sun329shine's Profile

今朝難得有一天假期，一早嚟到beans嘆個全日英式早餐。佢片面包好好食，塗上牛油，烘到軟硬適中。半件烘過的蕃茄可減少油膩感。如果可以跟小小沙律菜就更完美了。價錢吾貴，食物擺盤精緻，餐廳環境舒適，服務員態度非常好，讚👍…Read More

今日嚟到大部份的午餐已經賣晒，只不過是下午2:00，炸雞冇曬有骨雞，只剩冇骨。兩個人去食叫咗一個雞湯，一個豆腐泡菜湯。雞湯嚟到食曬泡菜湯還是沒有來，要追問之下原來冇晒白飯，重新煲過。－等再等之下，見到後來入座的，佢地午餐陸績上緊，於是再追問，被告之白飯剛煲起，會陸續上，即係我哋等最耐，但排在最後。剛煮好的白飯好硬，米生，要加進湯等佢軟啲。呢間嘢，冇下次，怕怕。…Read More

工作關係，經常到灣仔米線陣食lunch, 無論味道、份量就一定吾會有驚喜，只係隱陣派。今次就真係不吐不快，第一次加錢要份豬軟骨係小得可憐(見圖)，還是不嬲都係咁小，只係我小見多怪？🤔…Read More

近呢2個月工作關係每星期梗有1、2次經過康城MilkSha, 今日第一次幫襯，攞茶時先想要個茶袋方便直入地鐵，補1元梗係明白，拎咗2個5毫出嚟比錢佢話吾收毫子，okay, 咁找續，職員好吾滿意，大力關收銀機找錢比我，最厲害係她找完錢即刻成班職員走晒响後面大大聲討論，其實唔要收真銀紙要收電子貨幣，咪出聲囉，唔洗咁樣嘢。…Read More

响好早佐敦開店已幫襯，一直都堅信佢的品質、對烘焙的理念。疫情關係，最近有差不多大半年没有到店購物，直至今天! 我用了店裹堤供非常小的銀盤已放了2件bagel, 第3個包的話要叠2層， 還剛剛挾起另一面包，就比前面呀叔移一步，手中面包固之然跌落地，盤中一bagel也跣咗落地。店員好快上前，聲稱會半價收番每個包的錢。需然大家都睇到係前面呀叔，但係店員+店經理只係留住我找數。我反影為何不用大啲的盤，店經理回覆大的盤你們咪又係跌落地! 店經理話，如果吾想揹飛，可以揾店員幫手挾、幫手托，店員可以跟住你一齊行。…Read More

以前附近睇完醫生都會下來吃一碗粥。今天又再係過嚟食番一碗香滑牛肉粥加一條油條。 真係不得了，牛肉完全入口係沒有香滑的感覺，係霉的質感。 油條好明顯翻炸得很厲害，看似很脆口啲油成隻碟都係，裏面係成口都係粉。…Read More

一家三口叫了3碗泰式船河: 火車頭、牛丸 和鮮牛肉，伏晒。廣東河粉而湯底係鼓油湯底，完全不入風味的自家創"泰式船河"，好失望。另外，加叫了串燒和香茅雞翼，不過不失。呀女食晒加叫的，反而至爱的牛丸只係食咗一粒，好醎，河粉食咗小小需然肚餓都不能吃下去。…Read More

中午約12點到達，外面已有一裙裙的人在等位，以為要等起碼1小時以上，誰不知等約30分鐘就可以入坐。首先，餐廳細小，所以坐得逼狹，往往食一碟嘢要起幾次身讓坐入面埋單的人走出來。茶是否係熱茶要睇彩數：睇下呀姐倒給你的佢手上個壺茶是否夠熱，如果係一壺擺得耐的茶，咁你就有暖茶一杯。點心：糯米雞 - 嘩好大隻，好耐都未見過傳统的大糯米雞，好多時酒樓現只供應珍珠雞。味道唔錯，糯米蒸得夠軟，唯獨我個人覺得材料不夠juicy，致令材料的味道不能大幅溶滙於糯米中。蒸腸粉 - 吾記得係牛腸定叉燒腸，粉皮薄，味道拍得住蓮香樓的腸粉！蝦餃 - 都係傳统的做法，皮夠薄，蝦餃不同現時的酒樓一味要大，味道口感不錯！豉汁鳳爪 - ok，跟出的差吾多，我都係要用水先冲下d油先食 ....馬拉糕 - 一般，可以不試。呀姐一見你食完嘢，會嗱嗱林收野，還補多句：有冇野未到？似乎好想你快d走咁的feel ...…Read More

價錢需然只係$79 + 10% 一人lunch buffet，但就絕對食吾到79蚊食物水準。buffet枱的食物特別係嗰d受歡迎的如關東煮、天婦羅經常清空，就連炒面都係經常空盤，問侍應幾時refill食物，回覆只係話見空盤就會去加架啦，其實係味應該差不多冇就要加呢？我中午12點多差不多1點到，未坐滿人都冇食物選擇，真難想像滿人時的情景！最多供應的咖喱飯，白飯/5目飯任裝，再加咖喱汁上反面，味道1般，講真，咖喱反都好難難食，除非你係吾鈡意食日式咖喱。推介有烏冬，可冷食或熱食，熱食的話自己淥熱番d烏冬加熱湯，係全場最滾熱辣的食物。紅豆丸子都OK，紅豆夠林，香甜。天婦羅勁吾掂，出場係凍的。西瓜看來極不新鮮，冇食到。其他就冇乜可以推介 。。。…Read More

午膳$218任食，冇灌湯餃冇蒸腸粉，初聽好似不是十分吸引，抱住都試下的心態就去了。就menu來看，前菜、點心、湯（冇choice的，得一款）、炒粉面飯+一款粥和甜點，基本上都齊的。話梅青瓜：有啲酸酸甜甜的冷盤，昧道醒神，不錯！醉雞：連叫2碟，唔知點解2盤都係睥，味道一般，上海食店會入味啲。脆素鵝：熱盤，即素腐皮卷差不多，炸腐皮內包咗紅籮白、西芹等，水準ok！叉燒：肉質偏實、瘦，一般，什至唔recommend。老火湯：鬚蕊煲雞，幾好飲，如上檯時湯可以熱啲就更好。點心：meet 到酒店中菜的水準，幾乎試哂所有menu有的點心，都不錯！牛崧炒飯：炒得好好食，唔油，干身。蘆薈椰汁糕：超好食！未有幾會試雞絲粥和炆米。茶錢$16起，唔同信用咭有唔同折扣。…Read More

星期六晚Crumbs外排了一條長長的隊,因第一次幫襯,唔知係因為本身好食常常都有條隊還是逢星期六有优惠呢?叫左杯regular加blueberry和strawberry送脆脆,yogurt本身帶甜,唔同出面嗰啲偏酸的yogurt,奶味都食得到,果然跟出面嗰啲yogurt唔同,呢點已令我會再幫襯Crumbs。Blueberry 好甜同啲yogurt夾埋食好夾,唯獨啲strawberry偏酸,跟blueberry …Read More

晚上8點多，小貓3數隻，之前食過它的喇沙都尚可，於是今次試下它的咖喱雞飯加薏米水。咖喱雞飯：非常難食的咖喱雞飯，飯完全係冷飯feel，不熱並已結成一舊舊，很硬很難食。咖喱雞不如改名咖喱雞翼，內有1小件薯仔加3隻雞翼，咖喱雞翼不夠入味，整碟咖喱雞翼冷飯不值$40。薏米水：味道尚可，薏米非常小，要比較的話，池記的薏米水好飲好多。…Read More

未試過這家好彩集團的名爵，拉同事一行6人去午市飲茶，受氣到不得了。首先，知客勁懶，帶我們去一張出入囗位置的枱，我們話不如坐入面嗰幾張啦，她推3推4，但最后咪又比咗入d嗰張我們，而最初安排比我們嗰張檯咪又係安排比只有3個人客坐！！食物方面，大部份食物偏豉油色：鼓汁鳳爪和鼓汁牛肚應為同一個汁/煲煮出來，縱使顏色很深，味道尚可。叉燒腸：揾笨之作，扮上等咁將啲腸粉已切為一小件上碟，總括整碟腸粉只有出面酒樓的1條半‧‧好揾笨，味道唔得，叉燒為了千就腸粉的一小件size，專登切小咗size但厚度還是很厚，總之跟一小件size腸粉唔夾。牛菘菜苗炆米：絕對不是你想象中的炆米，不如改名為鼓油王炒米貼切啲。滷黄金豆腐：超級鹹！埋單更為激氣，各位記住對單，我們已人指出張單多計了那些點心並叫侍應改正後可碌咭，點知等咗好耐後，催促下由另一個侍應拿回來，咭就碌咗2次，void單就得1張，我們話碌錯咗係成set單會比番個客，個侍應講極都唔明，我們叫她揾部長，點知個部長重頂癮，猛話我們錯先，所以要碌2次咭等等，好激氣，我叫他叫番之前幫我們最初埋單個侍應過來講清楚，他還堅持他同事是對但就唔肯承應錯在先。部長冇名牌 gar，問他又話名片派晒喎 ... 非常差的一間酒樓，絕不再幫襯！！…Read More

餐廳內裡的佈置清雅，檯與檯之間有一定距離，有2面大玻璃，從22/F望出去個view不錯，此已值得一讚。食物方面，午餐set有3款，2-4 courses，價錢由$178-238。蕃茄清湯：好好味，清而不濃，冇一般consomme的鹹 ... 唔錯。鮮蚧肉cream湯：好味，蚧肉食得出係好真好鮮的蚧肉，但比較起tomato consomme，呢個cream湯係估到的味道。焗雞胸釀鮮蝦：雞胸不乾都juicy的，但裡面的蝦就冇什麼味道，旁邊伴碟的白蘆筍超好味！慢煮牛肉塊伴面更：下次我一定唔會叫這個菜，牛肉cube需炆得好林、入味，但整体都偏鹹，啲面更（餐廳告知係德國面根）吸埋啲汁更鹹，又冇乜伴碟蔬菜，所以整碟都係一個鹹字。午餐時段起碼都見到10個waiters，好的就係好快揾到人落order、加水等，唔好就係他們會不停响你旁邊走來走去，好annoying，其實他們係咪可以企埋一邊留意客人就可以呢？自己帶酒開瓶費收$200。…Read More

$15一份的蘿白, 唔係唔好食, 之不過灣仔清湯腩好食好多。$32一碗的牛展河, 真係想影張lur番出嚟嗰堆趙唔完的"牛展"比大家睇下,牛展已經切得厚薄不一, 其中一件重要係牛展頭, 大舊有蟭口, 全件lur番出來。河粉粗幼不一唔緊要, 最慘係幾層粗切河粉唔知點解死要黏在一起, 逼住食成扎黏埋一舊河粉。$22半份胡椒肉串, 其實係凍的ricepaper卷, 內裡有一條生菜(冇寫錯, 係一條), 一小條豬肉, 食唔出胡椒味, 大量的米粉(我諗係米粉), 完全冇料到, 唔好食, 靠點sauce好似食濛粉咁食。…Read More