fitwithhaz_'s Profile

上次經過旺角比佢個menu吸引到, 見到有好多款港式糖水嘅飲品, 例如有喳咋瀑布、腐竹雞蛋冰號、紫米荳乳🥛等等。今日一於嚟try try佢🤪🥤芒椰小丸子 $40🌟飲得出係新鮮芒果🥭打出嚟嘅芒果沙冰, 酸酸甜甜嘅芒果同椰奶嘅比例啱啱好, 椰奶味夠出, 小丸子好夠煙靭。微糖啱啱好🤤🥤芋圓烏龍鮮奶茶 $33凍頂烏龍茶香好出, 但係唔會有茶澀味。兩款小芋圓都好有咬口, 如果芋圓嘅芋頭味可以再出啲就更好啦🥹飲完都係超滿足嘅～ 🥤茉香鮮奶綠+手工荳花 $26+$6茉莉茶同樣地夠茶香, 但係嗰日可能因為我係嗌無糖嘅關係, 會飲到少少茶澀味🤏🏻推介大家叫微糖或者半糖。荳花好滑都有豆香, 同杯飲品好夾📍荳號 旺角花園街3-5號鴻威大廈地下4-5號舖想了解更多有關減肥食譜同美食分享，就記得like同comment啦🤍…Read More

太子呢間中菜喺2018年獲米芝蓮推介，最出名嘅就係佢嘅燒味，嗰日平日就book咗位嚟食，坐低先發現原來係坐爆曬😯所以想食嘅就記得book位啦😙🍲揚名國際燒肉(細) $98燒腩仔油脂分佈得好平均，肥瘦層次分明，個皮燒得好香脆鬆化，係一個稱職嘅燒肉✨另外餐廳亦都提供咗唔常見嘅青芥末醬同乳豬醬，個人囗味都係鍾意傳統嘅乳豬醬😽🍲蜜汁叉燒皇 $128🌟每件叉燒都好厚切而且燒得好脆，雖然偏瘦但係好軟腍juicy，配埋蜜汁一流呀～🍲酥炸九肚魚 $138魚質十分嫩滑，食落都唔多骨，配埋椒鹽炸蒜食好惹味，不過略嫌炸得未夠脆。🍲海皇撈粉絲 $88 🌟呢個絕對係全餐最有驚喜的一道菜，配料有櫻花蝦、魷魚、蝦球、椰菜和蛋、好足料，食落好夠鑊氣同惹味，炒得唔會太濕。超快清哂😋推介～🍲容記小炒王 $108同樣地小炒王都係咁有鑊氣🔥, 入面有蝦乾、魷魚、蝦球、腰果、三色椒、韮菜，好欣賞佢嘅調味唔會過辣過鹹，如果可以再炒得乾身啲就更好啦～📍容記小菜王 太子太子道西123號地舖想了解更多有關減肥食譜同美食分享，就記得like同comment啦🤍…Read More

上個禮拜忙完一輪,就同班frd快閃澳門🇲🇴暫時嗰兩日要忘記減肥 食返兩日先😝上網見個個foodie都有食呢間,炒牛通同西多仲好出名咁 一於試試佢🤫佢嘅裝修係傳統舊冰室嘅裝修, 門口亦都有麵包櫃賣好多舊式麵包, 整體氛圍不錯🥩牛肉炒通粉 $40見到枱枱基本上都有呢一個炒通粉～牛肉味道正常 份量幾多～佢哋最值得一讚嘅就係通粉炒得好彈牙煙韌🤤乾身唔油膩, 同幾個朋友一人幾啖, 好快就清晒, 果然係其中一個澳門名物‼️味道: 8.9/10CP值: 8.7/10🥩法蘭西多士 $28.5呢個西多士真係超厚😱係平時嘅2倍以上～超震撼 鬆軟嘅厚多士入面一樣夾住花生醬🥜配住半溶嘅牛油🧈同糖漿 真係好滿足好邪惡🫣減肥中嘅我都唔理啦!!! 食咗兩舊～真係好正味道: 8.4/10CP值: 9.0/10🥩豬扒芝士菠蘿包 $32.5呢個豬扒包係我今次嚟到澳門食嘅第一個豬扒包🤩～佢特別在於combine左豬扒包和菠蘿包兩大元素一齊 入邊仲夾咗芝士🧀同煎蛋 🍳估唔到成個組合又唔錯～鹹甜鹹甜 豬扒都有肉汁不過略嫌比較薄 一場嚟到可以一試味道: 8.0/10CP值: 8.5/10🥩懷舊忌廉筒 $8呢樣食物係我從來未試過嘅～但係見到麵包櫃每一個忌廉筒都唧滿晒忌廉 就忍唔住嗌咗一個嚟食😍佢外層係硬脆 並唔係我想像中嘅酥脆～每一啖都會食到滿滿嘅忌廉 而忌廉就係舊式麵包店忌廉嘅味道 就唔係咁啱我口味啦味道: 6.2/10CP值: 8.5/10📍新鴻發咖啡美食澳門賈伯樂提督街55號富明樓新鴻發美食A號想了解更多有關減肥食譜同美食分享，就記得like同comment啦🤍…Read More

咁啱嗰日入咗荃灣又諗唔到食咩, 發現自己好耐都冇食泰國嘢啦🥹🥹見到呢間嘅招牌就係明爐烏頭～所以諗都唔諗就入咗去啦🐟服務嗰日本身就坐二人枱, 黎完條魚同兩個餸之後基本上都好迫, 店家好好, 見到咁樣就直接幫我地加多咗張枱, 即使喺繁忙時間都主動咁樣做真係好值得欣賞🥹上菜嘅姨姨態度都好nice ~人情味小店😽🐟泰式明爐烏頭 $158一上枱就發現條魚真係好大條, 而下面都有個爐keep住滾住條魚🔥咁就唔怕凍哂啦, 佢亦都有跟一碗酸辣湯同酸辣汁。佢原本個湯底係偏清, 飲落去微微辣、酸酸甜甜, 好開胃。魚肉肉質嫩滑，蘸埋酸辣汁食簡直係絕配。湯底入面仲有大量菇同肉碎作配菜, 終於明白點解呢道餸係招牌🤩連唔食得辣嘅朋友都絕對冇問題呀。🐟沙嗲串燒(牛豬雞) $88/6串本身係冇串燒拼盤嘅, 不過店員話可以三款mix黎叫, 想食哂咁多款嘅朋友就記得同店員提出啦🙌🏻三款肉質都唔錯, 香茅味都幾出。佢哋嘅沙嗲醬係傳統嘅泰式花生沙嗲醬，整體上唔錯唔錯, 三款入面最推薦雞肉串😝🐟泰式肉碎四季豆 $78呢個四季豆食起上嚟都幾有鑊氣, 可惜就略嫌肉碎鹹咗少少🐟蝦頭油鮮蝦炒飯 $88炒飯熱辣辣夠哂鑊氣, 最緊要係主角嘅蝦肉質彈牙, 不過如果成個炒飯可以再重啲蝦味就好啦🥹🐟芒果沙冰 $30呢個沙冰真係好驚喜, 好重芒果味😍比起一般係泰國餐廳重芒果味極多, 大推大推！📍金屋泰國菜館荃灣楊屋道69-71號地舖想了解更多有關減肥食譜同美食分享，就記得like同comment啦🤍…Read More

去到大三巴附近, 就見到呢間抹茶專門店, 店家寫明係用京都premium抹茶粉整嘅雪糕🍦仲係夏威夷過江龍黎架～呢排店家亦都有搞活動, 只要share一個post店家就會免費送一杯雪糕, 當日就有抹茶、牛奶和紫薯味揀✨🍵特濃宇治抹茶雪糕 $32呢個雪糕拎上手真係好大個🤤我哋當日揀咗扭紋(抹茶+牛奶🥛), 抹茶味好出好夠濃, 有回甘但係唔會過於苦澀, 而牛奶味個款都好濃。但係比較之下抹茶味真係冇得輸, 再加埋呢個份量, 下次一定會返兜👻🥹味道: 9.1/10CP值: 9.2/10🍵抹茶飄浮 $38(M size)好可惜個日冇哂焙茶雪糕🥺如果唔係都好想試埋佢地嘅焙茶。所以就叫咗杯飲品啦, 上面個雪糕一樣都係嗰個好好味嘅雪糕, 可惜唔知係咪有對比有傷害, 底下嘅抹茶就顯得有啲淡, 冇雪糕咁濃咁香～味道: 8.0/10CP值: 8.8/10📍舞伎Matcha Cafe Maiko澳門福華巷10號成業大廈地下A座(大三巴區)想了解更多有關減肥食譜同美食分享，就記得like同comment啦🤍…Read More

作為十年都唔入一次港島嘅九龍人～我梗係要把握機會去食好西啦🤫呢間一直都bookmark咗好耐～咁啱嗰日lunch time都得三四個人排隊～所以諗都唔諗就買咗兩袋返黎😋佢仲可以將兩隻味mix埋一袋一齊買☁️🍞麻糬波波($35/6粒)攞上手個刻仲係微暖嘅狀態, 外觀上可以見到每粒都大大粒,外皮香脆, 入面軟糯, 整體上都好煙韌, 口感好好😋煙韌度: 8.0/10CP值: 8.4/10🍵抹茶紅豆味淡淡嘅抹茶香加微甜紅豆蓉配合得好好, 餡量亦適宜, 不過如果抹茶味可以再濃啲就更好啦🥹味道: 8.4/10🍫朱古力味味道上唔會太甜, 入面有半溶朱古力粒, 整體朱古力味十分濃郁🤩。有啲人話如果即刻出爐食就會係流心嘅狀態, 可惜當刻食可能唔夠熱, 所以就冇呢個效果🥺。比我感覺就未到十分驚豔，係可以幻想得到嘅味道!!!味道: 8.0/10🍖肉鬆味🌟呢個係最令我驚豔嘅個個!!!🤩🤩咬入去食到淡淡嘅芝麻香, 而肉鬆嘅咸香同原本包體嘅甜味相得益彰, 每一啖都好滿足🤤如果一定要試一款一定係肉鬆味!!!味道: 8.8/10🍞總結: 如果唔係好使排隊真係可以一戰🤤但係超過15分鐘就未必啦 #silverminebake 📍𝐒𝐢𝐥𝐯𝐞𝐫 𝐌𝐢𝐧𝐞 𝐁𝐚𝐤𝐞中環永和街31號地舖想了解更多有關減肥食譜同美食分享，就記得like同comment啦🤍…Read More

作為一個米線控🍜減肥期間成日都想食米線 但係麻辣又好油😫清湯又太寡～終於終於比我搵到呢間減肥都食到🤤仲要好滿足嘅米線～不過呢間小店門口長期都有條人龍 小編嗰日等咗15分鐘 大家記得預留返時間去啦🫶🏻🍜黃酒藥膳雞米線 $59 呢度每一款湯底都可以揀米線、米粉或者上海麵。試咗米線，幾爽口彈牙。但係最驚喜嘅一定係佢啖湯，飲落去好濃酒味同藥材味，仲帶有一陣甜味🤤湯底亦好足料，除咗有雞，仲有杞子、紅棗、腐皮及蟲草花，每樣配料都好出味，雞件亦係無骨好嫩滑，啱哂懶人一族。食完走個刻成身暖笠笠，冬天一定會返嚟再食過！❄️(P.S. ✨減肥人士就記得走咗入邊啲腐皮啦～好高卡架)味道: 8.9/10CP值: 8.7/10🍜花膠雞濃湯米線 $69呢款米線對比黃酒雞米線就冇咁驚喜啦🤔，湯底清甜，可惜冇想像中咁濃。湯底入邊有腐竹、雲耳、杞子，呢兩件花膠軟腍。呢款嘅雞係另上嘅，雞件唔算嫩滑，亦冇上一款嘅雞件咁入味同咁多。不過成個米線食落去都配合得幾好，表現中規中矩。味道: 6.9/10CP值: 8.4/10📍二撇雞觀塘開源道60號駱駝漆大廈三期4樓O室想了解更多有關減肥食譜同美食分享，就記得like同comment啦🤍…Read More