比之達's Profile

第三彈!!今次同朋友挑戰任食!!三個人食連加一食左二百蚊多D>.<個日我八點到去拎位都仲有位到9:30先可開始入一坐底就俾左杯石榴汁我地幾個飲,不過杯野好甜!!飲左一啖就唔係太想飲...我地第一輪叫左心太軟,拿破崙,朱古力餅野食好快就到!應該都整左好耐...我地見賣相都唔錯問個店員係咩,佢答我地...其實我都唔係好知...??O 左...好,咁我地自己睇圖啦,我同個朋友講,E,呢個係咪咩咩咩呀??個店員聽到又答我唔係=.=""咁你又答我唔知係咩...唉當我地認完一輪,食心太軟既時候已經凍凍地...不過都仲叫可以流心~個朱古力餅我就覺得好好食,一D都唔會太甜~個芒果拿破崙D餅都好脆口唔會淋身~~第二輪就叫左芝士餅因為見到頭輪D心太軟,拿破崙,朱古力餅幾好食所以叫多次~但係第二次就差D喇...心太軟我地即時食...個心竟然係實的的...芝士餅就不過不失啦...其他都冇咩問題既>.<總結:今次係見到平平地所以去食但係有少少失望=.="店員係送餐途中出錯,話俾佢知唔係我地既...佢只係笑笑口繼續落...唔理我地囉,好似覺我地講笑咁...到另一店員出現佢先話落錯左囉...不過算啦...睇佢個樣應該係新手...其他野都冇咩問題~係店員認知方面可以加強少少!因為真係唔可以唔知自己拎咩俾客食囉!(純粹個人意見)…Read More

食評第二彈!!今次係觀塘區!之前聽朋友講話呢度啲三文治同意粉味道唔錯，今日特登去食，嘩!!食晏時間超多人!!!我叫左個煙肉白菌卡邦尼，跟餐有得揀餐湯或沙律，唔要飲品同沙律可以轉大湯!聽朋友講個湯日日唔同，今日就係大蒜湯。我呢啲廚房白痴誤會左係細細粒既蒜頭囉…經店員解釋過後，先知原來係個樣好似京蔥咁個啲(雖然都唔係好知咩樣…)飲落清清地味道真係唔錯，好彩我習慣咩都試下，如果唔係就會因為有個蒜字唔要個湯><至於個粉呢，真係好好食!!好香，軟硬適中!!白菌同煙肉粒真係同個粉超夾!!煩都要講多次真係好好食!!最重要係我見到兩位大廚並冇因為要兼顧外賣客人而求求其其煮兩煮就算!對每一位客人都好俾心機煮!!三文治亦做得非常精緻!!唔怪得咁多人客啦!!!等候其間兩位女店員亦好有禮，不斷對我講唔好意思!食完好滿足呀!!!總結:今次試左意粉，下次我一定要試埋三文治!!!我仲見到佢地有蛋糕食添呀!跟埋杯8oz即磨咖啡都只係$30，仲可以揀要咩咖啡添!!!不過可惜…我太飽…食唔落…嗚…堂食少位左d，如果可以多啲就好喇!!!…Read More

第一次發食評,純粹將個人感覺打出黎同各位分享交流:)我好少出紅磡行，不過個日因為去接朋友收工聚舊所以出左去，但係朋友要OT關係唯有自己四圍行…行行下發現呢間鋪，第一眼最吸引人目光既係佢鋪名，"讚好"!咁到底係食咩呢？見行到攰攰地八卦入去坐底抖下，原來佢地主打係紅燒牛肉麵，肉燥麵，鹽酥雞等等…我揀左收銀機附近既位坐底睇佢裝修應該係開左冇耐，而且出餐位係門口附近，製作過程一目了然，不錯!一坐底，店員就放底筷子紙巾同我講"可以睇睇食咩先，轉頭幫你落單"之後就企係不遠處面帶微笑等候!我點左個肉燥排骨飯同甘薯食住等個朋友，嘩!我好憎有啲地方個飯唔夠汁，食到尾個陣有啲有汁，有啲又冇汁咁!!但我想講呢度冇!!排骨表面脆而且唔油!!甘薯都幾大碟!!上面仲有好多梅粉!!酸酸甜甜好醒胃!原本想留啲俾個朋友試下…可惜…俾我食食下食晒囉!唔該晒*,*到朋友黎到我已經搶攻左一輪，好飽…佢叫左個肉燥墨丸麵同鹽酥雞…佢話味道唔錯，不過肉燥食兩食就冇晒唔夠喉!不過佢係食肉獸俾幾多都唔夠…鹽酥雞香脆可口!!總結:其實味道，環境，服務都唔差!不過開左冇耐既關係，當然有進步空間啦!冇法啦，人係貪心架喇!期待下次再去既時候會更好!!我會再去…Read More