瀑哩哩's Profile

早兩日上開飯，搵定星期五六日晚餐地點，見到呢間新開台灣菜都有幾多人讚，星期五晚去左試。叫左個二人餐如下：餐湯，完全無味將咕嚕肉換成咕嚕雞，即變台灣菜金沙骨改個名又變台灣菜餐菜多油變成＂油＂菜應該係雞蛋布丁，布丁冇布丁應有質感，失敗；雞蛋布丁冇雞蛋味，失敗；為左掩飾冇雞蛋味而加左大量糖水，失敗中既失敗。本來以呢個價錢有湯有餐飲有兩餸係抵食，但D質素同份量完全唔值。未食完已經問你仲要唔要，想收碟又係不可一不可再既地方（直情唔想用餐廳之類字眼形容）…Read More

一向去九龍區某幾間酒店食buffet，今次有朋友話以前食過呢間，有好多野食同好味，所以一早訂左星期日晚。去到唔使等位(如訂左要等咁訂來做乜)，12月嘅星期日晚都只得6成人，坐定後立即去搵食。朋友推介必選食品 - 燉湯小弟一向對湯水有一定要求，呢個見到料足，但奇怪味道只算一般，冇驚喜。沙律ok，壽司種類一般，但手工較差，好易散。來之前朋友話有生蠔，結果現在只得龍蝦.........燒雞翼正，其他就......…Read More

本來book左星期六晚6點在油麻地附近Haircut，點知個髮型師個客遲左，令我個booking都要順延......唯有行下街兼食埋飯先。一個人住，最煩就係諗每晚食乜。行完現時點，上網發現後面街嘅酒店開左間新餐廳，抱著一試無妨的心態去試下。因為得自己一個，所以只叫左海南雞飯，及唯一會飲的啤酒Asahi。海南雞飯有湯一大碗，好夠火候，一口氣飲哂！雞肉非常鮮味，最特別係跟左3種顏色奪目的醬料，味道非常特別，同d雞肉好配，同一身般出面食海南雞飯所跟的醬料原全唔同。飯亦都唔同一般，無咁油，但又充滿海南雞飯嘅香同味，好特別，擺設亦非常有心思，只係對我來講份量較小，不過純粹個人問題......俾正常人的話，半隻雞加一碗飯實夠飽，不過我唔係正常人，唯有再加多一碗飯，之後再叫埋甜品......應該係暫時來講在香港食到最滿意的芒果糯米飯，其他地方食嘅，一係太甜，一係裡面冇味，呢個就啱啱好。最最最正係個椰皇鮮奶布甸，非常香滑，感覺上比出面專做甜品嘅店舖更高水準。整體來講非常滿意，好滿足嘅一餐飯，不過如果唔係一個人食應該更好，可以試多幾樣野。埋單時Waiter提醒我FB check-in有discount，真貼心！…Read More

年初一去gf家拜完年後, 諗住旺角應該比較多食市開門, 所以去左旺角搵食.結果好多都冇開, 最後去到雅蘭, 見到呢間門口餐牌既二人套餐好似幾抵食, 就入左去點左套餐.除甜品的包外, 所有餸都不須3分鐘已來到桌上, 就連炒飯及饟蟹蓋也是 真想請教廚師們有甚麼方法味道還過得去, 不過很快已變冷松鼠桂花魚 只有半面, 3分鐘已可上枱的炸魚, 裡面是凍的餸來到見到既份量, 只夠一個人食....... 根本不可應付我這焚化爐 ......怪不得隔鄰的食市要等位, 而這一間只有一枱人......最後的甜品gf選了至愛的包之一: 流沙奶皇包, 只有這個才達應有水準 …Read More

晚飯時,gf提議到此店嘗試出名的旦包飯及蒸旦, 但menu上完全找不到這兩樣食物, 只好問waitress.她說有蛋包飯, menu上沒有的........ 問佢價錢, 佢要去問廚師 HK$108 都幾貴, 不過gf好想試, 所以點左跟著點左 生牛肉烏冬 HK$56 , 湯太鹹, 而因為窩非常熱, 令牛肉太熟, 好韌 還有帶子 HK$16 , 估不到是串燒 最後本想叫 蒸蛋, 但那waitress說蛋包飯的旦不是蒸的 我說是另一樣餸, 她好似都係唔明, 要再三說明 最後又要問廚師幾錢, 回覆HK$38 , 已經唔敢再叫推介: 餐牌沒有的蛋包飯 HK$108 有加一服務費…Read More