sonnyho1212's Profile

棠棠居是長沙灣有名的中菜館，今晚同屋企人出街食飯，叫左幾道小菜，都真的好味道和值得推薦！首推 「黑松露蝦多士」，絕對是誠意之作！多士炸得金黃鬆脆，毫不油膩。蝦膠彈牙，加上大量的黑松露！香氣已先聲奪人，入口的層次感十足，好滿足，非一般的蝦多士。「鎮江水晶餚肉」，肉凍晶瑩剔透，瘦肉與啫喱比例剛好。入口爽滑又冰涼，鎮江醋甜醇香，加上鹹香得宜，是一道經典的冷盤。「即烤三黃薯片雞」，堂食價要$238，預訂只需要$168，抵食！即叫即烤，雞皮脆到好似薯片咁，雞肉又保持到好嫰滑多汁，絕對係招牌菜式！「鮮菠蘿咕嚕上肉」， 選用上肉（應是梅頭或肉眼部位），非普通腩肉，外層炸漿腕薄，肉質鬆化軟嫩。新鮮菠蘿，清甜多汁，非罐頭貨可以相比。酸甜汁調校得好夠平衡，醒神開胃！「棠棠居小炒皇」，夠鑊氣、配料足，誠意滿分！韭菜花翠綠爽嫩，加入鮮魷、蝦乾、腰果、銀魚仔等食材，爆炒得乾身又香口。「海味什菜煲」，湯底鮮甜暖胃，有蝦乾、大地魚等海味的精華，各種時蔬吸收了高湯的精華，夏日開胃，健康又美味。特別一提，棠棠居的白飯會配上自家制的醬油和豬油，別有一番風味！飯後、仲有是日糖水送！…Read More

今晚去左Day22 Steak食晚飯，要左個超值2人餐！主菜鵝肝配12安士安格斯封門柳，確實不錯！鵝肝煎得外皮微脆，裡面軟嫩，搭配的封門柳，熱石煎到七分熟，肉質細嫩多汁，撒點鹽和黑胡椒就很好吃，鵝肝的濃郁和牛肉的鮮甜搭配得很剛好。 酥皮湯，皮勁香酥，好夠熱，蘑菇湯濃郁但不會太膩。花蜜雞翼，甜甜地，外皮烤得微微焦香，肉質保持嫩滑。茄汁炒意粉鑊氣夠，吃起來不會太油，蒜香味剛剛好。炸薯條外脆內軟，沾點茄汁醬就很夠味。 飲品勁大杯，一杯已經等於出面的兩杯了，朱古力味夠香濃！整體來說，這頓飯食材新鮮、味道實在，不用太多花巧的調味，但每道菜都做得夠水準，吃得飽足又滿足。推薦給喜歡簡單好味道的朋友！…Read More

素年以純素料理聞名，每一道菜都顛覆了對素食的想像。從主餐到甜點，都展現出廚師對食材的深刻理解與創意巧思。 [素年經典不可能肉醬意粉]這道「不可能肉醬」絕對能騙過肉食者的味蕾！以植物肉製成的肉醬，質地與香氣幾可亂真，搭配濃郁的番茄醬汁，酸甜開胃。仲要星期一至五有優惠價，仲可以專做套餐，跟埋杯飲品！[日式咖喱吉列豬扒意大利飯]金黃酥脆的「吉列豬扒」以植物肉製成，外層裹上麵包糠炸至完美，咬下時卡滋作響，內裡卻保持細嫩多汁，使人忘記這並非真正的肉。日式咖喱香濃醇厚，帶有蔬果的甜味與微微辛香，與燉煮得恰到好處的意大利飯完美結合。[香芋番薯波波]外皮酥脆，內餡是綿密的香芋與番薯泥，甜度恰到好處，無論是作為開胃小點還是飯後甜點，都極其適合。 [熱抹茶燕麥奶]濃郁的抹茶香氣與燕麥奶的醇厚完美融合，燕麥奶的天然甜味平衡了抹茶的苦澀，喝起來毫無負擔，卻又充滿層次感。 [熱黑芝麻燕麥奶］口感滑順，甜度適中，還帶有微微的顆粒感，增添層次。[純素特濃朱古力蛋糕]完全不含動物性原料，依然可以有醇厚的朱古力風味，實在讓人佩服。…Read More

收工去左位置好方便的日式居酒屋Room 3, 裝修由門面到餐廳內都好靚，Date Night Dinner for 2, 飲品Ananas Epice, 青檸味既Vodka,配菠蘿、檸檬、柚子但係又帶點辣，感覺清新。Emperore, 我個人口味好鍾意依杯Cocktail, 味道非常之有層次，有威士忌、苦艾酒、阿瑪雷托力嬌酒、法國麗葉開胃酒、朱古力味苦精酒，全部都係唔同既酒，竟然可以夾埋同一杯，好有驚喜，大讚！仲要用個發光盒做擺設來打卡，好有心思的Signature cocktails.小食有吉列蠔，炸得好脆又無腥味、迷你蟹王蟹肉高夫撻，蟹肉份量好多又好有鮮味。串燒有孜然黑豚腩，燒得剛好，肉質好嫰、西班牙黑豚玉子燒，味道好夾而且層次豐富、雞翼釀鮑魚，第一次食到依個組合，原來可以咁搭配，鮑魚仲要煮得好入味同淋、海膽帆立貝，依個真係最佳組合，好美味！主食有北海道辣味魷魚肝汁松葉蟹肉意大利麵，食落好多重味道，有辣味又有唔熟悉既魷魚肝汁，偏向惹味，再配合返松葉蟹伴意大利麵，好刺激到胃口！火炙牛海膽紫菜TACO壽司手卷，又有海膽，大滿足！最後甜品有自家製紅豆布丁同菠蘿焦糖燒，都係有水準！…Read More

約左朋友夜晚收工食飯，今次去到葵芳依間知名Cafe - Rosie.我地選擇左二人餐，小食蝦多士有5件，賣相一流，食落更加有驚喜，蝦肉爽彈，多士奇脆香口，好夾！主食，香草牛油封門牛肉汁意粉，最正係上菜時會用火槍燒溶舊牛油，擺碟都好出色，做到色香味俱全，牛肉好嫰滑，醬汁都好出高水準，食到香濃既牛肉味，意粉掛汁，食到好多種口感同有層次，感覺到係認真做好每碟意粉,可以用親民價食到高檔意大利 pasta！另一道主菜香煎比目魚配香辣扁意粉 ，比目魚煎到好香口，魚皮勁脆，魚肉又保持到嫰滑，可見廚師的工功力，手工意粉彈牙，配上辣辣地既味道，令人食慾大增！飯後仲有牛奶咖啡同美式咖啡，跟餐食就好高價比。店舖環境舒適，新添加聖誕裝飾，打卡一流，期待下次再來試其他食物！…Read More

星期日夜晚book咗間係中環既法國餐廳A Lux，環境氣氛好，餐廳仲好有心係餐枱做咗好多擺設，有真花瓣佈置，每道菜都有心機擺碟，猶如置身於黑白大廚。頭盤好特別，三文魚軟心芝士伴魚子醬，然後有布拉塔起司（Burrata Cheese）圓球形外殼和半流質的內餡組成，配合Parma Ham、無花果同合桃醋（Walnut Vinegar）、龍蝦濃湯、龍蝦餛飩(Lobster Bisque, Lobster Ravioli), 龍下湯非常香濃，口感綿滑。鴨腿醬野菌小菠蘿短捲麵（Strozzapreti, Braised Duck Ragout, Wild Mushrooms, Baby Spinach）. 即磨新鮮黑松露帕瑪森起司（Spaghetti, 24 Months Parmesan Cheese, Black truffle），廚師喺我哋面前即場表演，用火槍燒溶芝士表層，香氣十足，混合埋意粉風味十足。主菜係USDA Ribeye，4成熟，肉質有炭香味又Juicy。齒魚配小茴香辣根奶油（Miso Toothfish, Baby Fennel,Horseradish Cream），魚肉勁細滑，口感甜甜地帶點微辣，成件事好有驚喜好夾。甜品都有四款，有榛子泡芙，黑松露朱古力，杏仁布丁配雪耳，仲有檸檬小蛋糕好夾杯咖啡！註：埋單每位大約Hk$1,000,經open rice訂位有全單八折優惠。平日Dinner 有無酒精特色飲品及極優惠的wine pairing可追加。…Read More

周末去左係荔枝角既老荔冰室，店舖門面好吸睛，一個大招牌「躺平人生」、「有驚無險又到六點」，玩味十足！店內裝潢，龍鳳呈祥，處處有金句！沙嗲牛肉配2隻太陽蛋既公仔麵，沙嗲汁香濃，麵條彈牙，椰汁紅豆冰甜度合適，滑蛋叉燒飯，份量十足，半生熟雞蛋，口感滑溜，叉燒半肥瘦好味道。金沙朱古力流心西多士，好抵食，份量巨型，多士仲係即叫即整，好香脆！餐肉炒蛋熱香餅漢堡配楓糖，好似某大型連鎖快餐店既近期大熱食品，不過加上餐肉，口感就變得相當有香港特色！阿華田脆脆火山，飲得出落足料，朱古力味好足夠！…Read More

朋友介紹去鍋霸食放題，正值開幕五周年，我地選擇左無限時吃到飽套餐Prime Grade安格斯肥牛套餐。套餐送小食鹽酥雞同花枝丸，最特別係可以自己選擇味道shake shake,約有心思！除咗酒精類都可以任飲。湯底要左台灣養生花膠雞涮涮鍋同麻辣蕃茄雞肉涮涮鍋（少辣），清清地可以煮蔬菜，麻辣蕃茄好惹味，涮牛肉同豬肉就好適合，可以唔洗沾醬料，雞件大件又滑身、花膠足料大份，火鍋料選擇多仲好高質，安格斯肥牛唔會太肥，牛肉味濃，西班牙無激素豬肉片，口感比較爽口，好適合配烏冬或者台灣麵玩，魚片同海蝦夠新鮮，肉質爽口彈牙; 長蟹棒，一條都等於平常既3-4條了，仲有多種唔係常見既丸，包括濃心芝士牛丸、豆腐芝士丸，真係好多野食!最後仲每位有一盒雪糕，好盡興！…Read More

金子半之助係來自日本的天婦羅丼飯專門店，出名食各種炸物。收工去左奧海城的分店，頭盤係「半之助沙律」，有，多種日本野菜配埋3隻大蝦，份量好足料，抵食夾大份。「海老天押壽司」，賣相出色，上層係炸蝦，下層係壽司醋飯，巧妙之處在於有子姜中和油膩既感覺，味道恰到好處。 「鮭魚燒御膳」，其實係鹽燒三文魚加上軟殼蟹迷你天丼，有炸菇、南瓜同埋蜜糖豆，再追加左兩隻炸蝦天婦羅，非常之好豐富！炸物都係即叫即炸，夠熱又夠脆，沾上天婦羅醬汁，拌日本米飯食係好夾！…Read More

今次選擇的到會套餐，總共有8種食物：1.水蜜桃、菠蘿、鮮茄焗西班牙豬鞍扒飯（約2磅），豬扒好鬆軟，蕃茄味濃2.意式香草芝士肉醬意大利麵（約2磅），肉醬勁足料，味道剛剛好，唔會過咸，撈埋意粉好好食3.北海道帆立貝野菌炒烏冬配木魚花（約2磅），烏冬配上日式照燒醬，甜甜地好夾，帆立貝都幾大隻4.招牌炭燒雞肉串（15串），雞肉似日式居酒屋，食落有炭香味，幾惹味5.炭燒豬頸肉，肉質肥中帶瘦，爽脆又有彈性6.菠蘿、龍眼、鮮橙、亞麻籽沙律（約1.5磅），好清新，有多種水果，係健康嘅選擇7.柚子蜜桃煙鴨胸沙律（約1.5磅），煙鴨胸的柚子香味濃，口感細膩柔軟，肉質嫩滑8.天然糖香芒布甸配爆珠（16杯），好適合比小朋友既甜品，就算大人都可以細細杯咁食，唔怕食得過多，芒果夠甜，布甸彈牙…Read More

掛念日本就想食Omakase, 位於上環的鮨燐有14貫壽司的晚餐，頭盤係好甜美北海道白粟米、螺肉、日式香煎煎鴨胸，有少少芥末味，再配返甜甜地既洋蔥，味道好夾！然後14貫壽司一件件來了，師傅都好有心機講解每重食材：1）鹿兒島縣春子鯛，是鯛魚的幼魚，肉質帶點黏勁，味道清爽甘甜2）靜岡縣金目鯛，中間有啲蔥花，輕輕燒過，燒出油脂的香味3）宮城縣赤貝，青檸汁加左係面，口感外層爽脆，貝肉柔軟而幼嫩4）深海池魚，麵豉醬，切左三層更加有口感，肉質緊實而爽口、入口魚油甘香細膩5）長崎縣章紅魚/間白魚，檸檬麵豉醬，魚味濃厚！味道甘甜清爽，脂肪豐富，口感紮實6）長崎縣平貝/帶子，鹽加青檸汁，平衡返少少既澀味7）梳子魚，油分較少，魚皮油脂豐富，炙燒魚皮令油香突出，相當甘香8）北海道墨烏賊，做左細切，中間加左紫蘇葉，工刀一流9）牡丹蝦，壽司飯加上蝦膏，蝦肉緊實鮮甜10）新鮮沙甸魚，肉質結實、鮮美爽甜、油香四溢，口味豐富濃郁11）吞拿魚醬油漬，用上大量醬油/鰹魚汁醃過，提昇了魚的鮮味，吞拿魚很滑溜12）大拖羅，脂肪分佈似雪花，油脂甘香，入口即溶13）鯖魚，輕輕燒過，面頭加左塊蘿蔔增加口感，魚肉充滿豐富的油脂，質地很細膩14）北海道白海膽，口感比較清新，吃起來顆粒感鮮明，帶有淡淡海水味食完豐富的壽司後，仲有麵豉湯同抹茶布丁，好滿足！…Read More

第二次過來食，係玻璃門口見到張公告，「已有7人和1狗」撞到玻璃門，我好奇係點得出依個數字，係唔係每日睇住有人或動物撞親就要記低佢？咁多人撞親，會唔會係個設計有問題在先呢？上次來食仲要有張公告話怕等得耐，可以去食快餐店，的確夠串！間舖唔大，有12張2人枱，兩張2人枱拍埋可以坐4個人。前個對情侶係都要2個人霸住2張枱，店員企係到唔會幫手安排下座位，去收銀想睇下餐牌，個老闆娘又態度好差咁話要坐低掃QR code落單，但你哋又唔安排下入座？睇下有乜食都唔得？落完單，又走埋嚟問可唔可以搭枱，我反問點解對情侶2個人霸2張枱又可以，我地合作坐埋一邊又要比人搭枱先？店員一樣無處理過，上碗餃子拎到埋嚟又唔問清楚，亂咁放係人面前，碗熱湯係我地身後舞來舞去，真係好驚你會失手，成碗野淋落嚟！湯餃 - 粟米芝士豬肉餃，煮得太耐，餃皮都爛埋，食落無咩味道，湯底係可以接受，但請真好多間都做到依個水準。煎餃 - 椰菜雲耳豬肉餃，非常之咸，過曬火！要飲住湯食先比較可以入口，但單點煎餃應該係係無湯跟。同其他對手比，價錢唔係幾抵。上次食過串燒，好細串，所以價錢亦都係正常，唔算係抵食。間野咁串，我地唔會再來!…Read More

收工去左間氣氛好正既居酒屋放鬆下，位於登龍街有間好熱鬧既居酒屋，客人有好多都係外藉人士。先點左杯Suntory生啤，再食埋頭盤蕃茄蒜子沙律，清新開胃。小食第一次食酥炸雞心，口感似魷魚，比想像中好食，好有驚喜！羊架燒得剛剛好，大約5成熟，食落好juicy同埋鮮嫩！白鱔肉質彈牙，皮脆肉香。A5和牛坑腩，好特別，肉賀有和牛既入口即溶，但又好有咬口，加埋好惹味的日式燒汁，非常之適合做下酒菜。清酒煮蜆既擺盤造型，似份用絲帶包到好靚禮物，份量好多，蜆肉無沙，食落唔係太濃既酒味，即使唔飲酒都會好易入口。鵝肝炒飯足料，炒飯粒粒分明，香氣撲鼻！甜品都幾有新意，朱古力炸彈外表似煎堆仔，好得意，入面係流心朱古力，味道偏黑朱古力，好美味！福餅口感煙韌，唔會太甜，剛剛好！…Read More

出街想食餐好既，諗起日式壽喜燒，就去了位於銅鑼灣，地點方便的壽兵衛！壽兵衛做更個Cathay優惠套餐，邊食邊賺里數，HK$980一位，因為份量好足，價錢都好合理！頭盤[先付三點］，由清至濃味，磯燒日本鮑魚、鮟鱇魚肝配柚子醋和蟹膏凍豆腐，開胃美味！[刺身三點]，北海道帆立貝刺身鮮甜，深海池魚口感好爽口，大拖羅無筋，入口即溶！好正！👏🏻👍🏻［三文魚籽松葉蟹茶碗蒸］，蛋蒸得好滑溜，好足料，有好多蟹肉同埋三文魚籽！然後就開始主菜時間了，［關西風壽喜燒］，師傅講解比我地知道有三種唔同部位的和牛，首先吃的是［A4和牛肩胛］，脂肪比例是適中，牛肉味比較香濃，沾點甜醬油，配以生雞蛋醬，真的是人間美食，配埋日本香米飯，吃的好高興又滿足！，係油脂比例最高的，和牛的香氣在口腔中留了很久！肉質鮮嫩無比的！去到中段，會有休息時間，會上蔬菜調和一下，吸引了醬汁的味道，連蔬菜都好出色。然後繼續［A4和牛西冷］，油脂比例最少，牛肉口道適中，口感比較有層次，也是很建議配米飯一起吃的！這時候，姬松茸清湯來了，可以調和一下味蕾，還有其他的各種蔬菜。最後仲有［黑松露和牛炒烏冬］，師傅仲好問黑松露有無需要加多點，份量真係好足料又惹味，所以一定食得夠飽！😆飯後仲要有開心果味雪糕同埋日本蜜瓜🍈，好正！…Read More

收工約埋朋友，一行四人去到位於炮台山的Rojo, 餐廳裝修精緻，吧枱設計的很漂亮，暗暗的燈光帶點格調。頭盤西班牙煎蛋餅，有很香的洋蔥、煙肉、薯仔的味道，蛋餅煎的好香，味道可口！西班牙燒乳豬，配青蘋果醬汁，豬仔肉好鮮嫩，乳豬皮勁脆口，油脂適中，唔會好膩，燒薯仔片都非常好味。炭燒頂級牛腹扒（12安士），選了五成熟，真的是燒到剛剛好，牛肉還是半紅色但不會有血水，做到鎖住肉汁，牛肉炭香味出色，牛腹扒位置沒多餘的肥肉，吃到牛的鮮甜味道！充滿期待的西班牙海鮮飯，份量足、配料很豐富，有虎蝦、蜆、青口、魷魚和豬腩肉，海鮮炒飯用上西班牙米，很有口感，做到粒粒分明，夠乾身，香氣撲鼻！…Read More