wwerr's Profile

見到食評話呢度個雞煲好出色，所以就過咗嚟試一試。試咗半份招牌麻辣雞煲，叫左微辣，的確係幾惹咪，但係$158半份，不過幾舊雞，仲要每一嚿都好細。性價比就差啲。另外叫多咗一個豉椒排骨煲仔飯，賣相的確好靚仔，不過火候控制得唔好，嚟到唔係得個香味，而係有浸燶味，成個飯底都黑晒，食落啲飯都有浸Gas味死個雞煲，另外加咗碟鯪魚滑$39同埋鮮蝦水餃（半打$39…兩樣都好難食。鯪魚滑食落有酸味，水餃無咩料到，蝦又細，肥豬肉一大舊:(唔抵食。不過服務係幾好，同老闆反映鯪魚滑有酸即刻幫我地取消返，又會時不時幫我加水。…Read More

呢個飯團只可以話打卡就一流，味道就麻麻。如果唔係有外賣自取得優惠應該唔會試，今次試完都唔會再試。先講講小食，叫左個麻薯波波，叫做全餐最好😬😬😬，炸嘢都熱，不過因為size好細，似係食糖水果啲包心丸既size，所以未做到外脆內軟，成粒硬硬地咁。另外仲有可樂餅同蜜糖薯條，可樂餅正常，不過有啲油。薯條炸得乾爽，不過冇落鹽調味，個蜜糖醬得個甜字，所以味道好單調。🫤🫤到最難食既飯團大佬，叫左個炸雞炸蝦飯團，成個飯團好似冇落鹽咁，除左午餐肉本身有少少咸味咁之外，成個飯都好似甜食咁，我食到一半要自己加豉油先食到落去，唔通呢個係台。南。人口味既飯團？ 成個飯團既調味真係要搞搞佢。🤮🤮🤮🤮最後嘢飲叫左蜂蜜檸檬，嘩呢杯嘢不得了，一入口即刻成陣香精味沖出後，簡直以為自己變得馬桶一樣。😵‍💫😵‍💫😵‍💫😵‍💫以為咁多人食又開分店應該唔會伏得去邊啦，結果都係咁，所以呢間嘢打卡好睇，食就😕唔好期望咁大，都唔會再去食👎🏼。…Read More

因為見到冇人排隊，入面環境又靚靚地，所以就試一試，點知就中伏點左個蒜香蜜糖炸雞，以為同出面食差唔多，都係甜甜地好香蒜味，結果黎到…係原味炸雞，再俾碟好稀既汁你自己撈？啲雞本身有小小雪藏味，冇咩調味，係炸得脆既，不過麻麻地。最恐怖係碟蜜糖汁用生蒜用冇咩蜜糖味既糖水撈哂，成碟野死甜，又好稀，勁核突⋯⋯另外，點左牛油果香蕉奶昔…又係難飲到一個點…香蕉唔夠熟，飲落第一啖已經好大陣草腥味牛油果唔香，應該放得好少。所以野其實個樣都靚靚地，不過味道真係要搞搞佢…總結CP值就一定唔高，價錢係包左黎食個景同打下卡不過試左一次就夠。…Read More

太多打手啦呢間野，性價比奇低，唔抵食又唔好食，除左蟹同魚係好食少少之外，其他野一係就有沙，一係就冇鮮味，好似食緊擦子膠咁🤢，啲蝦膏同龍蝦膏仲要苦嘅！仲話自己啲龍蝦係野生嘅🙄⋯⋯每人每樣野都係食一兩件，樣樣都細細件食完都唔飽，最離譜係啲粥，得個死咸，一啲鮮味都冇...重點係唔抵食，話左食$198個餐，個老闆娘係咁死sell你食$298，又話大隻啲，靚啲，講左10分鐘都有，好啦就試下啦，結果同$198冇咩分別！！係多左個龍蝦咁囉，但係$400就係食你果兩隻細都咁嘅龍蝦就唔係好抵😓賣單果下先知原來醬料（得豉油，辣椒同蒜咋）都要收每人$10蚊，假期又每人收多$28蚊再加一，樣樣野加埋加埋每人都$375，咁嘅價錢，又冇服務，又唔好食又唔飽..真係冇下次😵…Read More