嘗一下😄食完之後有甜品送，老實講，甜品好遜色，無味. 建議作出條整！ 總括嚟講，係一間有特色嘅餐廳，食物質素唔會令你失望！ …Read More

喺附近返工，但係冇食過呢間嘢，本着冒險精神，以為唔好食，結果發現，好食！ 有驚喜！ 環境方面，由於我6:00就入場，冇乜人，比較靜！ 可以慢慢食，之後都有其他客人嚟光顧，佢另一邊係做中菜，所以到七點幾，就有啲嘈吵，可以接受嘅！ 侍應都好有禮貌，見到有其他客人，唔知係咪熟客，個老婆婆，唔知嗌乜嘢好，個女侍應都好窩心，好有禮貌幫佢落單！ 可能我哋做光顧，客人唔算多，上菜速度都好快！ 黑松露炒飯，雖然用嘅飯係隔夜飯，不過都係日本珍珠米，食落都好好食，個飯炒得好香！ 唯一美中不足嘅係：唔係用隔夜飯，所以啲飯腍咗啲！ 之後嚟咗兩個套餐，啲壽司都好幾好食！ 極尚壽司- 嗰件鰻魚壽司，真係冇得頂，出邊食嗰啲鰻魚，軟腍腍！佢呢間啲鰻魚，厚身，有咬感，睇你鍾唔鍾意啦，我個人嚟講就好鍾意！ 刺身方面，平時食放題刺身，都用冰珍珠，老實講，啲刺身凍冰冰一啲都唔好食！ 佢呢間啲刺身，溫度啱啱好，室溫再涼少少，亦都好厚身，冇偷工減料，個人感覺都好鮮！火炙胡麻帶子卷，諗住40幾蚊，應該好細件，結果好大件，件帶子亦都好厚！ 跟餐有兩杯嘢飲，荔枝冰茶（如果冇記錯個名），溫馨提示，一啲都唔甜，有荔枝味，不過因為唔甜， 相對味道一般（為咗健康，唔好飲咁多甜嘢，可以接受！ ） 兩個人，食咗咁多嘢，其實有啲飽到上心口🤣！ 應該會下次再嚟幫襯過！ …Read More

環境嘈咗少少（其實好多餐廳都好嘈，所以呢個冇得唔接受）都清潔整齊，啲杯杯碟碟都乾淨侍應都好有禮貌，我哋入咗單過一陣，想取消一味餸，轉食佢嘅冰鎮菠蘿咕嚕肉，侍應就即刻幫我哋去廚房取消單，出嚟就幫我哋轉單，好有熱誠，有禮！ 中間發生咗小插曲，有人唔小心打爛咗嘢，玻璃喺我哋張枱附近，佢即刻自動波幫我哋換一碟新餸（冰鎮菠蘿咕嚕肉）. 雖然合情合理，不過有啲餐廳可能就得過且過，唔會幫你換！ 上菜速度，時間合理！食物，都幾特別，味道可以，好吃，可以再光顧！ 黑磗豆腐，應該係必食，記得意，脆卜卜！椒鹽魷魚，中間配咗個醬汁，酸酸鹹鹹，唔錯！黑松露蛋白炒飯，啲飯炒得好均勻，好乾爽！冰鎮菠蘿咕嚕肉，展示得好特別，好靚，打卡必用！ 不過就咕嚕肉仲係熱嘅， 放係冰上， 完！ 我試過喺其他地方食，咕嚕肉即場搵冰水浸，即場撈起身，咁食就外冷內熱，呢一點佢哋就未做到！ 但係佢哋味道都唔錯！啫啫通菜，金銀蛋浸莧菜，冇乜特別，合格 。豬油渣椰菜粉絲煲，真係炒得乾身，我覺得份量細咗啲，如果大煲啲就好啦！ 熄咗八樣嘢食，六個人，每人平均$190左右，真係唔貴！ …Read More

同朋友，大熱天時，又去食下午茶！然後朋友話好想食蛋糕，佢就搵咗呢一間餐廳！正結果發現，入去個裝修幾靚，但係真係嘈到冇人有！似一間茶餐廳！（估唔到一間Cafe shop，係Crossover茶餐廳聲音）冇食太多嘢，淨係叫咗佢個綠茶熔岩蛋糕，朋友就覺得好正好正，我都覺得唔錯！綠茶味好出，唔係太好綠茶，但係真係覺得幾好食！ …Read More

今日母親節，同阿媽去慶祝！簡簡單單食一餐！ 熄咗五樣嘢，埋單都係千$4 ，如果食佢哋四人餐，太多嘢食，就食唔晒！心諗：今日母親節，應該份量好少？結果有啲驚喜，四個人，食唔晒，碟碟餸都好大碟，小炒王，馬拉盞炒通菜好多。個冬瓜盅，或許對有些人，有些少失望，以前喺其他地方飲，真係原隻冬瓜（未去皮）咁樣上嘅，不過佢哋就用燉湯中嚟上，我個人都可以接受. 味道方面都幾清，我覺得OK！龍蝦上湯伊麵，差唔多$600 ，算係咁啦，不過龍蝦嘅份量有冇兩斤半呢？ （其實我就真係唔係咁識睇，不過味道方面，幾好食，起碼啲龍蝦肉都彈啦）小炒王，有油炸鬼喺入邊？不過份量就真係好大碟. 馬拉盞炒通菜，我就覺得太濃味啦！ 上菜速度都幾快，可能我哋係比較早入場！（0600pm)店員服務今日都尚算良好，謝謝自動幫我哋不通，我哋就好客氣咁同佢講唔使，你今日忙，我哋自己招呼自己可以啦！個姐姐都幾好，同我哋傾幾句，都話今日真係會好忙， 都怕一陣間太多人，到時驚怠慢我哋 （真心有啲驚喜，幾有禮貌，我記得2017年，嗰陣時我同屋企人過嚟飲茶，啲態度真係係嚇死人. 依家啲服務態度真係好過以前好多，真心）…Read More

上網見到呢間餐廳，俾佢d甜品吸引，就來試試， 果然沒有失望！環境方面，相當企理，地方寬敞！ 位置都坐得舒服，枱同枱之間正常距離！ 地方都10分寧靜。（意味着啲客唔算太多，希望有多啲客可以嚟幫襯。）食物價錢還可接受，一分錢一分貨！黑松露忌廉雞肉意粉好好味，尤其是黑松露嘅味道，都好濃！ 橄欖魚（唔好意思，唔記得叫乜名），都好好味，加咗檸檬汁，酸酸美味咁，而中間又有蠟燭保住個溫度！ 慢慢食都唔怕食物變凍！ 甜品（意大利芝士熔岩），真心覺得一定要食，食嘅過程當然係有少少視覺享受，其實佢係意大利芝士蛋糕Tiramisu，真係覺得有啲唔夠喉，想再食！ 開心果忌廉疏乎厘（配士多啤梨），我本人對疏乎厘其實麻麻哋，不過佢都整得唔錯，尤其是係開心果，識落有口感，脆卜卜！ 店員態度亦都好有禮貌，食完main course，食甜品嘅時候，佢哋都好主動幫我哋碗碟，提供新嘅餐具！（平心而論：今日客人唔多，唔知道忙碌，多客嘅時候，店員係咪仲保持呢個水準？但係就今日嘅表現，真係好過好多好多餐廳。）唯一一個意見想俾餐廳嘅係：熟食種類可以加多少少，比如pizza? Mini burger? Risotto ? 雞翼？ …Read More

環境方面好靚，正正常常咁啦，冇乜問題！ 人流，都尚算多人，唔知係咪大部份人都係book咗位？不過就唔見出邊有人等位，九成枱都有客. （即係有吉枱）店員禮貌態度：差到一個點，不知所謂！我哋係電話book枱，當其時我哋去到係7.3 ，已經有八成枱俾人坐咗！然後我哋坐低嘅時候，好快發現天花板有塊鐵板響度，有好多水珠，漏水，即刻同reception （長頭髮女士）講，佢嘅回覆係：今日啲枱已經full Booking，得呢張枱可以坐，我幫你搵人抹乾淨啲水！ （當時我即刻視察環境，見到仲有枱係吉枱，我問佢嗰度咪有吉枱囉，佢拒絕安排調枱，原因：話full Booking）我望一望，唔係一兩點水豬，而係好似鐘乳石咁好多水珠，跟住有個職員，一抹，成條水柱跌落落嚟！我問返個女reception （長頭髮），點坐啊，你唔係要我哋成餐飯咁食呀嘛！你要叫你同事間唔中過嚟抹？到時啲陳周圍飛？佢話，抹一次就得㗎！我問：你睇唔到啱啱成條水柱咁留咗落嚟咩？你仲要我坐啊？ 你嗰邊有張枱個喎，總之呢張枱我一定唔錯㗎啦，你一係俾個第二張枱我！結果： 個女reception，即刻安排我哋坐第二張枱，而我全程都留意住漏水嗰張枱，根本就冇客人到，其他枱，亦都冇客人，根本就唔係full Booking book ！ 簡單啲講句，女reception （長頭髮）「可能講大話」？但一定懶得幫客人安排一張合理嘅枱，尤得客人冒險，坐喺張有漏水地方嘅枱食飯？！ 唔係客人據理力爭，呢餐飯點食得落？！食物質素：其實好普通，-乳鴿$48 一隻， （出邊好食嘅$68 ），一分錢一分貨，， $48 ，真係侮辱，又冇乜味，又唔熱！- 蔥爆羊肉： 乜嘢肉嚟㗎 ？落咗勁多鬆肉粉，老實講，合埋隻眼問你食緊豬肉？牛肉？定羊肉？所有朋友都分唔到！淨係知道落咗好多鬆肉粉。-叉燒，店員極力推介，好啦，姑且試吓，結果，好大嚿。（應該係賣點。）咁大嚿鍾唔鍾意，因人而異，但係味道，真係一般，重點：又係勁多鬆肉粉。 仲要收我$258 ，得八舊叉燒，完全係俾人呃咗。- 蒜蓉炒菜苗： 叫碟菜， 講明係豆苗，結果嚟咗蕃茄菜苗？問店員先知道上錯咗，攞返入廚房，終於俾咗碟蒜蓉菜我，不過係小白菜！叫碟菜都嗌咗一個鐘。初二真係唔想再同佢哋交涉！ （小白菜等於菜苗？）-生煎蓮藕餅：啲油多到一個點，應該啲油唔使錢！- 竹笙玉書豆腐： 純粹一個冒險精神想試吓係乜嘢嚟，結果捉蟲，只係將百福豆腐花，中間對切，最後尾擺出嚟成本書咁，再林啲竹笙芡汁上去，完😩總結： 食物唔夠熱，味道一般，最離譜係啲肉，勁多肉鬆粉，羊肉完全冇羊肉味，甚至乎懷疑緊係食緊豬肉定係牛肉！ 🫢味道：有陣時食嘢，手工菜貴d? 但係真係毫無手工可言，咁嘅價錢，啲味道竟然係咁（羊肉？ ？牛肉？豬肉？真係分唔到，只係啲肉好鬆，勁多肉鬆粉） 另外，玉書豆腐，真係呃錢到一個點！ 八舊叉燒$258 ，係我錯，冇睇清楚餐牌，我豪俾你！ 上菜速度，透過三碟菜好快，不過係唔夠熱！ 最尾有三個餸，（分別係炒菜，玉書豆腐，蓮藕餅！ ） 都要等成個鐘！ 炒個菜都要等成個鐘？你本事！ good management! 題外話，食完飯用嘅牙籤，當然有止痛，但係唔知點解個指套係濕嘅，啲木牙籤軟腍腍，唔知佢哋係咪儲存得唔好，令到啲牙籤受潮？！ …Read More

等候時間，附近好多餐廳，競爭大，所以我都係等咗半個鐘就有位舖頭大小： 旺角地方，所以報租應該好貴，啲枱拍得好密，坐得比較勁迫. 用餐時間： 一小時. 上菜好快！ 食物質素，可以，中上la! - 一 坐埋位就有蝦片食，都幾好味！- 叫咗個鵝肝飯食，啲醬有啲辣！- 另外叫咗個手撕雞粉絲，一般，不錯！- 我叫咗個椒鹽魷魚鬚，老實講，份量真係比較少！總括嚟講，食物質素係可以嘅！ 不過你一食完，好快就會有店員過嚟幫你收拾. 不過佢哋都冇催你交枱嘅！…Read More