剪's Profile

一句講哂，唔會再返嚟1. 主餐牌要乜無乜（算當你係新開張）2. 等全部嘢食都等咗半個鐘，但係個炒麵味都係凍㗎！3. $118嘅鐵板牛仔骨，得三塊超瘦弱嘅牛仔骨，仲要係用味粉揦到冇晒牛味，配菜得一粒西蘭花少得可憐4. $98 老虎蟹避風塘炒麵，炒麵仲衰過粥麵譜，鹹到黐線；隻虎蝦係未炸得透㗎，食落去仲有浸腥味；軟殼蟹已經係最正常嘅嘢5. 晚市冇得跟餐都唔緊要，所有餐飲係正價，完全對唔住佢自己個價錢兩個人食咗200幾蚊，只係食咗一堆鹽同一啖氣… …Read More

光顧了佢嘅上海菜任食放題，一個字「鹹」！上海菜係濃味，大家都知，但係喊都食唔落口，真係好大件事。暫時食咗35分鐘，已經飲咗三盒無糖茶。佢每一樣野都係鹹㗎！！無論係濃味嘅回鍋肉、蔥爆牛肉，到中間嘅小籠包、冷盤，最慘係應該清淡嘅蝦仁、湯麵，都好鹹！酸味辣味都好唔出。佢鹹個程度係，食完個口好似係會發麻咁，食咗35分鐘已經唔想再食… 可能真係得蜜汁火方、蝦仁、酸菜魚叫做入得口。仲有佢個酸菜魚係冇寬粉架，而係得芋絲芽菜，正宗？另外其實本身想book六點但係佢話遲過5:45就唔俾入，大佬呀個個都咁早收工咩，結果為咗食佢要趕頭趕命。成個安排一個字：差。…Read More

本身以為烤魚同埋米線係兩間鋪頭，行入咪線鋪比人問我係唔係 Walk In 都係第一次 😓個侍應話晚市無套餐，諗住都行左過黎就試吓啦，老實講味道唔係好差，但性價比真係嚇人。個麻辣手撕雞 $78 ，細碟到一個點.... 仲有得個麻字，個辣呢！？我叫左個雞湯紅薯粉就正常啦，友人叫左個涼拌粉皮，$48 同樣好細份，最驚嘅係個粉皮係浸喺一碟同麻辣手撕雞嘅汁入面，what!? (黑人問號）兩個人埋單 $186，又唔好食，個老闆態度又差，一定唔會返黎囉。…Read More

想試好耐，路過咁就試吓啦～6點半上到黎唔使等位，仲有卡位，坐左陣都 full 嘅...Order 左個二人餐，海鮮 mix 烤肉年糕加拉麵同炸餃子。年糕鍋 so far so good la... 但無想像中咁辣，嗜辣嘅朋友覺得無咩味，我就覺得還好啦，但個烤肉（牛肉）好「靱」，唔推薦～好啦，神奇嘅事發生啦，店員食到一半熄左我地個爐？？？我喺韓國食明明係由得佢煮，先會越濃越入味？？我地 order 左個芝士炒飯，怪事二... 佢唔係用個湯底一齊炒先有味架咩！？黎左個分開上嘅炒飯，好唔得，一味得個鹹字....佢食年糕鍋個方式完全違反左我喺韓國食個方法！？媽呀我好亂呀...*另，佢係無水供應架！！焗人叫野飲 …Read More

之前睇 Facebook 見到佢地有芝士蓋茶，行過買杯試吓，唔錯！首先店員係用茶包現場沖壓，唔係沖好哂倒茶出黎嗰種，跟手再打個芝士蓋，雖然等左一陣，但杯成品起碼睇得出唔係 HEA 做。講返個味道，烏龍味好出，桃味亦都好夾，唔會太甜，飲到嗰種清甜嘅茶味；個芝士味好香，唔會好鹹，我原本都驚會蓋過左茶味，但飲落嗰種鹹香，同尐茶味好夾！推薦！不過最想讚都係店員嘅服務態度，好親切咁講解茶嘅品種同飲法，唔會好似旺角嗰尐趕頭趕名又黑面...加油呀，支持小店！…Read More

老老實實，都唔係第一次來食，平均每個月都會來一次，而今次真係失望到無朋友叫左兩個 $178 set (咪住，上次來好似仲係 $168 架？），好，上菜泡茶湯底，色同味都 OK, 但點解成個湯底一條菜都無嘅？究竟係點溝出黎...？牛，不得了，係粉紅色架！！！一 d 肥肉都無，我好似食緊瘦肉咁，發生左咩事？平時同女友平均食 5 碟左右，今晚三碟已經唔想食...其他配菜選擇少，雪糕無哂又唔 refill, 牛陣大佬你究竟想點？…Read More

是日中秋，原本驚好 Full Book 唔到位 (因上次母親節想 Book 但 Book 唔到)，提早定成個星期 Book ，點知當晚竟然唔爆 ？唔知係咪大家返哂大陸 講返野食：刺身：新鮮、厚切，寫 20 件黎足 20 件，特別推薦馬刀貝，夠哂鮮甜；三文魚肥瘦適中、八爪魚唔會乾哂水、其他刺身水準都唔錯！壽司：大致上都幾好！有花之戀女朋友最開心 不過花之戀包得唔靚係敗北… 但味道是唔錯的。特別推薦火炙系列，得呀！燒物：算係咁，係有部份唔係好夠味，推薦海蝦、栗米、雞肉料理：雜菜有焦… 唔得，花螺唔會太辣，仲保留到鮮味；金菇肥牛都 OK，落埋金蒜仲香！雪糕：硬過我個頭… 唔食都唔係損失…其他讚的：(大讚) 全程無漏單！！好少食放題咁放心Order 紙寫 Number, 相對上環保！我 Like！服務員反應好快，收單、收碟都係都有彈o既：d 位真係迫迫地，坐坐下有 d 腳痺…無茶供應，焗飲汽水，撐住個胃 :(結論：佢個價位唔算貴，我覺得佢好過 70% 放題，絕對可以再幫襯！…Read More

約左朋友遲到，上到黎已經覺得好唔對路，8點鐘得兩枱人，朋友坐低左無計... 價錢唔平，$68起錶, 不過下格已經70 幾，凍飲加兩蚊，仲要加一，搞錯...野食啦，中伏！！！！！！！！！！餐湯最中伏！！！蕃茄湯太酸啦，飲落去"確"喉，感覺似一大 Pat 茄膏煮唔開！！！我成班 frd 無人飲得哂！！白汁雞皇飯，好典型o既無味罐頭湯！！！真係雞有雞味，但說好的白汁味呢？我 D frd 食到要用上文o既蕃茄湯送飯… 唉... 野飲算係正常，服務不過不失，不過佢張單係錯架囉… 佢有 D Package 買 2 個小食可以平 D，我 2 朋友分別叫左 2 個小食，點知佢收我正價話要收 Minimum charge，雖然嘈左一輪都肯退錢，不過，都煩啦，係咪先？…Read More

其實想食維記好耐架啦… 無奈假期次次勁過都大排長龍，至今都仲未食過 :( 。新工o係附近返工，終於可以 Lunch 走落黎試下呢個旺場美食~~可惜………… 都有 d 失望，可能係期望過高掛~潤牛麵：期望指數 10 粒星，麵到時見佢大大碗，第一個反應係：咁！咁抵食！？因為出面 d 豬潤麵都無咁多潤… 不過第一眼係分唔到邊 d 係牛邊 d 係潤架… 因為 d 潤同牛係同一隻色！？好，開餐先！湯底：認真一流，夠鮮甜又唔會口渴，我就咁飲都飲左半碗 麵：唔對路啦… 唔知係咪煮得太耐，真係好淋，而且 d 麵吸唔到湯汁的好味道，可惜…潤 + 牛：2 樣野都爽口，唔會太韌或者太淋，抵贊；但唔知係咪 d 肉味 + 精華去哂個湯度，食落口真係無乜味… 如果唔係個口感唔同，我分分鐘以為自己食緊同一樣野…小結：只係個湯底得，有點覺得個潤麵會唔會有點名過其實？可能學我同事咁食通粉可能好 d ，因為會同時間飲到個湯…反而個咖央西多士就有驚喜，可能因為本身無期望啦，佢又未有蘭芳 d 咁好味，但甜度適中，比普通老茶來得好吧 :)…Read More

去完台灣旅行返黎，專登入黎搵台灣野食，點少得大雞排呢！佢有分「滑」雞排同普通雞排，原來「滑」雞就係多左塊皮！？真係百思不得其解…好，講野食，雖然只係叫左個「滑」雞排，本來見食評幾好都有 d 期望，殊不知…:( 正宗台灣雞排唔應該切件，為左保留雞的肉汁，正想叫店員唔使剪o既同時佢已經手起剪落將塊雞分屍… 首先食落一 d 都唔「滑」… 雖然炸不至好乾，但都已經 OK 無肉汁，雞皮脆但係唔鬆，成塊雞9成味道來自味粉… 雞味略欠…:( 唯一讚o既係 d 雞肉都幾鬆嫩…總結：我吃了一塊 KFC 去骨雞。和台灣之雞相比，仍有 3 光年的距離…台灣呀…好想你 :(…Read More

話說今晚公司開 OT 叫外賣，第一次試叫木偶外賣，結果… 喊面一個。罪狀有 3：1. 今晚叫左個「蒜茸牛脷炒飯」，上到黎變左「蒜茸牛柳炒飯」2. 其實落錯單問題亦不太大… 但味道確值得我比 1 分。第一淡落口已覺異常淡… 仿佛師傅唔記得落鹽一樣… 如果係堂食一定會叫佢再整過… 其實牛柳粒、蛋等配料獨立來看亦不錯，牛柳粒亦算爽口，有牛肉香味，但加上個炒飯走鹽… 唉… 亦無補於事。3. 凍奶茶用熱飲杯載仲要無比飲管！？難道這就是另類茶餐廳的另類作風？其實之前堂食已經印象麻麻… 加埋今次… 唉，886，無下次。…Read More

睇返上面個食評先知原來已經貴左，不過，今日今日，我都覺得算係咁。雲吞面 1 碗 13 蚊都唔預期會像什麼細蓉一口一隻又或是那些特別的擺法… 13蚊，作為個街坊，食得飽味道唔差已經好不錯。雲吞 1 碗 3 隻，(原來已經少左隻！？)，雲吞真係好大隻…隻隻都有個乒乓波咁大，說實話，鮮味確實不足，但勝左蝦肉夠彈牙。估計是新鮮的低成本貨…麵底有蝦子味淡重，都 ok 夠彈牙o既，最重要係無咩鹼水咁。仲有 3 蚊豆漿~ 抵！臨走見到姨姨們辛勤地包雲吞同猜麵，呢個笑面比得過 :)…Read More

尋晚1行6人去食宵夜，見耐無食，$68 + $16(Drink)+10%，算啦，豪豪地，好，先講野食。熱食同普通平價自助餐一樣，無乜好 Comments... (其實我食都無食，但見賣相就幾一般…)燒烤：雞扒：肥到喊， d 油多到唔使錢咁，可能本身隻雞肥，so so la... :(牛：乾到好似叉燒咁 = =羊：反而幾好 wor，幾入味，又唔燶粟米：變左粟米乾豬頸肉：算係最好o既肉，因為無乜大問題…推介反而係菇、茄子、蕃薯， 3 個都唔會太乾身，上面o既漿汁幾好味 (蕃薯例外) 野飲：真係好難接受…我自己做 F&B 飲得出 d 汽水o係機沖出黎之後再沉澱左好耐，CO2、水、糖漿已經分開，最後竟然要叫返清水...本來都想比個 OK，但最後發生左 d 事扣到變左負分呀唔該… 話說我地12點幾先走佢地開始執野，天花板度有 d 掛旗，佢"收旗" o個下成抽旗跌左落我地張枱度，仲要無悔意地繼續拖行 d 旗，結果成抽旗o係我地 d 食物上面拖過…喂大佬，呢 d 最基本倉物衛生o既知識都無？我地唯有埋單走人。如非必要，唔會有下次囉。…Read More