man_nnn's Profile

行街行到攰就是旦搵左間餐廳食野，點知原來是中伏野。吾單只是食物中伏，連員工質素都低。😵‍💫炸雞微暖，味道差，沙律醬似係被迫甘一野pat落去。Not secured👎🏻👎🏻👎🏻豚肉un到咬吾開，又無味，泡菜似係擺左好耐，得個酸字，成碗野擺得落口既就係啲薑。Not secured👎🏻👎🏻👎🏻加$9既炸餃子，炸到萎縮哂，無咩餡，不予置評。Not secured👎🏻👎🏻👎🏻員工態度不佳，直行直過，其中一位女員工仲一路行一路將條抹台毛巾甩黎甩去。🤭…Read More

好想食點心但又吾想去酒樓，係大圍就搵到間裝潢幾cute既點心店，一到去就岩好有位，店員仲好有禮貌，好親切☺️基本上茶樓有既點心佢都有，種類未必係最多，但係每款都大大份，質素頗高～2個人叫了5樣點心☺️蜜汁叉燒腸$30腸粉皮吾會過薄又吾會過厚！口感有少少少少煙韌 好特別！叉燒夠多，味道就一般無特別。鮮蝦餃$38蝦餃好大粒好大粒！每一啖都食到蝦，仲好有鮮味！蟹籽燒賣皇$34又係好大粒！啖啖肉，有蝦有菇，豬肉個口感就較為紮實，相信可以增加肥豬肉既比例。灌湯小籠包$32小籠包賣相就麻麻啦，外皮就厚薄適中的，豬肉餡&湯汁既味道一般。秘製紅油抄手$34都係一樣勁大粒，個人覺得醬汁方面醋既比例多左啲，同埋豬肉餡無咩味，口感較為硬實。總括而言，雖然環境較為狹窄，但整體食物質素不錯！會番兜！每款點心都即叫即蒸，令客人可以食到熱辣辣既點心。…Read More

又心思思想試啲高質又抵食既日本野，就搵到呢間係石塘咀既分店—活一鮮。當日就book左一點幾左右黎食lunch，出面已經排左勁多人，所以建議大家預先book位就吾洗等甘耐啦～海膽三文魚飯$78（附沙津及麵豉湯）三文魚好鮮好甜，海膽既味道都好濃郁，勁正。個飯好有驚喜！口感好軟糯又帶有少少甜味！同出面食到既吾一樣！💛銀鱈西京燒定食$98（附有前菜、沙津、白飯及麵豉湯）本身對佢無咩太大期待，但一食落口，肉質勁滑仲有少少甜味，一啲腥味都無！配埋個沙津醬口感仲更加豐富！軟殻蟹卷（6件）$68味道無咩特別，勝在軟殼蟹同飯既份量岩岩好，同埋夠脆口！厚燒鰻魚壽司（1件）$25好厚好大件！鰻魚燒得岩岩好，好肥美，上面仲撒左少少山椒粉，高質！火炙醬燒帆立貝$26帆立貝勁新鮮，入口即溶！一啖可以感受到鮮味&香味！炸原隻軟殻蟹$68吾會好厚粉，又夠香脆。重點是竟然有膏！！正。吉列生蠔$58熱辣辣脆卜卜！一咬，蠔既汁同表面既脆脆融合左，成個吉列蠔都好有鮮味！總結黎講，除左店員服務態度一般外，呢間野無論壽司、炸物還是魚生飯上面，都做得好好，食材好新鮮！食物質素高於預期！💛…Read More

九龍城出名食泰國菜，所以對泰國菜都幾有期望，同埋就搵左呢間好出名既「泰象館」。環境方面一般，尚算整潔，當日2點幾去到，店員表示無lunch menu，只有一整本既菜單可選擇。蛋包鮮蝦金邊粉$72賣相幾好，味道不錯，酸酸甜甜，份量都好夠！椰汁咖哩（雞）$75椰汁既味道蓋過咖哩汁，雞肉則吾夠入味，無咩泰國菜既feel！薄餅$25有咖哩點少得薄餅，$25有8大塊，鬆軟又有少少脆，都算抵食！燒豬頸肉$74勁un，完全咬吾到，仲要凍哂，似乎放左好多日！👎🏻👎🏻👎🏻All in all, 吾會再幫襯，都幾失望下，lunch黎講算係貴。…Read More

由於疫情以及防疫措施，店舖只能夠做午市時段，所以就提供左好幾款精選既lunch set，同埋原有既菜單。我地約左1330pm，一上到去已經可入座，店員態度有禮，食物仲要係由正宗既日本師父負責烹調。當日我地叫左2個lunch set（有飯&關東煮&雪糕），一杯shochu，同埋一個鐵板燒蠔。🤪日式炒麵$78炒麵夠q彈唔會過油，吾會痴埋一舊，高麗菜炒得爽口，豬肉就無咩特別，配埋炒麵醬，好食！跟餐既關東煮，白蘿蔔好林（另外蒟蒻個人就不嬲都吾太中意食，所以不評），個湯可以再濃啲。熱辣辣既關東煮再蘸少少黃芥末，正。大板燒（麵底）$88成舊野食落去唔會好重麵粉既口感，個醬汁亦吾會過咸，配埋入面既麵底，麵上面又有幾塊豬肉片，食落個口感都幾特別，唔錯😂。鐵板燒蠔$88勁正勁正勁正！蠔十分鮮甜，十分juicy，有鐵板既香味同蠔既鮮味！滿分！👍🏻最後食杯vanilla 雪糕結尾🤟🏻。呢間野鐵板燒既食物好高質，下次會想試多啲鐵板燒既海鮮/肉類！最後就係因為我地坐bar 枱，好就好在可以邊食邊欣賞師父既手藝，慘就在於一直有熱氣湧埋黎，會好熱。😂…Read More

今日初嘗較偏門既菜式-墨西哥菜，位於荔枝角既工廈入面。當日客人吾多，用餐環境寧靜，上菜速度快，菜單方面有哂中英文有圖，同埋菜式入面有啲咩材料係度，仲提供埋set，客人可以慢慢揀咩野岩食。鐵板手撕豬肉$92配有4片薄餅，同3款醬（酸忌廉/蕃茄醬/牛油果醬）。個人就吾太中意豬肉既調味，不過薄餅夾埋少許豬肉同埋啲醬汁，就較易入口，最中意佢既牛油果醬。芝士栗米烤焗捲餅$78雖然聽個名以為個捲餅既重點係芝士同栗米，但入口係好正既墨西哥豆薯，芝士份量吾會過多，兩者好夾，配埋啲醬汁，好食！香炸洋蔥圈$42洋蔥圈有驚喜！香口之餘入面既洋蔥吾會爛哂，配埋酸酸地既他他醬，勁好食！如果係荔枝角附近又想食啲特色既菜式，不妨黎試下，價錢尚算合理，有加一，都坐得舒服既～…Read More

想傾下計同朋友仔聚下，甘岩搵到間近海邊環境又令人好舒服既cafe。坐低揀好左食咩就要去收銀處落單俾錢，店員就會為你送餐😚。Avocado&chicken bun(with money mustard)$90牛油果正🥑同雞肉好夾，但雞肉煮得太乾太柴，略為扣分～個包看似普通，但食落去好鬆軟，勁好食！同埋個蜂蜜芥末醬好正，令成碟野好fresh。Eggs your way🍳$100-Scrambled egg, bacon, fries, avocado 自選配搭食材既早餐，牛油果一樣好正，炒蛋夠滑又香，薯條就一般，個bagel仲加左少少cream，但個人認為個bagel硬左少少。Multi blossom honey $40估吾到蜜糖同latte既味道可以咁夾，第一口飲落係濃郁既咖啡味，之後就會feel到少少既甜味，幾特別！Kyoto Matcha Latte $45飲落普通無咩驚喜，純粹得抹茶既苦澀味同埋少少既鮮奶味道。一路食野一路吹下風好舒服，樓底高，環境chill，仲可以打下卡😂唔想坐室外既可以揀坐室內座位/階梯座位～…Read More

天氣轉涼，係時候要食個煲仔飯，今日黎到港島區其中一間人氣米芝蓮既黃店。星期六晚上約930到達，入面已坐滿哂客人，出面大約有around10個人係出面等緊，而我地都係等左15-20分鐘就可以入座。等位期間，老闆都好熱情咁派菜單同埋介紹有咩好食既菜式俾我地聽。店內環境都大，坐得舒服，不收加一。除左煲仔飯，仲有點心、小菜、炒飯等，價位都屬中等。白鱔腸煲仔飯$88飯粒分明，入口時食到臘腸既油脂已滲入飯粒之中，又夠香。白鱔嫩滑入味，啖啖肉。飯焦就太燶太硬。椒鹽九肚魚$80👍🏻份量好大，抵食。入口香脆，椒鹽既味道岩岩好，魚肉好滑，又吾會炸到爛哂！大推！最後，雖然呢間野出名食煲仔飯，但椒鹽菜式更加出色。下次會想試下佢地既點心類！…Read More

呢間好德來小籠包店位於佐敦既小暗巷，一向鐘情於小籠包既我地就黎試試呢間上海野。當日平日晚上七點鐘黎到就即刻入座唔洗等。環境方面坐得舒服，夠闊落。老闆同店員都好有禮貌同隨時留意客人既需要。(注意:只收現金)價錢中上，每人低消$70，用餐時間為90分鐘。另外有一份小菜單，主要係一啲廚師推介既點心/菜式。招牌小籠包$44/4隻外皮厚薄適中，唔會一夾就好易爛，一入口就充滿好鮮既湯汁，肉餡肉汁都好鮮甜！大推！想提升鮮味的話就可以點少許醋，可惜薑絲少左啲。獅子頭$48夠惹味！送飯一流！豬肉煮得好林好入味，肉質好綿滑又唔會散哂，成個肉丸吸收哂啲汁既精華。糖醋排骨(例)$70肥瘦得宜，甜而不膩，上面曬左啲芝麻增加左呢道菜既香味。可惜肉質唔夠嫩，醋味再多少少會更加好。最後，我都幾推介大家試下呢間上海野！係傳統係地道既！味道&服務都對得住個價錢。下次有機會會想試下蟹粉小籠包&炸豬排~…Read More

好耐未黎過深水埗，今日就上到黎西九中心8樓既美食廣場食下良心小店。餐牌一目了然，有飯有湯麵有撈麵有小食，價錢亦相當合理。招牌口水雞飯$40賣相唔錯，雞夠滑而雞皮唔會過肥過厚，下層仲配有幾舊青瓜。醬汁方面偏酸，辣啲既話就更加好喇。黑醋慢煮豚角飯$38豬軟骨煮得好入味好林，仲有隻蛋黎撈汁送飯，醬汁方面偏甜。紅油抄手$20另外加左個小食，可惜廿蚊得5粒😂，味道普通，同埋吾夠辣，偏蒜味！…Read More

🐱突然想食韓國菜，咁岩路過油麻地既小街，見到間細細地&價錢都合理既韓式小店，就決定試試佢。店出面亦都張貼左一大張菜單俾顧客睇，非常貼心～一坐低店員姐姐就俾左兩小碟前菜我地，味道正常無特別。漢城紫菜飯捲$38料好足！一入口就同啲麻油香味同紫菜味融合，好地道好好食！漢城炒粉絲$56一樣好好食！粉絲唔會太乾，菜夠爽口，不過稍為油左少少～泡菜煎餅$67有2-3塊lone左少少，外皮脆內裡軟，口感好正，中意酸酸地既朋友仔可以點少少佢配埋既汁，我個人就覺得唔點汁都好食！如果泡菜可以多啲就好喇！魚糕串$35一開頭以為係將啲魚糕串成一條條咁😂個樣睇落好普通，但一食落口，個魚糕湯好鮮甜～～～同魚糕好夾，食到停唔到。最後，呢間小店提供既菜式都好多，水準亦可媲美其他連鎖店，希望下次有機會可以試埋佢地既人參雞湯同年糕啦🥰…Read More

平日夜晚黎到沙田，大約1830pm就已經有10-12人排隊等緊，不過都吾算等得太耐，約15分鐘內就可以坐低叫野食啦～環境方面都坐得舒服。麵線夠幼滑又彈牙，撈埋醬汁同啲滷素，菜式簡單，味道唔錯，但份量略嫌少。慢煮豬手有驚喜！每part都煮得好入味同好林！下次會直接叫一份慢煮豬手👏🏻魯肉飯不過不失，其他配菜則普通。胚芽同奶茶好夾👍🏻茶味濃郁，好好飲，稍為略甜。外表同味道都非常接近台灣既鹽酥雞，雞肉嫩又帶有少少肉汁，表面撒上少少胡椒，炸粉不會過厚，每次必點！👍🏻杏飽菇非常大舊，且咬唔開，勁難入口。一咬舊菇就連個炸皮分離，成碟野是唔好食的～👎🏻總括而言，大部分食物都頗有質素，茶類無得頂，想同朋友飲下野傾下計都可選擇呢間台灣野，價錢就略嫌貴，份量偏少。…Read More

店舖環境面積較細，只可容納6-7人，主要做外賣單，食野期間會不繼傳有油漆味道，食物方面就即叫即整。💛當日唔太肚餓，所以無試到佢地既粉麵類～店舖環境食物💛招牌菜肉煎餃（10隻）餃子好大隻，餃子皮夠脆，可惜餡料方面菜比肉多，豬肉肉質較鬆散～💛上海菜肉雲吞（8隻）同樣雲吞都係大大隻，最surprise既係佢既湯，飲落去清甜帶菜味👍🏻，餡料同煎餃一樣，菜既比例較多，而且啲豬肉較多筋！成日食食下要lur😂💛麻醬豆腐雖然只係好普通咁淋啲醬同花生粒上去，但麻醬味道意外同花生好夾👍🏻，好味道，令唔食花生既我都食左好多～個人幾推薦～…Read More

星期五晚上黎講排隊等左十分鐘都算ok，座位位置尚算舒服，裝修以簡約為主，進食期間不斷有小蚊仔飛黎飛去，呢方面就有待改善。首先叫左4款菜式：總括而言，成間店最台灣既地方就係店員既口音，想食台灣野有其他更好既選擇✍🏻！…Read More

今日同朋友打算去食佢地既粥底火鍋，見價錢算合理，就諗住試一試。點知去到門口想入去既時候，有位男店員全程西口西面兼態度差：有咩可以幫到你？我地：吾該3位！：你無睇到出面咩？張野寫住左，要食就1130先有位！（然後男店員即山門）我地：喔........（店舖出面張紙只表明3個不同的時段，並沒有其他資訊）最後我地一肚氣走左，吾明大圍多數都係做街坊生意，點解店員態度可以甘差！…Read More