Tonyyee77's Profile

今晚同老婆一齊去食晚飯，叫咗個「芙蓉蛋飯」同埋「通菜牛肉」，先畀兩碗例湯飲飲，之後上菜時間正常，味道唔錯😋，份量好大😲，亦好足料，我哋兩個食飽都仲剩返半碟通菜牛肉，結果要打包返屋企隔日再食，我都希望我屋企樓下或者附近有間牛牛就好啦😌…Read More

好鍾意同老婆或者好朋友去Hungry Monkey飲返兩杯「highball或者啤酒🍺」，食d日式鐵板燒，特別特別推介係「厚燒牛舌」，應該係全香港食過最好食同埋最抵食嘅😋😋😋，另外「芥辣八爪魚」、「辣酒凍風螺」、「芝士蛋奄列」、「鵝肝」、「香蔥牛肉薄燒」、「伊比利亞豬」、「羊架」同埋「A5和牛脂炒飯」都好好食，佢地嘅侍應同埋經理好好服務，有講有笑。記住早d訂枱，而且佢地又有優惠，可以24小時前購買現金卷，方便埋單時優惠到大家，highly recommend😋😋…Read More

今日啱啱出去旺角，之前mark低咗想試下，剛剛好附近就決定試下呢間啦，手機掃QR Code落單，大概10分鐘左右食物就到，睇到都覺得唔錯，試食後覺得唔係好得，鰻魚燒到比較乾身，有d柴，而且飯嘅份量好似都比較少，另外燒雞皮都OK，overall 麻麻地:(…Read More

尋晚同太太睇下Open Rice有咩介紹，睇到呢間拉麵店，又味噌，又麻辣，好特別，就決定試下呢間啦，去到門口都有啲人排緊隊。我同太太都order咗兩個「味玉辣麻味噌拉麵」，我地都係叫咗「小辣 / 小麻」，另外order咗一份「煎餃」。煎餃先到，味道一般，不過個皮好薄，煎到都脆皮。點知道食完煎餃一陣都未出拉麵，可能佢地太忙，未整得切。突然後面枱黎咗兩個人同一隻導盲犬，隻導盲犬好乖，全程瞓喺佢張墊上，冇出聲冇騷擾其他人👍👍之後兩碗拉麵終於到了，我地都唔客氣了，首先試咗啖湯，感覺好特別，又係味噌味，又係麻辣味，唔會因為麻辣冇咗味噌味，好正😋。另外個味玉，原來係蘭王蛋，蛋黃好紅，好味👍…Read More

尋日同屋企人一共5個人去食韓燒，都一段時間冇食韓燒兼未試過呢間，就訂咗檯準時出席，我地叫咗一份濟州豪華套餐$756，有6種肉類，點知肉類到咗之後，睇到啲肉份量相當少，特別係薄切牛舌有4塊但係好細塊，其他都一般份量但係味道都一般，結果都唔夠食。所以叫咗半份原味炸雞同埋半份甜辣炸雞，味道都唔錯，但係唔明點解每半份炸雞都有其中一舊係雞頸，我地都未試過食炸雞係有雞頸嘅，真搞笑，如果你鍾意食炸雞頸，可以黎呢間試下…Read More

這次係我最後一次食板長壽司，一個字「差」，燉蛋凍嘅，軟殼蟹手捲凍嘅，Miso湯都係暖嘅，壽司亦係一般，另外侍應全部好似趕收工，冇d笑容，入去食嘢好似欠咗佢哋錢咁，「元氣壽司」就好食好多…Read More

聽到報導講呢間馬拉/新加坡餐廳唔錯，咁啱入去沙田，順便去試下。講真非常失望，所謂嘅馬來辣蝦湯，唔辣，有d蝦味啫，失望，跟住試埋個咖喱喇沙湯，更加不知所謂，完全唔似馬拉或者新加坡嘅咖喱喇沙，如果唔識煮，應該去參考下試下馬拉或者新加坡嘅係咩味道嘅。然後仲有個貓山王芝士蛋糕，冇乜貓山王味道，芝士又唔香，所以食物方面真係好唔得。另外waiter帶你到座位時，唔會攞杯水畀你，你係需要問佢攞，跟住埋單果張單係有收加一嘅，真係有冇搞錯？之後一定唔會再去了…Read More