好食就要食食飽就要瞓's Profile

燻蹄同叉燒都好好食，上次食雙拼，嗰個汁同今日唔一樣，今次呢個有芫荽㗎🥲 我都係鍾意之前嗰個汁多啲😅 河粉好滑，都好食，媽咪好鍾意；不過我都係瀨粉fans。*如果個app可以加走青，咁就好啦😅👍🏼爸爸都係唔會食厭牛扒，所以依然係牛扒，但係今日竟然食意粉唔食飯，真係估佢唔到。明明佢唔食意粉㗎嘛😅🤣…Read More

初初食冬蔭功個湯白色好似普通清湯底咁，早兩日膽粗粗再試一次。有驚喜！超好食！所以今次同媽咪一人一碗🤣🤣 癈事比佢飲晒我啲湯😅🤣 雖然啲肥牛無初初嗰陣咁多，不過個湯底變正常冬蔭功，咁已經好好，起碼又多樣選擇。爸爸如常都係牛扒愛好者，因為佢一定要食全熟，咁茶餐廳冰室牛扒就最啱佢。呢到塊牛扒都算大，所以佢好開心，不過佢今次竟然揀咗原型澱粉質來食，好健康😜。熱即磨咖啡好飲咗👍🏼😋咁我就唔一定要飲凍啡或熱奶茶啦～ …Read More

好彩趕得切 lunch hour人潮前入坐！12:15落單12:17韓式烤辣豬就上枱，超快！望落好乾，不過撈番之後就夠汁唔乾，好味👍🏼😋不過我男友已經食咗半碗飯，我以為佢會食晒我都未有我食🤣🤣 隔離枱嗰兩個石鍋飯都上咗枱食緊😭 到 12:27 我嗰個韓式年糕餃子鍋終於都出現啦🥳。好香～望落都好靚仔。因為男友見我無飯又有咁多湯，所以佢決定加多碗飯share食。12:30飯都到埋啦～個飯超熱！我個鍋都超熱，天氣凍食超暖身！不過個鍋入面得3隻餃子，仲要係細隻唔係大隻，年糕分量都唔多，湯底係kimchi tofu pork～無幾耐之後就開始人多啦～所以老闆娘想收我男友個份餐，但其實只不過係手放底咗唔揸住隻羹之嘛…… 明明碗飯都未食完，啲豬肉都仲有…… 我碗嘢都上咗無耐，我食咗幾啖咋喎，佢應該聽到我有微言，所以佢無再攪我地。隔離枱早過我地坐底，你做咩唔攪佢地，要攪我呢枱呢？最終12:57還返張枱比佢囉～走嗰陣都無人係出面等，做咩攪攪震呢～…Read More

好多時經過見到都會有人排吓隊咁，咁今日就諗住試吓。檸茶同咖啡一上枱，檸茶有一片乾檸檬，諗住會濃味啲或者香啲有層次感，不過原來無。咖啡就啡奶水分離，真心好難做到，不過佢做到，同某隻即冲咖啡差唔多味。匈牙利牛肉飯入面唔係牛肉係牛腩，看似淋但其實韌，味濃。黑毛豬東京黑蒜豬骨讚岐烏冬+鹿兒島黑豚餃子，味濃，重油，豚肉同某網上平台賣$20一包300g一樣質素，餃子係油揚豆腐一開三，釀咗肉碎入去再炸，第1啖同第3啖都係油，因為油揚豆腐本身係炸嘢，再吸油再炸，所以好油。黑松露牛肝菌雞油菇芝士意大利雲吞，應該係呢餐入面最好食，雖然食完唔飽，但係質素比起其他兩樣明顯好。整體來講，好多人都鍾意食濃味嘢，所以應該一路都會好好生意。不過杯回魂啡唔得就真心無回頭，本身見到有 Irish Coffee 想試，見到個價錢好彩無叫，試完杯啡唔得仲點會課金比杯貴啡。…Read More

今日爸爸堅持要試下午茶。橫掂有9折卡，佢應該會食多啲🤔是旦啦～屋企樓下得三間嘢食之嘛！爸爸叫咗星洲炒米，因為上次食蝦嘅時候啲蝦“那”過，所以今日走蝦。個味好明顯好味，因為佢好快食晒。媽咪叫燒鵝瀨粉，啲瀨粉係透明瀨👍🏼燒鵝個皮脆～細佬叫牛扒沙律，塊牛扒有筋，正常牛扒～我叫肉醬意粉，西蘭花個面燶咗，初初諗住撈暈佢先食，點知見到好大兜，仲大過lunch嗰個兜，不過個app無得叫多醬，所以啲醬唔夠平均分配全兜，所以我求其撈咗上面食，但係我食咗兩啖，就決定打包😜 返到屋企加工先再食，發現原來佢個底都燶😅🤣 同埋都幾多油。即磨咖啡同普通茶記咖啡嘅分別，就係 creamy啲，濃到差唔多，普通咖啡酸度高啲。今日下午茶4點幾呢啲時候就唔洗等，即刻入。呢到個環境唯一唔好就好似審犯咁比人打大光燈🤣🤣光係好，但如果黃光嘅光會好啲。白光影相靚，睇落光猛乾淨。但其實乾唔乾淨唔係靠個光就做到，所以食嘢，黃光會舒服啲囉～…Read More

雖然心思思想食curly fries，但一年比一年差，我下年都係唔再比機會佢啦～味“精”濃，好重味，過份脆口，唔知係米放太耐呢～所以番炸就無咩肉係入面，得好少叫有啲肉地，個感覺就好似平時炸嘢食，炸完晒啲嘢食之後，將剩係隻鑊嗰啲撈上來，有啲人好鍾意食，因為好脆好好食喎，不過我唔鍾意食呢種質感。睇吓有無機會其他時間試吓可能會好啲？🤔咁McNuggets就不嬲都無問題嘅～杯咖啡就睇人啦～唔同人冲唔同味道～有時冲得仲好飲過星XX㗎，今晚呢個都算可以。咖啡呢門手藝，真係好講間公司對員工好唔好。員工好就對佢地好啲留住啲好員工。…Read More

試過羅宋湯好飲，所以食早餐諗住試下羅宋湯通粉餐，個餐仲要包埋菠蘿油。今日羅宋湯無咗啲辣味但係就酸過嗰日，可能有人反映過辣，所以佢地唔整辣？！～🤔咁其實都無所謂嘅，無辣味可以自己加，因為櫃桶入面辣油辣醬都有。個菠蘿油超正，嗰日媽咪食過菠蘿包，咁加多啲邪惡牛油就梗係好食啦～食呢個早餐，之後仲有全日消脂😜🤣 所以 no problem 👍🏼 最緊要好食！茶走真係有少甜👍🏼好多間都做唔到，佢好叻咁控制到👍🏼牛扒出前一丁同牛扒餐其實都係差唔多嘅嘢，咁塊牛扒都好食喎！不過唔知點解好多時佢叫咩都會最遲出🤣，我地嗰啲都好快，最快係個菠蘿油，1分鐘上枱👍🏼 其他嗰啲10至15分鐘都有，但係爸爸嗰份就要25分鐘，仲要佢嗰份明明叫咗熟蛋變咗流心蛋，流咗落佢塊扒到😅🤣 佢見到就呆咗🤣 咁所以佢無蛋食😜 由於中途催過單，老闆娘比咗9折，所以有9折優惠，兼且佢仲比咗張9折卡，咁價錢同其他茶記相約～今日星期日真心多人，排隊等入座好彩唔係等好耐，食緊嗰陣見到條人龍時長時短。到食完嘢，買完少少嘢返轉頭見到條龍勁長，唔知排到入去仲食唔食到早餐呢？應該趕到尾班車，可以同時叫到早餐同午餐～…Read More

麥炸雞呢間不嬲都無得輸，同場KXX又細又無肉又濃味又貴過呢間。咁無理由唔食咬落啖啖肉，有少少辣但又啱啱好入晒味呢間㗎？！～都無理由對唔住自己荷包㗎嘛～邊間平啲兼且又好食啲，唔通仲要諗呀～不過蘋果批就例外啦～今日11蚊都要買，因為爸爸想食。我通常等到5蚊先買㗎～明明以前都係平嘢來㗎之嘛！做咩加價加到咁呢？所以佢應該推多啲特價嘢，咁等特價而又啱食咁米可以幫下我呢啲窮人囉～新出呢杯玫瑰士多啤梨latte真係好鬼甜，我無勇氣下次叫佢少甜，因為明知係糖漿比味，少咗就試唔到佢本身咩味，所以今次試完就唔會再叫，都係叫番啲正常平時飲嗰啲啦～😜🤣…Read More

好多時會叫常餐因為好鍾意食塊包！呢間最夠厚度又脆，咁剪蛋又好好食喎，蛋白啱啱熟晒，入面流心～豬扒好多時都好食過雞扒，雞扒有時會有怪味騷騷地，所以叫豬扒最穩陣。本來鍾意食米粉，不過最衰呢邊嘅米粉唔係牛腩嗰邊啲米粉，所以唯有食通粉啦～一見到是日午餐，焗咖喱牛肉飯係爸爸首選，中式咖喱佢最愛。咁佢呢到好明顯好食過好多地方。牛肚米，正常運作，差唔多每次都差唔多味同質感，有時啱啱好淋度，有時淋咗少少，不過一定唔會硬。…Read More

唔係日日都有得食㗎～同期仲要係焗咖喱飯，正中我爸爸下懷，所以焗咖喱飯同梅菜扣肉飯同時出現會令佢好苦惱🤣🤣今日終於等到佢想去嗰到買嘢食兼且啱啱好有梅菜扣肉飯買。所以佢終於都決定選擇梅菜扣肉飯，終於都試到啦～喂～唔係講笑！真係好食喎！同場簡直佢認第二無人敢認第一喎！仲要又大盒又重手～牛筋米正常運作，因為好少何失手。所以呢到長期有客，就算宵夜都坐滿人，更何況午餐同晚餐時段呀～有時真係要行快少少出去排定隊，等爸爸媽媽行到就啱啱有位。如果唔係就算話佢知我大肚計1.5個人都唔比我入啦～🤣🤣…Read More

是日午餐四寶飯有燒鵝，燒鵝唔騷皮脆，白切雞係舊式嗰隻，中間啲骨有血嗰隻，叉燒係淋嘅，咸蛋係正常咸蛋。菠蘿包，皮脆，包大，同之前金記一樣。是日午餐雞扒意粉，正常，雞扒無怪味，同正常茶記冰室一樣。例湯：中湯無以前金記咁咸；羅宋湯好飲過以前金記，仲帶有少少辣添，令人好開胃。凍咖啡如果真係可以少冰啲就好嘞～不過入面有位潮童侍應叔叔啲態度就真係麻麻，因為佢一路都擰轉背鬧人，你又唔係澳牛，人地澳牛都無咁樣樣呀～ …Read More

冬蔭功湯米得個名，但係喺印度舖到買樽冬蔭功自己煮都好味過佢，因為真係無冬蔭功味，佢唔講冬蔭功，見到奶白色會以為魚湯底或者豬骨湯底。不過啲肥牛就真係夠晒分量。不過唔知點解送咗粒好“大粒”嘅叉燒比我。最慘就係用QR code叫走唔到青。仲有個碗好淺。肉醬意粉就同以前金記差唔多。佢個 container 淺咗不過寬咗。是日午餐XO醬楊洲炒飯，啲蝦“那”過，明顯唔新鮮。個炒飯好似炒得好，不過唔好食，可能普通楊洲炒飯會好食啲？不過要走蝦囉～試業初期其實已經安排入座同各樣流程都好好㗎啦～不過係個楊洲炒飯（25分鐘），凍檸檬茶（26分鐘）同凍咖啡（40分鐘），已經有中途追過㗎啦，但真係等咗好耐先出到，佢地又要係隔離一路比壓力叫你走，因為出面好多人。但係你啲嘢都未比我，我又點走呢？…Read More

屋企人人都想食唔同嘅甜品，咁叫糖水食唔洗煮就最easy，又唔洗整唔多嘢😜😋又唔洗洗👍🏼叫呢間最穩陣，因為一向都好好食，只係啱啱裝修完嗰陣差咗一陣，但係好快就變番正常！👍🏼今次叫呢啲糖水其實好多時都係叫呢啲：桑寄生蓮子茶（經前經後飲都好好），蛋白杏仁茶（鎮店之寶👍🏼），芝麻糊同合桃糊而家因為覺得有啲膩／漏，所以轉咗做芝麻杏仁茶同合桃杏仁茶，蛋白燉鮮奶好滑好好味，擂沙湯丸（人人都想食，但又唔想碗糖水細碗咗，所以不如另外叫仲有花生碎可以食添😋😜）爸爸同細佬都指定要叫埋紅豆馬豆糕，呢個真心好食！…Read More

爸爸話口淡淡想食粥，所以今日落去睇吓試吓，因為呢到好食指數經常性都係50／50，好壞參半～咁都有一排無食，所以佢地覺得又可以試吓食，睇吓今日嘅彩數～今日個艇仔粥，好明顯無咁稀，爸爸話好食番。嗰個蔥花炸兩腸粉，入面條油炸鬼都仲係脆嘅，面頭個層腸粉唔可以叫滑，但可以接受。至於嗰個干炒牛河，唔知幾時開始轉咗幼河粉，可能容易掌握啲易炒啲？！🤔 同埋唔知點解好似用咗瑞士汁，好甜同埋都比較油。炒得乾身嗰個師父可能無做lu～而嗰個菜心就正常。杯檸茶應該係同場最淡，可能呢到多老人家食，所以咖啡因唔可以太多，因此不能太濃。…Read More

今日爸爸話想食焗芝士茄汁豬扒飯，咁我同媽媽都唔知食咩好，咁不如食埋同一系列嘅焗芝士茄汁雞扒飯啦～咁呢到嘅焗飯一向都好食，爸爸通常食焗芝士茄汁豬扒飯或者焗黑椒牛扒飯～👍🏼咁如果同樣都係茄汁來計，就好明顯豬扒係好食過雞扒，因為有時雞扒會有少少騷，咁今日都有少少。所以食豬扒會穩陣啲～入面啲炒飯粒粒分明，唔會太乾，啲茄汁份量啱啱好，所以唔會整濕啲飯。😋👍🏼檸茶今日叫正常濃度，佢地話唔太濃唔太淡喎～其實佢入面長期都咁多人係正常嘅，佢連宵夜時間都坐滿人。…Read More