Kenixoxo's Profile

今日同媽咪去左lee個Southside 入面僅有可以飲茶的地方座位安排十分混亂 登記名同電話 冇飛揸手只要大聲同嘈就可以入座🌚 比人打左兩次尖🌚入座後 茶$18 小食$18 XO醬$18 明既地段問題點心偏貴 但都係尚算正正常常偏好食既待應人手都足夠 尚算殷勤既不過唔知由幾時開始 係香港食嘢就好似俾人搵笨同交智商稅 貴真係唔係問題 係唔值…Read More

去salon前有空檔 想搵間cafe chill下叫左個牛小排lunch set牛小排 沙律 薯條 連飲品 盛惠198賣相很一般 所以一開頭都冇打算影相沙律普通 薯條正常 牛小排係超靭 同冇味佢話五成 我覺得係三成熟食食下已經同待應反映得到既回應係「牛小排係比較多筋同靭」Ok fine 以後都唔好食牛小排 同黎lee度附上食剩牛小排特寫一張。完。…Read More

食物質素 環境不錯尤其喜歡黑松露薯蓉但侍應態度一般喺冇人等位嘅情況下三催四請催促我哋埋單同行友人甚至淨係食咗一半有啲過分其實我哋唔介意再叫多啲嘢食坐耐啲咁樣趕客法好難會吸引到人再去……Read More

一早Book左七點半， 7點三未到已經去到，見鋪入邊有幾個空位，入去同職員講自己book咗七點半，點知俾人趕返我出門口乾等，一個原因都冇，都搭正七點半，我再衝入去問，都係叫我返出門口企，過多5分鐘，終於叫我入去啦，完全唔知發生咩事，啲職員嘅咀臉仲好似係我做錯咁添，不知所謂。講返食物質素，的確係唔差嘅，我哋叫咗個帶子刺身，左口魚壽司，黑色蟹籽壽司，雞翼串燒，翠玉瓜串燒，兩款卷物，一款係吞拿魚卷，一款係芝士炸蝦卷，仲有一碗牛肉烏冬，同埋一碗豬骨「延茜」拉麵，刺身壽司質素平均，唔算10分驚艷，係黑色嘅蟹籽比較特別，雞翼本身調味不錯，加埋檸檬汁真係好好味，翠玉瓜一般，唔似坊間嘅做法，冇任何燒汁芝士或者係木魚片係上面，普普通通，兩款卷物不過不失，炸蝦卷上面有兩層芝士，口感較為特別，牛肉烏冬係用左稻庭烏冬，本人麻麻，而另一碗拉麵，湯底10分濃郁特別，值得推介。整體而言，店內裝修10分有誠意，食物質素都唔差，但員工………Read More

Lee日兩母女又懶得煮飯，去咗屋企附近嘅呢一間台式餐廳度試下，見佢唔係連鎖，啲裝修懶係台風咁，我同媽咪都每人叫咗一個set，我就叫咗豬扒set，媽咪就叫咗雞扒set，一個set入邊就包一個飯一個餸，一碟菜，同一個燉湯，價錢就唔太記得但係一個人人均消費係$100以下，都叫抵食，坦白講，嘢食就冇乜驚喜，同茶木差唔多，不過叫做貪新鮮試吓咁囉，燉湯我就因為太飽所以冇飲到，但媽咪話都唔似有味精嘅，總括而言，試一次就夠啦。…Read More

之前又去旅行又病又返學，好耐冇出嚟試新野啦，今日去完尖沙咀整完頭髮，咁岩見到呢間野，男友話呢間野都出名，又唔算多人排隊，咁就入去試吓啦，我就叫咗個野菜豚角豚骨沾麵，男友就叫咗個辛辣野菜豚骨沾麵，我嗰個就有好多芽菜，有啲好似肉丁咁樣嘅豬肉啦，咁成件事就有啲似打邊爐，放啲麵入去石鍋整熱佢食，啲麵個質地就比較似烏冬嘅質地，湯底就冇乜特別，不過不失，啲肉丁就偏肥，但好惹味，男友嗰個呢就剩係得椰菜辛辣湯同埋面囉，但係佢好滿意。另外我哋都叫咗個沙律唐掦雞，味道普通，冇乜驚喜。…Read More

突發地好想食烏冬，仲要係石鍋個隻，於是就喺OpenRice度搵，終於搵到呢間係尖沙咀，又方便又唔差嘅，就搵埋隻豬仔一齊去試，我同豬仔都揀咗魚介豬骨湯底，我就揀咗配芝士吉列豬扒，豬仔就揀咗配牛肉，烏冬呢就可以揀手打烏冬或者稻庭烏冬，我見手打烏冬有個推介嘅logo，就揀咗手打烏冬，碗麵嚟到呢係滾嘅，入邊仲有隻蛋，加埋d不知名既草（？），撈埋一齊已經好好味，手打烏冬口感好好，韌度剛好，芝士豬扒總共有四舊，我就選擇將芝士豬扒浸一浸啲熱湯，等啲芝士溶返少少先食，同個烏冬好夾，好好味，lee餐我同豬仔都冇乜對話，淨係掛住低頭食食食同埋餐廳好嘈，對lee餐都幾滿意，唯一唔好處就係座位有d逼同嘈，有機會一定會再encore…Read More

原本同男友諗住去登龍街嘅金田家試吓，點知金田家裝修，又落大雨，於是好草率咁望下周圍嘅鋪頭，發現呢間幾骨子，又話係咩第一間米之蓮一星嘅拉麵舖，就亂入左勒，我就點左個燒雞味玉拉麵，男友就點左個辣嘅燒雞拉麵，湯底冇乜特別，成個拉麵我最滿意就係粒蛋，但個人始終都係覺得拉麵都係配叉燒好食啲，亦唔覺得碗麵有咩特色，我哋亦都叫咗一個餃子，都係普普通通，總括而言，好普通好平凡，價錢都唔親民，一句講晒唔值唔抵。…Read More

之前同男朋友mark實左呢間想試好耐，終於有機會一試啦，喺門口個Menu，同埋白色嘅裝修真係令人好期待啊，因為未係食飯時間，所以店入邊冇乜人咁啱坐係我同男朋友隔離有一對㗎仔，都即刻令我覺得呢間鋪頭係咪正到有㗎仔嚟幫襯，不過個Menu閑閑哋一個鰻魚飯已經係$168 ，生嘅更加係200起跳，最近已經食過鐵火堂，所以就食兩個熟㗎啦，一個鰻魚飯一個滑蛋豬扒飯，結果鰻魚飯同相入面完全係圖文不符，滿滿嘅蛋絲完全消失，豬扒飯亦都嚴重營養不良，啲豬扒係韌既，丼丼屋都不如，仲有個班店員，差啲連水都係自己斟，自己去廚房落單咁滯，極度唔推介:(…Read More

不嬲都係常客，不嬲都覺得服務唔好不過野食味道搭救，好想透過lee個平台令佢改善下，可惜冇用，次次叫外賣都搞到潑婦咁，其實收銀既傲慢態度已經令人好激氣，仲要見d員工係度傾計玩電話都冇人處理我個外賣，咩料，我以後都唔會再幫襯…Read More

男朋友話新城市新開嘅戲院好正，於是就同佢睇咗套與神同行2，之後就去搵食啦，其實呢一間野之前都有留意過，不過實在太多人啦，今次見唔係好肚餓於是就試吓排下啦，最後排咗個半鐘終於食到喇，入到去呢佢都係用iPad點菜，有高速線，壽司既選擇比起元氣、板長來講唔算多，但就十分高汁，價錢亦都好公道，無論係湯、壽司、炸雞，樣樣都好滿意，我一定會再返嚟食…Read More

之前嘅食評入面都提過我係一個濕疹嘅患者，所以我基本上係唔可以食牛肉嘅，咁但係人呢就係為食嘅，所以既然我quota唔多，我就會揀啲最好嘅黎食囉，錦麗呢都算係近排我最愛嘅牛肉河勒，但我呢就比較鍾意食呢度嘅熟牛肉河，個湯底好味就不在話下啦，熟牛肉既質地有啲似牛腩，我比較鍾意呢種質感，但食生牛肉河嘅男友亦都讚不絕口，至於個蝦餅呢就好普通，又油，又唔知點咩醬好，唔推介…Read More

平時拍拖成日出街食，一有時間，當然要陪下媽咪撐枱腳啦，lee日就近近地揀左天晉既越南菜，星期日又有set，又唔洗等位好難得，叫左個菠蘿炒飯set，冬陰公豬扒金邊粉同一客串燒，個set包左一客豬頸肉沙律同埋一客甜品千層糕，頭盤，主菜，小食，甜品都有齊，埋單唔洗三百，已經好滿足，味道就正正常常啦，正宗又講唔上，不過幾欣賞個千層糕連埋椰漿一齊上，口感好豐富，之前未試過…Read More

去完深圳路過沙田新城市搵食，人多就梗架啦，咁岩男友有個商場app可以電話㩒飛，即刻魚翁撒網咁㩒，結果就中左lee間勒，我同男友都食意粉，我就蕃茄carbonara，男友就羅勒醬大蝦意粉，味道就普普通通，冇乜驚喜咁，但假期係新城市搵到食已經算係咁lor…Read More

因為食物品質唔差，加上地理位置方便，其實我成日幫襯佢，不論早午晚宵夜，但真係一次比一次失望，d店員唔憂做咁，尤其戈兩個收銀，d態度真係.....講返食物質素，今日叫左皮蛋瘦加炸両set，皮蛋瘦d料少得可憐，味道係唔差，炸兩份量剛剛好，油炸鬼戈part夠脆，腸粉皮有蝦米蔥花，十分惹味但唔該，改下d服務質素啦！…Read More