daisuki's Profile

男朋友住長發, 開左元氣之後, 尼度就成位我地既飯堂~~重點係近同埋唔多人, 唔駛等之餘細細間, 坐得舒服~~ 而且尼度既服務態度真係好好, 每次尼都好有禮貌, 一坐低就會提一提如果叫蒸蛋尼類就早d叫定通常我就唔會食迴轉既壽司, 硬係覺得唔太新鮮~~ 除非佢岩岩整起放落去啦~~ 一尼到就tic tic, 壽司都上得好快又新鮮~~ 好少有漏單既情況~~~ 希望佢快d又開始有得申請元氣卡啦~~ 等我快d做佢地會員~~^^…Read More

今日口癢想食壽司, 8:50左右經過尼間, 見佢9:00開始壽司同手卷半價, 好似都ok侍應姐姐幾好禮貌, 見我地係出面等, 特登出尼問我地係唔係等9:00果輪, 仲同我地講唔好意思要9:00先入得, 麻煩我地等一陣, 雖然係未入得架啦, 但都俾我地知道佢知有人係出面入到去, 好少人, 其實都心摸摸... 咁少人d野食會唔會好難食叫左原條鰻魚壽司~~~ 8吋咁長~~~三文魚壽司墨魚壽司小帶子壽司甜蝦壽司蟹柳壽司炒烏冬豬頸肉串等等最好食係鰻魚同墨魚壽司~~~~ 味道足以感動我炒烏冬有d普通, 加左黑胡椒碎...... 令我有d卻步, 但烏冬入面既牛柳粒好好食!!三文魚就唔得, 薄得太過份~~~~ 而且有筋咬唔開..... 豬頸肉乾身左d, 普通啦~~~~不過最想佢改善一下壽司飯, 軟硬度ok, 但壽司醋落得少左d~~ 話哂都係壽司店, 飯係所有野既精髓, 飯整得唔好, 就所有野都打哂折扣對壽司有要求既朋友, 唔好尼啦, 尼間只係食平價壽司都係貪佢9:00就開始半價, 比其他壽司店早一d平價之選, 下次會尼再試下其他壽司…Read More

今日同男朋友去左青衣城的別府~~~ 咁岩唔駛等位~~~ 唔錯既一餐~~~ 叫左4樣野, 沙律巨型蟹柳壽司, 豬軟骨拉麵, 三文魚粟米pizza同燒帶子個蟹柳一般啦~~~ 唔多鍾意條蟹柳凍凍地~~~豬軟骨拉麵好好食~~~ 同個豬骨湯底好夾~~~~ 不過驚喜的是三文魚粟米pizza~~~ 個pizza底係酥皮的~~ 鬆化好食~~~ 因為有粟米, 味道幾清新~~~~燒帶子都唔錯, 不過係油左d~~~ service唔錯, d野食好快到, 不過上菜既時候見到檯面放滿左吉碗碟, 連新上既菜都冇位擺, 但依然唔識收碟, 就真係抵打…Read More

之後冇食過花園餐廳, 但見佢區區都有一間, 諗住去試下啦...點知就出事啦~~~今日同男朋友尼左尼間食, 我要左個西冷扒, 男朋友要左個帶子石斑.........先講我個扒.....好鞋.... 唔好食, d薯條都仲好食過個扒~~~ d菜既味又奇奇怪怪... 食左一啖就唔想食男朋友既帶子石斑仲大件事炸既帶子d粉漿仲多過粒帶子..... 挑粒帶子出尼望下, 原來得粒大花生咁大......好彩杯凍檸茶都算ok~~~…Read More

星期日, 第一次去迪士尼酒店吃tea buffet, 感覺非常新鮮, 剛到門口已經眼前一亮, 地方不太大, 但感覺非常舒服, 歐式裝修, 面對落地的大玻璃窗, 可以看到外面的米奇迷宮, 在場更有琴手彈奏迪士尼的歌曲, 頓時有一種置身於外國的感覺。2:25已經有數個人在等位, 看到侍應十分快手地將lunch buffet的食物收回, 然後放上tea buffet的食物, 安靜且迅速可能因為是tea buffet, 食物的種類比較少, 有一些中式點心如蝦餃燒賣, 三文治, 和西式的甜品20款左右。但無論是中式還是西式甜品是水準之作~ 極力推薦米奇曲奇, 鬆化而不太糊口, 非常好吃, 不禁吃了好多件, 還有杯形的tiramisu, 咖啡和咖啡酒平均得很好, 更難得是用朱古力做成杯形, 可見師傅的心思。不得不吃的還有士多卑梨, 本來是朱古力噴泉的材料, 不過只吃士多卑梨更好, 伴以師傅自家製的士多卑梨醬, 可以吃到不同層次的甜, 非常有趣一邊和朋友聊天一邊吃, 由2:30吃到5:30, 期間食物refill得很快, 待應服務一流, 收碟快之餘, 客人離開坐位時更會幫你褶靚條餐巾放回桌面, 5:15更會溫馨提示一下客人tea buffet快要結束, 要拿食物的可以在5:30前拿, 服務100分。5:30埋了單, 才記起想影相, 待應不但沒嫌我們走來走去嘻嘻哈哈成個大細路, 阻礙他們工作, 更主動幫我們攞盡d靚角度影相, 唯一的遺憾是, 看不到米奇米妮等卡通人物。其實本身對迪士尼感覺普通, 不過吃完這一次tea buffet後, 有時也會心思思, 同個friend講: 不如下次再去lor *留意只是星期六, 日才有2:30-5:30的tea buffet…Read More

昨晚和朋友去吃dessert buffet, 8:30-10:30那一場滿心期待cova的蛋糕, 之前吃過一次芒果蛋糕, 非常非常好吃, 期望這一次也會吃到如此有水準的蛋糕一去到其實有點失望, 只有2-3款蛋糕和很多餅乾, tart........ 只好拿了幾件, 回去和朋友聊天....... 去到大概9時半waiter才再在雪櫃中拿幾款蛋糕出來全晚吃了好多蛋糕, 應該是我一年份量的蛋糕, 包括小型的fruit tart, 正常size的fruit tart, 車厘子朱古力蛋糕, 燕麥蛋糕, 榛子蛋糕, 有芒果的tiramisu和全場唯一的咸食: 煙三文魚最愛的是榛子蛋糕, 木槺蛋糕和煙三文~~~不過應該以後都不會再去吃dessert buffee~~~ 一下子吃太多的蛋糕, 不能好好欣賞每一件蛋糕的美味><"............. 而且cova的蛋糕沒有想像中好吃, 還有很想知道那些是什麼蛋糕, 有些只看外表是猜不出的...... 朋友今晚除了去吃蛋糕, 成了白紋衣蚊的晚餐....... 真係出錢出血....…Read More

第一次寫食評, 就寫屋企附近的尼間金城餐廳, 佢分左小廚同粉麵2間, 小廚都已經有10個good, 但粉麵尼邊居然冇人寫, 真係浪費! 佢既營業時間去到凌晨1:00, 12:30尼買都仲得唔會好早收哂爐~~~ 尼間野最好就是大眾化得尼大件夾拭食同好食, 價錢由$1x到$4x都有, 粥粉麵飯鋸扒煲仔飯同小菜都有, 次次同男朋友尼食, 都一定可以滿足地走先由$10幾蚊既講起, 最愛尼度既雲吞麵$10幾蚊, 加d蔥加d金銀蒜同冬菜, 非常好味~~~ 雲吞有蝦之餘仲有少少豬肉, 同有d芝麻係入面, 食食下咬到粒, 忽然有d麻油既香味, 好好食, 唔似食其他雲吞咁, 名義上係雲吞, 實際上係雲吞皮包蝦, 另外可以加菜, 都係加多$4~~~飯類方面, 本人的至愛包括芙蓉蛋飯, 魚香茄子飯同焗葡國雞飯, 尼d都係$26-$28左右, 芙蓉蛋飯大大碟落足料, 蛋是外面煎得香, 內裡還是軟軟滑滑的, 材料有蝦, 叉燒, 牙菜等等等等.... 而焗葡國雞飯更是即叫即焗, 不過不想等的朋友, 都係叫第2樣好d, 尼個要等一陣, 起碼俾d時間佢焗男朋友通常鍾意食尼度既扒, 份量大到佢都食唔哂, 都係$40幾, 有湯有野飲冬天尼度仲有煲仔飯, 2張檯有10個煲, 一有人叫就整, 你仲可以睇住佢整, 不過都係果句, 唔想等既朋友都係唔好叫, 因為你叫佢先整, 都有d時間等下.... 但等待係值得既, 又真係幾好味服務呢~~ ok啦, 唔好諗住有專人服侍你, 大家都係街坊嘛~~ …Read More