winkyfu's Profile

呢間café 已經係我去到元朗國嘅至愛！今日我嗌咗Orange tonic Espresso 朋友嗌咗Flat White。當然唔少得嗌咗個Banana Croffle 。Orange Tonic Espresso :顧名思義就係橙汁+湯力水+Espresso。出嚟嘅成品好靚，適合打卡，飲落去，Espresso 味俾橙汁溝淡咗，易入口。Flat White:朋友唔飲齋啡，所以嗌Flat White，佢話陣咖啡味有少少酒香，幾好飲。Banana Croffle：用牛角包做waffle，係我至愛，酥脆，朋友話呢個Croffle 打破咗佢對牛角包嘅感覺，佢唔係牛角包fans，但都覺好好食。加埋個雲呢拿雪糕喺個croffle上面簡直係邪惡代表。…Read More

終於可以試到喬木。每次search元朗有乜餐廳，呢間都會出現，成日想試，但walk-in 嘅可能性完全係零，今次一早已經決定試呢間，就what’s app book 位，book 到已經好期待。位置：唔喺大街，要啲時間先搵到。裝修：簡約日系風，但睇得出花咗唔少心思，令客人有舒服及輕鬆嘅心情享受呢一餐。播住一啲柔和嘅音樂，成個人放鬆心情，有放假feel。服務：一流。無特意催促客人點餐，可以俾客人慢慢考慮食乜。茶不停幫你Refill。其實成個外場只有一位員工去打理，上餐、落單、執枱、加茶都係佢，所以做到呢個服務水平，我覺得值得一讚。👍食物：當然嗌咗個人氣之選：牛舌。呢個真係可以再encore，因為牛舌煮得好好食，厚切嘅牛舌無燒得死實實，反而入口融化，牛味好出，旁邊仲有芥末醬，點咗少少，成件事昇華咗。另外，嗌咗個黑豚肉生姜燒，相比起牛舌，呢個主菜遜色咗，個生姜燒嘅汁整得好好味，淡淡嘅姜味同個汁好夾，配上黑豚肉係好食。食得出係有心思嘅煮法。只係牛舌太出色喇😋不得不提嘅係佢嘅擺盤，日式嘅定食風格，小碟嘅形式，令到食客更開胃同期待。沙律菜：非常新鮮漬物：冬菇（個汁完全被菇吸收，呢個食完一個有啲唔夠喉）、辣蒜頭（蒜頭唔會太搶，唔太常食蒜頭嘅我都接收到）茶碗蒸：瑤柱蒸蛋（瑤柱鮮味配搭蒸蛋，絕配喇）麵豉湯：海帶加細細粒嘅蜆肉，麵豉加蜆嘅鮮味，好飲飯：感覺係日本嘅米，黏黏哋，唔覺唔覺就食哂成碗飯烏冬：好食，但唔算出色小碟：炸物：係炸薯蓉，唔算特別出色反而冷盤魷魚幾特別。甜品：個人偏好芝麻奶凍，唔太甜，有少少芝麻糊感覺。價錢：個人覺得值得嘅，雖然比起同區餐廳偏貴，但以食物質素嚟講係值回票價。…Read More

熱到唔知食乜好，完全無興趣食有湯嘅嘢。突然醒起屋企附近開咗間小食舖——喵喵夫。嗌咗個「醉貓餐」：醉鷄卷（細），麻醬涼麵（大），送紙包飲品。另外再加咗個黑醋皮蛋。醉鷄卷，我個人鍾意佢酒味夠濃同埋實實淨淨鷄肉多，雖然係細，但分量都好足夠。黑醋皮蛋，啱晒呢啲天氣食，酸酸地加埋蒜蓉，醒胃，我仲將個汁傾入去個涼麵裡面，令到個麵好食咗。麻醬涼麵，反而係三樣中無咁出色嘅一樣，不過都係好食，啱呢個天氣食，同埋涼麵中加咗青瓜同木耳絲，爽爽地嘅口感，啱哂。😋😋…Read More

今日外賣酸辣米線（中辣），豬軟骨、黃金魚角、貢丸。拎到返公司，發現漏咗豬軟骨，嗰下已經大失所望，我又唔想行返轉頭，咁就算喇。飲個湯，唔酸唔辣，無味，完全唔知自己食咗咩。食米線真係唔好食呢間！…Read More

油封鴨、帶子Risotto同個cold cut platter 好食。😋Waitress 有啲趕收工感覺，（可能係我麻煩喇！我可能喺佢哋眼中係一個西客😂）我落order 已經同落單嘅waitress 講，我想完成哂所有starter 先開始上main dishes 。始終我係喺一間法式酒館餐廳食西餐又唔係食緊茶餐廳。上完cold cut 、沙律仲有個薯條，食咗一半啲starter ，就上其中一個主菜-油封鴨。我即刻忍唔住叫返幫我落單嗰個waitress叫佢將另外兩個主菜上慢啲，都好多謝佢哋可以立刻修正到 。呢間餐廳環境處於較遠離熱鬧嘅尖沙咀中部區域，但星期五夜晚8點都坐無虛席，嘢食唔錯，環境舒服，又唔需要好拘謹咁食法國餐，唔錯！😋…Read More

一幻長期都好多人排隊，但其實屯市一開新餐廳都會排隊一段時間，跟住就無人排。咁我今日見無乜人排隊咪入去試下，叫咗個辛辣蝦湯拉麵，同小食黑木耳。個拉麵食嗰陣覺得個湯好濃郁，但食完之後成晚都好想飲水，即係個湯係味精湯。真係唔會有下次🙅‍♀️麵質煮得適中，但個叉燒真係薄得濟，俾得呢個價錢，我會期望啲叉燒相對厚返少少。無論喺日本同香港嘅拉麵店，佢啲叉燒真係太薄。反而個小食-涼拌木耳，酸度適中，幾好食。另外一提，全店工作人員都非常有禮貌，呢個值得一讚。👍但拉麵店最緊要嘅湯頭係味精湯，就真係唔使再食。…Read More

真係好掛住台灣！星期六放工走咗去食燈籠滷味！雖然係喺香港最似樣嘅台灣滷味，但可惜個滷汁不達師大夜市原店水準，如果有食過師大夜市原店嘅應該食完會失望。成碗滷味食完，會想不斷飲水，代表味精超多。唔明百頁豆腐點解俾得一條中嘅三分一，其他配料一般。酸菜有多少選項會好啲囉。連冷泡茶茶都唔夠出面台式茶店出味。太耐無去台灣，止癮還可，但不值排隊去食，一次就夠。今日都排咗15分鐘唯一好處，播歌播返s.h.e ,4 in love ,孫燕姿，張惠妹，周杰倫，動力火車嘅歌。…Read More

聖誕節正日要開工無食聖誕大餐，Boxing day 繼續開工，收工同媽媽去食個聖誕西餐。上open rice 睇元朗有乜好介紹，無意間見到Darci 非常多人讚好而且有得訂位，所以就無再多心即刻book左位。嚟到門口發現坐無虛席，心諗呢間餐廳質素一定非常高。坐低睇完menu 後，就嗌左個二人餐，包括有湯、海鮮拼盆、意粉、主菜及兩杯餐飲，除此之外用open rice 訂位有聖誕優惠，我揀左個朱古力火鍋成為一個four course menu。南瓜湯：個味較得剛剛好，唔會太鹹。海鮮拼盤：食材新鮮就已經可以好好食！😋牛肝菌意粉：個調味真係做到唔會太鹹又帶到牛肝菌鮮味，我鐘意個醫唔係太濃，唔會好似食醬多過食意粉。主菜（羊架）：羊架反而烤得太乾，但係旁邊配菜有我鍾意既potato wedges ，蕃茄仔等，睇得出呢間小店絕不欺場。朱古力火鍋：幾得意，小小一個鍋再加六款配菜，雖然係送既但都係誠意可加。…Read More

諗咗好耐同個德國朋友食乜好，本來諗住打冷或者打邊爐，但係由於朋友做嘢做到好夜，已經唔係好肚餓，想搵個地方飲吓啤酒吹吓水，聚吓舊。嚟到寶勒巷，醒起睇過呢度食評以好評為主，就決定嚟試吓。兩個人食$780左右，唔算好平，但勝在食物有質素，老板好人同環境唔算好嘈，適合摸吓酒杯底傾偈嘅地方。食過咁多串燒店，呢間既服務同食物質素絕對值得我再幫襯。…Read More