vicky_manleung's Profile

呢間即係以前既越興園，原本以為淨係食越南嘢，仲擔心唔啱食，都係諗住博下有冇野岩食。但係佢搬咗過嚟之後，多咗好多選擇，有自家製拉麵、有焗飯、荷葉蒸飯、仲有特色嘢飲。最搞笑係見到有啲法式炒飯，又有法式炒西蘭花，唔知咩玩法。因為唔太偏好越南嘢，所以就試咗個荷葉蒸飯，都ok既，有少少似梅菜扣肉飯咁啦不過環境就幾乾淨，坐得幾舒服。下次想試下佢個法式牛柳粒炒紅飯，唔知係點架呢…Read More

今晚夜左搵野食，成9:00都 唔知食咩好，突然醒起咖啡綠茶，之前食過，印象中都幾好食，，鬧市中有個舒適環境食個飯，都唔錯，仲要主打和食，正～ 唔知係咪轉左新menu，好似選擇唔同左。而家和定食個飯都有得揀，除左白飯，仲可以揀昆布海苔飯或者醬油漬日本蛋京蔥飯，不過要加少少錢，下次試下叫其他飯。主菜選擇都ok，有8款揀，仲有side dish 同冷盤食物製作用心，味道幾好，連我至驚既秋葵我都覺得ok不過因為整得用心，有時會耐少少🤣…Read More

今日同男朋友去食晏，地方乾淨企理，我聽講墨丸自己打，所以我叫左墨丸牛腩米～ 墨點知姐姐落錯單，黎左墨丸牛丸米。男朋友即刻同姐姐講，佢地即刻係咁唔好意思，係咁道歉，其實我冇咩所謂，本來唔換都得，但個老闆（我估係掛）堅持要換俾我，仲話係佢地落錯單唔岩😭😭 真係好耐冇試過咁好禮貌既麵店😭😭 每次姐姐放低野食，都講講慢用，又唔該前多謝後，唔講真以為去左咩餐廳🤣 野食係食到自己打既，墨丸幾香同口感唔錯，但我想講唔止咁，最後俾錢仲只收我牛丸價（因牛腩貴d），話係因為佢落錯單所以唔肯收番原價😭😭 最後我地威脅要dum低$20走，個姐姐先追出黎話收番牛腩價（佢話差價只係$3，唔洗$20，所以一定要追番俾番我地😭） 老實麵家，真係買少見少😭😭 值得幫襯！…Read More

今日同朋友係朗豪搵地方食晏（其實都下午茶時間），大約2點幾.. 因為唔想等，就去左敏華冰廳。其實望入去環境唔錯，我地兩個人好快有位，冰廳既野，梗係要搭枱，重點係一坐低，唔好講笑，真係熱到好似坐係大排檔咁，又熱又曬！冇錯，係曬！我諗原本朗豪個設計係好好，好舒服既，有自然光入到商場，不過我估冇預過果個位開冰廳，坐低左真係「烈日當空」！雖然有幾把「太陽傘」開左，但因為唔係一張枱一把，結果有幾枱係曬到唔係人錯，我環觀幾圍，個個食到滴晒汗、面紅紅，好似就中暑咁... 我好彩少少，有把太陽傘遮下，但我食到一半都唔多掂，差少少暈低！聽對面搭枱位姨姨講，我地坐低前有媽媽同小朋友食野，曬到太辛苦，食到一半走左!!! 其實問心，間野係幾好食既，只係個環境真係好熱好焗好曬...晏晝真係唔建議去..…Read More

今晚同朋友去食呢間任食火鍋，因為肚餓，叫左好多野，其中有炸魚皮、魚滑、雞片、墨魚丸呢d，都已經唔係咩特別野，但第一輪淨係黎左菜，要一追再追，問伙計姐姐，又話執緊要等。咁好啦，我地都食住等啦，等下又半個鐘，我地再入紙order, 又等好耐，如是者，要逐樣問逐樣追，仲要次次好似要乞咁。如是者，魚滑同墨魚丸就等左2個鐘，寫左3張火鍋紙都唔黎，前後兩枱就不停上菜，問伙計又叫我地等下，態度仲要敷衍，野食已經唔係好食，仲要好似乞佢咁食完仲嬲過唔食！…Read More

原本一心想支持下本地舖，上年買過蘿蔔糕又覺得幾好食，所以年前訂左3盒蘿蔔糕同一盒椰汁年糕，佢地話年三十有得拎。我諗住開開心心去換糕，點知去到話蘿蔔糕唔夠數，仲串到得兩個選擇俾我，一係初六先俾糕我，一係退錢俾我（仲要我寫低地址，遲d先寄支票俾我！即係唔係即時有得退錢！） 咩公司？極差安排，買左劵都拎唔到貨！我覺得有時唔係一句退錢就大晒。人地一心諗住拎糕過年，點知問我係咪一定要初一食！開間公司做生意，賣完糕劵可以冇貨俾人！亦唔諗補救方法，一開口就話退錢，好似大晒咁！ 對呢間公司非常失望，最後好嬲又好無奈咁唯有退錢，而呢間咁差既公司，我以後都唔會幫襯！大家買果時都要小心d! …Read More