Fanny1020's Profile

餐廳主打串燒，放工後想食宵夜嘅不二之選，食得出很用心燒，「厚切牛舌芯」和「厚切豚肉」超好味😋鎖住哂肉汁，另外因為都鍾意芫荽，所以「芫荽豚肉」我都好鍾意。希望北角多d呢d有水準的小店。…Read More

一個人的下午茶。想試這家拉麵很久，今天經過又有時間，就入去試下，掃code落單，點了個下午茶豚角拉麵餐（黑），跟了1罐可樂，加了$10/3隻餃子。坐位可直接見到廚師烹調，好似很用心。賣相不錯，只是份量真的有點少，先試拉麵，煮得有點硬，再試湯底，湯底還真不錯，我還飲了很多，溫泉蛋煮得剛好，非常好食，餃子一般，沒什麼特別。真心建議：可以直接點午餐，下午茶也不便宜，份量真的少，如果不喜歡硬身面，可試試備註一聲煮淋d（未試過唔知得唔得）…Read More

經過見到下午茶買一送一入去試下，蝦餅三件+芒果糯米飯+飲品$38確係抵，不過個芒果糯米飯勁難食，芒果有渣叫左杯咖啡，難飲到飲左兩啖無飲。不過個蝦餅就的確好食，朋友食海南雞飯都唔錯，但係海南雞飯冇買一送一，下午茶$48。所以係抵，但係要識㨂野食😋…Read More

收工想食宵夜，見呢間新開冇耐入去試下。店鋪比想像中大，有一間6人房，我們3個人坐房，當日星期一晚上8點幾都滿座，所以有房坐。QR code落單有圖片（餐牌無圖片）。店員很有耐性講解食物煮法（熱食）和介紹，價錢中等，但食物質素高，我覺得「豚肉五花腩片」、「厚切牛舌心」必試，「芫荽豚肉卷」在其他串燒店比較少見，所以試下，點知又有驚喜喎，「燒飯團」也燒得很香脆，店員還提議幫我們1開3，很細心，還有好幾款串燒未試到，期待下次試埋其他會有驚喜…Read More

見開左幾個月，今日lunch唔算好多人排隊，入去試下，等左20分鐘度入座，我地兩個人order左午餐「紫蘇燒豚梅肉拉麵套餐」、「吉列豬扒廣島蠔定食」、跟餐「青森縣蘋果汁」、「荔枝培茶」。套裝跟「3小卷」先到，跟住飲品，個人覺得比較甜，定食睇落好豐富吉列豬扒是細細件的，好好味，咬落有層次，蠔都有蠔味，唔鯹。豚肉拉麵個豚肉好有驚喜，一碗只有兩片，有少少厚度，所以好有口感，肉質和味道都100分，拉麵湯底好濃，個人覺得拉麵唔夠淋身，整體唔錯。…Read More

之前見過有介紹呢間，所以經過有時間就入左去試試。地方唔大，但有戶外，不過今日好熱，我選擇坐室內，室內只有一張枱稍為有少少私隱，但已經有人坐，我一個人就坐窗口前面吧枱。侍應好好，見我點ADB特登講聲牛角包可以轉窩夫，跟餐飲品半價，但我無轉窩夫（早知轉）。好快ADB已到，我仲對住個侍應講「咁快嘅」（我都未知咩事），循例影兩張相，第一啖試秀珍菇「凍嘅」之後炒蛋都係凍嘅，鬼知得咁快啦！煙肉都係凍嘅！嬲嬲地薯餅冇理由凍喇掛，就只有薯餅是熱的，其他全部都是凍的，牛角飽也不太鬆脆，這是我食過最差嘅ADB。…Read More

因為無得book位，諗住去到仲要等位啦，點知原來無乜人，可能銅鑼灣呢間比較難搵。QRCode落單，直接電話比錢（唔知有無得比現金）。完成交易後5分鐘度，飲品先到，野食跟住到，第一次食，order左Like套餐250g+牛五花100g，套餐有沙律🥗或泡菜㨂，飯亦有1、2、300g㨂，仲有湯，不過湯就麻麻地，但感覺百幾蚊都唔差，即刻燒黎試下，好食喎！佢仲有好多調味料任㨂，試左3樣，暫時BBQ醬油最正，問心，比起其他貴嘅都無咁多調味㨂，最多3樣。最後我地再追加左豬頸肉100g，麻麻地，下次試其他。…Read More

3號波下走左去長洲，上次個漢堡試過好正，今次試ADB，有d失望係無煙三文魚，變左芝士焗番茄，但係個啡菇超好食，其他無乜特別，老公叫左個「竹莢魚漢堡」入面唔係炸魚聊，係真魚肉嘅漢堡，薯條最好食，凍左都仲好脆，啤酒日本三得利，$48一杯，細杯，3成泡，d泡好滑，上次黎都仲未有酒牌，今次先有👍🏻…Read More