magdotak's Profile

牛五花套餐 $58，被呢個標題吸引下入去試，其實啱啱先食定吉X家下午茶🤣，可能新開張，客人企咗入舖都無人so你咁，埋單都係，仲以為唔使錢添😆，講番個餐有150g嘅牛五花約十二片，麵豉湯、泡菜或沙律菜，白飯一碗 100g至300g可揀，唔食飯都可以點生菜黎包肉食，仲有幾款醬汁，一個人自己燒自己食確唔錯👍🏻…Read More

細佬提早退休請食自助餐，試下呢間，一行五人減咗$500 coupon，每人400有找，有任食凍龍蝦🦞，蟹腳等凍海鮮，味道比想像中好得多，仲有特飲-椰子𣲙🥥、龍眼冰🧋……，呢個價錢無投訴喇👍🏻而家好多酒店自助餐6-7佰蚊起跳都未必有凍龍蝦同任飲㗎。…Read More

網上落單外賣自取平到笑，見過朋友post啲相上網幾吸引，今日收工唔知食乜見到原隻開邊上湯龍蝦🦞伊麵都只係78蚊一份，兩公婆就每人一份再加多個59蚊例牌燒鵝試下，初時都驚啲龍蝦唔新鮮，但食落確係唔錯，有一貫嘅水準，仲有大大隻龍蝦鉗，伊麵分量都好多，但掛住食龍蝦麵，冷落咗啲燒鵝，無咁好味，計落真係低過係茶餐廳叫兩個小菜㗎美中不足係訂餐個網頁load得唔係咁好，超慢，可能太多人一齊訂掛，同埋無得攞分囉…Read More

老公生日，想搵間唔係✔紙嘅自助餐，睇到最近嘅食評同有龍蝦食都好吸引，訂位有78折，每位500大元，正所謂希望越大就失望越大，一入到去就被安排坐二人枱，無問題，但係張櫈後面就係梳化位，一見到咁已經問可唔可以安排第二個位，我話坐咗呢度會阻住出入，但啲工作人員擺出一副睬你都傻嘅態度，唯有坐後啲等啲人過唔到以為得喇，點知啲人見到有小小位就係咁貪方便行出行入，又踢到你張櫈，連啲侍應都係咁，捧住啲碟係你頭上經過，差差差諗住食番啲好野補數，點知款式少成咁，啲蟹腳咸到死，魚生無味，真係無言了。之前成日去尖沙咀嗰間食烚龍蝦，而家變咗寫紙仔，以為呢間嘅質素無八成都七成喇，唉五成都比多，如果大家未試過嘅可以慳番。我發覺啲引人去幫襯嘅食評，好多都係高級會員寫嘅，唔通佢地去會有特別招待？…Read More

由於疫情關係，好耐都無出去搵食，咁啱係網上見到呢間點心雞煲評價都唔錯，任食火鍋就食得多，加埋點心就未試過，係openrice 又有得訂位又有分攞同埋價錢都實惠，就即管試試。早食早享受所以我地卜咗5點食，地方比我想像中細，我地係第一枱客話已經網上訂咗枱，點知個靚女話部電腦壞咗睇唔到啲booking，不過都唔影響我地入座。坐低先點雞煲有大中小辣，叫咗個小辣但都唔小野(可能我地唔食得太辣)，所以即刻夾晒啲辣椒出黎費事愈滚愈辣到食唔到，食落都幾惹味但份量唔太多，都啱嘅留肚食其他，佢單張上2-4位送一份響玲，我同我老公係對呢樣野全無興趣，重諗住叫佢唔使攞黎，但已經遲咗，一份原來有8碌，我地兩個你眼望我眼，心諗叫唔叫佢攞返走好呢，阿靚女可能見我地剩食雞煲就走埋黎話啲響玲即炸㗎好食㗎，咁有成8碌都要食番一兩舊嘅，我同老公每人夾舊點埋雞煲啲汁黎食，咦唔錯喎，一改啲又淋、又硬嘅錯覺，再就咁食又好脆口，唔使一陣就KO晒，呢樣只送無得order，鐘意食響玲嘅一定不可錯過，仲有我見隔離枱3個人都係得8碌喳，所以兩個人去食最好。之後叫咗少量火鍋配料同幾款點心都唔錯，飲品款式唔太多但可接受。整體黎講168呢個價錢都物有所值，推薦大家去試下，早啲去揀坐個靚位，唔好坐咁近門口，我地坐櫃枱對面，初時都無乜問題，但之後多咗人出入，但又唔閂好度門，嘩啲熱風係咁吹入黎，食到成身汗。…Read More

今日6點收工唔知食乜，肥肥老公提議又黎自助餐，呢間食過好多次，都知唔會有乜驚喜，但有5折，唔知係咪星期一，成個場20個客都無，食物款式又真係少咗啲，加上而家市道又唔好，少人食咗導致款式都少埋😪，食飽就算😜…Read More

除夕當日下午收工唔知食乜好，上網睇下自助餐會唔會有位，估唔到都仲book到位，注定我地要試下呢間，之前睇過食評話呢間少野食，所以一直都無諗住試，但除夕佢都有位仲要有8折，訂咗食頭輪6點入座，餐廳地方唔太大，款式都有限，個估唔到都有凍龍蝦同生蠔，每張枱都有啲節日例牌🥳紙皇冠👑同彩帶比你影下相，增加節日氣氛，亦為2019年畫上完美的句號🎉…Read More

屯門嗰間食咗N咁多次，因為住附近，將軍澳呢間就第一次食估唔到都幾好味，我地下午四點零黎食，叫咗最平嘅精選牛，99蚊位，啲牛肉唔使點醬都好有牛味，係屯門食138果啲都無乜味同好嚡，重有個乳酪雪糕都好好味，啲配料重好脆，我都食咗兩杯，不過係過程中見到有小小強係bar枱上面行走有啲恐怖。話就話食90分鐘，但未夠鐘就趕人話有客卜咗枱，成個場都係得三、四枱客係度，係都要你坐緊個位，奇怪！…Read More

沙律甜品任食加一款主食，幾個人叫咗番茄肉丸意粉，帶子龍蝦汁意大利飯，德國豬手，沙律多款都好味意粉就麻麻地，意大利飯好味仲有三隻大帶子(無影)，豬手有啲咸(無影)，限時90分鐘，2百幾蚊都可接受嘅…Read More

姑仔生日，一行9人去食自助餐，呢間未食過，卜位時已知要坐門口，都OK嘅，初時以為間cafe好細，估唔到食物種類都算豐富，有凍海鮮 🦐🐚，魚生🐟，沙律🥗，熱盤🥘，燒烤食物🍗，扒類🥩，麵食🍲，咖哩🍛，點心🥟，甜品🍮，雪糕🍨，pancake🌯，飲品有啤酒🍺，汽水🥫，果汁🍹，咖啡茶☕任添任飲，限量嘅有竹絲雞花膠炖湯同埋應該係餐廳集團嘅30週年大忌廉蛋糕🎂，唔怪得卜位時問有無生日蛋糕送佢話無，只係有隻用朱古力寫祝福語嘅碟仔喇，食物味道都唔錯，凍龍蝦不停refill，經xxxbook有65折，每人500落樓，呢間自助餐對我黎講係有驚喜嘅，唔怪得成場full晒。…Read More

西環個間就食咗幾次，因為地方細，食物種類亦比較少，沙田呢間就好似唔係咁就腳，係xxxbook訂位有兩個成人可免費帶一小童或長者，計落抵過有折，所以今日兩公婆帶埋奶奶黎食，個場都好闊落，有啲8人枱都幾大張，食物有必食嘅龍蝦，呢度嘅凍龍蝦都相當唔錯，新鮮又好味，凍蝦都夠爽鮮甜，熟食我基本上都無乜食過，因為我係龍蝦控，甜品有芋圓，但係可能長期用爐熱住，啲芋圓都冧晒無乜口感，最鍾意佢地嘅home made 雪條，有珍珠奶茶味，係有埋珍珠嘅，不過雪到硬晒，我食個枝係紅苺，唔太甜，啲味好自然，好清新。…Read More

十點幾唔係太多人等，買咗幾碗鴛鴦湯圓，每碗得五粒唔係好夠喉，黑芝麻湯圓，花生湯圓自己就覺得麻麻地，可能顆粒比較粗唔夠幼滑，羗湯唔太甜同湯圓好夾，下次買生湯圓自己整睇下有無咁好味…Read More

網上見到呢間餅店有款四重奏幾得意，仲有半價自取優惠，咁啱同事退休宴係旺角搞，所以訂咗一個試下，其實全個2磅蛋糕係由四款味道併合而成，有芒果、榴槤、黑森林同提拉米蘇，芒果同榴槤味都好食，整體黎講成個都好味，以半價154有2磅實在抵食，仲有附加十人套嘅膠叉同碟，真係好方便，美中不足係四個蛋糕擺埋一齊但有高低不平，影響外觀，而最近已變番得6折，可能好快就做番原價，相比現時嘅X心、X海X等呢間都算係性價比高DD，有機會再訂黎食。…Read More

朋友荃灣收六點，慢慢行過去熊貓酒店，之前一日先訂位，仲有七折，啲三文魚生好爽口好正玉骨茶都好味，但個蘑菇湯就好似酸酸地咁，種類唔算好多但都夠食，無所講嘅分子雪糕得movenpick ，食完坐下傾下都唔錯。…Read More

之前呢間嘅蒸龍蝦比起其他酒店嘅凍龍蝦係好食好多，但今次再黎就覺得啲龍蝦唔係咁新鮮，有啲仲係梅梅地，我個妹同媽返到屋企都有肚疴，我同老公都有食但就無事，可能啲膏蒸得唔係咁夠時間卦。食物種類都比較少，但有任飲汽水同橙汁。…Read More