喺附近返工，見到有新店開，我呢個專試新野，緊係會試下先。啱啱開左幾日去食，可能係試業中，上菜速度有啲耐，但都勉強可以接受，埋單時問下點解，原來食物係即叫即整，唔怪得之，個侍應都不停話唔好意思唔好意思。我係太陽蛋守衛者，緊係點月見牛肉丼，嗰粒係日本蛋，蛋味濃，加埋個丼飯汁，唔錯，份量都足夠，仲有個沙律同杯茶。隔左兩個禮拜，今日同同事又再去食過，都係同之前一樣要攞飛等位，我地坐左個望街景嘅高枱，係公司成日望住部電腦，望到條街隻眼仔都開心啲。同事叫左個豬扒丼，我緊係偷食一塊，脆度適中，加埋啲蛋汁一齊食，唔會乾憎憎。我係守衛者，今次點左個漢堡煎蛋咖哩意粉，個咖哩汁份量啱啱好，味道適中，又唔辣，啱哂我。兩次食品都滿意，唯一不同，今次上食物比之前快左，可能佢地已經整頓好，仲有印花儲，我咁近一定換到😎…Read More
