香片's Profile

好耐之前已聽朋友讚呢間老牌高級餐廳，終於都有機會來試，平日晚上唔太多人，侍應服務態度很好，會細心介紹每道菜。餐廳環境都唔錯，典雅舒服。前菜叫咗蟹餅，唔算大份，但蟹味十足，幾好食。招牌洋蔥湯，的確唔錯，很濃足料，喜歡洋蔥湯的人，必試。主菜叫了肉眼扒，牛味都算濃，中規中矩。讚一讚，免費的餐包有4款可選擇，每款都很好食!雖然好飽，但忍唔住要食埋個甜品，叫咗"火焰雪山", 都幾大份，如唔大食，3/4個人分都得。外層係蛋白，內層係朱古力雪糕，味道唔錯，火燒雪山果一刻，都幾精彩。推介留肚食呢個甜品!晚餐價錢唔算平，不過味道唔錯，環境又舒服，都會再來…佢有dinner set,  如餐單啱食，叫set就相對地抵好多。…Read More

失望!!!環境裝修不俗 但樓底很矮, 擺位太密, 有壓迫感, 聽到晒隔離枱傾計, 好嘈!! 碗筷唔太乾淨,有漬.... 瑤柱蛋白炒飯-- 飯偏油, 幾乎找不到瑤柱, 味道尚可, 但份量偏細.最好食的點心算是"炸雲吞", 乾身夠脆,汁都幾好味 至於"山竹牛肉", 一上枱就見到是血紅色, 最多得兩成成熟,明顯唔熟??? 查問阿姐, 回答話裡面係熟的?? 唔想冒險, 提出要求換比較熟的...過了一會, 換了一碟一模一樣, 血紅色的牛肉來??查詢是否仍然不熟, 阿姐仍然是那句, "裡面是熟的".....沒有理會, 就走了去 !好了, 今次決定試下切開睇下, 是否如阿姐所說的?切出來,裡面當然是更加"血淋淋"啦......!!! 連基本的煮熟食物都做唔到, 亦漠視客人的意見 !這是什麼水準的食肆???  價錢亦不平! 成層樓都是美X集團的, 原本以為品質有保證,怎知極失望!!…Read More

朋友介紹, 雖知價錢略高, 但好似好出名, 對食物質素很大期望......不過, 沒有想像中那麼有驚喜 !:(:(:(蕃茄牛腩湯底----牛腩越煮越諗, 好好味. 意想不到. 牛背肉------朋友推介, 不過, 不知是否口味問題, 雖然價錢比普通肥牛貴一倍, 但不覺有什麼特別,無驚喜. 感覺普通肥牛還嫩滑一些 . :(墨魚滑---唔錯,很新鮮, 略貴, 但小小一碟, 盛惠近一百大元.三色手打丸-----新鮮彈牙, 味道不錯. :)總括來說, 食物都算OK,但不要因為它的名氣而有太大期望......環境有D 迫, 服務都算OK, 但就真係不要太有要求,因店員都是走有"爽直路線"........ …Read More

地方細細, 優雅的環境, 安靜悠閒的感覺......空間不太,無咩私隱, 想要談心就不太合適了 所有食物要預購,先付款再預約用餐, 這有點不太方便.原本想要下午茶時段,不過, 已經滿座, 惟有選午餐時段 12:00 -2:30pm.訂了個傳統英式下午茶 (2人套餐 $430), 包自選茶, ,鮮果及三層拼盤.呢個價錢,比起一般酒店的英式下午茶還要高些.自選茶,真係花多眼亂, 有英式茶葉, 花茶, 黑茶 及果茶任選一款.選了個花果茶, 聞起來味道很香, 但沖出來卻很淡, 唔知係咪茶葉份量唔夠, 無咩味,有D失望. :(土多啤梨, 都幾鮮甜.:)原本對甜點很有期望, 不過, 點甜味道很一般, 反而, 咸點喜出望外, 菠菜卷,煙肉批都好好味. 英式鬆餅實在出色......讚 !! ,後悔沒有另外再叫多個.Macaroon 比想像中甜同"實'.......失望!:(總括來講, 環境服務都算高分, 食物則一般, 可以一試, 都算是不錯的經驗 ........:) …Read More

團購,見唔貴又係盛八集團,決定一試.套餐包汽水,湯, 沙律,雪米糍, 炸物各一份, 另吉列黑豚無限追加.沙律---幾好味. :)味噌湯--- 一般炸生蠔---好嫩又多汁炸蝦---好香口:)炸茄子---新鮮,脆粉很薄.:)椰菜絲---都算新鮮, 但係醫汁有D怪.:(主角吉列黑豚-------食第一件,不知道是否一早煮定,唔新鮮,簡直不相信它是可以如此"硬" 同"乾", 到再叫第二件, 唔知係咪即炸,味道好咗,無咁乾同硬, 有番D肉汁同軟身好多.:) 但都係好一般的水準.總括來講其他食物都唔錯,:) 反而是主角吉列黑豚, 強差人意.:(:(:(以團購價來說還可一試, 但若比正價,相對食物質素,定價過高.服務OK, 但追加黑豚很慢....., 只可以夠時間追加一次, 建議要加幾多件,最好一次過落單.…Read More

都有一段時間無光顧"哈記", 想重溫一下好味道, 可惜失望而回.:(:(:(又一城呢間鋪細細, 選擇係十分少.想食的味道沒有,正在猶疑, 店員已經不耐煩的催促.....當我要求試味, 好不耐煩的給了一款我試,在這情況下唯有隨便選了兩款口味.我叫的是華夫筒雙球, $56.真的不相信"哈記"水準下降如此地步.......雙球雪糕大縮水, 兩個加埋等如以前的一球!:( 而且仲要一D都唔新鮮 !華夫筒一D都唔脆 ! 配搭的士多埤梨,又細又酸 ! :(Topping 的杏仁,真係碎到我認唔出它是杏仁.......係杏仁粉多D !無論賣相,味道同服務都令人失望 ! 我真係懷疑, 將來我未必會再幫趁"哈記" ! :(:(:(:(…Read More

在尖沙咀的樓上鋪, 好似有另一間分店專做私房菜的.座位有室內同室外的選擇, 雖然室外環境不錯,但大熱天還是選坐室內.假期晚上,居然只得兩枱客, 好奇它到底怎樣維持生計? 設有套餐, 但組合全是前菜, 只包括一客主菜. 價錢分兩種, 約$170 /位, 或260/位. (兩位起). 對套餐興趣不大, 選擇散叫.芝麻芥辣茄子 (前菜)---- 味道一般, 份量少.冰梅蕃茄(前菜)---- 之前有食評話好, 但真係唔覺有咩特別, 好普通的蕃茄, 唔係好值咁既價錢 .:(柚子雞翼(小食) ----- 好奇怪, 柚子雞翼但竟然有南乳味? 好彩味道都OK.薑蛋白炒飯---炒飯都算粒粒分明, 味道都唔錯.炸子雞--- 幾好味, 皮脆肉嫩. :)南乳燒骨----有驚喜, 南乳味不算太重, 肉肥瘦適中,肉汁鮮味. 值得一試. 甜品唔吸引, 同好似略貴, 所以無叫.總括來講, 服務同環境都算唔錯. 但食物味道質素只屬一般, 定價相對地略貴, 同一價錢在尖咀可以有很多其他選擇.…Read More

一間開了很久的日本料理, 選擇了吃午餐.午餐套餐選擇都幾多, 除了有7-8 樣精選set 之外, 亦可選擇餐牌中的款式再加小少錢變成套餐.套餐價錢差不多約由$70幾起至$100.講真, 是絕不算便宜的午餐. 不過, 水準是不錯.吉列黑豚肉套餐---- 外層酥脆, 內裏竟然是很嫩滑的, 雖然沒有很多層次, 但比起我在吉到豬扒專門店吃的要多汁. :) 套餐還包括飯,味噌湯, 沙律, 前菜及水果(今次是車厘子).朋友叫咗個三色魚生套餐都唔錯,-----有海膽,魚子同三文魚, 另加前菜,湯同水果. 環境算OK, 不過裝修就真係有些舊.如果想吃有水準的日本料理, 不妨一試午餐 .:)…Read More

好久之前便想試這間餐廳,終於有機會.......估不到大失所望. :( :( :(炸蝦併盤(三款蝦)---- 椰子蝦是最香同好食的:) , 天婦羅蝦味道普通 , 白焯蝦是無鮮味的 :( 薯條呢, M 記好食過佢. ($228):(芝士蝦通粉----份量少,得2-3隻蝦仔, 味道真係好似茶餐廳通粉加厚厚的卡夫芝士, 咁既質素,居然收咁貴. ($80) 凱撒沙律----水準算最正常, 不過不失, 小盤的$90. 但如你叫主菜,另加$42 便可以有一款迷你size的沙律. (Size比想像中大)蒜蓉包--- 一客2 條, 估唔到是成餐飯最出色的. 夠香脆. :)士多啤利Lemonade---OK ,但不要期望是用鮮果汁造的. ($68) 朋友叫咗芒果味,但太甜了.炸魷魚筒----極差! 根本找唔到完整的魷魚, 只係一些魷魚碎, 混了些番紅椒碎. 份量少,味道差. 好明顯是搵笨 !! 青檸檬批--- 合格的甜品, 但不要有期望. 上次有人影咗巨大洋蔥圈, 本來想試, 但發覺餐牌已經更改,現在已變成縮水瘦弱的樣子 :(. ( M 記之前賣的洋蔥圈仲大過佢), 所以無叫到.另外, 以往生日會送蛋糕, 現已經更改送一杯朱古力cream.山頂好多自由行, 唔知係咪太好生意, 唔休做. 所以質素竟然同以往的食評差咁遠??? …Read More

很久沒有食德國菜, 估唔到有驚喜. 德國咸豬手----應該是改良過的口味,不太咸,不太油, 外皮是卜卜脆的. 值得一試. :) 配上的酸菜, 味道不錯, 亦能幫助消滯. Ribs -----調味不錯,但不知是否肉太瘦, 以致燒出來略乾. 很大的一份,有8件, 算抵食. 但份量大, 若人少, 便沒有空間試其他菜式了. 建議提供半份以供選擇. 至於伴菜的薯角, 很酥脆, 十分讚賞 !! :) 芝士腸----濃濃的芝士包在肉腸內, 十分juicy. 伴菜的薯仔亦味道清新. :) chopstick:芝士沙律---- 不過不失, 可以一試.啤酒---- 試了原味,淡淡的很易入口, 似青島啤,適合喜歡清淡的人.不知是否要促銷啤酒, 餐廳並無清水提供.實在太飽了......... 甜品要等下次才有機會試了. …Read More

同一條街有兩間分店.總店裝潢比較花心思,分店就簡單些它分6 時及8 時兩時段.要訂位.叫了1.凱撒沙律 ----幾好, 不過, 沒有面飽粒.2.雞翼---芝士醬太濃3.鵝肝漢堡飽加薯角----牛肉多汁,鵝肝香.整體唔錯,價錢合理.服務幾好.…Read More

跟朋友去買,去到已經賣哂細件Cake.結果同朋友買了一個一磅的芒果蛋糕分了.原來蛋糕不只外面鋪滿了芒果肉, 連內裡都有層層的芒果蓉. Good ! 蛋糕味道剛好,不太甜,芒果很肉清甜.鮮果及cream 佔多些, 反而蛋糕佔的份量不多, 如果想飽肚, 要買多一點. …Read More

佢搬咗鋪頭第一次去, 以為有品質保證, 邊知失望而回:(唔係好多人, 但係阿姐招呼好差.叫咗個"綠豆沙涼粉", 一食, 嘩! ! 有" 燶味" , 同阿姐反映, 佢叫我換其他款式, 但期間不斷自己講佢聞唔到有" 燶味" 喎........><.跟住我轉咗食"西米涼粉", oh no , 太甜, 甜到好似食糖漿 .....同埋d西米有黃色物體 .....我決定放棄 ......唔食走人.無下次 ! ! !:(點解搬咗會變成咁 ???…Read More

朋友介紹了多次,這天終於有機會試下.一直以為是酒樓,去到才知是茶居.地方不大, 還算乾淨整齊.下午茶時段,不是很多人.看看餐牌,發覺點心並不便宜.小點$16 , 大點要$20, 同'美心"差不多價錢.發現有下午茶特價點心同粉麵, 先叫來試一試.點心都是小小的一件, 做得算精巧,味道不錯.芋餅是出面少有的, 做得不錯.四川擔擔麵亦都有水準.三個人埋單一百大元,比想像中平.細看才知道原來茶錢每人只收$2 , 很是便宜.如果下午茶時段都算抵食, 不過,我想如以假期價格計算,就有很多其他選擇,未必到這裡.…Read More

這間店舖開了好一陣子, 今天經過終於有機會試下,餐牌花多眼亂, 店員的態度很好,介紹了新出茶味濃些的"濃香珍珠奶茶"( $14) 給我.不過,保守一點,還是叫了最普通的"珍珠奶茶"($12).有大珍珠同小珍珠擇,點了大珍珠,店員還細心的問我,是否要少冰,少甜.size都算大杯,但"奶味"比茶味重,如喜歡茶味重些的人,我估叫"濃香珍珠"會好D.珍珠都算"彈牙".整體唔錯.下次,有機會可以再試其他款式.…Read More