太郎小霸王's Profile

於平日十點多進來，享受一杯咖啡+ muffin. 店內有兩、三枱客，可隨意的坐在窗邊或靠牆半梳化位。咖啡溫度剛好，夠熱，muffin 鬆軟綿密。配muffin輕便餐的原是americano, 要求店員加點鮮奶，店員笑口盈盈的説無問題。是一個發呆的好地方！…Read More

很多年沒有來元朗食日式料理，是晚見到"田中"並非想像中咁多人等，就即管試試。兩人叫了蟹膏蟹柳壽司，呑拿魚蓉壽司，雜錦天婦羅，餃子雞翼，章魚小丸子，小食八爪魚。八爪魚醬汁太多一pat pat, 要撥開醬汁來吃。天婦羅粉漿不夠鬆脆，蕃薯南瓜無味。章魚小丸子是炸的，不是燒的，很膩口，好像也找不到章魚粒在內。唯有壽司的確是美味，新鮮，又很大件，滿足感完勝連鎖店"元X"！如果下次再來，應該只會吃壽司。至於用餐時間限45分鐘，也有好處，就是大家也不用等位等太久。…Read More

是日叫了一客芒果涼粉撈，一客芒果西米撈。證實到，此店又名B仔涼粉，是有原因的... 西米質地一pat pat, 不是一粒粒，有點似漿糊，口感很差，食剩很多西米，因為實在很難吃。以後都係叫番涼粉可靠些。…Read More

星期五晚，與兩位好友聚餐，晚餐分兩個時段，我們選擇了18:00-20:00這個時段。六點三上到去，只有一、兩枱客，而直到我們用餐完畢，總共都只是大概得十枱、八枱客。由於我們就坐在收銀處前方，而侍應們空閒的時候，就一排兩三個的挨著收銀處，站在我們前面閒聊，整頓晚餐就好像不停有人望着我們吃，很不自在。😐我們當晚叫了：日本花菇雪蓮子燉花膠(3客)金磗豆腐話梅雞柚子蝦球荷葉飯食物質素很好，豆腐很脆很香口，蝦球肉厚爽口，話梅雞帶微微酸甜，頗特別！荷葉飯夠足料。再講服務！當我們商量緊叫什麼餸菜時，有一位疑似女經理，貼在我們枱邊，笑容可掬地聽我們商量，老實說，我並不想她聽到我們怎樣商量如叫炒菜不抵吃，叫肉好過，諸如此類，我唯有笑著和她說，“得架喇，我地自己睇睇先！”。她才停止觀察我們😔當我們食到大約七點半，有侍應問我們要不要甜品，我們回答不用了。過了幾分鐘，有第二個侍應走過來問要不要甜品；然後再過了幾分鐘，又有第三個侍應問要不要甜品。想點呀？問三次！😒之後，隨即是趕客時間！(當時未夠7:45) 侍應無端端拿著帳單，放在枱面，暗示請我們埋單！朋友們向侍應說，我們睇睇張單先，侍應𠵱𠵱哦哦低沉地好像說夠鐘交枱，(是一名不太流利廣東話的太太。可能我們話要睇睇先，嚇窒了她，她突然唔知點去表達，好等我們會即刻找數離座)。我們三人都覺得，當時全個大廳，只得兩枱舊客，兩枱新客剛入座，還有很多很多吉枱，真的需要這樣迫促我們離座嗎？我們知道8點要交枱，亦會合作。不過，當餐廳還有很多吉枱，被催著這樣離座，個人感覺這樣的服務完全不配什麼攞獎餐廳的名聲。不要求服務質素的話，食物真的不錯，是可以到此一試的。…Read More

和朋友來聚餐，叫了凍蟹，滷水鵝片，豉油王鱔球，豪烙，三鮮燉蘿蔔，川椒雞球，炒飯，甜品反沙芋。凍蟹，＄328一隻，叫了兩隻，不知是否因為剛開始休魚期？兩隻蟹仔都屬細碼，但都要三百多元一隻，有點失望。鵝片普通，無乜滷水香味。豪烙好膠，放澄麵/糯米粉太重手？三鮮燉蘿蔔無甚特別，可能唔啱時令，蘿蔔唔香甜。川椒雞球無川椒辛香味。唯一比較喜歡的是鱔球，皮香肉厚有咬口。這𥚃的例牌size，個人認為只足夠二至三人享用，例如＄198的鱔球，大約有十塊尾指般大小的鱔球。＄168的燉蘿蔔，只是用小湯碗裝盛上桌。5個人，7碟餸＋1甜品，埋單每人＄350。這樣的味道、份量，覺得只值價格的七折。名過其實，試過一次就夠。…Read More

趁平日無咁多人，來這裡輕鬆一下吃個下午茶。點選了蘋果批＋雪糕，一杯regular coffee, 一杯flat white。天氣很好，選擇了室外的座位，於樹影下與涼風中，聽著蟲鳥叫鳴，很適合放空呢！食物與飲品質素和價錢相符。三、四十元一杯咖啡，可以說價錢、質素和兩大連鎖店差不多。估計到這裡來的顧客，部分都是為了地點的特別，而且附近也沒有類似的咖啡店，想舒舒服服的和朋友坐吓傾吓，這裡確實是個好地方。亦因此，大家都不會太計較食物飲品的質素。至於服務方面，很奇怪，每位員工都像是高高傲傲的，或是黑口黑面般！我去櫃台落單時，感覺好像在騷擾他們休息、麻煩他們要幫我準備食物般！到臨走時，我自行執拾餐具並捧回店內，店員見到，仍然是黑口黑面的接過餐具 (好像我又再騷擾他們了！），連講一句"唔該"都奢侈！莫非近排多了宣傳，唔憂做？我是否要講句，唔好意思，‘打搞’哂！？…Read More

本來打算去附近一間頗出名的泰國餐廳(未知是否和九龍城的同一集團)，不過，六點半去到已經幾十人在門口等位。半刻也不用想便掉頭走人。見到這間剛好還有最後兩個位，即刻進內坐下。食物喜出望外，比估計的好！點了沙爹、馬拉盞通菜、酸辣鳳爪、泰式金邊粉。稍為失色的是金邊粉，粉太乾、只得無味的雪藏蝦仁混於其中、炒得不夠火。飲品有驚喜！叫了柑桔梳打，竟然是一整瓶泰國梳打水上枱給客人自己拌！最後想讚，姐姐服務有禮，不會一食完碟餸，即刻過來收碟趕客。…Read More

價錢確實有點偏高，接近一百蚊一碗！湯底有濃厚豚肉香，豚肉的份量亦很大方，有三大片！如果可提供辣芽菜就會更滿足！座位都算迫，不過食碗麵最多只花三十分鐘⋯⋯也可能因此估計到一百蚊一碗麵，只佔座位半小時，食落肚有過半＄是食舖租！土地供應問題嘛！明白！…Read More

兩點多來到，選擇了set lunch的煙三文魚意粉和芝士大蝦意粉。本來想試試焗豬扒飯，可惜，所有飯類已沽清。芝士意粉的芝士味略為過淡，如不知這道意粉的名稱，很難嘗得出原來有芝士味。三文魚意粉味道較好，有忌廉的香滑味。推介香蕉朱古力，內有香蕉蓉，很認真的制作！…Read More

之前試過其他店舖既雞煲, 普遍都會好油, 呢間既雞煲尚可, 不太油.  不過, 叫了少辣都幾辣幾嗆喉的, 唔食得辣的人要注意.   餃子同丸類都唔錯, 蝦滑就好膠, 彈口得有點失真.  響玲有浸"油益"味, 唔掂.之於服務.... 由頭管住你食到尾！ 未坐低，已經問你要唔要上咗雞煲先！雞煲一到，侍應帶命令語氣話，“食得架喇！食咗一半雞煲，即刻問，“揀哂火鍋料未？同你落單先”.   交檯前45分鐘，又行埋黎講，“仲有45分鐘，睇住時間！”（硬生生的語氣，唔該/唔好意思都無一句）.交檯15分鐘前，（我地已差不多食哂），又同我地講，“仲有15分鐘！”點呀！？  我地已經好聽話，係咁食，無乜停過手，駛唔駛咁催法？！最後，我地三人準時還檯，睇怕以後不敢再來...…Read More

做街坊生意的, 最忌係"越做越差"... 經常幫襯的街坊, 終於有一、兩次, 發覺水準差了, 就唔會再幫襯; 仲要係同一個場, 其他選擇多的是.今晚點了:小籠包, 雞絲粉皮, 欖菜炒豆--- 普通煎鍋貼 --- 全枱最好食雞絲鍋巴 --- 淡如水, 乜味都無黑醋骨 --- 得七、八舊無肉食既排骨豆沙窩餅 --- 好食或者咁, 下次再黎食, 只叫小吃、點心、甜品... 主食, 唔駛了...…Read More

平日既下午茶buffet, 選擇不多, 知道金鐘萬豪有供應, 不過未試過 Sheraton , 即管一試!坐喺窗口位, 望住熱鬧的彌敦道, 感覺悠然~食物種類雖然不多, 不過, 味道+賣相搭夠.熱盤有蝦餃, 燒賣, 芝士長腳蟹+斑塊+中蝦, 蒸魚, 龍蝦湯, 中湯, 炒菜, 蝦多士, 春卷, 义燒酥, 炒牛肉, 咖哩雞, 炒米, 燒春雞, 粥 ... 其中, 以芝士長腳蟹最好味, 芝士味好香, 個汁又不會太厚身. 不過, 出現了兩次就沽清了 ...甜品也有起碼10款, 每款都係細細碟, 可以樣樣都試吓. 認得出雪糕是 Haagen Dazs, 有 belgian chocolate, strawberry, mango, vanilla... yummy~嘆下午茶, 最主要係想輕輕鬆鬆, 食物種類再多也吃不下, 重質緊要過重量.呢度環境舒服, 侍應服務非常有禮. 值得推薦~ …Read More

第一次去, 吃了咖哩牛, 回味至今.今次試咖哩東山羊, 羊肉都幾肥, 頗多肥膏, 個咖哩汁好像同之前吃過的咖哩牛不一樣, 差少少, 無咁香, 下次都係食番咖哩牛好了.也點了蝦餅和一set 晚餐 - 大頭蝦喇沙.蝦餅外層香脆, 蝦膠彈牙.喇沙個湯夠濃, 好足料, 大頭蝦肉爽, 仲有好多魚塊, 唯一差少少的係唔夠熱, 一上枱就可以大啖大啖食. 如果熱D, 可能會仲更加香!用citibank咭, 超過 $200, 仲有紅豆冰送!仲有值得一提的, 是員工的服務, 好有禮貌, 招呼非常妥貼, 好過好多同類餐廳. …Read More

第一次黎呢間餐廳. 一行4人, 每人都點了 set dinner.4個人都選了鴨肝做頭盤. 鴨肝唔夠熱, 可以說只是微暖. 伴碟的"脆餅", 太硬了, 可能純粹只是用來伴碟的, 我們卻拿來吃!蘑菇湯太稀了, 沒有蘑菇應有的菇味...肉眼扒亦只是暖的, 唔夠熱; 而且生熟程度也不合要求, 點的是 medium, 出來的是過了medium well.( 好笑的是, 我地點餐時, 我地問侍應, 佢想我地一次過講哂所有order, 定係想我地逐個講各自要乜. 佢話, 你地逐個講啦, 我地mark低咗, 咁我地上菜時, 唔駛麻煩你地再講各自點了乜野...結果係, 到上菜時, 大家始終都係要各自認頭, 再講一次自己叫咗乜...)甜品只是一般的酥餅加custard.值得推介的是, 地方闊落, 坐得舒服, 唔會趕住收枱, 想傾想坐幾耐都得.…Read More

本來想去 K11 的分店, 發現呢間有 citibank 優惠, 便改黎呢間 一行3人, 其實傾多過食~ 又本來, 想叫 seafood platter, 不過, 個waitress 話, platter 既 lobster 會比較細隻, 如果我地唔係樣樣都喜歡, 不如要單隻lobster ($360), 會大隻d, 同埋, order 6隻以上既蠔, 就有特價 ($24一隻).End up, 叫了 boston lobster + 6隻蠔 + 1隻 cherrystone clam ($45)starter 仲有餐廳優惠 $10 3塊 mini pizza. ( 張coupon 係門口姐姐俾的, 人人有份 )同埋 parma ham melon.點了枝house white, Chardonnay, Benchmark Grant Burue之後, 再點了 mushroom risotto, seafood pizza.甜品點了 creme brulee, chocolate cake.食後感 :其實單隻叫龍蝦, 都唔係大隻得去邊, 同platter既應該差不多 (比較之前既食評, 裡面既相)同行友人話, cherrystone clam好好食, 好食過蠔好多!parma ham melon 既蜜瓜, 略為生咗少少, 有點硬.risotto 好味, 好香, 濃度啱啱好.seafood pizza ok.甜品: 個 chocolate cake 好似趕收工咁, "求其"筆舊雪糕上去, 上枱時, 舊雪糕變哂形的.creme brulee 就ok.雖然食物只算ok, 不過, 勝在地方闊落, 好坐好傾, 又唔趕客.…Read More