idy_yls的個人專頁

呢間小店食過兩次第一次食完好有驚喜帶朋友再黎食加上第一次黎食 係附近買完野居然成袋漏左係餐廳第二日打比老闆 原來佢幫我keep住左仲話幾時黎攞番都得 好感動入番正題 呢間小店係超難搵 我第一次黎 搵左兩次都miss左 係會直行直過睇唔到間店今次坐係一邊 坐既位置冇特別講究對於我黎講 呢d叫深水埗風味牆身痴滿介紹但第一次黎 一定好多疑問第一：咩係苔目？苔目係老闆自製短短地既面食 大概手指尾頭一節咁大到 好有米香味第一次有叫 第二次就冇再叫 今次叫左 拍青瓜$18老闆細心為我 辣另上 (上次少辣都食到我噴火）藥膳雞腳 $23 3隻第一次都有叫 今次個雞腳冇第一次咁入味但係個湯底一樣咁不得了好重既當歸 杞子 桂圓味好甜好滋補個味係有少少回甘令你一試難忘玫瑰鴨舌 $45鴨舌係用好重好重既花鵰酒浸既同時配搭住微辣既香醋加青蔥個味道好搭 又係令你食完一隻再一隻我地兩個係差d搶黎食😂鴨血鴨肉米粉 $35我朋友堅持要叫 但我個人不嬲麻麻地鴨所以感覺冇咩特別呢度食 我始終係比佢既小吃吸引住仲有百香果愛玉 仲有蒜泥白肉 $39哎呀 唔記得影相因為一黎到又係搶住相手機都攞唔切就爭住食個蒜泥係用乾蒜整 食完唔怕口臭又係加上埋老闆秘制既辣油跟住白肉係爽脆 唔怕其他地方食既又乾又硬大大碟都係$39如果可以配個清湯苔目咁食 就大滿足！食到最後嘔咁濟 兩個人加埋齊頭$220埋單個陣 老闆仲搞笑咁話今次唔好再漏野啦唔係下次又黎食過架啦！哈哈😄深水埗呢間小店真係有趣兼有人情味！推介推介！…查看更多

食完晚飯 心情好 想去陣先搭車番屋企經過DALLOYAU 同另一半講 ：想唔想食雪糕啊？佢：仲好飽 一陣再食啦行多一陣我又再問：想唔想食雪糕啊？🤤佢：好啦興奮行去order店員：唔好意思 得番杯裝心諗：想試下個餅底正唔正tim.... 唔緊要 杯裝！我揀左 限定既raspberry $50D粉紅色係有點假既感覺顏色有d鮮豔 Sharp到令我第一啖有少少卻步但一食 好重raspberry味但冰既比例較奶多既入面都食到硬既一細粒一細粒raspberry 籽感覺真實d但相比另一半既.....佢揀左朱古力味 $50第一啖 佢讚啊！另一半不嬲都太好甜食但佢讚好味！嘩！極高要求既佢話朱古力味好濃 好香 又滑講到咁...我試下先一試 我問佢：我地交換食好唔好啊？佢😒 大家明白 下次食 都係試番正常味算貪咩特別💩色既朱古力味我估朱古力濃度大概65%以上所以偏苦 點解另一半咁like入口係甜中後有一點點苦 好有可可既香！啊...太細杯啦 下次嘆個特濃💩味先！…查看更多

每次約呢個朋友食飯 次次都落大雨（仲要係黃雨個種）做左佢個「貴人」今次 終於唔落大雨但係...酷熱警告⚠️😣仲要lunch time由中環暴走黎呢度- 百里居入番正題去九如坊呢個地方食野我通常都係直行直過去北越河粉唔係朋友介紹真係會miss左呢間餐廳餐廳唔算大都坐得有少許迫但勝在裝修又幾靚服務又唔錯佢個set menu 跟埋兩樣飲料我同朋友就揀左 無味精既是日例湯同洛神花茶是日例湯- 我地兩個係度爭論係黃瓜定木瓜湯無味精 但有火喉又入味 加上我個人最鐘意飲瓜類既湯個洛神花茶好濃 唔怕溝左好多水推介！到主食啦！我就叫左蔥油雞扒煎蛋 $65面頭淋左熟油 所以好香好滑煎蛋都唔怕老主角雞扒外脆內juicy 加埋蕃茄仔同椰菜做沙律 好豐盛！朋友就叫左日式咖哩吉列豬 $65個日式咖哩汁香而不辣感覺係平時超市買到個種日式咖哩食落冇雞扒個個咁突出但吉列豬扒唔怕炸到濕林林（諗起某台灣個個吉列豬就嬲嬲地） 總括黎講 唔洗加一 又湯又飲品（都幾大枝）又有埋少少沙律加主食 抵！所以第日經過九如坊唔好miss左呢間餐廳！…查看更多

星期六急急腳放工 為左要黎呢度食雞翼一行四人 叫左4個送叫左 「瑤柱肉鬆蒸水蛋」、「土魷蒸肉餅」、同埋兩客「蜜椒雞翼」叫完菜，店員每人比左一杯蘋果山楂少少甜 但好解渴我地坐既位置對住個酒櫃跟住第一道菜「瑤柱肉鬆蒸水蛋」蒸水蛋好正！超滑 真係蒸得好滑！質地好似食緊啫喱咁加埋香蔥同埋蒸魚豉油 簡直係完美既配搭最唔好係 份量就太少 好想再叫多次 攞黎送飯！跟住第二道菜「土魷蒸肉餅」個肉餅有咸香（加左蝦醬調味）餡料仲有馬蹄同埋土魷所有野mix埋既肉餅超彈牙又爽口！最後一道係我既最愛「蜜椒雞翼」呢道雞翼香脆既外皮沾上濃濃既蜜糖同埋黑椒入面係內軟兼juicy！肉質勁嫰滑所以點解叫2客因為1客先得6隻雞翼 4個人點夠分呢！依家每人3隻！都唔夠喉最後加埋餐送既甜品「香芒布甸」入面有少少芒果肉算唔錯整體黎講一頓豐盛又回味既午餐！…查看更多

同朋友行完Harbour City腳都軟埋搵到呢間海南少爺正 有海南雞食我既最愛！安排我地坐靠窗邊既位置望住海境 環境好舒服一入坐比左一份「炸魚皮」我朋友對炸魚皮極有要求佢話好失望我呢，對魚皮冇咩要求既呢就覺得只係唔夠脆 但魚香係有既對魚皮失望既朋友已經冇咩心機再點菜 好 等我話事食咩啦叫左個鳯爪不過不失跟住叫左個海鮮喇沙米線 $98正！唔怕辣到冇命 喇沙味好香濃 海鮮都幾爽口 唔怕「梅」當然唔少得係主角海南雞飯套餐 $98有湯有酸菜有雞同油飯個湯係杞子上湯 淡淡地幾清新酸菜既酸味算平衡 唔怕過酸又爽脆個主角-海南雞 就令我有少少失望首先 我得到係雞胸 ....我最鐘意係雞背....跟住d雞都幾鞋又唔香雞味麻麻地 但有咁既海景同係算合理既價錢（harbour city入面有邊間食野係平啊！😣😣)我都比佢合格既！加上佢既擺盆又幾有中國風 算啦！如果係harbour city 想食喇沙 可以再一黎！食海南雞既話.....唔....可以搵第間😂😂…查看更多

星期六難得早放 想搵個環境可以睇下書 chill 下上網搵左好耐之後 search 到觀塘呢間廿一由八呢間廿一由八 有得食又有得睇傢私 一次滿足我無窮既欲望個門面幾有個性 一入到去都好舒服有唔少飾物 但價錢都略貴 無他 made in Japan.再行入去入面有張梳化我一坐個員工話唔可以坐 Oh...原來梳化係唔比人坐 算啦 入去搵到個靠窗既位置雖然望住對面既工業大廈 但係環境係唔錯既係另一半點餐既時候 緊係搵本kindle出黎睇下書啦一路坐 都好多人入黎 環境都開始嘈睇唔到書 唔緊要啦 開動！呢度賣點係藍帶廚師 好期待啊！我地叫左「挪威煙三文魚藜麥蕃薯餅配牛油果醬及黃梅果醬」、「雞肉沙律」仲有凍熱情果茶同凍檸茶首先，個熱情果茶既果香味唔太濃 有少少遜息好試個沙律先 個沙律入面有一條條既芝士條 好香芝士味 煙韌既 唔錯！其餘配料大概有雞肉、生菜、粟米、花生整體黎講個沙律好新鮮 好fresh啊！味道就唔算特別跟住就係個挪威煙三文魚藜麥蕃薯餅配牛油果醬及黃梅果醬$68一啖咬落去嘩 從未試過呢個味道正啊！好濃既黃梅果醬仲有藜麥味！冇諗過三文魚、藜麥、蕃薯、牛油果、黃梅果醬可以咁夾！為左呢個薯餅 絕對可以再黎多幾次真係諗起都流口水🤤滿足完 慢慢細賞埋d日式傢具價值都幾貴 算啦 嘆左兩個鐘之後就離開lu…查看更多

上網睇到賣行廣告 決定同朋友lunch去試 首先一早打去book位 態度差去到攞位 態度更差 見到餐牌 完全沒有廣告所謂「親民價」台灣菜每人最低消費$78 叫左酥炸豬排+溏心魯肉飯 $78仲有醬燒鯖魚+溏心魯肉飯 $78酥炸豬排又濕 炸粉又甩皮 仲要好韌 十足香口膠咁溏心蛋就一d都唔溏心 連跟餐杯無糖紅茶又澀又細杯咁既服務態度都仲要收加一😡😡兩個人加埋成$188😡😡😡係中環食飯都唔預佢平但$78既入場門檻 就唔好話自己「親民價」總之可一不可再 冇下次！…查看更多

同四個同事打算試下，叫左上海粗炒、回鍋肉、薑蔥牛肉、小籠包、鍋貼、豆沙鍋餅。首先，每碟份量很小，回鍋肉就椰菜多肉就只有幾片。薑蔥牛肉又是蔥多牛肉只有兩三片。但就賣$70一碟！小籠包不合格，皮厚沒有汁肉都是老的！鍋貼更差，不是即製，皮超級硬及厚。沒有下一次，很失望，每人消費$90仲要唔飽！…查看更多