亞洲人's Profile

疫情緩和，終於可以有機會約下朋友， 一於試下一路都好想試嘅大勝丼。傍晚六點幾去到，客人唔多，睇menu就好似車仔麵咁， 先揀飯，再揀想食嘅餸， 不過係日本版。 我選咗三文魚腩，吞拿魚蓉同埋芥末八爪魚， 朋友選咗三文魚腩， 蟹棒同埋蟹膏。 另外加錢要咗沙律同飲品首先前菜，沙律，湯同嘢飲都嚟咗。 樣樣都正常水準啦！ 跟住飯都黎左， 我個三文魚腩都幾新鮮， 吞拿魚蓉正常發揮啦，都新鮮有魚味既， 偶爾用下芥末八爪魚刺激下味蕾。試左朋友既蟹膏， 驚為天人，好鮮味，好後悔，早知我都叫埋啦😆， 唯一美中不足係飯既分量有點小，唔係太夠飽咁要第度買宵夜…Read More

大病初癒，想飲啖燉湯補補身子，附近正好有間友利冰室，堂食入面有大量位置， 先去收銀櫃檯落單，我今次叫咗燒味拼燉湯，燒味揀咗切雞併燻蹄，另外再叫咗個檸檬伯爵茶，八十幾蚊叫完之後嘢食好快就出咗，起初比我個切雞係雞髀，但我見有啲唔熟，同店員講，店員都即刻換番過熟既雞胸位比我，服務態度唔錯雞肉好滑，燻蹄分量不少，碟油菜又嫩又爽，燉湯清甜滋潤好夠味，入面仲有大大塊花膠，檸檬伯爵茶茶味很不錯，八十幾蚊係正常價錢但呢個質素黎講係非常抵食，食完好飽好滿足…Read More

突然心癢癢想食日式燒肉，但得一條友， 諗起附近有呢間，好彩有app攞飛，邊等邊行，行咗一個鐘左右就有位喇下晝兩點，都仲係好多客，店員安排我去一人位坐低， 本來想試下佢哋嘅招牌菜極黑和牛，點知賣曬，我最後叫咗牛小排加牛板腱， 跟住見到可以加錢upgrade木魚絲紫菜蛋飯， 睇相好似唔錯就加埋嘢食好快就到喇， 一睇個飯，嘩點解同張相爭咁遠，碗飯上面只得零星紫菜木魚，但要加成廿蚊，真係搵笨！老實講牛角飯真係好佢好多好多倍，人哋仲要係任食， 果刻真係超後悔。。。至於啲肉呢就不過不失啦， 但都冇寫清楚係邊款打邊款肉， 結果擺落口都唔知自己食緊邊樣前菜泡菜就不提也罷，得一兩撮， 而個味噌湯就更差， 都飲唔到有味噌，純粹好似鹽加水咁嘅味道，完全睇唔到有幾用心做好食物，收百六七蚊 諗住貴精不貴多，早知比多少少去食放題好過點解個飯可以同張相差咁遠，重要加我成廿蚊…Read More

喺附近做啲嘢，本來想食另一間譚仔，不過附近冇分店，咁啱附近有間三哥，都差唔多啦咁就入咗去幫襯午市時間都幾多人，開頭見到好多人係出面等，仲諗住打退堂鼓，後來發現都係等外買嘅，堂食嘅人反而唔多，得一半左右，咁我就入去堂食呢排氣色麻麻，我叫咗個單餸嘅豬潤米線，我1255落order既，等咗十分鐘都未見有，反而遲過我入嚟堂食嘅人都開始陸續有野食， 我開始向副店長追，個店長聽完之後就行開咗，唔知有無幫我追，跟住我繼續等等等， 等到15分鐘都未有，啱啱副店長送餐附近，我係佢面前攤攤手表示重未有，佢望咗我一眼就走咗， 我以為佢幫我追啦！點知原來佢去咗收銀處同同事傾野🙄， 我繼續睇住其他米線陸陸續續去到客人手上，果刻真係好想cancel走人，我淨係叫一個餸都唔明點解要等咁耐。到最後等咗十八分鐘終於有米線到，湯底味道同另一間都差唔多但係希咗少少，十少辣多左層油，味度可以的店員都算禮貌，但等太耐真係扣咗好多分…Read More

lunch唔想食咁貴， 就求其揀間附近魚蛋麵舖， 上次附近食過嗰間 裝修好但食物質素麻麻， 今次就咁附近另外一間呢間嘅魚蛋河賣25蚊，外賣加一蚊，算係價錢合理， 魚蛋有些少粉，但都算彈牙，有魚味， 魚片都彈牙，河粉軟硬度正常都幾滑， 湯底唔算濃厚，不過都夠熱， 叫外賣後五分鐘內就有得攞都算幾快…Read More

假日口痕想食下點心，諗起早幾日見到佢地有新出炸物點心就去試下去到已經有唔少人等緊幫親 本來諗住要蝦餃同埋鮮竹卷，點知鮮竹卷啱啱買曬， 就要咗燒賣。另外炸物就要咗炸蝦卷同埋泡菜餃子， 點知泡菜餃子又話冇曬😓😓，咁我最後要咸水角啦！其實啲野賣哂可唔可以貼張紙呢？唔好要人去到話買乜先話無拎到返屋企，打開個盒，咸水角變左煎堆😥炸蝦卷變左炸春卷，要乜無乜都算重要比錯哂啲野我😓😓其中中個卷係得層皮入面無餡的，想點？!(利申，相入面食物已經食左少少)…Read More

行完附近市集，見到對面有間試業的狀元海南雞飯， 見有人排隊等，就諗住去試下新野。首先睇睇menu價位都算正常，尤其海南雞飯餐$48都好似幾抵咁 ，就決定點個海南雞飯加個麻香雞腎$39。 明明前面得兩個人等，但結果我等咗十幾分鐘先落到order。 終於落到order，又等十分鐘先有得攞， 全程見到得一個人切雞， 幾個人不斷趕緊之前嗰啲order幫我點完雞腎同雞飯之後， 店員已經好快幫我起雞腎，我全程透過玻璃睇住佢，滿一碗 ，最後收多少少收40。 跟住佢哋有繼續趕其他order，而我個雞飯要繼續等，fine好啦佢哋終於裝好曬外賣，我拎返屋企打開一睇，雞腎起碼冇咗一大半， 好明顯唔係佢哋比我嗰碗啦！我唔知佢哋係畀錯咗我定點樣， 雞腎味道係正常嘅，但40蚊只得幾片雞腎真係不能接受。40蚊既份量係得咁多。。。。😓😓跟住到個雞飯，色水正常但冇乜香味既， 雞份量味道尚可但偏少， 有嚿仲未熟滲緊血水， 附送的湯味道很淡， 成餐最可取嘅係佢附送嘅幾款醬汁。 雖然係試業但差錯太大， 本來諗住幾抵食點知食完都唔飽嘅，應該冇下次…Read More

情人節同佳人行街街，未行之前就先去醫肚， 都好d2附近有間茶記聽講唔錯， 啱啱好冇人等位 ，就入去試試睇餐牌都有好多嘢揀喎，有啲選擇困難。最後家人點咗鰻魚蛋包鐵板飯，我就點咗海南雞飯，凍檸茶。 飲品好快到，飲一啖凍檸茶，茶味都唔錯。 無耐蛋包飯先到， 賣相很不錯很吸引， 熱辣辣蛋包飯上面有一條好大嘅鰻魚，早知我自己都叫， 家人話味道幾好喎。 跟住到我個海南雞飯， 雞肉看起來份量很少， 而且雞肉偏向單薄， 油飯份量也不多， 幸好我胃口不太大，總算夠食， 味道正常，雞肉都算滑。 整體上算合格啦。…Read More

呢間甜記餃子聽過好耐，但一直未有機會試 。終於佢旺角開咗分店， 行過見到冇人排隊，就入去一試。睇完餐牌，最後叫左芫茜餃雞湯米線， 加熱豆漿。 等咗一陣熱辣辣米線好快到， 米線質地幾好夠滑， 主角芫茜餃亦都冇令我失望， 餃入面充滿咗香芹同芫荽嘅香味。 唯獨是雞湯底， 飲一啖發覺完全冇味淡如水， 可惜我又唔飲魚湯， 素湯又太單調，變相沒有選擇。 幸好還有隨臺附送的菜脯， 總算為湯底增加一點味道。 豆漿是支裝的沒有特別店員都是年輕人，服務態度不錯…Read More

開頭幫襯呢間舖頭時正值疫情， 生意好唔樂觀， 後來疫情好轉，見佢慢慢多番啲客， 之前幫襯過佢啲刺身飯，雖然唔算平不過都幾新鮮。今次就試咗佢個吉列豬扒便當。去到舖頭見到好多客， 外面仲企咗一堆等外賣嘅同埋等位既。 建議店家喺店舖外擺放一些櫈仔畀大家等外賣，因為啲外賣都出得比較耐， 我今次都等咗半個鐘先等到個外賣， 拎到返去，炸豬扒仍然係脆嘅，沒有炸得太乾，仲有啲前菜同埋麵豉湯 ，質素都唔錯不過前菜可以多番啲😂， 白飯份量都好夠，整體質素唔錯…Read More

同開屋企人去荃灣辦啲事， 正值中午就順便食埋午餐。 家人點咗洋蔥汁豬扒意粉 ，我就要咗個澳洲西冷牛扒五成熟 ，順便叫多個大蝦沙律 首先嚟咗餐湯同埋牛角酥， 餐湯都夠熱幾好飲牛角酥好好味。 豬扒意粉試左好正 。但我個澳洲西冷牛扒就有啲失望， 首先塊扒雖然睇落好大塊但 至少有三分一都係肥膏 ，最嚴重係塊扒好多筋，幾乎切唔開，有好多位都食唔到，忍唔住要同店員反映😣， 佢話西冷牛扒係咁㗎啦 ！如果想冇筋呢就加錢食肉眼扒， 我真係好夠悔冇加錢轉塊靚啲扒，慶幸生熟度正常肉質都正常。 食到咁上下大蝦沙律終於到😜 話係大蝦其實只係一隻普通蝦切開一半😂 不過胡麻醬都落得夠多, 沙律都算新鮮今次第一次試整體都係不過不失，係有啲失望既，但見在係同路人都會比多次機會佢，期待下次試下加錢再食靚啲牛扒…Read More

首次試的舖頭，地點有點隱蔽，要跟地圖搵，環境唔錯，文青feel cafe疫情關係都係買外賣，中午店內食客都不少，有人要等位叫左個香蒜白酒雞肉意粉，一個all day breadfast，一杯espresso，一個藍莓cheese cake意粉家人話好食，我試左啲都唔錯，但份量太少盒野得7,8成滿，大食家人表示唔夠喉all day breadfast有兩條腸仔，一條煙肉，沙律菜，茄汁豆，松露炒蛋，一片三文魚，牛角包，材料豐富，牛角包好脆，但份量同樣可以多番啲就好藍莓cheese cake($40)好好食，價錢合理…Read More

某日行開葵廣3樓，見到有間新開燒物店喎😮，店員很熱情招徠客人，一於試下先我叫左個海鮮拼盤套餐，六十幾蚊，跟著再睇下menu，有鵝肝多士喎！賣favorite，一於試埋😋😋外賣返到屋企，仍然熱辣辣，一陣香氣撲鼻而來，食慾為之一振睇真啲入面有蝦，帶子，魷魚，螺，蟹柳，鰻魚，十分足料，聞起來非常香，食落有鮮味，真心覺得唔夠喉😋😋跟著試埋個鵝肝，加左香醋非常之夾，不過放耐左餅底有啲淋，店員都話，要即食先好味呀！下次再試埋其他…Read More

好耐無幫襯，今次想試肉骨茶又賣哂，唯有點了喇沙湯底幼生麵。未下單，店家就送了碗足料南瓜湯喇沙湯底：欠了些椰香味，簡水味卻重了點，一般麵：正常無特別餸：最正係個薯片，即叫即炸，香脆熱辣好難唔好食，上面洒左椒鹽，相當惹味，正！素餐肉，牛蒡塊不過不失 。隨麵附了兩大條白菜，十分健康。呢間舖開了有一段日子了，起初唔太睇好，因為佢位置都幾偏僻唔易搵到，尤幸食物質素唔錯，吸引了一班熟客，而且重可以捐錢派飯比有需要的老人，希望可以keep住啦！…Read More

中午經過這間，當時見很多人排隊，心諗應該唔錯上完堂，趁無乜人就入去試試佢地既all day breakfast我食那款是煙三文魚餐面包：有烘過，很香脆，但附送的牛油不太足夠煙三文魚：砌成花型賣相精美，可能我食唔慣唔識欣賞，好似有點偏咸粟米：都幾香甜茄汁豆：罐頭貨，無評價沙律菜：少少地，都算新鮮炒蛋：成碟最正的食物，好香滑有蛋味，有驚喜橙汁：唔係鮮榨，應該係濃縮橙汁，都收貨啦！成個餐$38，性價比高，質素比隔幾個舖位的連鎖式快餐店好多了！如果去開呢頭，應該都有下次。…Read More