無肉不歡大哥's Profile

以前在柴灣工作時，常常也食這間，闊別多年回到這間，實力依然保留到。可惜我當天去沒有叉燒食，最後叫左個燒肉油雞飯燒肉真系脆皮，而且食落去唔會感到好油膩，最緊要食落唔似磚頭禁硬油雞就雞味就真系重，可惜表皮既豉油味唔濃系差Ｄ既。而燒味飯最著重既飯底，唔會太軟太硬，適中的，我食燒味飯最緊要多「色」，不過佢地Ｄ色好似淡Ｄ，唔知系咪就返老人食多呢？這間我真系好鍾意食，打完食評我今晚再食多次 剛好路過工作。P.S. 大家如果唔系特別餓既可以叫一碗唔洗一碟，份量少Ｄ架!!…Read More

一團五人，原本想食放題，可惜有位魔頭不能食海鮮，如果食OB又太過普通，所以介紹下食這間德國菜。首先哥我對德國菜認知比較少，腸丫啤酒丫豬手丫，所以食評如唔夠國際的話食見諒。個環境幾有FEEL架，仲有LIVE BAND SHOW可惜有部大電視播住NOW親聞，這樣比較失誤。睇睇個MENU都幾多野食禁，而且平日有優惠款式選擇。當然先叫杯啤酒啦唔記得叫咩名,不過這款德國啤之中算是甜味重的。頭盤叫左個雜菌沙律驚喜不大，可能歡哥我只能對肉類有衝動下一道，農夫麵包拼盤我喜歡食個麵包其他就麻麻地，個包好香麥味而且食落去幾甜味道唔錯。德國腸拼盤朋友話食唔出有咩分別，不過我就覺得主要是咬落去果下既感覺，雖然亦都食唔出咩肉打咩肉，不過味道唔錯而已亦都幾飽肚。德國脆豬手皮脆而且肉味濃，而且唔算太肥，油膩感無乜的確抵讚，份量算是大的，我一個都食左3-4舊。最後叫左個甜品，唔記得咩名了類似蘋果批的感覺，我加了好多甜忌廉，因太酸了，而且出現了很多我唔喜歡的NUTS，不過個皮幾好味。最後一共食左$11XX，都OK既!! 不過不失。跟據我朋友由德國遊學完回來說，這間德國餐廳的確幾似系德國食的味道。YEAH 唔洗去德國就食到德國味道的德國菜，香港果然系個美食天堂。…Read More

今日閒話短說，今天比較忙。小籠包是值得推介，不過真系比較貴了點，但皮簿多汁，汁味鮮甜的確再想叫多籠。黃魚擔擔麵，黃魚炸到皮脆而魚肉汁完全封鎖在內，不過擔擔麵就的確唔夠味，麵質尚可。牛肉包，絕無下次，咬落沒有脆感，而且包內的肉很少，味道亦不算好，所以可以不試。環境算大的，位置都幾闊，傾計開會的確唔錯衛生當然無問題啦服務的確有改善空間，不竟是新開餐廳P.S. 請體諒比較短句，因為比較忙碌而且希望盡快打上黎，請勿見怪如有興趣看哥我更多動向，可於FB尋找「無肉不歡」，感謝各位支持。…Read More

灣仔道想吃米線，非去這間不可。去食前留意幾點：1) 平日下午一點至一點半這個旺到喊既時段，唔好去迫2) 如食米線的朋友，可唔叫凍飲住，門口轉角有間果汁店，飲佢地杯果汁消除下D油膩感。3) 辣度分為：BB、小、中、大（我本人怕辣但也吃小辣，味道較為濃Ｄ)入返正題，當日哥我LUNCH TIME，就帶埋同事去食這間開鋪至今，日日爆多人既「翠湖軒」，通常1-2人會好快有位，否則慢慢等啦。我就叫左雞排豬排酸辣米線（小辣）加一杯凍豆漿，其實這間店我覺得雞排是必食的，雞排皮脆，仲帶一點麻痺感，的確蠻爽的，而且痺得黎唔辣，而且雞排大大份，的確幾吸引。豬排只是配角，但味道亦不俗，而且並不難入口。湯底裡帶點肉碎，一齊飲啖都感覺唔錯，不過我相信亦不少味精，好味就食左先算。杯豆漿其實唔太濃味，下次我唔會叫的，只是叫個飲品試試味吧。環境: 繁忙時段真系好迫下，連中間條路都無，但D員工仲系禁叫人入黎，其實幾唔鍾意禁。服務: 不過不失吧，我幾鍾意有個老伯的，好瘦的，但全場最有待客之道。衛生: OK既，未有很壞的感覺啦其實價錢相對譚哥算蠻貴的，不過好味就算。…Read More

系灣仔返工都有一段時間，這店也陪伴我不少美好時光的。今天帶同事去試下呢間啦!每人叫左個魚生飯及追加小食。首先來到的這個火炎鰻魚玉子，其實我本人比較欣賞日本菜去制作蛋的，多麼容易取用的食取，如何花心思去弄到好好味，這個很考廚師的耐性與心思。講返這個小食的味道，咬落去比較乾身，但不會有煎濃既感覺，甜甜的蛋味還保留，中間的鰻魚反而沒有驚喜，只是覺得太少。同事叫了勝手魚生飯，佢話魚生吃得出比較新鮮，只是唔夠厚切及太少，帶子佢就激讚啦，鮮味完全放進口內，沒有一點保留。哥我就叫左我最喜愛的「雜錦魚生飯」，雖然比過往份量越來越少，但味道始終沒有變過，雖然只是角切魚生，但味道依然鮮甜，這樣証明新鮮先好重要的。另外魚生飯套餐我覺得比較抵食是因為有魚生飯有湯之外，還有蒸蛋及麻醬沙律，而且味道也相當不錯。小貼士： 我很喜歡點菜時叫佢蒸蛋後上，因為我最後才吃，所以後上會比較好選擇。我對於佢環境其實不是太滿意，特別是後巷位置，有小昆蟲路過，樓上的水管聲還能聽得一清二楚，有選擇的別坐最入吧!! 服務也是這裡需要改進的地方，服務員態度其實給人一種差的感覺，太沉默而且唔主動，禮貌欠奉。(特別是女服務員，上菜時弄到吉牒翻側也不去弄好去，而且時常呆企，叫她也沒反應，終於能叫到佢，又呆呆地應對你，感覺蠻奇怪。不過性價真系蠻便宜的，而且食物質素也不俗，路過午餐可以一試…Read More

哥我的同事們生日，禁我就諗去食乜lunch啦!!佢地又話要有創意既，禁岩諗起「生日豬」。早一日就打去訂台啦!! 因為食生日豬要早d訂台既。去到當日啦...晨早流流!!! 我都未起身就連續打兩次電話黎嘈我起身!! 要我確實張台!!!我的美夢就此打破了!! 準時去到季季紅啦!! 去2樓度食!!果層特別好多電視，不過全部都系不停重播「生日豬」廣告!!!洗腦洗到爆!!而且不能轉返cctvb睇新聞。算數吧!!齊人就上隻豬啦!!首先佢就拎隻「未切」豬放系枱面供奉給每位客人既相機。之後叫佢切開啦，點知佢拎返入廚房切，這個不是太滿意既我，因為睇人地切豬都是一種可供欣賞既過程。好開心終於有得食啦!!隻豬肥到...根本食唔到有豬肉味!!!不過脆皮就真系幾OK既!! 不過如果乳豬皮都唔脆就真系可以摺埋。下面個飯底都食唔到有蝦米或飯味!!!!因為d豬油滲透哂落個飯度!!!不停食就不停要飲茶，前前後後飲左至少有10杯OMG。嚴重唔OK!!我地仲叫左其他點心，不過麻麻地無咩驚喜，一般到爆!!「小籠包」100%不能叫，超級唔好食。最後埋野好似800元左右，11個人的!隻豬就多謝你$620! 如果下次有人生日，生日豬BLACK LIST 再 BLACK LIST。p.s.門口有堆與明星的照片，下次可以尋找能否見到哥我與他們的總廚合照不過即使有佢見到這篇食評都收番...xdxd…Read More

  今天約班舊同學食飯，原本諗住APM打邊爐，不過發現...APM無邊間任食又要好好味既，舊同學提議下去佐敦這間「大鍋口」。初時聽到就不禁「頂」，放工時間由灣仔過去尖咀果邊，一定塞車塞到媽都唔認得，仲要泊車勁貴!!!點知個「大鍋口」這個商場同童軍總會停車場有連繫，系商場消費過500蚊有FREE 2HOURS，成件事滿意哂!!當然提提車主們，如果幾個朋友都渣車的話，走時記住叫經理開多幾多OVER 500蚊既收據落保安部囉優惠卷。首先我們一行6人，只能叫一個鍋，我地就揀了一個蕃茄湯底...不過唔知系咪多人黎食，個湯底好似溝左好多水，所以唔夠濃味。 個任食點心紙，都記多選擇，不過最特別就系有「是日精選海鮮」，仲要系任叫!!! 這個選擇我真系未見過其他有囉!! 出發前我已上來看看食評，肥牛出產量極奇低，寫4牒就黎2牒，而且每牒份量好少!!不過我密D口時就密D手任點!!肥件質素系任食來說，最高最高既一間!!肉味重,口感好,唔會肥到件塊肥牛白色!!喜歡任食火鍋食肥牛既, 真系可以唔洗考慮即黎呢間試!!另外芝士丸等會爆既丸類亦是值得一提既佢款式好多，有D系市面買唔到既丸類，咬落去入面既醬系有芥末味，這款感覺很特別。墨魚滑廚師做得蠻不錯，應該用了很多墨魚打出一份，因為咬口彈牙，而且墨魚味好濃，不過我喜歡會加埋蟹子，這樣口感會更細膩。打邊爐配午餐肉我都系第一次試，真系好味!! 不解釋啦!!! 請點佢啦!!環境唔似酒樓禁迫，算是舒服的!!而且坐緊WINDOW都有風景睇架!!服務就真系需要改進，不過體諒既禁多人流。P.S. 好彩我舊同學有訂台，昨天星期二晚上八點半出面都排左好多人喇!!黎緊個冬天我諗我會系度不停食呢間打邊爐，送佢兩隻字「平靚正」…Read More

歡哥我做設計呢行成日都收凌晨既，話說當日晚上收工之後，慶祝我連續放五天假(BTW第2日已被CALL返工忙)，就收工渣架「烈火戰車」衝去九龍城食我最愛愛的小方糖，這間店我初初食就無乜人排，我越多得多就越多人。別迷上我，哥我只是傳說。其實每次黎到呢間小方糖我只會叫一款糖水「龍珠」(切記龍珠改唔好叫，我覺得麻麻地)，這碗龍球食落清甜，而且有椰果、珍珠、西米、沙冰等的口感唔同材料MIX埋一齊，仲要配上龍眼肉實在「天上只有」。環境其實我覺得比較迫，如果成大堆人的話就真系要等好耐。其實服務呢樣，真系好難評如果多美女店員的確會高分D，不過歡哥我只對食肉有興趣，所以服務蠻不錯，幾有禮貌及笑容啦!!P.S. 每晚12點後先少人而且門口有得泊車幾方便下…Read More

歡哥我果日星期六放工回家沖個涼後就好肚餓，諗住渣車落去官塘食蛇，點知就大塞車，見前面有位就當然即時泊埋去啦fit哂!!行過附近街食蛇又睇唔到車，實在唔忍心為左午餐俾多$320，所以就揀左間見門口lunch set有「焗」就入去食過快餐啦!!菜單望落就普普通通，問店長有咩好介紹，就試左"芝士白汁海鮮焗飯"，本身我對這種叫海鮮的焗飯，會有種預左被人呃既感覺，因為日本魚旦等麵粉扮海鮮通常都會現形。點知黎到嚇左嚇，真系估唔到禁足料，有中蝦,魚塊,青口等，不過我最喜歡就系多芝士多到d芝士絲多到我嫌麻煩，有種特別既就系佢不是炒底，好讓白汁同芝士與飯mix得更融洽!!!講講海鮮，一食落去真系有鮮味，雖然不能講得上極鮮的感覺，不過已經足夠，而且焗海鮮通常都會令表面肉質過份熟或乾身，佢可能落好多芝士關係，海鮮keep到佢應有既水份!!!最後點左杯凍檸T，失望了的，不過算啦，個飯的確囉哂分!!雖然裝修就好茶記FEEL不過食品質素才是重點。最後$44 k.o. 下次我會去再試試其他生蠔及其他小食!!P.S. 應該是老闆娘，樣子還清秀的，而且蠻健談，亦聽到佢同其他食客傾湊女經!!! 這種人情味我很喜歡!!…Read More