melmeleat's Profile

見咁多學生食應該冇死，點知茄湯雞扒米線都可以出事。首先上左個茄湯米線先，等左約莫兩分鐘先上個雞扒。中間有偷食下米線，已經勁淋，等完個雞扒更淋🥲個雞扒先「出色」，文字叫「雞扒米線」，幅相係普通茶記見到既雞扒，諗住係煎，點知係炸既！！！仲要炸到黑晒！！！勁細塊！！！濃邊位根本唔食得，皮係脆卜卜但其我唔係想食炸😰同埋重點肉有少少澀味，似乎係唔新鮮，放得太耐。食完肉仲有大半碗茄湯米線，入面得韭菜、芽菜、芫荽，投降唔食了。唔知原來佢係咁出名，但係唔會有下一次，元朗有更加多好嘅選擇。…Read More

諗住咁多人推薦實冇死，不過食完就覺得同推介有出入。👆🏻上面normal all day breakfast $138👇🏻下面light breakfast $128坐低叫完餐先通知剛好waffle 機壞左轉左酸種麵包，算，但片包好簿亦冇特別，口感偏韌。焦糖香蕉則邊太濃好苦，要批左d 濃邊先食到😑沙律菜冇汁好raw…….. 其他嘢味道不過不失，菇菇同番茄仔juicy，但份量連我咁細食都覺得少。你話呢度要$128再加一即係$140 真係唔值，呢個價真心有更多選擇！🫠咖啡係幾好飲，default 有溝豆，而且好大杯，飲完我夠飽既。不過留意返呢度冇套餐，一杯要$48加一即$52.8。服務方面，明明QR code 落單好難搞錯枱號，男侍應都可以亂放隔離枱，仲放錯左兩次😅仲有我叫light breakfast, 來餐我舉晒手都放左對面⋯唯一女侍應幾細心，有留意到跌左餐具補上新餐具。最後環境，裝修靚，歌好聽，但真係好細好迫，人多時你唔會想坐得耐，食完就走😅結論：太貴，個人唔會encore…Read More

第一次黎食，又係想俾最愛一餐驚喜，野食貴，但諗住食得好食得滿意，叫左少少唔夠再叫，點知叫左少少就可收工前菜叫左湯同沙律，個湯冇乜記憶，而個沙律麵算好食，但唔好諗住share，因為好細份，味道算幾好食，但唔突出。之黎等左好耐，差唔多有九個字，終於上主菜。主菜叫左豬肉果個（唔記得咩名喇），250蚊左右，真係十分十分細份，女仔都唔夠男仔點會夠食⋯而且重點是唔熱架！我同另一半都中意食肥肉，但凍左既肥肉真係唔好食同濟！食完唔係飽而係濟左⋯之後覺得食左陣風（唔飽又冇胃口），同埋呢度好似出名甜品，咁就試下啦～～羅勒醬加蜜糖雪糕⋯其實個雪糕本身好食，質感亦非出面一般，但加埋羅勒醬好微妙！我個人不太喜歡，同埋都係好貴埋單每人250左右，要再搵地方食野先飽⋯覺得有錢有時間可以去試下，但未必值呢個價，全部都好細份，果然人均消費500先得，咁500又有更多更好既選擇了⋯…Read More

第一次食呢間放題，如同其他劣評一樣⋯刺身冇咩味（覺得全部都一樣味，同爭鮮差唔多），象拔蚌好腥，帶子都腥，甜蝦一般，但唔新鮮，所以刺身食唔晒冇再叫第二轉（食物選擇已經少左一堆）。熟食都麻麻，燒肉大部分肉都太韌，雞翼好似翻煮過咁韌咁咸⋯燒蔬果好少少，菠蘿麵幾好食。梅酒好似比較酸（可能口味問題）。甜品只有雀巢同芒果布甸，但個芒果布甸其實是果凍，仲浪浪下，拎上手以為未雪好，而且味道好怪，我食左d咩⋯⋯雀巢都只有兩隻味，雪糕有雲呢拿同朱古力，雪糕糯米池有黑芝麻同荔枝⋯:(總括就是食物質素一般，選擇少，環境衛生差⋯…Read More

今次食套餐，基本上係幾好食⋯但絕對唔會再食佢地d鮑魚叫完半個鐘差唔多一次過上晒d菜，張枱都唔夠位放:(不過野食算唔錯，尤其蔬菜類我覺得幾入味，飯麵都好食，份量十分足夠（半席應該可以俾8位成年男女食）。炸子雞就麻麻地，皮脆但好乾。不過個主角--鮑魚就太差喇一黎就俾隻有黑點既鮑魚，好似腐爛左咁，好在叫服務生過黎有立即同我地換。但換返黎就發覺隻隻鮑魚都咬唔入，我食完隻鮑魚好似咬左半個鐘香口膠咁攰最後其他人都咬兩咬就食唔到了。…Read More

之前無意間撞入呢間sunprime cafe，每次食都覺得好食，今次再帶新同事黎食訂左枱準時去到就有位～沙律份量好足，醬汁特別～蜆湯又係好足料，好香濃～同事叫的燒春雞，雞脾好嫩，雞胸就粗左少少～魚皮煎得好脆，好似食包裝魚皮咁脆成條魚起晒骨，魚肉沾上了青醬，層次分明！薯蓉仲正，松露好香，差點想舔碟配菜亦十分好食，有特別煮過，配上醬汁可以叫多碗飯了好味！同事叫的豬柳lunch set最貴既扒類，鵝肝牛扒薯仔粒佢地既扒係我同事間相當好評，由之前的羊架到今次的牛扒，都有讚冇彈，今次都唔例外飲埋杯奶綠，甜得濟XD 不過好似水吧少左個人？原諒佢地啦呢間餐廳雖小，但水準真心拍得住酒店，而且平均lunch消費都唔過100蚊，有前菜+主菜+飲品（免加一！）cp值超高！即使說是觀塘區最好食既cafe都唔過份，我都好難諗到邊間cafe好食過佢。食物睇+食得出有用心料理，至少配菜唔hea，次次都有d唔同，醬汁又好好味，同成個餐好夾，食到唔同既層次，份量同用料都唔偷雞，服務亦很專業有禮食完唔會勁飽，但感覺相當滿足～款款都好食有驚喜，從未中伏我對呢間餐廳充滿期望！希望可以keep住水準…Read More

第一次光顧，11:30打去訂枱，準時到但大門鎖上入面好多人，按極門鈴都沒人出來，要個客人開門俾我地。我地九個人，入到去見到滿座，心知不妙，原來冇同我地留位好在等左十分鐘就有位，以下係我地九個人既感想：野食方面：（1）焗雞薯蓉（$78要加一）湯係ok既，雞都焗得好食，juicy，但其中一個雞唔熟，後來有換另一碟，態度良好。（2）白汁千層麵（$88要加一）可能煮到太溶，好難搵到麵，似食緊一層漿多過千層麵。味道是ok的，但你想想加埋一要98蚊就。（3）千島醬pizza($78未加一）味道平凡，唔似千島醬，餅底似曲奇食食下成個面食甩左。（4）咖啡好飲。服務方面：（1）訂左枱冇幫客人留枱（2）等左好耐冇serve我地，服務員極不主動由於冇留枱，等到有位時是分開的兩張四人枱，我地等左好耐都冇拍埋張枱俾我地，咁我地唯有自己拍。後來坐底，冇人俾餐牌我地，要自己出去拎。水都等左好耐，最後兩杯要叫收銀的女人先有。服務員似新仔，人是不少，好似都好忙，但冇效率完全做唔到野咁:(水吧個男人企左係度好耐，我地就等水等足咁耐。（3）野飲野食只會放一邊⋯要我地自己傳（4）我地九杯咖啡，得兩杯奶仔咖啡黎到，得兩杯奶仔，要refill幾次先夠用，係幾環保糖都是剛剛好。（5）餐包同咖啡餐具我地九人是一張長枱，但餐具、牛油、麵包、糖都係一碟咁上，東邊拎完先到西邊，其實分多隻碟上會好好多。以上既服務仲加一，加埋$72.2服務費。佢地有蓋滿十個印花，翌日可免費食一個餐的優惠。今次雖然已蓋了九個印，但似乎冇人想再幫襯。…Read More

今日lunch好肚餓，諗住去食好野，黎到見到呢間好似幾好食，服務員亦親切友善，就叫個外賣返公司食到俾錢同等野食果刻仲好有好感，餐廳既客人都食得津津有味！但到拎野食果刻我立即心諗：咁輕既。⋯好似得半份咁⋯加埋杯熱檸茶盛惠42蚊⋯老老實實，味道是不錯的，飯都好有咬口，只不過外賣盒冇間隔，令食物那埋一堆，賣相不討好之餘，仲令食物味道混埋一齊⋯沙拉汁應該本來是撈菜的，但一邊食雞還一邊食到沙拉汁。份量亦偏少，適合減肥人士，但不適合我呢d咁肚餓既人，食完頓覺空虛⋯如果哪天我想減肥，會考慮堂食。…Read More