lamhockey's Profile

想去食好耐，因環境吸引，英倫特式。搭火車馬場站落車，好多人，全部同一方向，入到去馬場入閘，向住喜馬當先餐廳入口，－入去，職員非常有禮貌，安排入座，座位位置早已在網上付款及選擇。有梳化座位。職員衣著是騎馬裝，吊帶恤衫西褲皮鞋。帶我們坐低並講解有咩食。食物方面：沙律菜兩款，已撈好醬、刺身四款：三文魚、吞拿魚、馬背及甜蝦。芝士２款，生果：西瓜、菠蘿、蜜瓜。仲有湯、奄列，橙汁free flow 至1330。之後自選4 course, 湯自斟、 頭盤我揀咗三文魚他他、 主菜我揀咗咖哩雞配酥餅 ，鱸魚加三十甜品揀咗士多啤梨慕絲。食完超飽。 得閒又行出去睇下跑馬都幾得意 ！感受吓現場氣氛！整體嚟講好滿意呢一餐，食物質素始終馬會唔會差得去邊，我都會再嚟。…Read More

今日中午見到好似好乾淨咁，於是入去試吓，心想米線唔會差得去邊，我叫咗海膽丸、腩肉麻辣米線。女朋友叫咗豆卜豬腸米線，兩碗米線同Ｄ餸完全唔friend，擺明就咁求其放Ｄ餸落碗野度，酸辣湯底有陣怪味衰過車仔麵，相比譚X、雲XXＤ米線，呢間真係到難以置信。凍檸檬茶少甜，－飲係甜過糖水。即刻要換過杯先入到口，crazy! 叫咗個小食雞翼尖，雪到硬掘掘，又無味。嘩！放落枱時係掟落枱，Ｄ樓面好無禮貌！我好肯定，呢間係無下次！…Read More

諗極都唔知食乜好最後直接搭地鐵去到太古城嘅美食廣場鐵板燒試一試。見到啲客人食鐵板燒：牛扒、龍蝦、炒飯、 燒魚，好好味，而且嗰個味道好香， 排隊需要等咗45分鐘，因為座位有限，加上1.5米嘅距離，等到肚餓終於有得食，其實排隊嗰陣時，已經睇到想食乜啦咁我哋嗌咗個海陸空單人餐，咁就有兩隻赤蝦、 一隻燒元貝，燒魚，安格斯牛扒， 有湯有飯。之後就因為龍蝦做緊promotion嘅關係109蚊試下，另外見到蛋花蔥煎蛋好似好好味，跟住就再加單。當然要有可樂her －her 吓！滿足的－餐。…Read More

自從有新冠肺炎後，成兩個月向邊爐說不。由於太想食雞煲，於是search 邊度雞煲好食，見呢間Ｄ食評咁多係like, 再睇下Ｄ相，好吸引噃，淨係睇雞煲相已經好想食，同平時散叫個Ｄ賣相－流，由於即興關係，即打去book 位，星期日夜晚八點半，staff 叫我walk-in 就得，明白嘅！呢個疫境，無乜人出街食飯係正常。－到門口，staff 會量體温，之後安排入座，見顧客－半都無，慘不忍睹，—坐低，staff 問雞煲要乜辣，我同女朋友揀咗小辣，大概十分鐘，雞煲到了，聞落去有陣怪味，但－食，嘩！超好味！雞肉份量多，而且雞肉好滑，本人非常欣賞。飲品自助，有枝裝飲品、沙士、可樂、烏龍茶、美連達，款式繁多。食完雞煲之後就打邊爐，啲肥牛好好味。另外仲嗌咗廚師腸、豆卜、牛柏葉、韭菜餃、蔬菜有生菜、西洋菜、菜心及油麥菜，係自助嘅。食曬咁多嘢個肚已經頂到上喉嚨度。自己自助出去攞杯朱古力味嘅雪糕，亦都作為今晚晚餐完美嘅句號。買單兩位414蚊連埋加一，一個價錢有兩種享受，實在太吸引啦！所以下次我一定會再嚟幫襯，雞煲真係好好味…Read More

好耐冇食過韓燒，最掛住炑八嘅韓燒，因為當你一坐低侍應就會隨即遞上沙律、前菜：包括有醃大豆芽、泡菜、爐邊蛋、芝士粟米，跟住就慢慢揀嘢食啦！座位又闊落而且都都有九成滿座嘅，好彩through openrice訂枱，儲埋asiamiles, 咁好容易一入到去就隨即就入座喇。因為揀咗至愛五花腩同埋牛舌，超級好味最緊要係有蒜頭配。辣辣地之餘仲可以殺菌㖭！…Read More

用咗openrice去訂枱有六折，早咗到嘅，直接入座。先嚟咗兩杯嘢飲，再等25分鐘啲嘢食先陸續到。 還可以接受嘅，但係到賣單呢 ，其實個主菜個價錢本身都已經係少少貴嘅 ，咁其實六折之後 都要三百幾蚊，我計嚟計去都唔識計條數，都唔知係點樣計。但係啲食物水準都幾好嘅，但係就價錢就略貴囉，六折之後都係貴囉！下次都要諗諗。…Read More

今日同女友慶祝生日，邊度都唔想去，留區慶祝，適逢十月食大閘蟹季節，諗起鴻星做大閘蟹套餐多年。其實多年前已食過，由於上次Ｄ蟹又細隻又無乜膏，所以好幾年無外出食大閘蟹。隔咗咁耐，想再試下水準如何。早幾個鐘book 枱未full , 準時到達安排入座，各個侍應殷勤服務，order 了$438大閘蟹餐，先奉上橙汁或花雕，义燒脆皮豆腐， 然後大閘蟹逐隻上，熱辣辣，套餐每人共三隻，公乸公次序奉上，正隻隻有五両重，仲多膏然後鮑魚帶子翠肉瓜，臘味糯米飯，薑茶，桂花糕，超級滿足及飽。－定再來。之後…Read More

早兩星期已經想食pizza ，於是就上website度， 我搵又搵唔搵到蘇豪區呢一間Ciao Chow, 佢嘅點擊率都幾高吓，聲稱有個焗爐係即整pizza ，於是上佢網站度book枱就有半價嘅pizza。咁吸引當然要試下啦！ 今日早咗收工 本身訂咗九點鐘食飯，早了成個鐘頭到，到達後，門口有個外籍女侍應， 我同佢講早咗一個鐘頭到睇下安唔安排到座位畀我哋， 最後佢問我選擇坐高枱定低枱。我選擇高枱，原來高鐵臺位置就喺近門口， 但係侍應器並不友善嘅 ，叫咗個salami pizza 熱辣辣超好味，我女朋友叫咗杯Hoegaarden，而我就叫了iced mango peach , 清清地，另外，再叫了smoked salmon 作頭盤，無乜特別。有個外藉男侍應，我結賬後，他隨即收起我女朋友墊電話之紙巾，即係'sir' 走部電話，極度無禮貌！總括以上，食物係好好味，但如果改善服務態度就更加好！…Read More

太耐冇食過燒肉啦！ 適逢團購有校長燒肉優惠，再睇埋啲細則， 又有刺身食 ，下晝五點到七點只係79蚊(五六日)， 非常之抵食，買呀！雖然 位置喺元朗比較遠 ，但亦都冇減少我哋嘅雅興，於是搭車入去試下。早到咗， 喺門口排隊，準時就安排座位置畀我哋坐，鄰近窗邊有景睇，侍應問加唔加七蚊任換墊爐張紙，加！食物方面：有牛扒，豬扒，雞肉，雞軟骨， 豬頸肉，漢堡扒，腸仔，台灣腸，金沙骨，蟹子丸，翠玉瓜，粟米，秋葵，金菇，沙律菜，生菜。sauce 有honey, 柚子蜜，辣醬，bbq sauce, 蔴醬。drink 方面，有啤酒，韓國啤酒，可樂，茶，係任飲，雪糕雪條冰條。整體食物質素係高於水平，以相同放題比較，不停補呀補。肉係有肉味，款式繁多，下次會再食。…Read More

平時同老豆飲茶飲得多都覺得厭， 所以今次選擇同老竇撐枱腳， 左揀右揀之下揀咗呢一間自助餐。 貪呢到有個超級無敵大海景，加上呢個價錢仲有生蠔食， 蟹腳發現原來係佢嘅網站度，預先畀錢買定張coupon係有75折，於是就上網買買完之後 print出嚟 ，到今日去食buffet嗰陣就出示張coupon。拍拍籮柚就走啦 ！平時一般信用卡只有85折，今日有75折實在非常之抵，而我爸爸係可以享用長者嘅優惠， 二百蚊唔使 而我成人家都係二百鬆啲加上兩個加埋只不過係440蚊左右。一入到去咁就安排咗一個雙人座位啦！跟住窗口嘅窗簾未開嘅，咁我就食食下期間，開番跟住就覺得個海景係非常之靚。同埋好舒服，可能今日係平日啦，今日所以就好鬆動嘅，咁就一啲都唔迫。食物方面一入去就見到生蠔、蟹腳、青口、 白灼蝦， 跟住熱食方面都有個counter係煮麵嘅，麵嘅種類有幾種啦：上海麵、係綠色嘅菠菜麵啦，幼麵，豬肉丸、冬菇， 唐生菜。 其餘就有叉燒包、燒賣、咖哩牛肉、咖哩雞肉、炒飯、印度薄餅、 牛肉串、但係啲牛肉覺得好硬好un呀，麻婆豆腐嘅豆腐係有少少酸， 今日甜品方面呢都大概有八種八至十種咁上下，有cheesecake 、有吉士布甸、 雪糕有幾種，係要自己拔嘅。生果有甜菠蘿，西瓜，蜜瓜，哈蜜瓜。飲品有凍熱咖啡，檸茶，檸水。美中不足，有麵包，但無芝士，無芝士，同無芝士。ham 有三種，唔差。…Read More

接女友收工，又遇着傾盆大雨，所以去上水火車站接她，諗咗好耐食乜好我突然記得有位朋友喺fb 提過黎呢間巴辣仔，係食咗兩次。我估差極有限，所以決定試吓。喺新祥街好易搵到巴辣仔，時間大約七點，客唔太多，安排了座位，送上餐牌，眼花瞭亂，最後叫咗－個大腸鯇魚煲。辣度無得揀，但不太辣，滾起夾餸，個煲好足料，大腸超入味鯇魚片好好味，大大片肉，但本少爺少ler 骨，所以要慢慢食。嘩！食咗—個小時，煲裡Ｄ餸夾極都有，咁有良心之小店實在買少見少，值得高度表揚。隨煲附送—碟靚生菜，另外，叫了竹笙、淮山。天地壹號趁煲超正。好味到要連湯飲。呢間會有下次，下次再試其他。…Read More

喺我腦中最出名嘅豬潤面，莫過於呢一間維記食豬潤麵，係不二之選。今次我亦都嗌咗個豬潤麵加腸仔，豬膶湯及豬膶好好味，啲面都好爽身，但奈何條腸仔係純粹有個咬感 但就冇味道嘅。所以係食唔出究竟係咩牌子腸仔。我覺得係需要改善，另外，因為唔係套餐所以嗌咗杯凍奶茶，凍奶茶係好味嘅。女朋友都嗌咗豬膶麵加餐肉，同埋都係凍奶茶。盛惠96個大洋。都可以接受。食物方面亦都可以接受嘅除咗條腸仔呀！…Read More

同女友慶祝調部門，想揀間有景睇，又可以食西餐嘅地方。突然收到 email 獅子銀行有個restaurant week, Ｄdinner set 由$298 起，於是逐間睇menu, 最終book 咗呢間。平時經過就多，未試過呢間，印象中好，好view, 二話不說，滿有期望等待是日晚餐先上麵包，個set 如果有湯就perfect, 頭盤揀了魷魚圈及Italian cold cuts, 嘩！超級滿意，好大碟。👍main course 女友揀了鱈魚，好鮮，果然係catch of the day, 我就揀了七成熟tenderloin, 肉質太乾，無乜味，乾柴柴，上碟時已切成兩塊，呢個main 係唔掂👎desserts 上了心太軟，即焗，朱古力醬係流架，熱辣辣，正。另一個係lemon cheese cake, 賣相及味道－流，由於無包餐飲，另叫了lemon soda & white wine! 醉人美景+ 美人，人生就係咁。…Read More

其實－直想食呢間餐廳，見Ｄ食評，環境也不錯，所以就打電話來book 枱。我同女朋友request window seats, 見到落地大玻璃，陽光充足。所以有點刺眼B-) 打開menu, 散叫叫咗個cream mussels, 附送四條脆口麵包，如果送多幾條就好，好好味，沾上忌簾汁。蟹肉double cheese pizza, 嘩！其實剛上枱熱辣辣超yummy, 但食多兩kai 就有點漏, 但真係高水準嘅。飲品方面叫咗杯house brewed coffe and Earl grey tea macchiato…Read More

近期搭車經過康寧道，見到呢間新開嘅泰國餐廳，於是今日同女朋友唔去九龍城，嚟咗呢間試吓。入去見到卡位三張枱都坐滿人，就求其坐低，職員遞上兩杯水及餐牌，明明上星期喺門口見到套餐仲好抵，但今日無餐，要散叫。叫咗三色冰、珍多冰、生蝦、濕炒豬肉河、冬蔭公、炸魚餅、及木瓜沙律。兩杯飲品，無乜甜味，麻麻地。總括，近近地可以食吓，有時間會出九龍城或銅鑼灣食。…Read More