MissFoodie_food's Profile

海悠喺觀塘駿業熟食市場，係隱世美食寶藏。由APM後門港貿一出，行幾步就到，雖然OpenRice話一樓，但實際要上到熟食市場嘅2樓，行到中間就見到，唔算難搵！餐廳冷氣夠凍，坐得超舒服，環境乾淨企理，啱晒同朋友或同事luncn放工食！職員好有禮，落單快手，服務貼心！午餐小菜加飯只係$50-60，超抵食！擺盤仲好有心思，每碟用唔同嘅特色碟子，影相打卡一流！黑松露滑蛋炒蝦仁飯係招牌，滑蛋軟嫩，蝦仁彈牙，黑松露香氣撲鼻，入口濃郁又唔膩，食到停唔低！秘製蟹黃醬海皇炒飯粒粒分明，蟹黃醬濃香鮮甜，海鮮料多到爆，啖啖滿足！🍤 脆米金沙炒翠玉瓜好有驚喜，翠玉瓜爽脆，金沙醬金黃誘人，配上香脆米粒，口感層次豐富，惹味到舔碟！清蒸瀨尿蝦係重頭戲，蝦大到似手臂，肉質鮮甜彈牙，清蒸保留原汁原味，點少少醬油已經夠正！份量十足，性價比高到飛起！🔥 海悠嘅用心菜式同親民價錢，真係觀塘難得嘅好去處！無論係午飯快閃定晚飯同朋友聚餐，呢度嘅海鮮同小炒都畀你滿滿幸福感！熟食市場必食，快啲Book位試吓海悠，真心推介，下次再黎！…Read More

廿一由八就喺香港大學對面，香港大學mtr A1出口，上行人天橋行，係最快嘅。成間舖用上優質木制桌椅為主，有午巿晚巿，隨住晚巿又會轉燈光setting，好有格調。食物質素都唔係一般cafe咁，佢連食物都高質好多‼️👍絕對唔係普通cafe用現成食物焗又或者求其整個意粉，佢既食物好精緻，完全係高級西餐既食物水準！信我！值得試❣️🍴巴馬火腿卷咸香parma ham,包住富酒香既冧酒忌廉芝士，入面仲好豐富拌有烤果仁、雜莓乾。配左一小碟藍莓果醬，味道口感多層次又可以解膩感。仲有火箭菜,非一般cafe既食物‼️‼️勁有驚喜又好食😋🍽法式紙包柑橘三文魚配托斯卡納五香法式多士及烤時蔬三文魚滑嫰，加咗柑橘嘅酸酸甜甜。法式多士好濕潤，外面好多香料，鹹鹹香香，入面濕潤，有啲似食江戶前玉子燒嘅嗰種蛋糕感覺。好有新意好特別！🍫甜品濃濃朱古力好豐富多重既朱古力享受，只係個人覺得個欖油好似味道唔太夾，脆片亦嫌粘牙左d。不過佢複雜既制作，係感受到佢既認真同細緻。🍹Guava coconut water夜晚原來冇hand drip，有少少失望，好在呢個都好飲。…Read More

秋田鐵板燒刺身專門店 (尖沙咀)尖沙咀天文台圍8號1樓今年聖誕揀咗食鐵板燒大餐，呢間秋田好多年前食過，水準仍然keep到！喺天文臺道斜路行上去。如果揸車過黎，勁方便！佢有代客泊車，食野有2個鐘免費，之後一個鐘$30，好抵好方便。鐵板燒menu方面，有散叫有套餐，二人餐唔使煩。當日serve 我地既係Ben師傅。🥢首先上個清新季節沙律芝麻醬沙律菜，粟米，連粒蕃茄都好甜，開開胃。🥢魚籽鵝肝蒸蛋極緻享受既茶碗蒸！有魚子醬有鵝肝，味道口感同嫩蛋非常夾。🥢鮮活時令龍蝦龍蝦超新鮮！新鮮到燒緊既時候仲識郁，師傅仲會表演火焰燒龍蝦，火焰衝上半天，會俾時間你打卡拍照，師傅仲教用slow mode 拍video，視覺享受！龍蝦肉大舊啖啖肉，炒埋啲龍蝦膏一齊，超級好食！之後師傅仲會將龍蝦頭尾餚成清湯，龍蝦清湯超鮮味。🥢原隻鮮活南非鮑魚南非鮑魚又係超新鱔，燒之前見佢郁得好活潑。師傅燒好既鮑魚一聞落去好香牛油味，火喉掌握得啱啱好， 彈牙、新鮮！本身個鮑魚已經好perfect另外配上忌廉汁昆布，又係好好味！🥢季節時令海鮮今日既時令海鮮係蟶子皇。用咗明太子醬,提升鹹鮮味!海鮮滋味加倍!蟶子本身好新鮮大隻,彈牙爽脆。仲有蒜心同菇。🥢香煎頂級鵝肝鵝肝同樣無敵！超厚身鵝肝，鵝肝外脆內軟，入口即溶，師傅上面仲灑咗岩鹽，好味又好睇！配菜解膩，十分之好的配搭。🥢鹿兒島霜降薄燒卷🥢鹿兒島霜降和牛厚燒食得出係真正超靚嘅日本和牛！同日本旅行食到嘅一模一樣！肉味濃、肉質嫩滑、入口即溶。本身件牛已經好好味，師傅仲好有心思配搭鹽昆布，個人超鍾意個鹽昆布，忍唔住就咁食都覺得超好食。🥢秋田炒飯絕不馬虎超足料！師傅勁generous落咗勁多櫻花蝦，個炒飯炒得好香好好味🥢炒野菜🥢精選甜品甜品原來有2樣，有紅豆豆沙銅鑼燒，仲有雪糕。雪糕有綠茶/薄荷朱古力味選擇。食到最後，師傅仲表演倒轉寫中文字，寫咗"身體健康"，仲砌到好靚一個心心。成餐飯真係非常滿意！食物好好食，每道菜都好味，好細心擺盤，seasoning都做得好好。service亦超好！值得一提一讚既係，我地電話冇電，Ben師傅留意到仲出去叫店員借個尿袋我哋充電，原來餐廳有得借尿袋，超細心服務！…Read More

長沙灣隱世打卡cafe 波希米亞風格既裝修荔枝角同長沙灣地鐵站中間大規模重建既兼善里既附近由地鐵站行十分鍾左右就到仲可以感受一下新舊交融既發展區一入餐廳用有幾個打卡corner仲有棵大大既金色聖誕樹餐廳樓上仲有一層，坐樓下比較開揚非常寬敞Weekend menu種類很多叫左個Boholic非凡全日早餐 (BrunchOnly) 同Boholic 小食拼盤加兩杯咖啡 十分chill All day breakfast 有三文魚，菇菜蛋燒菠蘿腸仔每樣都煎得好靚健康得黎又好食小食拼盤炸蝦雞翼炸魷魚鬚魷魚鬚炸粉加左海苔賣相非常之好一路傾偈慢慢食就算凍左都唔會好油黎到一定要嗌咖啡拉花超叻CappuccinoBrown Sugar Earl Grey Coffee LatteBoth 都打卡一流咖啡豆味道是我喜歡的不錯隱世打卡靚靚cafe!…Read More

尖沙咀超有feel日本居酒屋平時行開K11隔離都淨係留意到一堆酒吧誰不知原來仲巿間隱世日本居酒屋地鐵站N2出口附近，旺中帶靜既白蘭軒道沿着樓梯行上去餐廳左右都有日式海報 一進入就已經感受到和風再訪之餐廳非常舒服 放工同朋友嚟鬆一鬆嘅好地方迷の刀 五離刺身盛合油甘魚、牡丹蝦、帆立貝、三文魚、吞拿魚，仲有三文魚子。擺盤已經夠吸引，油甘魚油分甘香入口即溶非常新鮮！牛油果山葵漬前菜牛油果山葵，連個碟都係牛油果牛油果加豉油入口好似三文魚蟹味噌甲羅燒甲羅亦即係蟹蓋，味噌上面滿滿嘅蟹肉，放喺蟹殼，另外配有薄餅，賣相一流。串燒好多款都好好食，每次黎必點燒牛舌同燒雞翼，牛舌肉質淋，少少黑椒燒雞翼仲保持到肉質juicy三文魚層層疊壽司上鋪滿三文魚同芝士，上菜時職員用火槍燒面，加上蟹籽同蔥，視覺享受🥰👍清酒煮蜆食完刺身壽司，好建議食呢個熱食驅驅寒，暖胃又好味，正！尖沙咀必食居酒屋裝修格局一流服務食品高質可以encore兼值得推介既尖沙咀居酒屋聖誕仲做梗早鳥優惠，平靚正！…Read More

阿木台灣麵的老闆娘是嫁到香港的台灣人，之前食開旺角分店，其中一樣必試嘅招牌菜式係台灣牛肉麵，堅持食材的質素及處理方式，將正宗台灣味道帶來香港另一樣必食嘅蛋餅，每次去台灣都必食，芝士肉鬆雖然簡單但好食，即煎熱辣辣，再食過都依然覺得必嗌，喺香港都食到有水準嘅蛋餅排骨便當，排骨超級大份，落咗少少椒鹽好香口，排骨都不錯，配菜都唔求其，有三款，感覺非常台灣，大碗飯，上面仲有好多肉燥，份量好多，一份主食再叫2個小食都已經好飽甜不辣切到好似薯條，但不失煙韌口感，食食下停唔到口仲叫咗白桃粒粒同金桔檸檬話梅汁，有得揀甜度同冰，味道啱啱好…Read More

某日經過觀塘見到有wrap食，原來除咗墨西哥卷，菲律賓都有wrap食，T. Co喺菲律賓有超過600間分店既烤卷/飯快餐店，主打嘅烤卷pita wraps不過都有雞卷食！另外有飯餐同咖啡。Set meals都幾抵食，烤卷有牛肉同雞肉，仲要即叫即捲豐富粒粒牛肉或雞肉，已經醃好好入味除左青瓜蕃茄增添清新外，仲有濃濃芝士同香辣醬汁，非常juicy惹味，拎到返屋企都仍然夠熱好好食。想飽肚d食飯嘅話，有碗飯餐，同樣係雞肉/牛肉選擇。粒粒黃色嘅米飯，配上豐富醬汁，開胃惹味。而家咖啡做緊買一送一，叫杯凍latte飲同朋友share真係好抵。熱同凍都有買一送一抵食，地點方便就腳，係附近打工仔飯堂首選…Read More

人氣新式fusion泰國菜，餐廳裝修偏向奶油白，仲有一啲植物擺設，環境舒適又啱打卡，平日夜晚都多人排隊，今日就試下佢嘅lunch，lunch set好多款揀，仲可以按心水加小食、轉泰tea同加甜品大蝦海鮮配喇沙湯麵 $85.00睇佢個碗正正常常，但用筷子一夾，原來勁多麵，蝦仲有3大隻，加埋魚片，半隻蛋，仲有勁索湯嘅豆卜，我諗男仔都夠飽，喇沙香濃有椰味，不錯椰香黃咖喱豚肉飯 $68.00呢個一食勁有驚喜，咖喱好香但又唔會過咸，亦都唔辣，怕辣嘅朋友都唔驚，仲有勁多豚肉，食到尾都仲有幾舊肉，個汁勁送飯，連我平時只食半碗飯嘅人都食晒成個飯，好多咖喱汁絕對夠撈飯，差啲想叫侍應俾多半碗飯撈汁香茅豬頸肉青木瓜沙律 +$58.00兩人叫咗一個小吃，點知嚟到好大兜，似正常 size，豬頸肉好香好好食，唔膩，木瓜清新，女fresh榴槤雪糕+$20.00芒果糯米飯 +$25.00甜品同朋友一人一個互相試下，的的骰骰，但因為之前嘅沙律同主菜份量已經好多，所以甜品細細地滿足下第二個胃已經好足夠。雪糕好有榴槤味，唔太甜。芒果糯米飯都好大個，芒果好甜，椰汁配上暖暖地嘅糯米飯好好食。泰式奶茶 +$10.00泰式奶茶係用玻璃樽裝住，感覺好高級，打卡一流，味道亦都同太泰國飲嘅差唔多。青檸梳打 少甜，少冰除咗泰式奶茶冇得揀甜度，多數飲品都可以揀少甜走甜，呢一點真係唔錯。埋單兩個人都唔使$300 ，坐得又舒服，環境又靚，認真一流。#asokthaigarden #荃灣 #泰菜…Read More

行過觀塘附近有間粉麵檔主打清湯腩，見未食午飯就去試下佢主打牛腩，除咗粉麵仲可以揀配白飯，我見對面個呀叔食咖喱牛腩配米粉，個色水都好似好濃郁，應該幾入味，但我一個女仔食唔晒一碟飯，所以都係叫個牛三寶米粉，樣樣有啲，配埋個凍檸茶走甜。個餐牌寫住牛腩可揀肥啲、瘦啲或半肥瘦，都幾貼心。碗米粉嚟到都幾大碗，牛三寶排得好靚仔，我冇特登要肥腩定瘦腩，佢俾呢個應該係瘦腩，但咬落好鬆化，唔痴牙，仲有濃郁牛味，好有驚喜牛筋炆得好淋好入味，牛肚爽口，呢碗米粉嘅餸都好多，唔會因為三拼就每樣得少少，我食到尾都仲撈到牛筋，檸茶茶味夠，幾十蚊有呢個質素真係不錯，離觀塘地鐵站又近，呀姐落單又爽手呢度除咗牛之外，都有一般粉麵檔嘅魚蛋雲呑等等，所以唔食牛嘅都可以嚟試下…Read More

最近公司附近開咗間日式放題，分5個level，最平$228就食到今次我就豪一豪加錢食level 5，任食日本和牛、海鮮、刺身、壽司、炸物、甜品同火鍋配料，一次過可以食到115品🙂‍↕️而家新開張優惠4個人仲會送原隻龍蝦刺身，真係勁抵龍蝦賣相都不錯，以免費嚟講對得住有餘宮城縣產仙台A5霜降黑毛和牛西冷/肉眼｜宮城縣產仙台A5霜降黑毛和牛赤身肉每位加$100就可以食埋A5霜降黑毛和牛，呢個真係有驚喜，壽喜燒點蛋漿又滑又濃牛味，真係入口即溶，加上壽喜燒湯底，真係要encore再encore!壽司有大拖羅/中拖羅，非常高質，不是放題薄薄魚生的質素，刺身仲有帆立貝、三文魚等等另外一個自助區域，裡面擺滿了各種飲品、甜品、關東煮、咖喱飯，仲有百味堂雪糕任食，真係花多眼亂！坐得舒服，價格也合理，啱晒一大班朋友同事家人聚會，下次再encore!…Read More

香港天氣咁濕熱，喺街2分鐘已經熱到出哂汗想飲凍嘢，一街都係手搖飲品，但有時唔想飲奶茶嗰啲咁膩，試下而家好興嘅手打檸檬茶也不錯叫咗白柚手打檸檬茶，三分甜少冰，店員好好人提醒我會有少少酸同澀，本人絕對冇問題，少酸同澀先係港式檸檬茶精粹嘛落單之後見到另一位哥哥仔真係手打緊我杯檸茶，等一陣就有得飲，店員好體貼幫我插埋飲管，個杯有個酸到咪眼嘅公仔，好搞鬼，飲第一啖已覺得好消暑，少少甜少少酸仲有少少檸檬肉，一啲都唔會過甜過酸，勁refresh，飲完透心涼，夏天又搵到一個消暑良品，讚佢而家仲有個特別系列叫椒鹽家族，真心未見過，下次一於試下…Read More

長沙灣係香港一個老區，雖然冇大型百貨商場，但勝在多平民小店，價廉物美有時諗唔到食咩就會去食潮州粉麵，貪佢又便宜又多選擇，有牛腩有魚蛋有墨丸，但有一樣啱心水比起其他粉麵店，一興算係裝修新淨啲位又闊落，望下餐牌個特別推介，有樣嘢叫牛脆骨，係牛嘅氣管，係稀少部位，充滿膠原蛋白，真係未試過，一於試下一嚟到見到成碗滿滿的牛脆骨，一咬落去果然好爽脆，湯底清而不膩，食厭牛腩魚蛋嘅可以試下，成碗河粉好大碗又多餸，唔好話女仔，我諗男仔都夠飽，食到尾都仲有牛脆骨朋友叫咗牛腩雲吞雙併，試咗佢一舊牛腩，肉質鬆化又唔肥又唔過瘦，好食。聽佢講雲吞啲蝦都好大隻，又係抵食之選兩個人叫多個炸魚皮，好夠脆，又係一碗滿滿的，加幾蚊叫埋餐飲，食完飽足半日潮州粉麵四圍都有，但搵間好食又坐得舒服嘅都唔容易，仲要價錢親民，真係長沙灣一個好選擇食緊嗰陣時見到餐牌有外賣火鍋配料，有牛腩魚蛋牛丸等等，又幾得意喎，住附近嘅話都可以試下買嚟試…Read More

平日約咗朋友喺佢公司附近食lunch，佢提議去呢間喺香港銅鑼灣皇冠假日酒店入面嘅餐廳我叫咗個Weekday Set Lunch Menu - 3 Courses 只需$268，性價比極高前菜 蟹籽沙律雖然係前菜，但個沙律都幾夠份量，有青瓜絲、蟹柳絲同蟹籽，青瓜好爽口好清新，蟹籽脆卜卜，作為前菜好開胃主菜 茄子意大利粉因為最近唔想食咁多肉，所以叫咗個茄子意粉，意粉醬係青醬，茄子煮得淋，意粉有咬口，仲有好多蕃茄仔，雖然係素食都唔會話食完好空虛，如果食素嘅朋友嚟都唔怕冇嘢食自家製提拉米蘇自製嘅提拉米蘇，酒店餐廳出品一定冇伏，果然冇令我失望，芝士好creamy，蛋糕浸滿咖啡，中和芝士嘅膩，自己一個食晒大滿足，同朋友就可以開心share 另外點咗杯 Expresso macchiato食甜品都想配搭杯咖啡，所以加錢叫咗杯espresso macchiato, 濃郁咖啡味，食完一個豐富嘅午餐可以提一提神呢度環境好寬敞舒適，坐得舒服又夠靜，好啱同三五知己一聚。門口仲有個乾式熟成櫃，確保每塊牛扒溫度及濕度都受嚴格控制，下次一定要試試依到既牛扒！二百幾蚊可以有五星級服務同質素，真係好抵，值得推薦!…Read More

地點非常就腳，地鐵站A2出口一轉右入元州街就見到坐得舒服，餐廳播住廣東歌牆上貼上一幅幅既Disney油畫仲個corner display 三眼仔收藏仲有一隻LV狗狗🐶夜晚嘅話，一個人簡單食都有好多選擇雖則叫福星海南雞，但牛腩都好正，可配飯或面，亦可選分量晚餐仲有套餐有菜同半價小食牛腩蘿蔔入口即溶，湯底清甜份量非常多，配埋菜係等於二人份量。仲有個湯配埋，湯材料有冬瓜、雞腎，清甜，食個飯配埋個湯，感覺非常舒服。餐廳職員親切有禮，主動問我要唔要辣椒油，有介紹好嘢食，提醒要趁熱食，體貼嘅服務，街坊生意價錢唔貴，一定要支持吓。…Read More

灣仔新開咗Cucooland，中文名叫唂咕，就係朱古力飲品咁解，成間店鮮紅色好搶眼，當四圍都係賣咖啡、台式手搖、水果茶，純賣朱古力飲品真係未見過，就算幾怕肥都要試下伯爵茶朱古力，上面真係有啲伯爵茶葉，成杯深啡色未飲都覺得濃郁，奶仲可以揀全脂奶、燕麥奶、杏仁奶同椰奶，啱晒不同人嘅口味同乳糖不耐症人士，一飲落去，朱古力唔太甜，濃得嚟又好夠茶味，伯爵茶獨有茶香同朱古力好夾，濃而不膩，口感綿密店員仲推介咗60%同73%嘅黑朱古力，啱晒鍾意黑朱古力嘅人，我決定下次出去買lunch要再過嚟試埋佢個黑朱…Read More