katzeee's Profile

尖沙咀亞士厘道「天下無雙」一入門就感受到濃厚的港式氛圍，環境ok gei，價錢合理，每一樣嘢都係大家好熟悉嘅美食🥰令人倍感親切。樣樣都嘗試😃回憶返晒嚟。牛魔王麵餐這碗麵簡直是牛肉愛好者favourite！牛腩軟嫩，牛筋彈牙，牛栢業的鮮味，再加埋油麵，更是令人讚不絕口，牛丸ok，整體湯底濃郁。有水準嘅車仔麵。懷舊4寶麵蘿蔔清甜，豬紅香滑與豬皮入味。搭配讓人完美，陳皮魚蛋勁正，配搭完美，好食到令人停唔到口！生菜魚肉生菜魚肉讓我瞬間回到童年。就係嗰種街小店魚肉生菜，湯底配有麻油😍就係嗰種風味👍🏻👍🏻👍🏻完全做到全隻炸雞翼全隻炸雞翼而家好難食到😝炸雞翼外脆內嫩，醃製得恰到好處，咬下去的那一刻，香氣四溢，讓人忍不住多點幾隻！飲品咸檸七＆凍檸茶當然少不了。清涼解渴；車仔麵好伴侶❤️讓人心情愉悅。餐廳仲有好多唔同嘅地道選擇一定會再嚟，亦都一定推介，所有嘢都好有水準必食必試👍🏻👍🏻👍🏻整體來說，「天下無雙」的餐點不僅味道出色，份量也頗足，絕對值得一試！如果你在尖沙咀附近，不妨來這裡享受一頓美味的港式餐！…Read More

是日周年紀念，老公仔book左呢間靚靚法國餐廳🥰5-course set dinner 啱晒我哋呢啲唔想用腦嘅懶人😆starter 我地揀咗加拿大海膽燉蛋配甜蝦他他 同 香煎法國鵝肝伴蘋果蓉配砵酒呢度嘅鵝肝是我成世人食過最好食嘅鵝肝😳😳好香好rich，調味亦非常好，經理話呢道鵝肝係餐廳嘅signature ，果然一流👍🏻👍🏻👍🏻再來係麵豉忌廉湯配蜆肉，夠creamy而且帶點麵豉味，冇平時嘅忌廉湯咁悶，唔錯😋主菜前先來個自製檸檬雪葩，清一清味蕾～我地非常欣賞呢度嘅炭燒美國天然頂級西冷扒配紅酒汁，牛味香濃，外層焦香，中間粉嫩，medium rare 簡直係perfect😱煙燻鹵水乾式熟成法國白鴿配菠蘿果醬，熟成過嘅白鴿肉味更濃郁，而且肉質軟嫩，唔錯👍🏻最後嚟到甜品，法國朱古力暖心布甸伴雪糕，暖暖嘅心太軟加埋冰凍嘅雪糕，甜到入心🥰芒果忌廉配杏仁蛋白酥伴士多啤梨醬，感覺清新唔會膩，連甜品都好出色👍🏻因為食牛扒而叫左兩杯紅酒，後來經理仲話呢度冇開瓶費，可以盡情帶自己想飲嘅酒嚟😳😳…Read More

今日約咗個好耐冇見嘅朋友食飯，由於佢行動不便，就嚟咗佢屋企附近食～朋友話呢度嘅滷水鵝好食，反正唔想用腦諗，就叫左個大廚孖寶推介，有潮汕滷水鵝半隻，同埋豉油皇煎大虎蝦（6隻）呢個滷水鵝真係好吸引，夠晒入味，鵝味好香，肥瘦適中，我哋食到滿嘴油香，停唔到口豉油皇煎大虎蝦都非常出色，虎蝦剝咗殼之後都好大隻，仲要非常結實彈牙，夠晒新鮮朋友話想食蠔仔粥，所以我哋叫咗一鍋潮州蠔仔粥，平時我唔係好敢食蠔仔粥，因為成日中伏成日都食到好腥嘅蠔仔，但係估唔到，呢度嘅蠔仔粥一啲都唔腥，連胡椒粉都唔洗落😋😋😋仲有糖水送添😍本來打算隨便食個便飯，估唔到咁有驚喜😳😳👍🏻👍🏻…Read More

今日同班friend去咗黃竹坑The Southside試咗間韓式cafe，真係有驚喜！1)半份韓式豬手，滷得夠淋得嚟又唔膩，皮爽肉滑，包住生菜食超正。2)「開心果蜜糖窩夫」果然名不虛傳，外脆內軟，開心果碎加蜜糖嘅配搭甜度剛好，真係食到會心微笑。3）韓式烤牛肉奶油意粉係意外收穫，牛肉醃得入味，意粉掛滿奶油醬汁，韓西fusion幾特別。4)蛋飯卷果然係雞蛋多過飯，蛋香十足，入面仲有青瓜同蘿蔔絲，口感清爽。5)凍餅咖啡個名冇改錯，咖啡香醇，飲完真係唔會手指指（笑）。6)香印提子奶蓋綠茶係全場MVP，清甜嘅提子味同香奶蓋出奇地夾，飲完成個人refresh哂！整體嚟講呢間cafe有心思，價錢合理，會再encore！…Read More

搭船去到北角碼頭，順便喺附近商場食埋飯先🤤先嚟個Appetizer，西班牙烤辣椒，青椒烤得軟綿綿，帶點橄欖油嘅香氣，加點鹽同黑椒，味道唔會過於複雜，好味😋無花果芝士沙律，burrata 唔會太膩，沙律菜夠新鮮，感覺幾清新，很開胃👍🏻香烤紐西蘭法式羊架，羊架肥瘦適中，羊味香得嚟冇乜羶味，烤得好粉嫩而且好稔，配菜都非常不錯，我好欣賞個烤蒜頭🧄，烤得軟熟帶點甜味，配埋羊架更上一層樓😋😋埋左單之先聽到老闆講有新嘅雪芭，我哋又忍唔住試吓😆我地揀咗椰子🥥雪芭同菠蘿🍍雪芭，兩款味道都超濃郁😳呢個菠蘿雪芭我真係會上癮🙈…Read More

今日想同好耐冇見嘅朋友飲嘢，喺中環呢邊行吓行吓搵到呢間西班牙餐廳，逢星期一有Sangria free flow😯😯😯正喎Sangria 仲有Red wine、white wine，同ROSÉ三種，我哋今次就揀咗Red Win同white wine飲酒緊係要有啲小食落吓肚，先嚟個炸黑毛豬火腿球，炸得香口，而且唔會太Over👍🏻蒜蓉鮮番茄水晶包，烤得香脆嘅麵包，加上蕃茄微微嘅酸味，同埋蒜蓉嘅香氣，非常開🤤煎西班牙沙甸魚配紅椒堅果醬，鹹香惹味，送酒一流鐵板蒜蓉辣椒炒大蝦，大蝦爽口彈牙，用鐵板上夠晒熱，又係一道唔錯嘅送酒小食😋又不知不覺飲多兩杯😆主食我揀咗我最鍾意嘅TORTILLA，又係Perfect嘅一晚🥂…Read More

是晚路過天后，順便覓食，見到有一人一鍋潮汕火鍋，啱晒我地，唔洗幾百蚊開一個湯底👍🏻湯底我地揀左潮汕滷水湯 同 百香果酸湯，百香果酸湯酸酸地加微微嘅辣度，夠晒開胃，又唔會蓋過食材本身嘅味道，本人很喜歡😋潮汕滷水湯，香得嚟唔會太鹹👍🏻食得潮汕火鍋，緊係要揀有潮汕特色嘅食材，我地叫左一份手切潮汕吊龍，一份頂級手切潮汕雪花牛頸脊，新鮮、手切確實係唔同，有口感又唔會太韌，牛味濃郁冇羶味，平時成日食嘅機切火鍋肉片完全冇得比👍🏻👍🏻老闆推薦薄切潮式文昌雞，雞我地成日都食，有咩咁特別…原來因為薄切嘅關係，只需要淥幾秒就食得，雞肉非常爽口，嫩滑，老闆仲教埋我地調沙薑醬，呢個薄切文昌雞點埋沙薑醬真係一絕😳潮汕牛丸，爆晒汁，食嘅時候要小心；手打蝦滑，夠新鮮，彈牙新張期間仲送每人半隻滷水炸乳鴿，皮脆肉嫩，而且夠晒入味，估唔到可以喺火鍋店食到咁高質素嘅乳鴿😳不得不提呢度嘅花雕醉蝦，佢絕對係我人生中所有花雕No. 1‼️花雕味道非常香醇，又唔會有過於刺激嘅酒味；蝦肉結實彈牙，新鮮程度不容置疑，不過老闆話醉蝦唔係成日有，我迡下次我都係預訂左先好啲叫左咁多肉，係時候要食返啲菜，蔬菜盛合夠晒豐富，啲菜好靚好新鮮👍🏻鴨屎香手打檸檬茶黃皮鴨屎香手打檸檬茶…Read More

今日嚟附近嘅超市入貨，路過呢間餐廳，見到檳城街頭排骨堂食限定$88😳😳正好差唔多到晚飯時間，肚仔餓，又仲有位，點可以錯過先嚟個串燒拼盤，有雞肉、大蝦、魷魚鬚，串燒幾不錯，雞肉正，大蝦肉質幾結實👍🏻新加坡喇沙，幾足料，喇沙湯底濃郁，味道balance得好好，本人很喜歡😋😋終於到重頭戲 -- 檳城街頭排骨，排骨上面舖滿蔥蒜同芫茜😍😍加埋辣椒帶點微辣，好香口，好入味，食到停唔到，唔好睇佢咁大舊骨，其實好多肉，食極都食唔完🤤玫瑰荔枝沙冰，藍莓巨峰梳打特飲，清甜，食辣野cool down下，啱晒👍🏻…Read More

今日同屋企人去咗啓德體育園新開嘅PHI Coffee & Pancake試吓佢哋嘅fusion菜。第一道冬蔭功海鮮意粉香辣惹味，椰奶中和咗辣度，蝦同青口都新鮮，意粉掛汁能力唔錯，係鍾意泰式風味嘅人必試💁🏻‍♀️漢堡扒全日早餐份量十足，漢堡扒好嫩滑，搭配雞蛋同香腸，加埋香脆的麵包，簡直係早餐控幸福感滿滿🥰。泰式梳乎芒果糯米飯真係驚喜！梳乎厘口感空氣感十足👍🏻，配上香甜芒果同微鹼糯米飯，甜而不膩，創意同傳統結合得啱啱好。飲品方面，糯米芒芒椰奶沙冰真係要讚！芒果肉同糯米粒口感層次豐富，椰奶香甜冰涼。黃金比例泰茶茶味濃郁，甜度適中，確實似足泰國街頭風味。整體環境開揚，坐得舒服，菜色多樣又好味，上菜速度理想😌價錢中上但質素對板，超級推介💁🏻‍♀️！…Read More

今日同屋企人去咗啓德體育園新開嘅PHI Coffee & Pancake試吓佢哋嘅fusion菜。第一道：椰香冬蔭功海鮮意粉香辣惹味，椰奶中和咗辣度，蝦同青口都新鮮，意粉掛汁能力唔錯，係鍾意泰式風味嘅人必試💁🏻‍♀️漢堡扒全日早餐🥳份量十足，漢堡扒好嫩滑，搭配雞蛋同香腸，香脆的麵包，簡直係早餐控的夢想！幸福感爆燈😃泰式梳乎芒果糯米飯真係驚喜❤️！梳乎厘口感空氣感十足，配上香甜芒果同微鹼糯米飯，甜而不膩，創意同傳統結合得啱啱好。飲品方面，糯米芒芒椰奶沙冰真係要讚！芒果肉同糯米粒口感層次豐富，椰奶香甜冰涼。黃金比例泰茶茶味濃郁，甜度適中，確實似足泰國街頭風味。整體環境開揚又chill😍坐得舒服，食物質素高，上菜速度理想😍價錢中上但質素對板，啓德必試！🤗…Read More

之前聽過幾個同事話呢間印度菜好好味，今日終於有時間黎試下。一上到黎，環境幾唔錯，唔會太迫先來個印度脆餅+ 3色酸辣醬，我最鍾意菠蘿醬Starter我地揀左炭火烤八爪魚，第一次食到咁稔嘅八爪魚腳，真係超好味!!另外，靚女姐姐推介新菜色Chapli Bun Kebab，話係佢地嘅廚師喺巴基斯坦Pearl Continental學嘅麵包烤肉串secret recipe，呢個kebab嘅香料味道唔會過重，而且好balance，烤得好香口，肉質夠juicy，仲配上兩款sauce俾我地隨意配搭，實在好正!!再來一個大蝦招牌奶油咖哩，加左番茄同奶油嘅咖哩非常順口，大蝦爽口彈牙好有蝦味食印度菜緊係要有naan，今日我地揀嘅係牛油naan，比普通嘅naan多一點牛油香氣，點咖哩一絕最後再來個coconut pineapple cake做甜品，又係perfect嘅一晚…Read More

某日路過見到呢間拉麵店好多人排隊，搞到我心思思想試下，今日難得早收工，趁未到晚飯時間唔洗排隊，走過黎試試先🤤見到特製和牛牛骨白湯拉麵幅圖，碗邊鋪滿和牛，實在太吸引😍😍😍呢度嘅湯底係牛骨湯，香港比較少有，白雪雪嘅牛骨湯，超級濃厚，好香濃嘅牛味，但唔會太鹹太油膩。和牛好粉嫩，入口即溶；叉燒亦非常高質，肥瘦適中，厚切但係好稔。牛骨麻辣叉燒拉麵，夠麻而且唔會太辣，balance得幾好，再加上大量蔥花，湯底好惹味。我好喜歡佢嘅麵質，非常順口，食完之後好後悔冇加麵🥲開頭落order冇留意到原來有餃子，後來加左一份，微微焦香，唔錯😋…Read More

侍拉麵 (太子)太子運動場道3號地舖今日收工試咗太子侍拉麵👍🏻。首先叫咗碗熟成雞白湯拉麵，面頭上嘅白泡係有雞湯打成非常幼滑😌湯底真係好濃郁，飲落去有滿滿嘅膠質感，麵質又彈牙，叉燒都算嫩滑，整體來講幾出色。另外試咗熟成雞煮干醬油拉麵，湯頭鮮味突出，有淡淡嘅魚乾香，鍾意重口味嘅朋友應該會鍾意。小食方面，炸雞炸得外脆內嫩，咬落去仲有肉汁爆出嚟，係水準之上。食完主食之後，甜品環節都冇令人失望！焦糖布甸香甜滑溜，面頭層焦糖脆脆哋，好正。開心果巴斯克蛋糕口感綿密，堅果香濃而不膩，值得一試。飲品叫咗Cold brew coffee同Cold brew tea，咖啡同茶都沖得幾清爽，解膩一流。總括來講，侍拉麵嘅食物質素唔錯，價錢合理，係會想再encore嘅店！…Read More

今日同屋企人去咗黃竹坑The Southside試咗個和牛盛宴，真心驚艷！日本產和牛肩肉盛油脂分布靚到似雪花，燒到外焦內嫩，入口即化嘅感覺實在太正。燒鵝肝多士絕對係高水準，鵝肝香濃唔膩，多士脆身，夾埋食簡直無得輸。和牛鵝肝多士就更加邪惡，雙重濃郁衝擊，食完仲想再encore！蔥燒厚切牛舌超有驚喜，厚切得嚟爽彈唔韌，蔥香同燒汁完美襯托牛舌嘅鮮味。醬油蝦鮮甜入味，四隻真係唔夠喉。牛骨髓石頭鍋飯係必點之選，撈勻熱辣辣嘅飯同香滑牛骨髓，每一啖都係滿足。韓式泡菜煎餅香脆惹味，解膩一流。飲品方面，荔枝梳打同西柚乳酸梳打都清新解渴，完美平衡大餐嘅濃味。整晚食物美味。服務態度都好好。上菜速度理想👍🏻我哋邊享受美食邊傾偈，全晚都好寫意Yeah。…Read More

今晚收工去咗長沙灣金象泰國菜試吓，估唔咁有驚喜！首先個椰汁雞湯真係要讚，湯底好香濃，椰奶味出得嚟又唔會蓋過香茅同南薑嘅香氣，雞肉夠滑，飲完成個身暖笠笠。濕炒豬肉河粉鑊氣十足！河粉炒得夠濕潤但唔會一patpat，豬肉片醃得入味，仲有啲芥蘭段增加口感，個芡汁濃淡啱啱好，食到最尾都唔會覺得膩。泰式蝦炒飯炒得夠乾身，蝦大大隻幾彈牙，飯粒分明，仲落咗少少泰式辣醬同雞蛋一齊炒，香口得嚟帶微辣，好開胃。飲品方面，泰式奶茶茶味同奶味平衡，甜度適中，夠晒地道風味。老婆叫嘅珍多冰料足，椰奶香濃，綠粉條同紅豆煮得啱啱好，食完成餐飯飲返杯真係透心涼。整體嚟講，價錢合理，份量夠，味道正宗，絕對會再encore！…Read More