CocoW811's Profile

叫左外賣條飲管點都篤唔穿杯珍珠奶茶，篤左幾十下先穿，都吸唔到珍珠、打去諗住叫店員同公司反映轉飲管。我都未講個店員就話關佢地咩事，宜家好忙。我又唔係態度唔好，你忙咪叫我再打黎，杯野飲係呢間餐廳，賣左出去就唔關你事。…Read More

豬扒好乾味道又差，飯又唔好食，邊度係香茅豬扒，仲差過茶餐廳同二餸飯。雞翼又油又唔夠蒜味。個啊婆態度又差，佢做緊其他客，我咪等佢做完先。佢話企係到做咩，唔好阻住，唔想人企係到咪唔好開餐廳，態度差唔係第一次，成日呼呼喝喝，唔想做就唔好返啦。環境又差冇冷氣冇堂食，企係條街等十幾分鐘，宜家都辛苦，唔會再食。大家想受氣就去啦，個價錢值得食其他野，同普通餐廳差唔多，做咩俾錢受氣。食物質素愈來愈差，態度又唔好，點解唔俾錢啲好餐廳，令自己食得開心！呢間餐廳快啲執啦…Read More

叫左個雞軟骨肉餅飯，以前肉餅飯好好食，仲每碟都好有心機加醬，好好味，宜家啲醬都唔好味，塊肉餅又勁咸食唔到，差左好多。朋友叫左個炒飯覺得細碟左好多。飲品方面得返支裝罐裝汽水豆漿同台式飲品，冇左奶茶咖啡檸茶手沖飲品，少左好多選擇。…Read More