竹子兒's Profile

平時食晚飯多,今次試咗中午嘅套餐！套餐由幾拾至兩佰蚊都中,兼仲有無限量小食,沙律,湯供應,真心抵！雖然價錢平,但食物質素無減到👍🏻叫咗個刺身魚飯（$108？？）,刺身是厚切啊！肉質肥美鮮甜😋另外以半價叫咗一板海胆,刺身盒同燒雞皮串,樣樣都出色,怪不得我差不多次次都叫🤣🤣除咗食物好之外,員工服務都非常得,雖然只得兩三位員工,但落單,收碟都主動做👍🏻👍🏻價錢食物服務好的一間日本菜,真心推👍🏻👍🏻…Read More

清酒又做緊買一送一...梗係要叫啦！隻酒都係易入口兼微甜👍🏻👍🏻不過就淡身咗少少有酒就要叫啲送酒嘅嘢食先夾,炸魚仔同安康魚肝炸魚仔上枱時仲係熱辣辣,一口魚仔一口酒....真係可以食唔停,送酒一流,兼份量都唔少安康魚肝一點都唔醒兼入口即溶👍🏻👍🏻今次人多少少可以叫壽司刺身盒了刺身款款新鮮兼厚切,無論打卡或味道都冇得輸再叫埋池魚王薄切,上枱時已經見到師傅嘅刀功了得,片片厚薄一致,再配埋自家調配嘅汁,沖擊味雷壓軸又點會唔叫串燒呢？真心推介免治雞肉串,睇圖就知,唔多講！燒雞皮...非常邪惡,燒走哂D肥膏,留下只是脆卜卜嘅雞皮😋其剩就係黑豚荔枝卷同豚肉年糕串,兩款都不過不失！除咗食物擺款可以打下卡外,近門口位置都係打卡位之一,不要錯過啊！所有員工都好好服務,尤其係Samuel！佢仲安排咗個生日甜品比我呢！今次訂枱除咗享用清酒買一送一之外,餐牌上嘅食物仲有88折抵！…Read More

沙田食肆多到一個點,但要搵間有室外同坐得舒舒服服就有啲難度,慶幸比我搵到這餐廳🤣最適合同朋友把酒言歡室外地方好大,又可面對河景,係度嘆噃杯真係可以減減壓9pm 前有HH, 6pm 前仲有$100三款小食揀...抵雖然地點距離火車站一段距離,但估唔到平日晚上都會爆場,無他嘅,食物質素有噃咁上下,但價錢就平過商場1/3, 而且服務又好,所以就算遠少少都值得去光顧餐廳有提供由廚師處理燒烤服務,但今次以輕食為主,希望下次有機會試試今次叫咗個帶子意粉同炸波波,兩樣嘢都比預期好,完全無中伏,個意粉價錢仲係收佰頭,我哋兩個食完第一啖都話好食兼抵經過今次試水溫後,相信我哋會再幫襯…Read More

比茶餐廳嘅價錢,但就提供中上質素嘅食物,真心講句係抵！環境裝修都幾靚仔,坐得都算舒服服務都唔差,雖然人手唔算足夠,爆場真係要等耐少少,但店員至少唔會扮睇唔到而走咗去！選擇都好多款揀,總有一款啱你揀叫咗個三文魚墨西哥卷同炒蛋賣相可媲美出面收百幾蚊嘅cafe,但係到只收你$41三文魚唔會薄如紙,炒蛋唔會鞋颯颯係咁嘅環境,咁嘅食物質素,仲有咩可彈呢？唔怪之得係平日10am 已經有人龍出現啦!…Read More

$143 + 10% 一個brunch, 有沙律/湯,一主菜同一杯飲品....唔算天價,食材質素對得起這個價錢,但奇怪竟然包紅/白酒但就唔包咖啡,如果要飲咖啡就要加15蚊,令人費解😓沙律好fresh, 湯好creamy, 濃濃的南瓜味...再配埋佢自家製麵包, perfect 👍🏻👍🏻😋牛肉漢堡配牛油果蓉...估唔到係咁配...牛油果蓉可減輕剩食啖啖牛肉太膩感覺,薯條又唔炸得太乾...正燒春雞皮燒到有少少脆,但仍保持到肉質嬾滑...唔好以為得好少肉,你試過就知有幾多🤣雖然食到好飽,但忍唔住外賣多兩件cake 返屋企食🤣🤣…Read More

服務：同五六星酒店一樣食物： 非常出色價錢：中等環境： 舒適,冷氣都幾大悠閒兼風和日麗嘅星期六,去試咗佢哋嘅weekend brunch $248 +10% each包頭盤,湯,主菜同咖啡茶佢有做2hrs free flow, $180, 叫埋由入坐到離開,無一到令我感覺不滿！員工會等客人食完一道菜先上另一道菜,見我酒杯剩番一半就自動添加,亦會會主動問食物質素,成餐飯令我感覺去咗六星酒店一樣🤣🤣頭盤揀咗蟹餅,啖啖蟹肉又唔醒👍🏻👍🏻今日個湯係椰菜花湯,味唔太濃但就好creamy, 配埋佢哋嘅包就一流主菜真係要推介佢唔三文魚,員工介紹五成熟煮法,真係好好好食,外有少少脆,但中間好juicy,肉質好嫩滑👍🏻👍🏻👍🏻另外亦叫咗牛,叫咗五成熟,廚師真係做到,朋友話重牛味,但可能有少少筋,唔算淋身另外加咗$50芝士拼盤,上枱見到就有覺得份量有少咗啲啲,但有blue cheese 就加噃分！凍咖啡同凍檸菜正正常常,但佢係用大杯裝出,飲完後就成肚水了🤣🤣🤣…Read More

位置： 非常方便環境: 有好多打卡位食物: 多元化服務: 有禮價錢：中位餐廳門口在於地面,要經過一條樓梯先可以上到用餐嘅位置,條樓梯已經裝飾到非常有特色,令你流連忘返,因為實在太靚啦,有好多日本嘅裝飾,令你掛住影相唔捨得上去食飯🤣今晚只得二人,所以無叫到佢哋出名嘅粥同飯,相信下次會必試清酒做緊買大送細,價錢合理,但唔好要求有頂級水準,$429,比到合符水準嘅酒比你,最欣賞佢盛酒嘅器皿,非常靚,keep到凍之餘仲可以打下卡添！餸酒點會少得刺身串燒小食呢,款款都做得好好,刺身非常新鮮兼係厚切,買相一流,串燒燒得剛剛,唔會燒到乾哂身,甲羅燒餸酒就真係一流,但係只不過啲米通上枱時淋咗少少最後叫咗兩款壽司作總結...個A5牛他他較為遜色,因為牛肉粒係全熟,唔係他他,亦牛味唔太濃用了晚市88折優惠卷,埋單$1700, 中規中矩,總括來講,這間餐廳無論各方面都比較中上,亦會翻兜之一…Read More

入到餐廳內,真係覺得係為咗鏡粉而設嘅餐廳,全部被佢哋嘅相片包圍住🤣🤣大家唔太好海鮮,所以叫咗大路食物！湯底叫咗杏汁白菜豬肺鍋,冇諗過杏汁味好濃,豬肺不是這一兩嚿,食極都仲有,果然係真材實料😋😋一行六人叫咗16碟食物,最出色係潮牛,叫大$369可選擇兩款牛嘅部位,賣相同質素都係上盛,百花釀魚肚同自家製蟹皇包都非常好味,仲有必試嘅係爆汁四寶丸,一次過滿足曬你所有嘅口味！另外亦叫咗少少熟食小食,包括冰火鮑魚,椒鹽粟米,炸午餐肉,冰火魷魚,最出色只係椒鹽粟米,其他就一般般啦！埋單$2300,服務一流,又免開瓶費,冷氣又足,雖然我唔係鏡粉,但都會再光顧,真心講食物質素同價錢係成正比！…Read More

無得去旅行點都要搵D靚靚嘅餐廳去慰藉一吓地點：非常方便,港鐵站一出就係環境：唔使再多講,無論室外或室內,你都可以搵到位打卡,不過最多下午去,有陽光下影相會靚D！另外,最好避開多人去嘅時間,否則,只會影到人海多過景食物： 因晚餐時段去,無得試☕,🍸由$88起,唔係叫平,但有景就值噃哂！叫咗小食脆炸羊助骨$128,份量估唔到咁大,羊味唔算濃,雖炸但仍保留肉質嬾滑,配啤酒一流👍🏻😋再叫海膽忌廉意粉$138,只有兩片加膽係面,其他就係磨菇配菜,意粉偏淋,味道一般Tiramisu $80: 上層如熔岩般流落嚟,仲唔係專為IG 而設🤣🤣不過如果咖啡味同rum酒重多少少就perfect!二人兩杯cocktail, 兩款食物加一甜品,埋單$580, 有景打卡都算係咁！…Read More

剛入到元朗又路經過阿萊,所以就速成這一餐泰式晚餐！自助落單呢非常好方便！環境：都算舒服...可能我哋坐sofa 卡位服務： 員工都勤快價錢： 略偏貴食物：大蝦柚子沙律： 食材全部新鮮,但柚子唔甜,個汁唔夠味小食拼盤：每款都有兩至三件,蝦餅最好味串燒： 勁推😋👍🏻👍🏻姐姐手勢好得,燒完D肉一D都唔嚡口,仲好嫩滑鹹肉炒椰菜苗： 都好大碟,鹹肉好似唔使錢咁,著咗有一半係佢😅大蝦炒金邊粉：賣相好靚,但味道一般甜品：椰汁糕拼千層糕...椰汁糕正常但千層糕非常淋,完全冇咬口原來太多泰菜了..所以未必會再encore…Read More

地點非常就腳就係希慎廣場7字樓餐廳分戶外同室內座位戶外座位非常開揚,黃昏嚟就最啱,因為有微風吹下,非常舒服！室內滿佈墨西哥風情,佈景值得打卡之用！今日唔太熱,仲有微風,所以選擇坐室外與朋友把酒談歡,又係一個愉快嘅晚上！餐廳平日有happy hour時間至晚上七點鐘,$48 杯無奈可能係假期,個waitress 話無happy hour, 所以就叫咗一枝prosecco $330, 正常價吹下吹下又到晚飯時間,唔轉場直落,叫咗炸蕃薯薯條,半份ribs 同ham and mushroom pizza薯仔炸得頗燶,不過勝在大碟（$50）, 其餘兩樣就不過不失,如有機會,會叫nacho 試吓！真心講,這裏係一個非常適合吹水嘅地方！services 就真係無乜😅…Read More

門面細到有時真係路過都見唔到😅雖然店內細細,但佈置得充滿日本風情👍🏻午市有大約五款選擇,試咗個魚生丼同餐牌上嘅海膽丼,再叫咗帶子同油甘魚刺身！以$68 蚊嘅魚生丼嚟講算係咁,魚生係新鮮,但唔好期待比好靚嘅貨,這個係合情合理同理解的！另外個海膽丼如果將蟹籽轉為三文魚籽就更加好了！喜出望外係散叫嘅兩款刺身,非常抵食,油甘魚係厚切,帶子大粒又鮮甜👍🏻👍🏻😋😋希望有機會下次試吓佢哋嘅壽司！…Read More

四人放寬後終於可以同朋友慶祝生日,見咁多好食評,當晚就揀咗這一間餐廳試一試,但....環境：枱與枱之間不太擠擁,餐廳最入可以用板隔出自成一閣地方,方便攪小型派對,仲有一間vip房！當晚剛剛有人book咗間房,人數至少有十幾人,再加上出面坐剩兩張枱,成晚噪到一個點...仲以為自己去咗大排檔食飯添😓服務：除咗落錯咗兩次單,上食物時放錯...大致正常嘅...至少肯寫生日字句同refill麵包食物： 食材質素算新鮮,加咗$68 轉seafoods platter, 係全晚最好味嘅菜,因為隻勁大嘅牡丹蝦同大大粒帶子！頭盤其他人分別再叫咗鴨肝同鵪鶉胸沙律試試,異口同聲母大驚喜第二道欣賞嘅菜就係白菌湯...濃濃嘅菌味兼食到粒粒白菌...正😋主菜： 羊扒同肉眼！羊扒叫咗medium rare, 但出來就medium well, 慶幸仲食到羊味！肉眼扒就做到medium, 肉質嫩！甜品：中規中矩價錢： $460 5 course, 係CWB 應該仲有好多選擇…Read More

$138 就有哂貴嘅食材丼,唔怪之得係新蒲崗餐廳排列頭幾位！唔好以為價錢平就將貨就價,除食材新鮮外,亦見賣相有花過心思！尤其是海膽用木板上,真係為打咭以設😁除海膽味甜外,三文魚籽粒粒飽滿,拖羅蓉肥美,嚟這裡唔食這個丼真係會後悔！午市定食有包沙律同麵豉湯,麵豉湯不是普通貨,料非常多,真係見到餐廳用心去維持食物質素！同行人叫咗叉燒拉麵,兼用優惠價追加帶子刺身同吉列生蠔！相比丼的話,拉麵就有少少比下去,唔係話唔好味,係丼做得十分出色啫！帶子非常鮮甜,唔似係冰鮮雪藏貨👍🏻👍🏻吉列蠔：炸粉唔厚,蠔亦唔會炸到乾身！再叫熔岩海膽魚餅,唔好睇佢烏卒卒嘅外表,入面包住流心嘅海膽,真係好食到不得了最後試埋個海膽豆腐,豆腐好香黃豆味同滑,完全唔同“百x”嘅質素,海膽就係味濃嘅加拿大膽,真係絕配！餐廳仲免收加一添,所以係同區食日本菜的話,海膽仔已經係我不二之選了…Read More

叉燒燒味係香港特色食物之一,而這間又以叉燒主打的食店,身為香港人,無理由唔試啫！叉燒飯有分肥同正常叫,無奈驚個胃頂唔順太油嘅食物,所以叫咗個正常叉燒飯試試！唔好以為正常就係偏瘦或嚡口,反而剛剛相反,肉質淋兼有啖啖炭燒味,兩隻燶邊河包蛋,再加埋葱油同甜豉油,連我本身唔好飯嘅人都食哂碗飯🤣🤣其實唔好睇個碗細細地咁,飯量足夠應付一位男仕的胃午市加$8可以轉特飲,杯特飲值頭係增肥之選😅除咗叉燒出名外,都仲有其他肉類選擇！總括來講,這間餐廳係同區算係大件夾抵食之選…Read More