人渣雲's Profile

朋友生日飯，得２個女人，諗唔到食乜，但求方便好坐，星期一嘛（第二日要返工）！呢度都真係幾好坐，座位寛落，不過地方油笠笠，要小心睇路。用餐後，難免全身都有燒烤味。無論，幾人入位都會得到一大堆韓式前菜（唔記得影，只記得食），最欣賞係個海藻。上菜時間算合理叫咗一客海鮮蔥煎餅及一客韓式炒粉絲。呢２樣餸夾埋應該足夠3-4個女仔食，好彩最初選擇＂睇定啲先＂煎餅淡口，無乜味道；炒粉絲味道似我自己屋企整咁。生咗好多水，牛肉少少乾，最討厭係隻碟崩到咁都仲用。全單連埋加一$200…Read More

是日lunch沒有提供堂食，只好外賣了。叫咗一客菜飯，加3個餸，分別係炸雞，炸蝦，薯餅，再加black coffee，共 $100。飯用上日本珍珠米，凍咗依然軟淋淋。兩個人食一個飯，因為我哋盡份走低碳路線。炸雞的確有水準，份量也多。炸蝦也不錯。…Read More

行完個山，琴日喺荃灣以為佢唔開舖，無食到，今日補返數。叫咗仁杏露+合桃露（雙併，以價高者為準），芝麻糊+紅豆沙，喳咋。喳咋無椰汁味；芝麻糊普通；仁杏露+合桃露就仁杏味都算香。今時今日嚟講，呢個價算合理啦。如果整得fanny就係貴野啦！源記（已摺）$37-39蚊，唔值㗎，賣名氣，地點，情懷。…Read More

由以前新開張嘅長龍到我當日去係唔洗排隊就知乜事。不過我死心不息係要試。我地一行3人諗「穩陣啲好，叫2樣野先！野飲同souffle Pancake咪住先！」叫咗一個滿天星肉汁忌廉蟹肉餅蛋包飯$208。個蟹肉餅都算合理，不過個蛋包飯真係唔係路，茶記啲炒蛋都仲滑過佢，個價係payfor the location, not the quality of the food．亞媽，我知錯啦！明太子大蝦意粉$158。不用多說。食完一啖以上嘅野，唔會叫其他嘢喇，去另一間食啦！Waiter一見你地食晒野，就會即𢴇走，好efficient㗎，同澳牛差唔多。如果冇用vouchers比錢，我叫朋友陪我嚟，我會超級內疚。另話，大埔某大型商場嗰間蛋包飯先係正路（不過服務都係麻麻地），而家多咗間分店喺cwb。同一個價錢，會有唔同嘅享受。…Read More

今日一行3人，由朋友A帶隊，行到呢度佢停低咗。我心諗「我n年前同另一個朋友嚟過啦，之後行過路過都冇再入」，還記得當年要排隊。厚Pancake真係pancake，唔好好誤會係蛋白疏乎厘，騰騰震嗰款。蛋味香味？我食唔到呀！Cream同icecream都浪費甜品quotaWaffle同個pancake都係一樣啦因為中午食唔夠飽，朋友叫咗呢個素紅酒燉牛肉飯，佢話好好味，要比4.5分。飯係用上日本珍珠米。記得呢度係要自己jump水，同唔可以加單。地方細細，肥大啲嘅朋友就辛苦啲啦！…Read More

每日嘅邪惡食物quota不多，只能點一味了，揀咗waffle + Vanilla Ice Creamwaffle 好味，唔係其他地方嘅怪／整色整水／添加味，係原汁原味的雞蛋味呀，我好喜歡，而且脆得嚟又唔會過火／燶，雪糕係Movenpick絕不遜色。仲有喎，對住呢個咁優美舒適嘅環境，坐喺度絕對係一件賞心樂事啦！喂喂，你睇下個牌嘅Honey Crispy Banana Wafee w/ Ice Cream同埋Affogate，係咪好想試呢？！ｈａｈａｈａ，待續．．．…Read More

跟menu抄：意大利黑松露醬炒滑蛋，Granola配希臘乳酪，法國核桃杏脯包，法邊豆，雜菌，蕃茄，挪威煙三文魚，黑松露豬肉腸。無驚喜架，正常水準，價錢合理，職員禮貌敫勤。…Read More

前日已經好想買，日日路過個架都冇（陳皮豆沙）貨今日有啦，$78真貴架。但好好食，皮薄陳皮味好香，而且有咬口。同老公兩個人，三日食完。P.S. 我成世人第一次食呢個味既月餅，比較唔到。老伯很友善，喺舊舖反而未見過佢。…Read More

今次真係伏伏伏。是日星期六 ，喺西貢遊玩完，時間未到4點半。怕喺西貢離開會人多，於是經mos離開！以前記低咗一家餐廳一直想去，可惜search一search之下，發現她己經結業了。唯有搵下開飯有乜介紹，搵到呢家高評分既餐廳。知客姨姨話冇tea set供應。我心想「No problems，雖然怕正餐太食會眼花。好食嘅話，就得啦！」，姨姨帶位時還溫提 用餐時間係個半鐘。坐低咗，待應姐姐埋嚟杯水。出晒煙既，同她講「半杯就可以了」，她冇理，我哋就叫「唔洗倒第二杯，我哋倒開一半」。落單5:07pm。全間餐廳計埋我哋係2定3枱。叫咗酥餅、青芒沙律、蜜糖燒肋骨、青咖哩（牛）。落單後既15分鐘乜都嚟。我主動去問，個男待應（長輩形）：「係咁耐㗎！」。我話「唔緊要呀，我等多15分鐘啦！」。佢轉頭攞咗碟青咖哩嚟。其間都好後悔㨂咗呢間，一路講「有直升機 （伏伏伏伏）呀」，本想叫杯飲品，不需要了。真心有想去埋單，唔等，轉場。太餓了，KO完佢。時間再過15分鐘，再問，就嚟碟沙律。嘩，等半個鐘有沙律食呀～～～明既，好食嘅嘢要等嘅。蜜糖燒肋骨，menu上標示thumbup（推薦）。$88 六件，一件長2.5-3寸。唔入味、無蜜汁味，所以都唔食啦。我諗緊，同一個價錢我食M記啲炸雞或者隔離Mo's burger仲開心啲。 埋單時，快要6點，見一名女子入內order外賣，男待應說有11張外賣單等緊，女：「要等幾耐？」，待應「9個字啦！」…Read More