hoiyan72's Profile

仔仔最愛串燒，今次試左位於尖沙咀諾士佛臺的燒烤堂。呢間食物質數好高，仔仔表示好滿意😆 店員見我地有小朋友，貼心為我地送上小朋友餐具🫶🏻 其中有幾款想特別推介： 🍢焦糖鰻魚芝士玉子燒 $28呢個玉子燒真係不得了，連平時唔太鍾意食玉子的我都忍唔住要再order一串黎食！(因為第一次order嗰串，俾仔仔自己一個食哂咁滯🙈) 🍢雞皮墨魚滑 $38雞皮包住墨魚滑，口感一流！必試❣️ 🍢 豚肉節瓜波板糖 $38造型勁可愛吸引，仔仔即刻拎上手要試😆 配埋月見汁真係好juicy好味👍🏻 🍢牛油蒜蓉芝士焗雜菇 $42芝士多到嚇親我😆 芝士控必叫‼️ 🍢蜜糖燒菠蘿 $18菠蘿又大舊又甜又多汁😋 仔仔平時都唔太鍾意食菠蘿，但今次佢自己食哂成串，問左佢幾次之後佢先話肯分一舊俾我🤣 …Read More

仔仔每星期都喺啟德上堂，所以我地都多左喺啟德覓食😋 知道位於零售館2的Gonuts，係由前文華酒店廚主理的西餐廳，主打西式fusion菜🍽 所以一於去試下✨️ 一入到餐廳，仔仔就被店內的一千個網球佈置牆身吸引左，塊牆真係好啱打卡📸 🌟 秘制沙嗲醬青芒大蝦沙律 $128沙律有大蝦、青瓜、芭樂同蕃茄仔，配上秘製醬汁，微辣惹味又口感清新，好開胃👍🏻 🌟 小食拼盤 $158大推薦招牌川椒麻辣生炸口水雞，啖啖肉，配上蒜蓉蛋黃醬真係食唔停口‼️ 🌟 自家製忌廉野菌汁卷卷意大利粉 $102必試卷卷意大利粉‼️Q彈口感，連仔仔都非常欣賞食左好多😆 🌟 泡泡提拉米蘇 $68高質正宗！每啖都食到濃濃咖啡酒香❣️ 🌟 Goose Island IPA HH$52獲得六次美國啤酒大獎🎖以重啤酒花風味為基礎🍻唔好錯過以下優惠呀： 📢中銀信用卡商戶優惠：晚市堂食消費滿 HK$600 可享 9 折優惠，優惠期至8月30日📢 惠顧任何一款羅馬白比薩，可另加$40升級火山熔岩芝士📢 Lunch set 送餐湯或沙律📢 生日有甜品畫碟 📢 啟德園區員工證有優惠 9折…Read More

以前老公曾經喺Singapore工作，嗰幾年受到佢d印度同事影響多左食印度菜😆 早排有朋友介紹中環有間印度菜餐廳，又正宗又好食，於是吸引左我地去試下😍一入到餐廳，環境已經好有feel✨️ 侍應特別推薦兩款小菜，試完果然一定要必點！兩款都平時好少食到又好食‼️🧡 印度香料脆球 🧡將清新薄荷和石榴汁倒入酥脆球，之後再一齊擺入口！個口感真係好特別同有趣😍🧡 脆皮羽衣甘藍芯片街頭小食 🧡呢款我地一致認同勁好食👍🏻材料同所有香料都配搭得好出色👏🏻老公亦對牛油咖哩雞讚口不絕👍🏻 確實個味道真係好正宗又香濃，用黎配印度烤餅食，真係一流❣️下次如果有朋友聚餐想試下印度菜，一定推薦大家黎呢間😚…Read More

早幾日去左位於尖沙咀的人生有限杯串燒店🍡 第一次黎，呢度環境好chill，我地帶住仔仔都坐得好舒服👍🏻Menu多款式，而且價錢好親民😳 最平竟然$10串有交易😳 我地都試左好多款推介串燒同菜式，好多款都堅高質wor😮✨️免治雞肉棒(配日本蛋)$28✨️老公自己食哂成條冇留俾我😂 所以佢再reorder多兩串，一串俾我，一串就佢自己再食多串🙈✨️汁燒雞隔膜$10✨️唔好睇少佢$10串，勁好口感，個汁又好食！好欣賞❣️✨️墨魚滑紫菜大蝦$68✨️呢款菜式好特別，我地都係第一次食墨魚滑係用香脆紫菜包住，入面仲有蝦肉👍🏻仔仔自己一個人都食左半碟🙈 所以呢款我地都有再reorder黎食😂仔仔食完話下次要再黎wor😆 老公就話下次想約埋朋友黎，因為Sapporo啤酒仲買一送一，同朋友飲住啤酒食咁高質的串燒，確係唔錯呀😊…Read More

早幾日搵到銅鑼灣呢間"日式燒肉+火鍋放題"的餐廳，上到去咁啱被安排坐左喺一個有生日佈置的座位，如果生日有朋友聚餐黎呢度都幾好氣氛🥳燒肉同火鍋食物種類都好多，熊本優質肉有貼紙/證書，安全有保證👍🏻套餐$268享120分鐘精選燒肉火鍋放題，70品任點任食‼️✨️加$38 升級 任飲Umai Mugi 麥啤放題🍻✨️加$98 升級 飲み放題：麥啤、生啤、清酒、燒酌任飲🍻📢 仲有好多訂座優惠✅️ 無限時任食(需先付$100訂金)✅️ 2人訂座 送 原條鰻魚壽司✅️ 4人訂座 送 大塊A4和牛片+原條鰻魚壽司🎁 生日優惠：多項生日優惠配套 (記得要影相打卡先有得送)…Read More

之前朋友介紹土瓜灣有間fusion cafe好好食，有次夜晚經過都見門口好多人排隊👥️今次同老公衝著佢的甜品而來，坐低睇menu卻發現佢的主菜都好吸引😳 我地試左"紅酒慢煮牛面頰配薯蓉‘’🥘 ➡️ 牛面頰煮得好淋！紅酒燻汁亦好濃好夠味！好好食好有驚喜wor😮 佢配埋燉菜，2人份量亦都好大份👍🏻甜品我地就叫左兩款，叫左招牌"Tiramisu Cream 梳乎厘班㦸‘’同埋"咖啡拖肥棒子朱古力千層酥配香草雪糕"➡️ 兩款都好好食呀🥹 班㦸好蓬鬆同夠空氣感，表面的mascarpone同cocoa powder令人感覺真係食緊Tiramisu咁😋 千層酥都好鬆脆可口，層次分明，好高質👍🏻今次同老公兩個人食唔到太多，主菜同甜品都仲有好多款想試🙈 下次要再黎試下其他先🥰…Read More

平時經過買過好多次"一鼎茶"，早幾日去試埋佢個120分鐘"澳洲200日穀飼牛"火鍋放題👍🏻幾鍾意佢係一人一鍋，可以揀自己鍾意的湯底口味👍🏻毫不猶豫揀左"QQ骨膠原"湯底，幾足料👍🏻肉類都有好幾款選擇，我覺得肉質最好食係"一鼎穀飼牛", encore左幾次👍🏻海鮮都唔錯，生蠔隻隻都好肥美好新鮮👍🏻自助區選擇都夠多，有雪糕，仲有啤酒放題👍🏻而且最正係原來火鍋放題呢邊，都可以免費order平時我成日飲的"一鼎茶"‼️見到台台都會order 2杯😂🤣臨走職員姐姐仲送左兩個代幣俾我地，可以去門口玩夾公仔😆❣️…Read More

早幾日同老公去左尖沙咀的Milu Thai，見佢網上有很多好評👍🏻去到餐廳，因為太肚餓了我地一口氣order左5道菜式😆 冇諗過order完冇幾耐，竟然超高速已經上齊菜😂👏🏻1️⃣ 生蝦刺身(6件) $1082️⃣ 小食拼盤 $1883️⃣ 火山排骨(甜辣口味) $2284️⃣ 炭燒豬頸肉 $985️⃣ 菠蘿海鮮炒飯 $108飲品：椰青 $52，乳酸梳打$34每道菜份量都比預期中大😮 特別要講下個火山排骨🌋 一上菜嗰下非常吸睛，個份量應該係可以for 4人share🙈？呢個價錢真係性價比很高👍🏻下次約朋友多d人，可以再黎過❣️下次試埋酸辣口味先！…Read More

發現九龍灣德福的Mr Steak晚餐抵食又好啱帶埋小朋友去。本身Dinner個menu的份量已經好足，除左main course之外，"龍蝦生蠔半自助晚餐"個menu仲有生蠔+蝦+蜆+青口作為starter，仲包紅酒/白酒/橙汁一杯👍🏻半自助晚餐area又有好多款沙律同甜品，仲要全部都好好食，好食到忍唔住拎左幾轉😳 特別想講埋自助飲品區的金橘蜜綠茶，好常好飲！基本上大人同小朋友去食係一定可以食得好飽，小朋友見到咁多款自助食物都食得非常開心❤️仔仔食完仲話下星期要再黎😂…Read More

早幾日去旺角買完野，想食韓燒，就即刻諗起瓊華中心的喜來稀肉😋都有段時間冇黎，環境依然坐得好舒服，食物質素同水準亦keep到！一坐低就有服務員送上3款前菜，當然仲有爐邊蛋(有原味同芝士)👍🏻仲有好幾款前菜(泡菜、芽菜、青瓜、生菜等)係自助可以行出去拎。我地2個人，叫左：🐷 喜來韓豚五花肉 $180🐮 牛五花 $158🐮 牛肋骨肉 $150🍳 海鮮蔥餅 $90我自己最鍾意韓豚五花肉，燒到個邊有少少焦脆，再用生菜夾住，加幾粒蒜頭、加D醬汁同幾片泡菜咁一齊食！真係好正🤭食完行去雪糕櫃嗰邊，見到而家follow 社交平台仲可以拎1杯雪糕tim🍦…Read More

Airside呢個新商場餐廳林立，本身都揀唔到食咩好，諗諗下好耐冇食過中菜，喺樂天皇朝門口見入面環境應該坐得好舒服，就入去試下💫我地叫左：🔹️(廚師推薦) 醬汁鴨舌🔹️李白醉雞🔹️紅油鮮蝦黑豚肉炒手🔹️皇朝擔擔拉麵🔹️手打百香果香水檸檬茶最大讚係 李白醉雞🐔醉雞個汁好香，雞肉又夠嫩滑，非常好食！而最驚喜係估唔到杯手打百香果香水檸檬茶🍋超好飲！好fresh好解渴，又有助消化👍🏻仲要好大杯，兩個人share都夠飲👍🏻…Read More

早排有次經過樂道，留意到呢間麵店門口好多人。今日咁啱去尖沙咀做完野唔知食乜好，又唔算好餓想食下麵，就諗到不如去試下。同老公一人order左一個麵：🍜頂級美國肥牛 冬蔭功湯 黃麵：冬蔭功湯底辣度啱啱好，好開胃！🍜頂級安格斯牛肉 船湯 金邊粉：大推安格斯牛肉！每片切得薄薄，口感好鮮嫩！船湯湯底勁濃同重料，好驚喜❤️ 配金邊粉真係好啱，可以索哂d湯汁！我地仲order左炸雞翼，上檯熱辣辣，真係即叫即整。兩個人order左兩個麵，一個小食，兩杯野飲，都係二百幾蚊，幾抵食👍🏻…Read More

觀塘工廈好多隱世小店，星期五晚放工又同老公一齊去覓食😋 今次去左美食林立的成業工業大廈，以手打和牛漢堡做主打的日式小店。 一入餐廳坐低，店員好有禮同細心咁為我地介紹menu👍🏻 我同老公分別點左：🍛 招牌手打和牛漢堡蘭王蛋飯 配秘制漢堡汁＆芥辣酸瓜配菜🍛 手打芝士安格斯漢堡蘭王蛋飯 配秘制漢堡汁＆日式泡菜配菜 兩個飯一送上黎，賣相相當驚喜💖其實兩個飯都好好食，手打芝士安格斯漢堡就好有口感，但我地都更愛手打和牛漢堡😂和牛漢堡入口非常軟嫩，非常高質‼️ 小食方面，我地都點左兩款以優惠價追加的：雞皮餃子＆一口芝士。雞皮餃子即叫即炸，外脆內軟，大愛❣️…Read More

平時我最愛食生冷野，老公就鍾意食熟食，所以日式放題餐廳真係最啱我地去撐檯腳🫶🏻 早幾日老公放工，去左附近的瀛豐港日泰放題，$259任飲任食兩小時。食完真係要大讚大推下！首先講下我最鍾意的生冷野部分😂 D刺身每款都勁新鮮！如果加$148升級個凍海鮮拼盤，凍海鮮仲係任食‼️真係好誇張‼️淨係個海鮮拼盤同升級凍海鮮拼盤，已經回哂本同值100分💯特別推介：✨️赤蝦：勁大隻！啖啖肉😋✨️海膽帶子：海膽好新鮮！配埋帶子一齊食好夾！有口感又鮮甜！！✨️三文魚腩：好肥美🤤而老公就大讚入座時送上的蟲草花燉雞湯，勁足料又清甜‼️ 個冬蔭公湯佢都話要大推，又熱又足料又味道勁好！佢自己一個飲左兩大碗😂甜品櫃的甜品都好驚喜❣️我地差唔多每款都試，發現款款都整得好好食！特別推介Tiramisu同木槺布甸，真係非常出色❣️呢間放題食物質素好高，座位又舒服闊落，同老公都一致同意一定會再黎😋…Read More

每次黎開葵涌廣場都忍唔住要食返個車仔麵，又好食又抵食！今日難得經過葵廣，於是特登去食返個下午茶！今次叫左下午茶3餸麵(豬大腸、韮菜、水魷魚)，再配我每次都一定揀的秘製汁湯底✨️車仔麵的湯底真係好重要，估唔到咁耐冇黎食都仍然保持水準❣️特別推介個水魷魚，加$5但真係一定要加🤣 勁爽脆同好食！！由於太肚餓的關係🤣仲叫多左串牛雜！點知很有驚喜😳 牛雜煮得啱啱好，好好食！睇黎下次都要記得再加串牛雜😂3餸車仔麵+1串牛雜+1杯凍杯，加埋先70幾蚊。食到勁飽🙈 真係好抵呀❣️…Read More