LindaNg9266's Profile

餐廳位於韓國街，座位唔算多，是典型的韓式小店。兩個人叫咗三樣嘢，呢個石頭返去見到喺牆上面推介所以叫嘅，芝士泡菜石頭鍋飯。我個人覺得幾好喎雖然好似只係兩片芝士但係芝士味好濃郁。有雞蛋係底，趁佢未熟之前快啲撈勻佢，令到啲飯更加嘢味，呢個係全餐飯我覺得最好食嘅。另外叫咗辣炒豬肉，穩穩陣陣，如果可以落多少少就更加好啦。另一穩陣之選，辣豆腐海鮮湯，正正常常，又係嗰句如果可以再落多少少就好，稍為好似唔夠其他韓式小店咁好食。不過價錢就真係好抵，叫晒三樣嘢兩個人都只係$234，作為一個晚餐我覺得抵食。…Read More

想去果欄所以喺附近食午餐，之前喺度食個晚餐今次就睇吓午餐有冇優惠先原來真係有午餐嘅，不過我就覺得個餐牌有少少複雜，因為實在太多選擇啦如果有選擇困難症呢就真係會諗好一段時間囉不過我呢一心想食龍蝦湯底，又覺得炒飯飲晒啲湯先至最正，我就叫咗豬肚金菇同木耳做餸啦。對比起本身個午餐我就帶多咗一個餸，有冇叫多一個餸會送飲品，都係落單阿姐講，最後睇返餐牌先知。所以唔好錯過啦。飯嚟到啦，原來湯飯裏便嘅飯同埋啲湯會分開上嘅，我又覺得幾貼心。因為我幾欣賞啲飯幾好咬口。不過龍蝦湯底呢，如果就咁飲就有啲咸，同飯一齊食嘅話呢就啱啱好啦。下次經過開我都會再試吓其他，值得食既…Read More

雖然天氣熱辣辣，但我依然想食佢，上次食左麻辣跟蕃茄湯底，今次就keep住麻辣，叫了成雙鍋。我覺得湯㡳好正，麻辣好香但不算辣，如果鍾意食辣就可能要叫佢加辣啦。清湯都好夠味上次無食一碟碟肉，今次食返夠本，叫了一碟快樂羊，一碟豬。重再叫蒙式烤串，依個真係要叫，好好味，每次都想食多串。不過每次都眼闊肚窄鬼馬墨魚滑，中規中矩，叫做無失望值得一提，當然要在OpenRice 訂枱，又可以輕鬆睇到幾時有位，重要係有8折呀！我食完已經見到好多人等位，所以一定要訂位啊兩個人埋單$800都ok啦…Read More

星期六的lunch 同weekday 一樣，都係semi buffet 的形式。 前菜跟甜品都在出面拿，都好多野食，有ham, 有三文魚，有cheese, 有餐包，有湯，同各式各樣嘅沙律，講真樣樣都食晒呢真係會好飽。今次嚟到呢兩個月份做優惠，會送一個海鮮拼盤，拼盤裏面有龍蝦有生蠔有鮑魚仲有幾隻大蝦。食到呢度真係已經飽左一大半啊，但係實在太好味啦。主菜時間到啦，我食白汁煮青口，好好好好好味，係好味到啲蒜蓉包都好正，熱辣辣脆卜卜，我都要攞嚟點汁食晒佢啊甜品我就真係飽到食唔到啦，但係見到啲曲奇餅都好好味我就食咗好多塊啦值得讚下refill速度好快，食到只有三份一左右就會即刻攞碟新出嚟，最後重有餐茶，真係捧住個肚啊…Read More

這是一間西班牙小店，舖頭唔算大，但優雅別緻。店舖位於商業大廈內，在地鐡站出口行幾分鐘就到，一d都唔難搵。未食之前當然去OpenRice 睇下有乜推薦，見到個個都叫蟹餅，當然叫返個試，都ok嘅，個樣好靚，同唔係度度都食到，兩個人食不過都幾飽沙律都okay正常，叫做大大碟，同靚靚地。叫左個意粉，正常野，都不錯。其實好想試西班牙飯，不過點都唔可以錯過大家激讚的甜品。全晚我覺得最最最不可錯過的真係個甜品。依個麻糬窩夫有少少荔枝味，我本身已經好飽都忍唔住食左一大半個，真係有得睇又好食。下次再黎都會再叫呀…Read More

這夜遲了收工又下大雨，大約十時十分去到這店，點了四款菜，叫了個啤酒，才三百多四百元，價錢ok. 當中那個辣炒豬肉味道其實不錯，夠鑊氣，熱辣辣可惜的事有個樣貌相對比較好的韓國女生侍應，全程超黑臉，超悔氣，也沒回應，可能生怕我們阻著她收工吧，幸好店內還有很多人，也幸好我之後還有人入座，這餐飯我用了二十分鐘冲冲吃完，免得看人臉色。…Read More

今日行完元朗廣場走去漁民麵館原來多左好多新野原來依家日日有燉飲，今晚有花膠，雞腳，鮮淮山，鮑魚，栗子，椰子，瘦肉。好多料，真係用燉盅上，而d料真係全部食得返，鮮甜，味道剛好。屋企煲湯無法出到燉湯feel啦，$68我都打包左個俾媽咪飲超級推薦之後叫左花膠冬蔭公粗麵$50，花膠大，冬菇照舊正。我自己就好鍾意個冬蔭公味有新意，見人人食豬軟骨我又立即加返$10，又林又入味男友就食四川麻辣米線$38，有豬紅，豬肚，木耳。味道幾好又唔太辣Encore 埋我必叫的皮旦再食個桃膠，超滿足下次再黎飲湯先得…Read More

經過元朗廣場巴士總站附近，見到依間新開的漁民麵館，叫埋朋友入左去試下。估唔到依個價錢，可以有咁大塊花膠，性價比高，花膠同冬菇都好入味。推介花膠撈粗同花膠燉鮮奶，食完個鮮奶個咀真係黏住黏住，好潤，一定會再去。講真，咁嘅價錢食咁大塊花膠，好過自己發，推介大家去試吓😋😋😊…Read More