EUNICE12354's Profile

上網睇粉嶺好食餐廳，總有人推介爵士拉麵，話係咩平民拉麵店。今日一試，原來平民係指普通餐廳嘅價錢，一個拉麵$100同普通出邊餐廳都係咁上下。叫咗個$80嘅叉燒拉麵，店員問加唔加糖心蛋，我咪話加囉，加完其實都差唔多$100 ，之後啲叉燒好硬又唔入味，味噌湯又冇乜味噌味，湯底又唔濃郁，我都唔知自己食咗啲咩落口。唯一可以讚嘅係麵條係好彈牙，亦有彈香味。但係啲餸菜真係好唔掂，我覺得浪費晒我嘅卡路里quota。真係搞唔掂，唔可以相信網上推介餐廳。特此警告世人，大家唔好中伏。北海道拉麵絕對唔係咁嘅味道。…Read More

啟德airside有間雞蛋仔小食店,行過見多人買，同埋有人推介就去試吓。店員話要等20分鐘，買完個雙皮奶雞蛋仔，就去商場行吓，等到差唔多20分鐘諗住有得拎，點知等極都冇我份，結果等咗超過35分鐘先拎到。店舖極之唔夠人手，叫單個姐姐嗌到聲嘶力竭都冇人理佢，門口圍住好多攞嘢食嘅人。做清潔同叫單姐姐系統一個人，佢帶住同一個手套抌完垃圾又再摸食客嘅食物，實在太唔衛生。等咗咁耐，點知一入口個雞蛋仔冧過毛巾。佢趕住出單，雞蛋仔都冇經過吹乾嘅過程，完全唔脆。好心佢請多少少人做嘢。如果你鍾意食腍過毛巾嘅雞蛋仔極力推介，你可以一試👋。…Read More

諗起一肚火，諗住去食個拉麵，6點入去，有好多吉枱，我就總共2個人，門口個後生女員工同我講：「淨係可以坐2人位。」唔緊要，要做晚市生意都好明白。問個後生女員工有冇位放袋？佢話：「冇，e 到係咁架啦。」原來做生意係咁架？咁趕客嫁？後來我發現枱下有掛鉤可以鉤住d 袋，點解個後生女員工唔同我講呢？唔該個老細教下你d 員工待客態度啦？咁搞法，邊有人幫襯啊，老闆請人可唔可以請人嗰陣時睇吓嗰個人有冇禮貌先請？得唔得？…Read More

員工態度極差，落單冇禮貌，得咁「跟住呢、跟住呢、冇啦嗎」。食個飯姐，唔洗比個員工惡啊。一入去張坐椅又污糟，叫又冇人，唔緊要，我自己抹乾佢。食食下，冷氣機滴水，咩事，之後諗住快快走食完就走啦。另一個員工，用張單「吉」人埋單，咁冇禮貌都有嘅。正常都講出面多人，麻煩埋一埋單。仲要跟本未食完，食左廿分鐘都唔知有冇。真係食到一肚氣如果有得比負10分，一定比負10分。不過野食正常，員工態度真係十分差，接受唔到。…Read More