missrain50's Profile

第一次試這家茶飲店 買了杯期間限定的「薑粉烏龍」。我平時都喜歡喝烏龍奶茶，有時亦會飲薑母奶茶之類，但這杯「薑粉烏龍奶茶」個味道真係災難級薑黃粉的味太強烈掩蓋了烏龍茶味和腰果奶味，也不知道是否因為用上腰果奶令杯野味道更奇怪。薑黃珍珠和生薑啫喱則正正常常，可入口。因為無飲管只提供茶匙所以打開蓋喝可能因為我買的是熱飲，拿回來後薑黃粉已經和奶蓋溶為一體...個顏色係令人唔開胃四十幾蚊買杯咁難飲的茶，真係可一不可再…Read More

『炭培烏龍珍珠鮮奶茶』買過很多次這間店，但之前一直飲熱飲的珍珠奶茶或抹茶鮮奶。 今日嘗試走冰的凍烏龍鮮奶茶，就中伏了。從外觀看上去，珍珠就只有寥寥可數的杯底兩層，已經有些失望，喝下去我以為自己飲緊水，沒有茶味沒有奶味，稀到應該叫 少茶味少奶味『珍珠水』。付出幾十蚊，珍珠量勁寒酸都算，成杯無味道的啡色水究竟係點沖出來？？😳然後上openrice 看其他人照片評論，發現其他都係話呢隻茶稀到好似水咁...即係唔係我一個人問題...做得顏色店可以爭氣點嗎 （其實係咪歧視我用connect card🤦‍♀️）…Read More

在下早於15年前開始已開始持續光顧 山頭火拉麵的原宿表參道分店，對其鹽味拉麵算是略知一二。新店位於Donki荃灣分店的Food court內，開張不久，暫時顧客不多點餐不用排隊。但吃一次後覺得非常非常失望。山頭火特色之一是可以選擇麵的軟硬度油度等等，但點餐的時候荃灣分店店員並沒有主動詢問。首先讓我十分意外的是 額外加$38點的特製叉燒，只有三塊而且薄如紙，並不是用於拉麵內的正常厚度叉燒.... 有點中伏騙錢的感覺。而最離譜是鹽味拉麵的麵底，麵質偏硬，充斥著鹼水味。勉強吃完碗麵之後，舌頭充滿鹼水苦味，而且沒有開水提供（說是沒有杯），十分難受。雖說日本店和香港店質素定當有出入，但也不應有如此大的落差？後悔在這裡吃了山頭火拉麵。平均一個人$114卻食到如此質素的晚餐，倒不如進 Donki買個便當或即食拉麵食會更開心。…Read More

夏天開始飲很多台式飲品，連鎖的台灣茶店幾乎都全喝過了一遍。最愛烏龍珍珠鮮奶茶，由於地理便利關係比較常去旺角C記/K記買來飲。今次去開信和中心附近，見到呢間萬波，好似新開張沒多久，就去試下囉。門面裝修都幾靚 (好像是跟返台中總店的風格)餐牌好特別好似百葉窗簾，上面有些從未聽過的款式點左杯大烏龍鮮奶茶無糖 加黑波霸珍珠。如果同一款式大小，個價錢在C記K記之間。出來個色一層層咁，影相效果都唔錯，上Instagram打左個卡。搖渾之後開始飲。茶味濃，奶味較輕盈。珍珠煙韌，軟硬剛剛好，好好吃下次會試下佢個招牌飲品 赤柚與山地伯爵~唯一想改善係，希望除了現金 如果第日有埋八達通俾錢就好了(飲開果兩間我習慣俾八達通)…Read More

晚飯時間，第一次黎食，點了一個三文魚魚生飯，朋友點了豬軟骨石鍋飯。石鍋飯沒什麼特別，味道淡淡的。但我的三文魚魚生飯出事了。上菜的時候，侍應小姐的一隻大拇指勾入碗內遞過來，手指像是觸碰到魚生了...  三文魚是最普通的貨色也算了，最不能忍受的是醋飯非常乾硬。飯裡的醋都蒸發掉了，究竟是放了多久才端出來的？醋飯像擦字膠一樣的口感，是刺身飯的大忌 簡單的說，争鮮的魚生飯更好食。…Read More

叫了一個白汁黑松露雜菌燴意粉，以為是西餐，但拿回來卻發現只是一碟炒意粉，很油。所謂的白汁其實是茨汁，不要想像成忌廉汁。加上炒椰菜和炒菇，感覺是一碟中式炒麵。味道尚可，不會太淡也不會太咸，只是意粉來說是太油了…Read More

已經是第4次光顧~總括來說9元碟來說味道不錯的~服務也很好個人覺得 三文魚($9兩件) , 帆立貝 ($9一件) 和 花之戀($9一件) 最好食 鰻魚, 吞拿魚不過不失火炙三文魚則因為沒有汁燒或其他調味所以好淡味 芝士卷（炸蝦）壽司也是味道太清淡由於好奇所以特別點了海膽壽司 ($28 兩件)結果海膽很腥．．．我勉強吞下了一整件, 但男友吃了一小口海膽就立刻吐了出來...然後他好像連食慾也沒有了．．我是覺得那海膽好像是浸過“香港海水”的味道．．．最後叫了三文魚腩壽司($9一件) ，沒有魚腩應有的鮮甜味．．而且魚是冰箱的冰冷，而壽司飯卻是暖的．．　有些失望希望他們能更注意壽司飯的溫度～其他是不錯…Read More

因為自己不能吃辣，所以甚少吃這家麵店。同一原因所以這次沒選酸辣湯，而是點了蕃茄湯米線和韭菜豬肉鍋貼1) 豬頸肉蕃茄湯米線: 　蕃茄湯底酸酸地很好吃，十分開胃 同行朋友亦讚不絕口。　豬頸肉雖然炸出很多油，卻十分香甜！跟我在日本時吃的吉烈豬扒(とんかつ)一樣香口！這令我非常驚喜 推薦~~2) 韭菜豬肉鍋貼: 鍋貼則煎得有點過火, 令鍋貼黏著黑色一點點... 建議洗鍋或過濾下熟油才煎其他食物..... 不過味道方面OK的一碗米線大約$23左右, 價錢尚算合理。…Read More

常常來新世紀, 不過是第一次入這家餐廳。這裡飯或麵主食類大概$48以上, 價錢看似合理, 於是入內一試。我和另一位朋友被安排坐到卡位, 裝修感覺不錯的餐牌上也有很多選擇, 尤多Fusion菜色我們點了炸雞寶併炸薯餅, 芝士焗田螺龍蝦汁龍脷柳飯, 芝士焗意式肉丸意粉。炸雞寶併炸薯餅($35)- 炸雞寶＝薄一點的麥樂雞 , 炸薯餅＝大一點的麥記早餐薯餅。不過不失。芝士焗田螺龍蝦汁龍脷柳飯($58) - 第一個感覺：十分袖珍!!! 男仔有機會唔夠食 龍蝦汁比較腥，有小小甘苦味。芝士焗意式肉丸意粉($48)- 意粉十分硬，仍然很幼身，應該因為是煮得不夠時間..... 　那幾顆肉丸...看上去像牛丸, 但吃下去像手打墨魚丸。這是一顆麵粉丸，不是我所認識的Meat Ball ...!!! 　很難吃的肉丸意粉...........！上Food Court吃碗牛丸河應該還比這"麵粉丸+硬粉"好吃吧。…Read More

有晚朋友想吃拉麵...我便提議試試這間拉麵店由於門口寫著是「本格的拉麵」，於是就想看看他們到底是否真的「本格」。款式不算很多, 基本的都可以選擇三種湯底大概$44～48一碗在牆上貼有幾款小食的照片..蛋沙律...$6青瓜...$12番茄...$12不是吧...只是幾片蕃茄要12元!??我們叫了兩個拉麵和一個蛋沙律:叉燒拉麵味噌湯底$48----------叉燒好似煲亁左咁, 不好吃...　　　屋企既煲湯瘦肉仲好食...帆立貝拉麵豬骨湯底$48--------半熟蛋完全不合格，蛋白也是生生地的，真正的拉麵半熟蛋是只有蛋黃才生生地。那個湯底...像超市即沖裝， 吃不出有用心用料熬湯......... 不過好彩,帆立貝個味道尚可。因在日本居住時有品嚐拉麵湯的習慣, 所以都喝了很多口.......怎料當晚回家口渴了很久... 難道是味精湯?我想講...「本格的拉麵」個湯係靈魂所在！拌拉麵的「具」(肉,蛋,..)也應講究。服務1) 一入餐廳就話坐卡位可能要搭檯... ok la...當自己去左茶餐廳... 不過最後呢件事都無發生。(2) 唔問都唔會俾杯水我們.....呢樣茶餐廳好服務過佢。(3) 沒有餐紙, 問佢拎餐紙, 就遞個紙巾盒俾我拉出幾張....應該係全餐廳share用, 係幾環保既呢個價錢，可以有一堆更好的選擇！未達水準請不要自稱本格的拉麵…Read More

睇煙花前先去食個晚飯, 上左isquare 搵野食男友見到menu吸引又想吃飯, 於是試試這間餐廳~細看Menu, 價格偏貴, 牛扒餐全部$120以上麵飯類55~80左右...都可以接受既我男友點了一個肉醬焗飯 , 我就點了QP醬燒汁漢堡扒+湯的餐先來一個湯和麵包(+$18): 一個非常普通忌廉湯和一個小小的硬麵包, 價值$18...??肉醬焗飯(約$65): 一試才知這個飯不是西餐, 肉醬同大家樂既肉醬係無分別既 "港式肉醬" 聽到我評價的男友就笑笑口話: 「係呀，我當自己食緊大家樂^o^」QP醬燒汁漢堡扒(約$75): 外型有厚度, 是日式漢堡扒。可惜，好難食....因為零肉汁, 亁的！第一次食"鞋十十"既漢堡扒 在日本吃了那麼多次, 都沒試過這麼難吃的漢堡扒。日式超市的冷藏漢堡扒仲好食過佢>_<或者.... 去Cafe就應該飲coffee....唔應該當食飯.............埋單$173 ..食快餐店既質素。真係"你當我老襯"。…Read More