cath.leen's Profile

今次外賣4個餸，豉椒炒蜆啲肉極薄極少，全部殼咁滯，味道又唔係豉椒炒蜆咸味，好甜好奇怪味道完全唔夾啲蜆豬紅啲味道又係核核突突，都講唔出咩味，勁奇怪涼瓜又奇怪，又係偏甜，師傅係咪以為啲糖係鹽？落錯一碟就算啦，碟碟都落錯？辣子雞啲雞柴到爆，係夠味夠辣又如何，搞唔掂最最最差係啲飯，又乾又散，唔知點解咁差都做得出，話哂都酒樓吖，認真啲得唔得呀？之前試過堂食晚餐做節，啲野一係冇味，一係勁咸，咩事，原來以前權發都已經算係好......今次諗住再俾機會佢試下外賣，唉，仲衰以後唔會再買唔會再試，勸大家都唔洗試，除非你地like怪味野…Read More

叫左鮮蝦炒金邊粉，嚟到已經知賴野，冇乜色嘅，心中默默祈求佢只係冇樣希望佢有味啦……結果同個樣一樣係冇味，料偏少，豆腐乾都係得3條，仍然冇味，然後試下隻鮮蝦啦，個樣正常，點知一樣係冇味，冇蝦味冇調味，可以話係我係香港食過最失望嘅炒金邊粉海鮮炒米粉係餐廳推介，就正正常常啦，呢個又少少偏咸沙嗲串燒豬鞋鞋地，串燒雞就正常發揮全餐最好係個椰青！環境又唔係話差嘅，逼啲囉咁嘅價錢，咁嘅野食，有好多同類餐廳選擇好食過佢好多，一句：唔會推薦囉…Read More

晚餐諗唔到食咩就search openrice，見到幾多好評，就揀呢間，去到冇乜人，叫左小食拼盤，蕃茄蟹檬同Jk Special嘅雜錦湯檬。上菜個下已經覺得中中地伏，個小食拼盤勁hea，下面求其有幾條椰菜絲墊底，未食，反轉春卷全部都係燶哂，炸到硬哂，爛到啲餡跌哂出嚟，淨係睇到個樣都已經唔想食… 最後都決定試下，一食落去一陣怪味，啲燶位又硬又苦啲魚露汁正常應該酸甜，點知啲度又咸又唔酸，超奇怪試拼盤啲雞翼，又冇牛油味，又有怪味整體嚟講就係全部野都冇佢應有嘅味然後上左雜錦湯檬(牛腩，雞絲，札肉，肥牛)，一睇，又中伏，所謂牛腩多渣冇牛肉味，湯底淡如水，雞絲似雪櫃隔夜攞出嚟，札肉又薄又hea，肥牛有渣最後上蕃茄湯檬，一睇，又再中伏，個兩片札肉hea到一個點，啲蕃茄又有啲怪味，肉丸似大陸啲肉丸，真係食到口都wei埋收咁嘅價錢，俾啲咁嘅野客人食，性價比極低 極失望…Read More

只係想食個早餐，要個樣冇個樣，要咖啡，冇，要麥皮，冇，要轉白湯，要薯蓉，冇，要轉薯條，落單時完全冇提過。薯條油到冇朋友，唔識炸就去隔離麥當勞買啦，塊包又乾又鞋，最後都係放返低。。唉，唔會再去囉。…Read More

一入鋪頭勁香！d野食好好食！特別係chicken roll，石頭鍋飯d source幾好，可以自己調教，唔會太辣！想辣既朋友可以揀辣豆腐泡菜湯，好辣！！但可能太香，有烏蠅！…Read More