hohohoho1010's Profile

已經好耐無寫食評，哩間餐廳，無論服務包食物質素絕對係頂瓜瓜的......差！伏到不得之了，所以非寫不可！！！首先係咁倚講下啲服務，經理係香港人，服務員一個賓佬一個港佬，我哋一行5人食母親節午飯，每人叫自己嗰份，非share。全程幾乎係賓佬上菜，我係坐長枱最遠嗰個，但個賓佬唔知係咪特別照顧我，每次上菜都係放喺我面前，就算我岳父舉手未意碟 fish and chip係佢嘅，賓賓硬係要放我面前，咁多道菜都無問過係邊個點嘅，無嬲，只有苦笑！！我太太問個經理有無雜菜湯，佢回答得好誠實，話無，佢哋唔得閒煲幾款湯喎🤣🤣🤣🤣我真係第一次聽咁樣答啲客，哭笑不得🫤好嘞，到講佢啲食物出品，絕對茶記都好過佢，無下次，送都唔食，免嘥quota🥵除咗龍蝦湯係ok唔苦，附上嘅蒜蓉包件可以，有氣礦泉水仲有氣之外，其他食物係無樣掂，喺以下照片續樣寫吓，首先影漏姨仔個大蜆炒意粉，我姨仔話有腥味，唔得... 影漏岳母個 橄欖油炒意粉，岳母佢至愛，但就話哩度嘅只係一個有汁意粉，並無 橄欖油香，亦唔似一般食開嘅，外母話完全唔得！…Read More

自己好鍾意食🐍，可以叫蛇控港九好多蛇王都幫襯過今次因為佢係以前蛇王二啲伙記開標榜係以前蛇王二嘅脆皮潤腸或多或少因此冒名而嚟可能今日天氣熱咗，店內只有三四枱客，所以坐得鬆動其實係想試蛇羹，我一定叫大蛇，但哩度單叫無分大細最後決定叫個套餐，試哂佢招牌嘢蛇羹比其他蛇王份量大碗嘅，有花膠，不過蛇肉唔多，肉絲非手撕，係切絲，噢！應該係切幼條...感覺麻麻，但味道唔錯嘅，不過放咗一陣就化水變咗蛇湯了！另外，佢哋枱面只得樽胡椒粉，而檸檬葉絲及薄脆係由店方加入蛇羹內才奉客，不能自由加減，我自己亦鍾意加些少醋吊一吊味，而此店亦欠奉，哩下就覺得有啲問題，要作出改善！我叫咗脆皮膶腸飯，亦可以轉糯米飯。老實講，可能離蛇王二年代久遠了，自己已忘記咗當年嘅味道及口感，就今次嚟講，膶腸算脆皮嘅，但可能係焗脆佢，所以膶腸好乾身，無乜汁亦無咗油潤口感，玫瑰露味亦唔夠香，不過碗飯算唔錯，都有飯香亦算爽身。整體味道算ok嘅，價錢合理＄134，其份量足夠，算食得過，應該會再幫襯，下次試佢個蛇汁雞👌☺️…Read More

好老實講，哩間粥檔係我食過至尊難食嘅粥檔，佢喺柴灣漁灣熟食中心，本來食開另一間，但今日休息，所以至去幫襯。嗌個魚腩滑牛粥加個蘿蔔糕，粥料已經不知所謂，𢳂起啲所謂魚腩，件件近乎魚片的薄，又無乜魚味。最衰就係嗰啲啲所謂滑牛，係一粒粒嘅，全部碎濕濕，滑牛？食入口係嚡牛，最難頂仲一陣噏味，完全唔新聞，心裡面已經講咗粗口......而個粥底就水𠮩𠮩，成碗粥勁難食，最後食哂啲魚片...sorry！好似係叫魚腩...碗粥就食咗三份一，啲碎牛食咗三粒，就真係食唔落去，埋單走人，食完仲覺得個人感到悶悶的，周身唔聚財！ 奉勸附近街坊真係請勿幫襯!!!#因為速逃而無影相🙏…Read More

近兩年哩間嘢越做越差，以前燒肉叉燒係頂班，係幾好食，所以價錢比出面貴，都會幫襯，之後啲燒肉就越來越唔掂！今日剛剛去買半斤燒腩仔，返到屋企打開一睇，屎忽沙梨篤？唔係嘛，成兩百蚊斤燒腩仔變沙梨篤？而且仲好似一堆垃圾一樣，咁都賣得畀人食，有無咁離譜呀，你好嘢…！🤬😡😡😡暫時就剩返叉燒係好食，其他唔使買…Read More

又貴份量又少咖哩初初都好食嘅但近年已經唔同咗味道啲咖哩，港式東南亞式唔係印度/巴基斯坦咖哩又唔係……完全唔掂，中辣都唔辣，接近難食小食胡椒牛尾，得嗰三小「粒」就要收三十幾蚊為起成十幾蚊一粒……離譜蜆芥鯪魚球完全無魚味，咬落仲淋bet bet執剩一間，不如執埋佢算喇唔會再幫襯…Read More

同太太喺太古城睇完蜘蛛俠都成晚上十點几，於是決定落太安樓掃街行經呢間鋪，之前都想試，加上我好鍾意食中式麵，所以被攝咗入去嘞1)麵質尚算彈牙，無乜鋧水味，OK:)湯頭亦算鮮甜，傳統蝦殼湯，但無大地魚味喎；整體合格:)。2)一句講哂，我煲嘅粥好食過佢，普通過普通，不過唔算難食；而價錢算街坊:)。…Read More

由於近我屋企，老婆去咗公幹，自己又食到上咗癮，於是乎嚟試下呢度不同食物食味如何。總括嚟講，炒粉麵飯雞鴨可以不吃，小菜都不錯，最好的還是川味辣菜式1)攞到嚟時，同個friend都『嘩』咗聲，啲田雞肉有相你睇：多到滿瀉夠辣又夠麻，田雞肉新鮮爽口，食到鍋底仲有爽甜青瓜絲及土豆絲，更以勁低價78蚊，必食首選2)初時食落無咩味道，再試真啲，蜆肉新鮮鮮甜，個湯汁微微辣辣哋，最後忍唔住當湯飲埋，啲蜆又係勁多，起碼有斤半兩斤3)估唔到鑊氣一流，味道亦一流，簡簡單單一道菜，勁好味，必試之選4)清清爽爽，但咸咸香香過兩日自己忍唔住口，叫咗田雞煲及土豆絲外賣宵夜，仍然係好食、底食之後再試咗佢啲紗飯麵......:(都係川辣味正好多雞肉嚡過我腳板底，又無咩雞味，唔知點解會改呢個名，相信可能或者係全店最差之選:(:(:(:(:(再一讚呢度啲服務，快、靚、正…Read More

每次經過，都見人客爆到出門口，心諗差極有限，起碼啲料一定新鮮先，雖然老婆唔好辣又唔食魚，但我一定要嚟試。終於同老友兩個嚟試食，店好細，只能放四五張枱，而且泠氣又唔夠，雖然有雨，但都選擇坐門外更涼快。店外已坐咗八至九張枱，好熱鬧。天氣頗熱，同老友先嚟兩支大啤、啤啤佢至點嘢食。1)即係正常size，魚肉份量及其他配料 (芽菜、秀珍菇等) 都好足，辣度啱啱好，但唔夠麻。成個鍋味道唔錯，由於小弟個胃唔受得麻辣火鍋太多油，平時食完緊會有肚瀉現象出現而今次因為個麻辣湯太好味關係，我亦冒住肚瀉之險，忍唔住口連湯都飲埋，嘻嘻。其實同老友有啲擔心個鍋會越食越辣，但竟然無噃:)2)雖然唔夠肉味，但尚算新鮮，而且大大碟只係賣七十八蚊，自己去街市買都唔得啦3)雞子size啱啱好，夠鮮，成碟有成三十粒，又去邊度揾？兩條友食唔哂鵝腸係啤水貨式，無哂鵝腸啲「臊」味及「羶」味:(；但竟然仲連住肥膏？搶返啲分數，OK喎皇帝菜夠新鮮，索埋辣汁食，正此店唔係只有火鍋，另有川式小炒及小食，下次試試:)最抵讚係服務，全店由4-5個格衰衰，外形似足蠱惑仔嘅服務員負責。但意料之外極有禮貌，反應快，服務殷勤，唔側膊，更唔會裝聾扮啞，真係好過好多大酒店大集團:):):):):)…Read More

嚟過幾次飲茶，除裝修光猛乾淨，樓頂夠高感覺舒適外，服務與點心都係好普通，今次係第一次食晚飯。酒樓人客三份二滿，餐牌頗多特價餸，同老婆點咗成枱餸：足料無味精，就係要清淡嘛，好飲；肚爆都要飲呀(上)：上湯龍蝦伊麵，無乜味:(，但我話你知一大碟只賣$38嘅話，你仲會唔會炸形？:)(右)：海蜇拍青瓜，我好鍾意食青瓜，此店海蜇尚夠脆，而青瓜亦新鮮爽脆，好食(左)：泰式生蝦，生蝦新鮮但無蝦味:(，而碟青色嚇人嘅泰色辣汁就勁好味，點蝦食甚至撈飯一流，價錢就平過泰菜店:)(中後)：菠蘿古嚕肉，肉係即炸:)，但骨多肉少:(，味道尚可。有$1一隻雞，勁抵食，但唔可以併龍蝦伊麵一齊叫。當晚係一個阿姐及一個約二＋出頭男侍應負責我坐嗰一帶，阿姐睇得出有經驗且勤力。但個哥哥仔可能新人，做嘢唔熟手，經常唔知佢想點，幾次行過嚟無啦啦掂吓我張枱啲餸碟，但真係無啦啦，佢似夢遊緊:(到茶壺開蓋加水、骨碟蝦殼滿瀉時，佢明明行過好認真咁望我張枱一輪後，竟然行咗去不過佢唔係瀉膊唔做，因為好幾次都係咁樣，但當我出聲時就如夢初醒似的即做；所以我話佢似夢遊緊囉最後埋單成枱餸都只係$310，價錢抵但味道一般:(…Read More

點解個標題係咁？因為小弟呢篇劣作係集合我幾次嘥錢經歷而嘔心瀝血寫成，係小弟特登去試食該店而肯定的『成果』。為咩？唔知喎，可能畀啲所謂食家及飲食雜誌揾笨得太多，希望其他人要信自己味覺啩首先成間鋪頗寬敞企理，表面嘅衛生程度頗佳，一讚:)打開餐牌選擇都好多，但價錢算貴，好食都無所謂，可惜事與願違:(個餐牌好巴閉，第一頁就有大大幅肥佬食神合照及大大隻字『食神推介』，係真唔係呀？！1)首先個湯底淡戌戌嘅，唔係魚湯，似豬骨湯；不過真係食唔出係咩湯，好嘢:(，另外杯茶走就OK啦，茶唔夠香:(個『食神推介』魚蛋實在唔明有幾好食幾馳名...係咸咸哋、彈彈哋但無咩魚味，但質感好假。我敢講喺街市賣嘅味精魚蛋都好食過佢:(，再敢講係全店最差嘅食品之一2)相比啲牛筋丸就好啲，起碼有淡淡牛肉味及果皮香，可算啱啱合格:)3)5月1日下午茶，凍檸茶毫無茶味，淡如水，差:(4)湯依然淡茂茂，連辣椒油都只係死辣，一啲都唔香:(，雲吞第一只食落頗香大地魚及芝蔴味，唔錯喎，好味吖但唔知點解，食到第三只時，啲大地魚及芝蔴香味已淡哂:(；不過一定好食過啲所謂馳名魚蛋囉…Read More

真係唔知點解，每日食晏時份，安利門口都大排長龍，但係佢嘅魚蛋都係普通貨式啫，好多魚蛋麵店水準同佢差唔多，但好似人人都奉若佢為「魚蛋神」咁嚟朝拜其實隔幾個鋪位嘅王林記個人就覺得好食過佢，香葱魚蛋第二度食唔到，其他嘅食物水準都好，就係唔知點解名氣不及安利:(不來起碼唔使點排隊吖，食碗魚蛋粉啫:)我嘅「賣飛佛」辣椒油夠香但不死辣，有畫龍點睛之效凍檸茶茶味清香，有少時候西餐廳西冷紅茶回憶…Read More

外母食過話好食，就介紹畀我哋，但呢度係要訂枱至有得食，唔做walk in喎套餐分6位餐一款，12位餐三款，可加位。菜式相差不遠，價錢表面似好抵食，食過你就知係咪抵囉:(今晚就同外母食6位餐:)：1)先嚟個湯，杏汁味尚可，豬肺夠白夠滑，但味道就不過不失咁啦；唔好同名店比較。2)好香當歸味，仲有杞子及龍眼肉，有綽頭蝦就隻隻新鮮又大隻，吸咗當歸香味，鮮甜不特止，最正係火喉控制得一絕，蝦肉爽口彈牙到腦震盪呀；好食到停不了，讚3)嚟到時火光迸列，又一綽頭菜件羊鞍無整燶，肉夠嫩仍有肉汁，而且一啲羶味都無，但有羊肉味喎，哈哈，厲害、好食之作:4)火喉控制得宜，美中不足係葱絲唔夠5)好咸，無芝蔴香味，雞肉唔滑又無咩雞味，失敗之作:(6)即係將隻粽切件再沾上蛋漿去炸，小弟唔識欣賞，我情願食炒飯或原隻傳統蒸裹蒸粽呀:(但係姨仔話好食到停唔到口喎 (其實只有佢一個鍾意食咋...個人口味囉:))7)其實個餸好簡單，但佢整得算差:(，生菜尚算爽脆，但鮑汁唔夠味、真係似用鮮冬菇整，因為啲菇肉無冬菇味又唔香外，仲「淋pat pat」最奇怪係一片片嘅明明係「齋鮑片」嚟，但就話係螺片，咁都吹水？唔爭幾遠啫8)伊麵「淋pat pat」，芝士汁又係唔夠芝士味，粒日式帆立貝何來磯燒過？雪藏貨，無嚟味道。個蟹蓋仔無咩講:(9)全港最難食嘅湯丸，唔滑唔糯不特止，仲竟然係嚡口嘅，又無米香，而且個甜湯好似漿糊咁，又無椰香成個餐整色整水，菜名好聽，但部份都唔係嗰回事，味道參差。明白到無一間食店嘅食物會樣樣都出色、好味，所以除咗個糖水實在係難食外；尚可一試嘅:(…Read More

住咗呢區15年，係第一次嚟食估佢唔到，初時以為食物應該唔錯；後尾至知好多後生仔嚟任飲任食火煱呀1)見到個賣相已心知不妙，鵝腸唔係新鮮貨，係啤水貨式:(；雖爽口，但無味道可言:(奇就奇在，點解白灼會打個「hin」汁喺面嘅？:(2)見到碟雞已無好感...覺得雞會過熟，會好嚡:(不過食落啲雞肉竟然唔嚡喎，但無雞味；80蚊半只好貴:(3)碟菜一放上枱又畀佢嚇一驚，嘩...打風嚟咩？:(第一次食「蝦醬通菜鮮魷」竟然無咩味，難度好高；蝦醬又唔香4)終於有味似樣啲:)蝦無咩特別，個炒飯底有些少蝦味、些少荷葉香味；算好味總結係：茶記好食過佢多多聲，加上驚起賣相及古怪煮法；唔會有下次…Read More

呢間開喺我屋企樓下商場內嘅車仔麵檔，我住咗年幾都係第一次幫襯1)咖哩魚蛋無咖哩味無魚味，而其他餸亦無咩特別，普通貨式:(2)佢嘅冬菇就有驚喜喎，雖然唔算大隻，但好香冬菇味，而且菇身亦夠厚身，好食而佢嘅辣椒油唔辣嘅，不過幾香下，落咗成碗麵醒神哂，讚:)3)選擇唔多，而且價錢算幾貴下，我碗四餸麵價值36蚊，唉...又係獨市關係...我喺堪稱全港平、靚、正嘅太安樓林記車仔麵，食豬紅、牛膀/牛肺、豬皮、鳳爪油麵都係27蚊咋，人哋起碼有三十種餸料揀添…Read More

未轉手時係兩後生夫婦加兩個阿姐經營夜檔嗰陣時要宵夜我一定幫襯佢，炒嘢有鑊氣，最好味係沙薑雞翼同咖哩魷魚可惜轉咗手後，炒粉麵勁咸無鑊氣；而且啲人變咗『堅記車房』:(...！！！沙薑雞翼同咖哩魷魚就完全係兩個味道，而且係差劣嘅味道；不提也罷:(:(:(當時就係呢啲味道至提醒我留意到店鋪已轉咗手:(…Read More