politer's Profile

係香港人啲錢太易賺再加上鋪租真係太貴依個咁既炸蛋蕃茄麵要$49再加一，承惠$55其實就係一塊淋左既蛋再加上一碗冇蕃茄既蕃茄湯麵，好闊佬咁加左條菜芯比你，收你$55本身諗住蕃茄湯都會有幾粒蕃茄掛，但老闆‘’貼心‘’驚顧客唔中意食蕃茄，所以冇比蕃茄你～最後要加個酥肉過下口癮$39蚊‘’酥‘’肉係唔脆既～仲要我地5個人食唔同既麵，番去都有肚痛既情況，加埋個侍應係我地食食下既途中冇問就收走左我地其中兩個人個碗麵，同埋補左句：唔好意思呀，你知啦要做生意理解下，就拉走左我地一張枱，我地5個人由上菜到食都冇半個鐘就走左lu~唔知仲以為食緊茶記～不過唔緊要，no next time....…Read More

疫情時食過一次，跟住好耐冇食過，再去食服務態度都係超級好～～～～女店員一入坐就問你要唔要暖水，唔要就比凍水你，跟住就比滾水你消毒餐具。其他餐廳你叫杯熱水都好麻煩，何況仲要主動問你要唔要暖水，認真抵讚:):)仲可以帶狗仔～～唔好要餐廳難做，記得要坐出面呀～～個漢堡餐包薯條，水果杯，餐飲同甜品，承惠$138（未加一），咁既服務態度再加一個完整既set，百零蚊就食到真係好值得一再食支持～不過個人唔推招牌漢堡，個肉似其他肉合成既肉，我自己唔太鍾意～你地可以試其他既漢堡～但個薯條好好食，好大條同埋食到薯仔味嫁，唔係個啲急凍波浪薯條成口粉個啲，係真係有薯仔味既薯條每個晚餐都有跟餐餐包（暖笠笠），三堆牛油超cute~~餐包好軟熟,食唔哂個女店員仲主動比個紙袋你袋番屋企，超級貼心下次去開元朗都會幫襯，咁好服務態度真係第一次覺得有加一既服務質素～好值得支持既小店大家去開元朗既可以去感受下香港少有既好服務餐廳啦～～（p.s，女廁好乾淨好pinkpink仲有好多狗仔相，怕污糟既女士如果人有三急可以放心使用）…Read More

超舒服既夏天好去處～泊車既話管理處人手開閘，泊marketplace對面個空地停車場，星期一至日消費滿400蚊可免費泊兩個鐘，停車費係$20一個鐘～（消費滿200可免一個鐘，如此類推）首先有兩隻超級可愛既猫店主食物質素可以，而且狗狗可以落地行咁熱既天氣真係好需要室內既餐廳，餐廳既staff都好友善同有禮貌好多［朋友仔］一齊落地行，跑同互聞，好開心記得幫主子們清潔排泄物呀，咁樣大家就可以繼續享用依個冷氣既互動地方，買下野，食下野同行下消暑（收獲一枝洗耳水$99同一隻狗雞腿零食$16）用餐費叫左兩個意粉，一件cheese cake加兩杯野飲，$328）啱啱好過$400多少少免費泊左兩個鐘下次再黎過～～…Read More

99蚊加飲連加一埋單$106一位既午餐燒肉放題好抵食。需且選擇都夠，有牛，豬雞，金菇，杏鮑菇，粟米，小蕃薯，番茄仔，，自家製漢堡，菠蘿，同腸仔任食，5款醬揀，午餐打工人之選。而且坐位好舒服，冷氣係夠，服務態度正常，畢竟咁多人叫放題，工作量會多係正常，所以忙係上黎都理唔到太多。但味不錯吃，肉類就咁加鹽都好食。推推…Read More

我地3個人一入座就比張6人枱我地，心諗唔想坐咁大張枱，一陣搭枱就麻煩。當日假日，但人流出奇地少，睇番手機記錄12點21分先上齊啲菜，我地3個人叫12碟，坐張大枱都絕對對得住良心（雖然其實我地唔係想坐6人枱，太大都唔就位加水，但餐廳當時細枱都有人坐，我地係被安排坐6人枱）首先係好貴，3個人比一包茶葉每個人茶錢收11蚊，3個人33蚊仲要收加一，收加一都算啦，服務差到爆，特別係有個有肉地既短髮員工，係咁將啲野食亂咁放，彈哂啲汁周圍都係，仲要勁冇禮貌度，就咁撥開我屋企人部電話寫紙仔，我屋企人用手機壓住張單係因為驚啲侍應亂咁畫，你上左幾多樣菜咪禮貌地叫客人拎開部電話囉，自己又粗魯咁對待人地既物件品真係超冇禮貌！！！著哂火。個侍應既待客之道，串串貢，令隔離兩枱客上菜時都話左佢兩句。好心就檢討下啦，成日話港人上內地消費，你啲態度咁差，比雙倍錢買難受，點幫襯呀！問題係啲野食唔係好食，個牛肉腸啲牛肉梅既，啲飯又咸，係個薄餅同糯米卷叫好食少少。。但個雞腳啲皮又好硬。。不過味道家野又真係睇個人口味。。可能有人覺得口感好好。但仲有叫12樣野食，只係食左一個鐘，睇番錶係13：24，就比啲侍應［趕］，又係咁收走你啲野又安排人搭枱，大佬我唔係叫6，7碟野，我係叫12碟野喎，埋單差唔多$500，食一個半鐘都合理吖，何況只係一個鐘，其他茶樓用餐時間最起碼都90分鐘啦，飲茶就梗係慢慢啦，我快快食去茶餐廳啦！！！！你態度差又咁趕客真係難怪啲人差評喎。。。埋單時有即時反映服務態度，收錢個個話：我知道係邊個嫁啦，唔好意思呀～就完左…Read More

餐廳地址偏遠，如果唔係揸車或者住附近，都唔會經常幫襯。但係野食好味同環境幾舒服，餐廳外面有露天位比寵物坐，吹住自然風幾舒服。首先講個冬蔭功湯河，好重酸味好正宗，唔太辣好開胃，蝦好彈牙唔會［梅］，值得推介。泰奶好飲好正宗，叫左少甜甜度啱啱好，仲要跟餐凍飲都唔洗加錢夏天恩物小食加$28，叫左個炸蝦餅，好食唔油好脆口，配埋泰式甜辣醬好夾整體無論環境同食物上都好滿意，大家經開元朗都可以黎試下，間餐廳都算易搵有巴士站同有間郵局係隔離…Read More

間野係大本營出面，要行去佳寳街市個邊，都有啲遠，因為睇食評咁好我先試下，點知好失望首先係杯椰奶芒果芋圓，啲芋圓係粉嫁，唔知係咪琴晚雪到今日，完全係粉狀，可能係第一單，所以食材係隔夜？？？冇見佢係即時煲，唔知食緊啲咩，都見到我飲左兩啖就放棄左杯$30既野飲跟住杯奶蓋更加唔知點，啲奶蓋眼睇到好似嘔吐物咁，試左一啖都放棄左，飲左咁多杯奶蓋都未見過即時打既奶蓋係塊狀嫁喎，攪左都攪唔溶啲奶藍，啲茶底完全冇茶味，唔知飲緊啲咩好失望，又係$30當時係趕時間所以都冇睇到就拎左，純粹係比個參考大家千其唔好12點左右去買，等佢啲貨清咁啲先再去可能會好啲。…Read More

一年前食過一次依間野，個時既感覺良好，有露天位比毛孩坐，而且味道都幾好味，所以近排行開黎依頭就再試下依間。見佢有個烤魚套餐，加一約$400連青島啤酒兩枝，就試下啦，點知真係飲野飲飽，條魚冇食過，吐哂，因為真係太臭。同職員講番個情況，個職員話條魚係鯰魚所以係咁既味，但個餐牌係冇提過佢地用鯰魚整，所以我地都好無奈，佢加左辣都蓋唔過陣味，係一擺落口就嘔既味，唔知係咪我地個條變壞左係咁，因為後面個枱都有叫烤魚，不過佢地揀左酸菜魚味，唔知有冇影響，但真係no next time lor…Read More

由於隔離忠誠茶座不是pet friendly餐廳，所以去左隔離依間試下。抵食就唔叫抵食啦，星期六日及公眾假期仲要加一，本身Menu上既餸都偏貴，但勝在pet friendly, 野食不過不失。烤雞唔會太乾但冇咩汁，味道正常，唔會叫好食但唔難食，係油左少少姐:)跟住個冬蔭功湯都正常，但$98得兩隻蝦就有少少貴勝在係明火開住個湯熱住飲會好啲，但唔太推薦。。。埋單二人$344，菠蘿冰$34（氣泡水加罐頭菠蘿），白飯$15純粹真係帶住狗冇咩選擇所以食下，不過不失。。。…Read More

依間稚真係好驚喜無論係上菜，服務同食物都好高質，值得一讚。首先服務好好，店員好有禮貌同回應客人既需要係非常快速，一舉手就有人禮貌回應問你有咩需要。其次上菜都好貼心，因為地方比較窄，所以我地都要share 枱坐，上菜會係唔撞到客人既情況下慢慢咁放係你位置，等你唔洗郁又攞到個餐，唔會撞到對面枱客人食物方面相當高質，首先擺盤好有心思，擺到好精緻同整潔，菜式分明，而且仲奉送面鼓湯同熱茶，解渴又解膩比目魚同三文魚分別用唔同烹飪手法製煮，兩樣都好味，唔會太咸但有食到食材本身既味，冇雪味好加分:)而且份量係好足夠，唔會太多但好夠飽大大大推呀…Read More

想試依間集團式甜品好耐，但之前太熱門要排隊所以放棄左。今個禮拜日見冇咩人排即興堂食試下，點知都幾失望。。。首先menu唔多選擇，諗左好耐決定試花生芋圓，個賣相係幾好，但食落芋圓同地瓜圓個味都好淡，糯米粉多過芋頭同地瓜，所以個圓既味唔出，而且地瓜圓同芋圓份量唔多，$48黎講性價比唔高，加上個刨冰底係就咁加糖水冇其他味，食哂面個層就係糖水冰比較失色。。。冇宣傳講到咁吸引咁好食，其實真係好普通另外個飲品冬瓜芋圓茶就好甜，飲完會覺得自己會糖尿病個種，已經少甜但都係太甜，而且細細粒既芋圓同地瓜圓更加食唔到芋圓味同地瓜味 ，似食緊普通小丸子，大失望可能我地對依間野期間太高，以為啲芋圓同地瓜圓會好重本身既食材味，所以太失望，佢其實只係好普通既甜品店，冇咩特別亦唔叫難食，但就唔會想再食咁解:(…Read More

之前上open rice 睇食評感覺幾高質所以食過一次，個芒果沙冰係我地再食第二次既原因，飲得出用真芒果打成，唔係個啲人工合成味，而且大大杯先$25，其他泰國餐廳最少$30起,仲要多芒果，大大大推。另外大大大推係佢個炸全翼，超抵食$15 一配泰式醬好正，食完再叫多左次，係好上口。我地仲叫左個明爐烏頭，承惠$168，比出面既泰國餐廳平少少但係分量都好少，二人既話就剛好但如果三人或以上會唔夠分另外仲叫左飛天通菜（$58）但真心依個唔推介，完全冇泰國風味，啲菜炒得唔夠鍋氣，有啲硬同冇咩辣味，同其他泰國餐廳比就比下去了～另外想講餐廳既員工都好好，我地兩個人比張4人枱我地坐，開頭以為要搭枱，但原來佢係比哂成張我地坐，坐得好舒服，環境都好好，乾淨企理，推薦大家try try尤其係沙冰類既飲品，我地仲叫左奇異果沙冰（$25），都係好高質只係唔記得影，滿滿奇異果味唔會死甜～…Read More

今日去食夜晚，已經過左繁忙時間，7點半後先到，有狗狗既，店員安排坐出面走廊位，主動提供狗狗嘅櫈，本來以為一切都好好啦，咁主動提供櫈，諗住貴少少都試下啦。佢一個單人餐算貴，$118/$130,跟個小食同餐飲，我地兩個人叫左$216，諗住兩個人人均都食左百幾蚊可以坐耐少少，點知食左15分鐘已經係咁收我地食緊既野，出面只係有一個人帶狗等緊，而其他枱黎得耐過我地，結果200幾蚊食左20分鐘都冇就走左，講真你咁趕我行過對面食譚仔算啦，100兩位有找又係咁食，賣到咁貴又唔係好食喎仲要趕客，冇下次！…Read More

其實都好耐冇食半熟蛋糕，記得5年前食個芝士味係好重，所以今年屋企人生日就買番個試下，$198 半磅？（都好似冇）。價錢貴唔貴就見人見智啦，但真係食落冇咩芝士味，似食緊雲尼拿蛋糕咁，中間得啲好厚既cream, 同三層薄既海錦蛋糕就咩都冇，但賣$198，只能講依個價錢可以有更好既芝士蛋糕選擇，同埋expect 中間啲cream會有芝士味但都係冇咩味。而外層既絨絨都唔係芝士粉，因為屋企人都有整開蛋糕，外層食得出係餅乾粉，所以成個蛋糕完全唔吸引，只能夠用填飽肚黎形容，芝士味亦唔突出，比較失望。。。。同埋塊生日牌係standard 冇得加字，因為分開用膠袋裝而唔係用盒裝或者直接放上蛋糕，變左拎出黎啲朱古力字已經痴住個膠袋面，化開哂完全睇唔到個字寫咩，呢個亦都係店家冇諗到既問題。。。整體：唔推介依款蛋糕…Read More

今日去完寵物展，因為好晏先入埸，所以行到場內關門既一刻，9點半好多餐廳都已經last order, 好唔容易搵到間有空外位又開到凌晨12點，所以就去左試下，其實都係抱住試既心理去，點知真係有驚喜。叫左兩樣食物，一個係豬肋骨，一個係蝦薄餅，兩樣食物都好好食，烤豬肋骨好入味，而且個汁都好fresh，辣辣地都幾上口。蝦薄餅都冇得輸，蝦既份量多，而且冇雪藏味，薄餅略嫌份量少左啲，得三塊，但薄餅既質感好柔軟，包上帶少少酸辣既蝦，好正既配搭，真心推薦依兩樣食物。野飲就略貴，可能佢地係諗住啲人叫杯野飲就chill幾個鐘或成日，所以個價錢就貴啲，不過味道係唔錯既，唔太甜。整體比我既感覺係好好，啲staff 好主動加水，又好態度，會再去食個豬手😊…Read More