以前訂位要等好耐，知道鼎爺私房菜搬咗新鋪，同一班朋友都訂位約食飯。新鋪地方大啲，坐嘅空間都舒服👍🏻大部份菜式都保持水準，全晚菜單包括：阿爺叉燒，記得要趁熱食；懷舊蝦多士，脆卜卜；話梅車厘茄，好開胃醒神；食完呢幾個前菜都好滿意。主菜開始有：鮑汁去骨鵝掌燴柚子皮，10分推介，係難得有心嘅功夫菜，鵝掌全隻去骨最啱我呢啲懶人，柚子皮完全冇渣入口即融。鮮魚湯脆米浸東星斑，東星班非常新鮮配合香菜提升魚香鮮味。菜遠紅燒豆腐係我最愛，豆腐夠嫩滑，每次都會encore。慢煮陳皮乳鴿，用慢煮方法比油炸更能品嚐乳鴿鮮味，肉質更加滑溜，陳皮香氣配上乳鴿嫩肉，非常特別嘅煮法！已經好飽，但係都忍唔住要食臘味煲仔飯，識得一提潤腸非常好食😋最後糖水係懷舊明目萬壽果糖水。每次去鼎爺私房菜都食得好開心，非常有心嘅功夫菜，好適合一班朋友訂房聚會！
…Read More
…Read More
