chak1026's Profile

【口語化早餐食評】 今朝去咗Super Sandwiches食個醒神早餐，試咗佢哋個B9套餐，真心唔錯！首先個炒蛋夠滑溜，仲有半個牛油果，熟度啱啱好，creamy得嚟唔會生澀。旁邊堆水耕菜沙律新鮮爽脆，淋咗胡麻醬，甜甜哋幾開胃，同炒蛋一齊食好夾。 主角山形厚多士有驚喜！烘到外脆內軟，牛油香慢慢滲出嚟，忍唔住咬多兩啖。飲品不用加錢叫咗杯即磨熱咖啡，佢哋用100%阿拉比卡豆，入口甘香唔酸，飲到尾都keep到香味，醒腦效果一流。 成個set份量夠晒飽又唔膩，食完個胃好舒服，$48連咖啡性價比幾高。如果硬要挑剔，就係沙律可以多兩片菜葉啦！趕時間嘅朝早食呢個，真係比茶記多士腸蛋滿足好多～ #早餐都要有儀式感 ☕️…Read More

今晚同朋友去咗西環石塘咀加拿大餐廳開餐，餐廳裝修很有taste，牆上掛咗動物裝飾，幾得意，坐得又舒服，啱晒打咭同傾偈！ 前菜叫咗：～凱撒沙律，菜夠新鮮，煙肉粒和多士粒好脆口。小食叫咗三個：～炸魚手指，外脆內嫩，點他他醬好正。 ～蒜蓉蝦，蝦肉彈牙，配合香濃蒜油，好好味。～加拿大肉丸，配蕃茄醬，啱啱焗出嚟上面嘅芝士，未食已經聞到香味。主菜當然要試～加拿大肉眼扒，叫咗五成熟，切開粉嫩冇血水，肉味濃又juicy，配埋粗身薯條，食落好滿足！飲品方面：～椰子水，好清甜。 ～綠茶益力多，酸甜解膩，幾有創意。 整體來講，食物質素唔錯，價格適中，同朋友食飯傾偈，不錯的選擇！…Read More

【超失望嘅拉麵套餐！】 今日突然好想食拉麵，諗住「翡翠拉麵小籠包」穩陣啦，點知中伏！叫咗個一人套餐，$78以為抵食，結果樣樣都唔對板⋯⋯ 前菜「鎮江排骨」得幾舊仔，仲要又乾又韌，醋味勁假，完全唔開胃！主食「菜肉雲吞拉麵」個湯一啲都唔熱只係暖，呢個係食麵嘅大忌，麵質淋patpat，雲吞皮厚到似食粉團。旁邊碟菜心就幾好食，幾嫩口值得一讚，豆漿做正常發揮，冇乜特別。成個餐唯一優點係⋯⋯食完即刻飽（因為難食到食唔落）。同價錢不如去食譚仔三哥，起碼有酸菜任加！絕對冇下次！ …Read More

今日中午同朋友去咗California Pizza Kitchen（CPK）食飯，試咗個四人套餐，整體來講幾滿意，份量夠晒飽，味道都唔錯！ 頭盤叫咗個**墨西哥風味雞肉烤餅**，餅皮脆脆哋，入面嘅雞肉微辣，加埋芝士同醬汁，好開胃！**燒烤雞肉沙律**就正常發揮，菜夠新鮮，醬汁唔會太鹹，不過如果可以多啲麵包粒就更好啦～ 主菜方面，**香味肉醬意大利粉**好濃郁，肉醬夠多，意粉煮得啱啱好；**蒜香忌廉汁雞肉闊麵**就Creamy得嚟唔膩，雞肉嫩滑，蒜香味突出，我個人最鍾意呢個！**烤蒜雞肉薄餅**就正常Pizza水準，菠蘿加雞肉嘅組合永遠唔會出錯。另外加咗個**薯條**，脆卜卜，點白汁食好正！ 總括來講，CPK嘅食物質素穩定，四人套餐夠抵食，適合一班朋友聚餐，一定會再來幫襯！…Read More

今日晏晝去咗大快活醫肚，叫咗個咖喱牛腩飯，一上枱就聞到好香咖喱味！牛腩份量都算足，煮得夠淋，仲有啲筋位咬落好正，不過有兩舊就瘦咗少少。咖喱汁唔算好辣，但幾香濃，撈飯食好開胃。可惜啲薯仔就煮得唔夠粉，有啲硬掘掘。整體來講，$60蚊都算超值，經過肚餓可以再encore！…Read More

今日去咗「狸小路」試佢哋嘅頂級北海道十勝黑毛和牛西冷稀有部位😊涮涮鍋套餐，真係正到爆！蔬菜拼盤新鮮爽脆，仲有雞髀菇同香菇，湯底我選了一個北海道牡蠾高湯，完全帶出和牛嘅油脂香。 主角黑毛和牛西冷稀有部位，油花靚到好似藝術品，輕輕涮幾秒就食得，入口即溶，牛味濃郁得嚟又唔膩，仲有陣陣甜味！仲有嗰碗北海道烏冬吸晒濃郁嘅湯底而且好彈牙。我還叫了一杯可爾必思梳打，這款日本經典的乳酸飲料混合氣泡水，一入口就能感受到它**酸甜平衡、清爽爆棚**的魔力，簡直是炎熱天氣裡的救贖啊～ 最後還有一個精緻甜品做一個完美收場🥳餐廳方面環境舒服，服務細心，雖然價錢唔平，但係質素絕對對得住！和牛控必試～…Read More

今次帶朋友再嚟呢間龍亭，係因為佢性價比超高。佢係一間位於鬧市嘅平價鐵板燒店，佢有六個套餐可供選擇，價錢由$588入門版套餐到最高級嘅$1888高級版套餐，豐儉由人任君選擇。今次我揀咗$588 （五道菜）嘅廚師發辦套餐，先來一碟招牌沙律，裏便有煙三文魚包住沙律菜再配上柚子醋，上面還放了格陵蘭魚子醬，旁邊還配上一顆龍珠果，絕配😊海鮮我選擇了扇貝配黑松露醬和東星斑配黑醋醬汁，旁邊還有很漂亮的蝶豆花海鹽泡泡來增加海鮮的鮮味。肉類我選擇了香脆的雞扒，雞扒入口嫩滑，再配上特濃蒜香牛油，醬汁提升了雞扒的鮮味，值得一讚👍最後還有炒飯和柚子雪葩配爆珠紅豆令到成餐飯非常圓滿😍…Read More

今日朋友話去石門那邊食飯，一出地鐵站就見到廣場有人表演雜技，兩旁有兩個大商場。由於時間尚早，我入了其中一個京瑞廣場嘆冷氣，突然看到一間茶飲店名字很特別～叫「廢茶」，剛巧我非常口渴😉店員介紹我飲一杯叫花漾檸華，入口冰凍解渴，桂花味非常突出，而且更有桂花愛玉令口感更加突出，店員果然冇介紹錯👍另外我朋友叫了杯費事諗奶茶，他說好耐未飲過咁香濃嘅珍珠奶茶😘在等嘅過程中見到其他客人叫了一款小食叫抹茶夾餅好似幾正，結果我哋又叫了一份試吓，夾餅鬆脆抹茶味突出加上紅豆簡直係絕配。今次真係未食飯先興奮😃…Read More

朋友推介筲箕灣東大街有間米芝蓮店舖係食印度菜嘅。基本上我很少食印度菜，所以一口答應跟他去試一下，果然係冇介紹錯。店舖位於最多食肆的東大街，門外佈置跟一般印度餐廳沒有多大分別，店內裝修簡約，給人一種溫馨嘅感覺。我們一行兩人叫了一個性價比超高嘅二人套餐（包括咖喱角，香燒雞，馬沙拉🐑及雜菜咖喱，印度烤餅和印度炒飯）。首先就係香燒雞，他用上大量印度香料和乳酪醃製，非常入味，而且雞肉一啲都唔乾，非常juicy。跟住就係另一道招牌菜～咖喱角～它呈三角錐體，外型非常飽滿，入口鬆化香脆，入邊有很多材料包括洋蔥，薯仔和青豆，老闆說配一些薄荷乳酪醬味道更好。另外印度炒飯和烤餅也非常有印度特色，整體而言我非常滿意😄…Read More

之前聽朋友講過這間，《龍亭》，味道唔錯，今晚來到佐敦順道試吓廳裝修高貴典雅，bar位可以睇到廚師烹調鐵板燒嘅技術賞心悅目😊，而且店員非常有禮貌，服侍周到🙎‍♂️先來一道清新可口嘅雜菜水果沙律，蔬菜非常新鮮食到颯颯聲，在配搭健康嘅橄欖油哦，酸甜汁非常好味，令人胃口大開🥰跟住主菜就係香煎東星班&白鱔，廚師首先煎香表皮再加少量海鹽調味已經非常好食，材料新鮮就是這麼簡單🥳另一道主菜～香蒜黑椒牛柳粒，牛柳粒質感好似棉花，咬落柔軟入口順滑，再加少少黑椒調味，一邊飲啤酒，一邊食牛柳粒👍👍👍炒放咗材料十足，完全感受到廚師嘅認真同埋功力😋最後到我最期待嘅甜品～柚子士多啤梨雪吧，一個字「正」…Read More

今日同朋友去了Mega box溜冰，之後去了朋友極力推介嘅medium Rare 食鐵板牛柳，門面裝修很特別，在入門口嘅地方有一個滿佈燈膽嘅巨型牛頭形狀＇很有特色。門外亦放了多款靚靚牛肉嘅相片，令人食慾大增🤩我點了一個鐵板牛柳套餐，包括300 g牛柳，一個木魚絲三文魚子溫泉蛋丼，沙律和可樂。嫩滑嘅牛柳在熱辣辣嘅鐵板上不斷舞動，我急不及待已經將牛柳放入口內，朋友果然冇介紹錯牛柳入口即溶，嫩滑冇渣，果然係高級貨，店內嘅玻璃櫃亦見到一張表彰狀寫著優良賞👍👍另外蛋丼也非常出色，我把三文魚子和溫泉蛋混在一起，再加上白飯和鮮味嘅木魚絲一齊食，簡直係一絕，這兩個都係我必食嘅推介。…Read More

前幾個月朋友介紹將軍澳一間特色串燒店，今日終於有幸一試。店舖裝修簡約明亮，令人感覺舒服食慾倍增。朋友必食推介～大漠烤羊肉排，因為製作需時30分鐘，所以我哋一坐低即刻落單。傾吓講吓，原來已經差不多30分鐘，香噴噴嘅烤羊排已經呈現眼前，羊排肉質鮮嫩，而且鮮味十足，果然係招牌菜👍👍👍另外串燒都係必點嘅菜式，我哋叫咗羊肉串牛肉串同埋烤牛舌，都非常香口美味；芝士撈丁上面鋪着滿滿嘅芝士，上枱時熱辣辣撈勻即食😋麻辣薯條同墨西哥烤肉米，兩個都香脆可口，薯條麻辣味十足抵讚🎉…Read More

最近半個月淘大新開好多間食肆，今日下午途經韓樂，見好多人幫襯，於是就試吓佢嘅下午茶有冇水準。店員安排卡位坐得舒服👍這裏是QR code落單減省時間。見到餐牌個炸雞脾好吸引，於是先點一個脆炸雞髀拼薯條茶餐配一罐可口可樂（只加$3 ）然後再叫一個鮮茄焗豬扒珍珠飯配搭一杯色彩繽紛嘅碟豆花檸檬茶（+$8）先嚟個袖珍版焗豬扒飯，份量太少，我三四口已經差不多食完😵‍💫不過味道非常正，豬扒香脆肉嫩，而且醬汁香濃再加上芝士簡直係一絕😋然後要等多十多分鐘才見到炸雞髀嘅蹤影😡，一放低已經急不及待咬落去，雞髀炸得非常香口，但仍然保持雞肉非常Juice，調味又恰到好處👍👍👍蝶豆花檸檬茶顏色鮮艷，味道特別，值得推介。…Read More

最近天氣轉涼，朋友出來食飯都係去打邊爐居多。今日途經油麻地買嘢，見到一間叫燒金窩嘅舖頭，初時俾佢五光十色嘅霓虹光管吸引住，之後在門外看見燒烤嘅照片非常吸引，於是膽粗粗入去試一試，結果喜出望外😊店內裝修非常簡約，內有五六張枱，坐滿到唔會感覺擠迫。我點了一下店舖重點推介嘅豬仔髀，果然冇令我失望，豬仔髀笑得甘香可口，肉質鮮嫩而且好Juice👍👍👍另外點了豬頸肉串同埋咖喱魷魚🦑前者燒得恰到好處，仲有少少焦香，真係食到停唔到口。至於咖喱魷魚亦笑得好香口，而且份量十足。最後點了一客我嘅至愛燒菠蘿😋菠蘿燒得剛剛好，而且非常清甜,應該選用了靚貨。整體非常滿意，我已經諗定下次叫多幾個人試吓佢哋個招牌魔鬼麻辣雞鍋😃…Read More

話說今日想食雞煲，就想起得寶之前有間食雞煲好掂不過唔記得咗佢個名，最近個舖位裝修仲以為係之前嗰間，裝修完第一日就供咗上去幫襯點知完全唔係嗰回事。我哋叫咗一個麻辣雞煲小辣一隻雞要$178，再加一個皇帝菜同埋酸辣炸醬酸辣粉。先來一個雞煲，賣相都可以一食落口就知道賴嘢，啲雞完全唔入味，一啲鮮味都冇不特止而且仲係鞋口。諗住食完一樣差嘅嘢會有啲好野食咩補返數，點知個酸辣粉真係差到冇朋友，得個辣字酸辣粉同個湯完全唔夾，湯有湯辣🌶️，紅薯粉係完全冇味，我仲加咗$8叫個牛柏葉韌到咬唔開，呢碗嘢只有芫荽同花生係食得😵‍💫…Read More