VegeMeow's Profile

好不幸入過呢間嘢一次，伏嘅嘢真係中一次就夠。除非喜歡貼錢買難受，否則唔好行入呢間餐廳。以佢果度嘅食物水準嚟講，啲嘢又貴，又唔係好食，性價比超低，我俾得呢個價位，大把更好選擇，又唔係俾唔起錢，你收得我咁嘅價錢，俾返相應食物質素我吖大佬！除咗啲嘢又唔好食又貴，服務仲好有趣添！！好記得個牛油果芋頭粟子藜麥焗千層闊麵簡直驚為天人，啲芋頭同粟子並唔係blend咗融入個醬入面，而係硬生生咁“質”入個千層麵，好似總之隊哂啲材料入去就完成呢個dish咁。抱歉，因為太難食，咩心情都無，所以連相都唔想影。啲芋頭石屎咁大塊，栗子又大粒又硬，就咁擺喺個千層麵入面我諗真係入廚新手都做唔出，個廚師做得出仲夠膽serve出嚟果吓好嘢！個廚其實知唔知咩叫焗千層闊麵？啲芋頭同栗子都仲係原色原型嚟嘅，係完全無融入過個千層麵入面，乾爭爭嘅食咗素近10年，未巴閉到話試過哂香港所有素餐廳，但都試過唔少，真係未試過可以有咁難食嘅嘢，每一啖都捱得好辛苦😐 俾相若嘅價錢，絕對有更多更好嘅選擇。除咗個咁出類拔萃嘅焗千層闊麵，其他食物都好一般，完全唔值咁嘅價錢，幫襯過一次咩都夠，餓死都唔會再入呢間嘢服務方面，上菜每次個阿姐都係就咁擺低碟嘢就走，完全唔講係咩嚟嘅。雖然我自己有眼睇，但講聲上嘅係咩菜只係基本service嚟，有收service charge㗎，唔係茶餐廳呀。我自己都做過飲食服務業，上菜時講聲上緊咩，真心好基本，我唔需要你全個名朗讀一次，最少講句係焗千層麵、沙律etc.，完全係講多個字都會倒扣人工咁。之後又嘢都唔講一句就拎走我哋枱面壺水，之後全程亦無俾返我哋喺佢哋個社交媒體網站留comment，就不斷delete post，留一次delete一次，跟手仲block埋我🙃 係唔係咁樣就可以當無事發生過呢？係果種態度，更加令我覺得好差，一定要出聲！有問題，唔係諗改善方案，而係一味delete我嘅comment扮無事就算，咁樣會有進步咩？唔該唔好影衰香港嘅素食界啦，好多素食餐廳好用心做㗎，真心好睇唔過眼你哋啲咁嘅害群之馬，無心嘅就趁早執咗佢啦！選擇行入呢間嘢，我真係好錯！呢間嘢仲未執，奇蹟嚟㗎！！！…Read More

食物份量夠，味道亦好好，特別係素嘅沙律同個素嘅黑松露雜菌意粉，好好味！個蜆肉意粉朋友就略嫌辣咗啲。整體用餐體驗唔錯，坐得舒服，服務又好。自己scan QR code落單，好方便，落單後好快食物就到，唔使等好耐。…Read More

原來佢哋平時無夜馬夜波就8:30pm last order，我哋8:15pm左右先到，因為食素嘅關係，好快就揀定menu度兩個veg嘅main，分別係芝士焗新豬肉野菌通粉同素菜蛋包飯。職員服務好好，有禮貌又友善，特別係一位叫Kathy/Cathy嘅職員 (無問清楚係咩字母開頭)，佢知我哋食素之後，就好仔細問我哋有咩食材唔食得，然後幫我哋入廚房問清楚。我哋兩個main都跟咗套餐可以揀前菜同飲品/甜品各一，本來前菜揀咗一個要湯一個要三文魚薯仔沙律走三文魚。(Kathy/Cathy)知道湯入面有煙肉我哋唔食得後，主動幫我哋轉咗兩個前菜都跟沙律，好細心！之後唔使自己嗌都會一路keep住幫我哋加水，又問吓我哋對食物嘅意見，成件事好似坐緊business class咁！老闆，你嘅員工做得好好，要獎勵佢哋吖！食物方面，兩個main都好好食，但蛋包飯真係更勝一籌，我哋讚不絕口！個蛋又香又滑，蕃茄飯又正，旁邊伴碟蔬菜又多，再加埋個紅酒茶樹菇汁，真係無得頂，食得好開心！另外果個通粉焗到少少燶邊，啱啱好，芝士可以拉絲，成件事係perfect池！真係好想廚房佢哋睇到呢個comment，做得好係值得大大力讚，真係好好味，我哋食得好開心，基本上成餐飯我哋無咩點傾自己嘢，而係不斷讚嘆啲嘢食好好味🤣🤣 原本返工做嘢果度係有啲唔順利放工又攰又忟又肚餓，食完餐飯成個人開心哂又大滿足🥰仲有甜品，我哋揀咗吉士布丁同焙茶布丁燒，吉士布丁偏甜，不過呢個好個人口味。焙茶布丁燒就好正，香濃焙茶味，食到兩層layer。總括嚟講，食物份量好夠飽，味道好擺盤有心機，呢個價位嚟講性價比超高，環境寬敞燈光柔和，坐得又舒服，仲有電視對住可以睇馬睇波一路用餐，不過我哋唔賭馬賭波嘅🤣 對素食者嚟講都有兩個main可以食到算唔錯，仲要係勁好味，超高質！職員嘅細心服務亦係另一個大加分嘅位！唔使諗，一定會encore…Read More