food28's Profile

係openrice搵下有咩素食店，見呢間評語唔錯，同埋係新派西式既素食，所以打電話預計先book定位。呢到環境都幾浪漫，紫色系列，拍拖黎食都幾好。叫左1個set，前菜有泰式鮮果沙律，藜麥蘋果雪泥，香干拌馬蘭頭，幾醒胃。菠菜桃膠忌廉湯，好香滑，好香菠菜味，又感覺到充滿骨膠原，滋潤又美味。椰香鮮蔬冬陰燴扁意粉，味道微辣，好香冬陰公味，加上椰香，色香味俱全。另外加左個泰式香煎如餅，好香口，口感真係幾似真魚餅，好味道！仲有精美甜品。真係大滿足。…Read More

之前朋友食過，話呢到D野食好好味，一直都想黎試下個鵝肝漢堡包，但就甲唔啱時間地點。今日終於有時間，咁啱係尖沙咀做完野，過黎美麗華好近，下午茶時間，唔係好多人，店內環境寬敞，美式裝橫，食下漢堡包，飲下啤酒一流享受。終於可以一嘗鵝肝漢堡包心願了，塊鵝肝好大件，好肥美，又唔會腥，好香口，加上塊漢堡夠晒份量，好多肉汁，真係prefect match. 叫左杯1664嘆下，仲有好多啤酒同酒選擇，我平時好鍾意食雞翼，梗係唔會錯過呢個蜜汁雞翼，熱辣辣，皮脆肉嫩，肉汁滿溢，好好味！😍牛油果醬配薯條，d牛沖果醬好香滑 ，配上香脆薯條，真係好滋味。…Read More

約左個好耐冇見又一直心儀既女仔食飯, 心情緊張, 約太浪漫既地方又驚太唐突, 太普通又冇乜誠意, 靜焗既又驚冇話題, 盞尷尬. 咁啱有朋友介紹話呢間有嘢玩又好食, 咁過癮?! 即管試一試~一上到去見佢環境座位都好舒服, 全部car位, 好有個人空間.有職員有禮貎招呼, 問想坐出面定入面, 望一望入面房,, 因為諗住食完會攞D game玩吓, 所以入去坐, 玩起上嚟冇咁礙眼燒豬肋骨配薯菜, 見佢價錢唔貴, 諗住一試無妨, 點知原來係唔試就笨, 賣相已經相當不俗, 肋骨燒得火候啱啱好, juicy又香口, 比預期好, 個汁亦都非常惹味, 薯菜呢D更加係難佢唔到.  芝士焗忌廉和拿魚長通粉, 芝士味相當濃, 啱晒鐘意芝士又重口味既我, 份量夠, 通粉軟硬適中, 汁唔太稀唔太濃, 有水準辣肉腸薄餅, 批邊鬆脆, 芝士味濃, 辣肉腸香得嚟唔太辣, 唔食得太辣既人都食得食完嘢就梗係搵嘢玩吓, 玩左幾樣嘢, 層層疊, 冰企鵝, 啤牌, 乜都有, 玩乜其實我都冇所謂, 反正都係輸, 最緊要玩得開心啫就係咁, 兩個人食吓玩吓都食左兩個幾三個鐘, 時間好快就過, 好開心, 又自然, 初識女仔又得或者一大班人嚟又得, 得左整體食物超出預期, 諗住嚟玩吓, 傾吓計, 點知食物都咁好, 店員態度亦好. 非常開心既一餐.…Read More

我同friend都係食肉獸黎，都好鍾意任食，因為比一個價錢食到你飽晒。今日就選左食韓國燒肉。飲品任飲，而且款色都好多。多款肉類任君選擇，豬肉牛肉雞肉有齊晒，仲要有唔同部位，包羅萬有!D肥牛脂肪適中，色澤漂亮! 肉類調味適中，唔會過鹹! 仲有菜類同姑類選擇。個人最喜歡牛仔骨，真係好好味!豬腩肉好香口，唔太厚，好快燒熟。呢個韓國辣麵幾好食，湯底夠濃夠辛辣。好想食多碗。辣醬炒年糕，個汁好香濃，年糕夠煙韌，好食到唔停得口。…Read More

今日約左班姊妹一齊飯聚，食越南菜，呢到環境都幾舒服，幾闊落，聚會一流。叫左半打串燒，有雞肉同牛肉，剛燒好，熱辣辣，肉質夠juicy, 味道很好，配上沙嗲醬，帶有香濃花生味。個咖喱牛腩鍋都幾多，用慢火保溫，天氣凍食暖粒粒，牛肉軟腍，香濃咖喱味，帶少許甜。配上法包，絕配。椰青海鮮飯，D汁多到瀉，堆到滿滿，賣相吸引，香甜椰汁配上海鮮焗飯，真係好好味!辣椒膏炒大蜆，D蜆好大隻，肉好肥美，個汁辣辣地好醒胃。椰菜苗，睇落大棵，以為好老，但其實都幾嫩，幾甜。…Read More

今日放工同同事Happy Firday, 諗住搵間環境舒適既地方食下野傾下計。平時行過，一直想試，今日試下西班牙菜。呢到環境幾舒服，裝修歐化，好有氣氛!可以邊食邊傾!喜歡食牛扒既有好多選擇!食物種類繁多!公司沙律，賣相吸引! 個汁幾特別，酸酸地，幾醒胃!呢個黑松露多士無得頂，多士脆卜卜，黑松露好香，呢個配搭100分! 西班牙海鮮炒飯，鐵板上，份量十足，熱辣辣，加上大蝦，青口，魷魚等新鮮食材，粒粒飯都入晒味! 味道一流!餐廳提供多種啤酒，紅白酒以供選擇!…Read More

我同朋友都好鐘意打邊爐， 任食個D雖然平，但d食物質素又唔好，又無海鮮，通常會怕蝕底，狂食，又肥。都係選返間單點的，加上我地兩個都鐘意食海鮮，所以搵左呢間食評唔錯既試下，加上一出銅鑼灣地鐵站就到。D卡位好舒服，冷氣又夠凍，又唔嘈，最怕酒樓個D, 嘈到傾唔到計。芫茜皮蛋豆腐湯，好清甜。手切頂級Prime牛肉，脂肪均勻，睇到都知係好野，焯一焯，入口軟滑，充滿牛肉味，又唔會好肥膩。日本元貝大大粒，而且肉質鮮甜。夠新鮮!鮮味海中蝦，大大隻，肉質爽口，帶甜，真係好好味。美國特大桶蠔，真係好巨型，而且肉質厚實，有蠔味。鮮打靚蝦滑，原隻蝦，彈口夠甜，蝦膠好彈口。水魷魚好味!叫左個時令雜菜籃，樣樣有d, 兩個人食剛剛好。…Read More

今日諗住去天后圖書館借書, 所以就係附近搜索下有咩好野食, 上openrice睇到呢間餐廳風格我好鐘意, 感覺清新!黎到店內裝潢別緻, 寧靜, 睇得出店主經過細心設計既, 係到飲野同食野感覺好寫意。牆上掛左D素描畫, 唔知係咪店主本人畫呢!叫左個午餐, 餐湯係洋蔥湯, 味道清甜帶有洋蔥既香味!叫左個是日薄餅, 蕃茄芝士辣肉腸薄餅, 剛焗好, 熱辣辣。軟腍既芝士, 香濃既蕃茄醬, 加上香脆既薄餅, 入口juicy! 跟住點返件甜品, 紅絲絨蛋糕, 係香濃既朱古力味, 加忌廉, 蛋糕軟熟, 忌好滑漏, 唔會好甜, 真係好想再食多件!食甜點配上經典伯爵茶, 真係絕配!…Read More

之前經過都留意到呢間店, 上網睇食評介紹都幾好, 今日就黎品嚐下! 睇餐牌, 食物都幾多元化, 有日式定食, 串燒有海鮮同肉類, 仲有多款酒類選擇! 可惜海鮮串燒要晚上才能供應。店內環境寬闊, 裝修簡潔乾淨, 坐位舒適。午市多款日本定食任君選擇, 有鰻魚, 吉列豬扒, 牛肉, 三文魚定食等等。。。。。我選左個燒饅魚飯定食, 饅魚都幾多, 面層燒至微焦, 幾肥美, 燒汁好香濃, 皮脆肉滑, 好好味!前菜有3款! 呢個煙肉燒蠔必食, 燒到微焦, 日本蠔味濃又多汁, 好鮮味! 燒雞翼, 師父好好心機起晒骨, 燒到皮好脆, 雞肉夠嫩滑。雞肉釀冬菇, 都好好味! 免治雞肉棒, 配上1隻雞蛋加秘製醬油, 燒至皮脆, 雞肉味濃又多汁。好味道!蜜桃梳打唔太甜好夠氣。…Read More

今日同個海鮮迷朋友一齊食蒸氣海鮮, 今次黎尖沙咀厚福街試。內裏環境寬敞, 冷氣夠凍, 啱晒同朋友邊食邊吹水。我地選左$598位套餐, 因為唔洗諗同包十幾款海鮮。 海鮮相當新鮮!聖子皇好大隻!貝類, 分別有花蛤皇, 芒蜆, 海黃蜆等。。。。。美國石蠔好肥美!花甲味道鮮甜, 仲有海水既鹹味, 好正!聖子皇配上黃金汁, 很好既配搭!呢個黑松露蒸元貝, 原來咁樣配得咁好, 本人好鍾意黑松露, 元貝又大又鮮甜。南非龍蝦好大隻, 仲有膏, D肉又甜又彈口。飽魚好爽口!臨尾個豬骨粥底吸收晒d海鮮精華。好清甜! 非常好味!…Read More

今日同朋友預先book左位, 雖然平日, 但7點半黎到都坐左8成人, 都幾旺場!白酒炒藍青口, 雖然唔算大隻, 但勝在帶有自然海水鹹味及淡淡酒香, 唔係無味雪藏青口。主菜叫左個北海道帶子扒墨魚汁意大利飯, 香煎大蝦, 夠彈口! 帶子鮮甜, 墨魚汁滲透飯中。叫左個黑松露芝士牛肉漢堡配薯條。用料十足, 牛肉味濃多汁, 黑松露香濃惹味, 甲埋一齊食, 真係完美配搭!叫左個藍蝶花茶同洋甘菊花茶, 第一次飲藍蝶茶, 甜甜地幾得意, 天然既紫藍色好靚!洋甘菊就甘甘地, 幾醒神!…Read More

之前見朋友facebook post相, 話好正既海鮮大餐, 所以今日約埋朋友黎食。呢到樓高3層, 我地預先book定位, D位都幾寬敞, 冷氣又夠晒凍!我地點左個每人$498/位, 都幾多海鮮, 有南非龍蝦, 美國石蠔, 胭脂蚌, 聖子皇, 鳳凰蚌等, 粥底就係豬骨南瓜粥。隻南非龍蝦好新鮮, 落鍋蒸時, 仲識跳! 肉質彈牙同帶有鮮甜味。全程有專人幫我地蒸海鮮, 時間較得好好, 唔會過熟。花蟹仔好甜!蜆肉帶有海水鮮味! 無沙!聖子皇好大隻, 好甜好彈牙!第一次食鳳凰蚌, 好鮮甜, 原來好好味!胭脂蚌好肥, 好鮮甜同帶有海水鹹味!罕有冰菜食, 好正!美國石蠔好肥美, 有蠔味!粥係海鮮精華所在, 鮮甜美味!鹽都唔洗落。…Read More

今日放假黎工業中心shopping, 先食個lunch先, 荔枝角食店唔多, 想搵間比較休閒舒適既餐廳, 所以預先上openrice, 搵下有咩好地方選擇, 見呢間相片裝飾都幾有味道,食評也很好, 試試! 好彩係下午茶時間, 黎到唔洗等位。裝飾比較西化, 地方都幾大, 播放住西洋音樂, 感覺好舒服!有set選擇, 款式都幾多, 有牛扒, 羊扒, 意粉餐。前菜可選沙律或湯, 包埋飲品同甜品。煙鴨胸沙律配芥辣醬, 個汁較得幾好。泰式鮮蝦扁意粉, 聽落配搭幾新鮮, 食物賣相好吸引. 新鮮大蝦, 食落幾彈口, 味道酸酸甜甜, 好開胃, 配埋黑白芝麻, 味道更突出, 扁意粉軟硬適中。個士多啤梨奶凍, 好香滑, 好好味!忌廉凍朱古力, 味道香濃!…Read More

最近天氣凍返, 所以想打下邊爐, 又食下雞煲, 上網睇食評唔錯, 所以預先book定位。呢到雞煲都有好幾款, 有花雕藥膳雞煲, 胡椒豬肚雞煲, 重慶麻辣雞煲, 香辣雞煲, 螺片花膠雞煲, 辣酒花螺雞煲, 仲有支竹羊腩煲。我就選左辣酒花螺雞煲, 小辣, 雞都幾大舊, 雞肉夠嫩滑, 雞同花螺都入晒味!兩個人都鍾意食牛, 點左碟特級雪花肥牛, $138估唔到咁大碟, 色澤好靚, 好香牛肉味, 好有嚼勁, 又唔靭!另外叫左炸支竹, 用辣汁湯底煮到入味, 真係好野味!鹹檸七好大杯!…Read More

之前朋友食過, 話D食物水準高, 想再食, 所以今次叫埋我地幾個朋友一齊黎食。前菜有好幾款, 有手拍青瓜, 豆芽, 木耳等等.....食完可以再點, 任食的。呢到個紅桑梅茶幾好喝!我地選左青檸越式烤魚窩, 侍應話有3種魚選, 鍾意食淡水魚可選擇福壽魚或江團魚, 鹹水就可選沙巴龍, 我地最後選左沙巴龍。龍肉質彈口, 同埋都幾滑, 好味道。海鮮好多種類, 除左鮑魚同扇貝追加另費, 其他海鮮, 蝦, 蠔, 聖子, 白蟮片都係任食的, 食材新鮮, 蝦肉彈口, 鮑魚好好味。蔬菜也很新鮮!安格斯牛肉脂肪均勻, 重牛肉味, 貢丸同芝士竹輪都好好食, 豚肉片都唔錯。水魷魚同黑椒腸都好食。…Read More